انا رايحه الرياض هالخميس وابي اعرف اهم الاماكن السياحيه الي اروحها في الرياض
وياريت الي عندهم خبره يعطوني برنامج ليوم كامل في الرياض بس ابيه يوم ممتع
همتكم يابنات معاي ... لاتخلوني
&لمعة الماسه&
02-05-2008, 06:47 PM
وش دعوه يابنات ولا رد واحد
وينكم يابنات الرياض
لمسات مبدعة
02-05-2008, 07:45 PM
اهلين الماسة
عندك الملاهي نسائية
حكير الدائري اعتقد مخرج 9
تولان طريق الملك فهد
البرجون نفس الطريق
عوائل في الثمامه
واذا تبغين زياده ؟
&لمعة الماسه&
02-05-2008, 11:44 PM
ايه ابي عده اماكن بحيث اقضي يوم حلو في الرياض مطاعم وملاهي ومجمعات واي شي تشوفون انه حلو وممتع
همس_المشاعر
02-06-2008, 02:10 AM
بما اني اروح لها دايم ومحفره شوارعهم بعطيك اكثر اشياء اروحلها وحلوه
عندك المجمعات احلى شئ وممكن تقضين فيها وقت طويل:
الحياةمول+صحارى(جنب بعض)
الفيصليه+المملكه(مملكةالمرأه)حلوه الجلسه فيها
وعندك خريص بلازا+ومجمع غرناطه
وعندك العليامول
******
فيه اشياء نسائيه مثل البراجون ونسيت اسم :0148:المهم على طول الشارع يجي الحكير وستي ستارز مدري ستارستي
*****
المطاعم واجد ارجعي ((لملف السياحه))تلقين البنات كاتبين كل الاماكن الحلوه والكوفيات
********
اتمنى افدتك بشئ ورحله سعيدهـ:061:
فيونكة
02-06-2008, 02:20 AM
سلاااااام
سوووق المملكة والفيصلية وصحارى وحياةمووول وغرناااطة ............الخ
ملاهي حكير لاند وستار ستي وبرجون وتولان
منتزهااات الثمااااااامه كلهااا حلوووه
شاااارع التحليه مررره حلوو
ووومددددري وش بعد
وانا في الخدمه
باشا
02-06-2008, 03:41 AM
عندك برج المملكة فيه مول وفيه مملكة المراه وفيه مطاعم وفيه المطل
فوق اخر شي في البرج....
وعندك الحياة مول اجدد مول وجواته سوبرماركت الدانوب ومحلاته مميزة وغريبة
واحلى مطاعم عندنا في شارع التحليه طبي واختاري..
موفقة....
&لمعة الماسه&
02-06-2008, 02:32 PM
مشكورة يابنات ماقصرتوا,,, وياريت بعد مشاركات ====>> طمااااعه البنت
الفراشه التبوكيه
02-06-2008, 02:40 PM
اولنااهدي سلامي لجميع من في الرياض ثانيا يكفي انك بتروحين لرياض هذا بحده سياحة الرياض كلة حلو بشوارعة بااهلة اسال اللة يمتعك بهذة الزيارة موفقة00000000
صدفه 33
02-07-2008, 08:20 AM
اهلين حبيتي اذا تبين المطاعم الفخمه وتجنن
عندك مطعم كوبر شندني حلو اكلهم بس مو على غلاه وعندك ست الشام اكلهم يجننننننننننننن بس غالي شوي على شارع الثلاثين وعندك كافي بلان حلو اكلهم والكافي تبعهم يجنن على شارع التحليه
يارب اكون افدتك
رذاذ الربيع
02-07-2008, 08:56 AM
سلام ... من ناحية الاسواق
برأيي الشخصي افضلها غرناطه فيه مطاعم والعاب جواه
واذا سوق نسائي مجمع بشرى ومملكة المرأه اما بالنسبه لـتولان والبراجون تسوق لكن مافيه ماركات وفيه العاب
والملاهي فيه عندك الحكير لاند وستار ستي على الدائري في مخرج 11
والمطاعم فيه على الدائري نفسه مطعم اوشال بس مدري عنه ما سبق جربته
كذلك فيه مطعم حليو ماعليه مو كشخه مره اسمه مايز امتداد شارع الملك
وفيه مطعم الضوء الخافت ( البحيره سابقا ) قريب من المقصوره
وفيه المطاعم الصينيه اذا تحبين الصيني
وبالنسبه للمنتزهات ما اتوقع بتتحملون البرد موووووت برد
اهم شي لاتنسين الملابس
بس مومشكله المنتزهات طريق الثمامه مليااااااااااااان لكن فيه شي حلو وشي خايس تقدرون تشوفون قبل تدخلون
فيه منتزه حلوه بالمره لكن الحي اللي هي فيه شين مررره
اللي هي منتزه سلام حلوه المنتزه هـذي مره وهي بالاحياء القريبه من اسواق مكه
اهم شي لاتفوتون تطلعون للبر وتشبون لكم ضو
والاشياء الموجوده بالرياض كثيييره مره ماشاء الله
واللي يضيع الوقت بسراحه الزحام والمشاوير تاخذ نصف الوقت
واتمنى لكم رحله ممتعه
senyrita
02-08-2008, 02:26 AM
للرفع
ام سارروني
02-08-2008, 04:10 AM
شوفي حبيبتي لاتفوتين مقهى الجلوب اللي في الفيصليه(البلوره الكبيره اللي فوق)ضررروررري بس لازم حجز احجزي في المقهى مو المطعم لان المطعم غالي ومو ذاك الزود,,,اهم شئ تحجزين بعد العصر علشان تشوفين الغروب ,,,منظر ررائع ...وحياكي الله
الشاطئ الذهبي
02-08-2008, 04:29 AM
هلاااااااااااااااا وغلااااااااااااااااااااااا بك في الريا111ض
وعندك كمان غرناطه مطاعمها والراحه والوناسه فيها توب
وعند ملاهي جنب بعض بس انصحك بتموتين برد فلااااا تروحين وتلقينها علىالدائرى الحكير والمرسى
واذا تبين وتحبين تشوفين الوناسه والهبال والكشخه على طول بدون تفكير طريق التحليه واااااااااو سياااارات واشكال شبااااب وقصااات ولبس وحيوانات كمان معاهم وهبال ورقص
وعندك على طريق العليا العام مطاعم مثل المطعم الهندي وماريز وسعد الدين حلويات
وكمان طريق الامير سلطان الثلاثين كله على امتدده حلوياااات عماااير كامله
والله يحيك وهلااااااااااااااااااااا ومرحبااا
وعلى قولت امي في السنه عيدين وهذا ثالث