المساعد الشخصي الرقمي

مشاهدة النسخة كاملة : الله يفرج هم اللي تساعدني اليوم قبل بكره

دلع الدلوعات
02-20-2008, 07:27 AM
تكفوووون ياخواتي عندنا عزيمه لضيوف اول مره يزوروني

رجال ونساء ولاادري وش اقدم او كيف اقدم

تكفوووووووون دلوني وساعدوني:072:
لاتغرك ضحكتي
02-20-2008, 08:15 AM
في البدايه قدمي لهم العصير لين يكتمل العدد طبعا حسب رغبتك
بعدين القهوه مع الحلى واي شي انتي محضرته مع القهوه وترى فكره حلى السوفليه مرررره حلوه لاتفوتينها بالنسبه للنساء
اما الشاهي اذا كان قبل العشاء حطي انواع متعدده من الشاي وانتي تكونين محظره بالاكواب مويه حاره بس والضيف يختار الشاهي اللي يحبه
بعدين العشاء وبعد العشاء قدمي كبتشينوا او الشاهي اذا ماقدمتيه قبل العشاء
على العموم تقبلي مروري واتمنى اني اكون فدتك بالوقت المناسب للك وماتكون الافكار مكررهوعزيمه سعيده
أم يزن 1
02-20-2008, 08:41 AM
اول شيء العصير للحريم والرجال على طول قهوة مع حلى او تمر بعدين شاي مع معجنات او مكسرات بعدين العشا ماادري انتي بتسويه ولا بتجيب من بره حطي عشاكي ومعاه سلة فواكه للحريم والرجال وبعد العشا براد نعناع ان شاء الله اكون افدتك
HهايديH
02-20-2008, 07:21 PM
الله يعينك بصراحه حريم مع الرجال انواع الحوسه بس حاولي ترتبين نفسك قبل بيومين وتكتبين في ورقه وش بتقدمين علشام ماتنسين شي وحطيها فوق الثلاجه
مثلا تكتبين
عصير
قهوه +حلى+
الشاى+وزنجبيل وفطاير للرجال
شاي ونعناع +مكسرات وكيك او فطاير للحريم
العشاء صحون ومناديل وسلطه وخبر ووووووووو
لانه وقت مايكون عندك الضيوف بتتلخبطين وبتنسين وش ناويه تقدمين
ان الحركه هذي تريحني من التفكير
مــذهلــه
02-20-2008, 08:01 PM
البنات كفو ووفو بس انا اضيف حاجه بسيطه وهي ان الشاي يكون بعد الاكل وحاولي ترتبين نفسك قبلها بيوم تسوين الحلى وتجهزين سله الفواكه والفناجين والكاسات والصحون الزينه اللي نا ويه تضيفين فيها لاااااازم هالاشياء تجهز من الليل
واذا عندك ضيوف كثير وحريم ورجال ما انصحك ابداااااا
انك تطبخين بالبيت لان العشاء يربك الوحده وما يكون عندك وقت كفايه اللي فيك من حوسه
قطعي السلطات من بدري والمقبلات ورتبي بيتك ورتبي نفسك اما بالنسبه للعشاء شوفي مطعم موثوق فيه وكلفيه يسوي الرز
انا شخصيا احب البرياني الهندي اللي يخلطون الدجاج مع الرز ويجي شوي حار واذاتبين بارد بدون فلفل يسون بعد وحتى يجي كانه طبخ بيت
ممكن تكشخين قدامهم وتقولين انك انتي سويتيه اتمنى اكون افدتك وبالتوفيق يالغاليه
اختك مــذهــــلـــه
أميرة البحور السبعة
02-20-2008, 08:08 PM
مالقيت شي اقوله لأن البنات الله يجزاهم الخير سبقوني ..
..ما أقول غير..
عزيمة سعيدة..
تقبلي مروري..
توتي الصغيره
02-20-2008, 08:36 PM
اول شي القهوة وحلى وتمر وماء
وبعدين الغدا وبعد الفاكهة
حبي السعوديه
02-21-2008, 07:30 AM
اهم شي لا ترهقين نفسك وتسوين كل شي بالبيت ...
يا تخلين احد يساعدك من خواتك او خدامه
والا تجيبين بعض الاكل من بره
شـ شروق ـمس
03-02-2008, 06:28 AM
مثل ماقالو اخواتي الفراشات ماقصرن