تكفون بشرد من البيت والسبب الصراصير

[ام مياسة]

الله يسعدكم انا معانتي مع الصارصير فضيعه مافي مبيدات ولا دبابات ولا مدافع الا واستخدمتها وكل مالها تكتر والمشكله انها من الصغار وعجزت معها الي عنده الحل الله يجزاها الجنه تقولي عن الحل

[ام وليدويوسف]

شوي لازم تسوين حمله ضد الصارصير بالبيت
اول شيئ جيبي غطاء للبالوعات اللي عندك سواء للمطبخ او الحمامت او فتحات التصريف
وكبي ديزل او بانزين وغطي
وروحي عند الفتحت او التشققات اللي بالجدران او عند الافياش وسكريها بسليكون صمغ السليكون
ومن ثم جيبي جره وكبيها تحت الدواليب
وبعد كذا اعجني عجينتك ولصقيها عجينه لمكافحة الصاصير تعجن بالزبادي في اماكن ظهور الصراصير
ولاتنسي حوالي الثلاجات
وتحت ادراج المطبخ
وبعد كذا تنظيف للدواليب المطبخ
ارمي الجرايد اذا عندك جرايد متكدسه
او اكياس مي مرتبه
ونظمي اغراضك
ونظفي غرف البيت غرفه غرفه للاخر وبا اذن الله ما تشوفيها
تصدقين انا بهذي الطريقه اختفت من عندي الصارصير ولا عاد يطلع لي الا من فتره لفتره واحد
ولاتنس مواعينك غسل اول باول
ولاتتركي ابدا مواعين وسخه او اكل في الصفايه حقة المغسله
وجيبي بخاخ الملمع وحطي فيه كلوركس وثري
وقبل لاتنامين بخي الدواليب ولمعيها
واذا كان عندك مشمع بالبيت شيليه ترى يزد لانو يحفظ الرطوبه ويكون بيئه مناسبه لها
وهذي هي الحمله اللي عندي لها وجدديها كل شهر ونص
واستخدمي بخاخ بايجون اللي يجي معه مصاص طويل للوصول للاماكن الصعبه رائع للاستخدام
ان شاء الله افدتك وطمنينا ايش صار معك
بالنسبه للي يجون يبخون الشقه ما تسوى بالمره
الا في حاله وحده انهم يبخون لك العماره كلها وكل الشقق بكذا تاخذي النتيجه اما بشقه وشقه لا
اكيد بترجع لك

[ام مياسة]

يعطيك العافيه يارب ماقصرتي يالغاليه

[فراشة موهومة]

أختي الحبيبة أم مياسة فعلا الطريقة الي اخبرتك بها أم وليد ويوسف فعالة وانا جربت العجينة سواء الجاهزة او التى تصنع في البيت والحمد لله كانت رائعة ومكونات عجينة المنزل هي القليل من بودرة حمض البوريك+ملعقة حليب بودرة +ملعقة سكر وماء للعجن وتترك لتجف وتوزع في ارجاء المنزل.

[بيوليتا]

طيب فيه ناس متخصصين لتنظيف خالتي كانت زيك ودقت عليهم ونظفوا البيت والحمد لله تقول ماعاد شفته وسعرهم رخيص بس ميه ريال بس هي بالقصيم مادري لهم فروع ولا لا

[حبيبة زوجها2008]

حبيبتي حتى انا نفس المشكله لاني كنت مهمله اول ما تزوجت لاني توني ما صرلي اقل من سنه اول ما تزوجت تعبت ومرضت وبعدين صارتلي وعكه صحيه طيحتني بل المستشفى وبعدين حمل وحام وباوي وكل هذي الفتره وانا هامل البيت وطلعت الصراصير الله ياخذها والحين نفسيتي مره تعبانه وافكر اجيب شركه ترش لي في الشقه لان انا احس اني الصراصير بس في شقتي عشان كذا خلاص اتصلت على احد يجي ويبخ لي مبيد حشري وقالي 200 ريال ويجي على دفعتين مره يرش وبعد سعاتين انظف وبعد اربع ايام يجي مره ثانيه يزرع ما ادري ايش في اماكان ضهورها وبعدين فكرة اجيب وحده تنظف لي كل شي بس اتمنى انها تختفي ادعولي وربي ضايق صدري مره منها وكاره كل البيت

[جـــــــورية الكـــــويت]

اختى مثل ماقالو الاخوات وعندج بعد العجينه حق الصراصير روووعه بس يبيلها صبر اشوي حطي بكل مكان الى تشكين فيه بس لزم ماتمسكينها بيدج لزم دس تلبسينه حق ايدج

والله يفرح قلبج وتخلصين منهم

[ام نهاد]

مشكور

[ملاك الروح00]

اختى تعرفى محلات الزراعه روحى عندهم وهم يعطويكى مبيد للحشرات رشى المطبخ واسكبى فى المجلى بس يكون بالليل ويكون النور مطفى علشان تتطلع الصراصير
فى عندهم بايجون رائع للصراصير و ايكتازينون وخذى من عندهم البخاخ وعبى البخاخ ورشى المطبخ يوم بعد يوم او ثلاث مرات بالاسبوع بس يكون الرش بالليل وافتح البلوعه حقت المطبخ واسكبى من الدواء المركز يعنى مو محفف
تر الدولايب الخشب يكثر فيها الصراصير
تر مو لازم ترشى الدواء داخل الدولاب عادى انا كنت ارشى تحت المغلسة فوق الدولاب تكاسل علشان مانظف الدولاب بس هى تخرج مع الظلام
وانا سمعت كذلك الاسفنيك الحبات الصغير الى كانوا يضعوها مع الملابس تر تباع فى محلات ابو ريالين ضعيها فى الادراج والدواليب وهذة طارده للصراصير
انا الحمد لله غيرت مطبخى واختفت الصراصير
تقبلى مرورى
تقبلى مرورى

[حبيبة سلومي]

الله يجزاكن الجنه انتن وصاحبة الموضوع خليتونا نستفيد

[حلا ديما]

انا نفس الشيئ ابوي جاب مبيد حشري من محل اظنه محل زراعي علبته كبيره,,لكن يقضي على الصراصير
وتختفي قرابة السنه والله ماشفناها ,,وهذا المبيد لازم ماتحطوه الا ونتم خارجين لان ريحته قويه ,, طبعا هو يصب في المجاري
والغسالات والحمامات بس ريحته قويه