أبي أماكن حلوة في الرياض ؟؟
ياليت كل وحدة تعرف تحط لو مكان واحد ... أنا من عمري وأنا في الرياض ولا أعرف وين أروح...
الله يرزقكم ما تمنيتوا
بصمة زمن
02-03-2008, 07:11 PM
فيه عندك اسواق وهذي كثر التراب ومطاعم واحلاها ديكور واكل: البيت الدمشقي بين يامال الشام و مكتبة جرير في شارع العليا-الريف اللبناني شارع التحلية-البيت الايطالي طريق الملك فهد وملاهي واماكن ترفيه عندك طريق الثمامة مليان واحلاهاشاليهات الثمامة - فانتزي لاند -المرسى بس ما تنفع في البرد فلذلك عندك الملاهي المغلقة البراجون طريق الملك فهد واذاتبين كل هذا عندك غرناطه وصحارى توسع الصدر تبين تتسوقين تاكلين تتقهوين تلعبين كله شغل حلو واذا تبين تطلعين مع بنات عندك مملكة المرأة ومركز فانتيل النسائي طريق الملك عبدالعزيز وبس اتمنى اكون افدتك وان شاالله اذا رحتي تنبسطين
ريفان الدمام
02-03-2008, 07:34 PM
مشكووووووووووووورة
همس الغروب220
02-03-2008, 08:50 PM
في عند الضوء الخافت مطعم وفيه جالسات مره حلو
والريف اللبناني
فديركرز
شاليهات المرسى بس ماتنفع الا لحقون العضويه بس يمديك تاخذين جلسه
ملاهي عندك الحكير لاند وستار ستي والبراجون
اسواق صحاري ايكيا المملكه كيكا وغرناطه حياه مول وصحارى بلازا الفيصليه وروحي مطعم الفور سيزر او سبايزو في المملكه الاثنين
وروحي الفيصله مطعم في الهافنكرز
وعندك الثمامه فيها شاليهات ومنتزهات على كيف كيفك بس انا مااحب اروح للثمامه
ديمممه
02-03-2008, 10:30 PM
زيدونا حتى انا ابي اعرف
ميثانول
02-05-2008, 09:20 PM
جزاكم الله خير..
بس ما أحب الأسواق
باشا
02-06-2008, 03:44 AM
مادامك ماتحبين الاسواق الله يعينك كل شي حلوة وكل تمشية عندنا في الاسواق...
بس يمكن تحبين المنتزهات و الملاهي..
عندك الثمامة ...وعندك الحكير لاند
موفقة عزيزتي
حب جواااان
02-16-2008, 03:33 PM
يسلمووووووووووووووو
الولهانه
02-24-2008, 07:49 PM
في مطاعم كثيره في شارع التحليه منها تشيلر وابل بيز وفيه معطم افاد الهندي روووووووعه والريف الايطالي وفيه بالتحليه كافي حلو اسمه اروما كافيه وفيه بعد وقت الشاي فيه مطعم حلو في طريق الملك عبدالله اسمه افكادو وغير الاسواق الي ذكروها الاخوات فيه سنتريا وفيه مطعم وكافي عائلات حلو
ام سوير
02-24-2008, 08:13 PM
عندك غرناطه مره حلو الكثير عند اهل الرياض
ام سوير
02-24-2008, 08:26 PM
عندك غرناطه مره حلو الكثير عند اهل الرياض
فيوليه
02-24-2008, 08:32 PM
(( يابنات بالأمـــانه ماتشوفون وتلاحطون ان كل اماكن الترفيه في الرياض تنحصر من خلال سوق+اكل مطاعم وكفيهات))
ماعندنا شي يفتح النفس وقسم بالله
تقولون لي منتزهات الثمامه...مو كلنا نحبها لأنها صايره هناك انواع المسخره والأشكال الي ترفع الضغط..
:0147::0104:
ملاهي..مب من زينها كلها حاطين لنا الحكير وستار سيتي والحمدالله والشكر :0148:
ليه مفهوم الترفيه عندنا اكل وسووووووووق؟؟؟؟:042::042:
الله يعينك حبيبتي وقسم اوقات اطفش من نفسي من هالمشكله..مع اني ولله الحمد الرياض مايقى فيها شبر مارحتله وحافظة اماكنها حفظ..
بس انقهرت انك تسألين عن غير الأسواق ومافي شي يساهل انه ينذكر
delicate butterfly
02-25-2008, 08:40 AM
صادقة صارت الوحدة فينا إذا بتطلع هي وزوجها تلف تلف بالسيارة وفي النهاية مطعم من المسخرة وقلة الادب الي صايرة شي مو طبيعي
الله يحفظنا ويعافينا
ميثانول
02-25-2008, 07:00 PM
أنا أصلا سألت أبي أماكن حلوة أتمشى فيها لأني ما أحب الأسواق أبدا
لأني أروح لساحات ولحدايق حلوة وهادية بس ما أعرف كثير
وأبي الي تعرف حدايق هاديه تدلني عليها
نجمه الرياض
03-04-2008, 05:31 PM
يؤؤؤؤؤؤؤؤ حدايق من زمان عنها بصراحه الحدايق صارت محد يروح لها وعلى قولتهم تمشياتنا بالرياض مطاعم واسواق بس فيه شاليهات حلوه مثل الفانتزي لاند والمرسى والثمامه خذي شاليه عشان يصير تغيير مو شينه الشاليهات وروحي مطاعم مفتوحه مافيها سقف مثل سنتريا سنتر فوق فيه مطعم مفتوح لينوفر ومطعم انتركوت بالفيصليه بالدور 44 ومطعم الفن اي ماعليه بعد
أم عبدالله99
03-04-2008, 05:48 PM
والله انك صادقه بس فيه على طريق الخرج منتجع العارض وسط ماعليه حلو