لكل انسان خائن "الفيه"

[" نور الدنيا "]

ألف أولف ياهل الحب واشكي..
من واحد لامن تذكرته أبكي..
باقول كل اللي حصل منه واحكي..
وابين الخافي واقول الحقيقة..
البا بديت أشوف منه التغلي..
يوم اعترفت وقلت له انت خلي..
صار يتفنن في عذابي وذلي..
وماكنت أظن الغدر يتبع طريقه..
التا تمادى في غروره وصده..
والصبر مني انتهى عند حده..
قلبي من الخاين ضروري أرده..
وارتاح من جملة هموم تعيقه..
الثا ثلاث شهور عايش بدونه..
خل الذي غروه هم ينفعونه..
بكره يخلونه يذوق المهونه..
يوجس مثل ماوجست ساعة بدقيقة..
والجيم جاملته أحسبه يقدر..
وأثره بأمر فرقاي ورد وصدر..
وأنا انتظر انه يجي ويتعذر..
لكن ترا مثله يخون برفيقه..
والحا حشا ماشفت طبعه مع الناس..
مافيه رحمه لا ولاعنده إحساس..
ياخذ ذهب صافي ويعطيني نحاس..
ياويل منهو بالهوى نشف ريقه..
والخا خدمته من عيوني ولافاد..
ولاهقيت انه يجازين بعناد..
القلب باسبابه تقل فيه وقاد..
من حر مابي كن وسطه حريقه..
والدال دام الحب واياه مابيه..
مابي أحد عندي من الناس يطريه..
اللي جرى للقلب والله مكفيه..
خلو فؤادي لايزيد بحريقه..
والذال ذكرى صاحبي تتعب الروح..
والنوم ماله داخل العين مصلوح..
أشكي صراحة وأشتكي عدة جروح..
حالي مثل حالي من اللي يطيقه..
الرا رماني أقشر الحظ بالحب..
مع واحد ماظن له بالهوى طب..
حسبي عليه الله عدد كل ماهب ..
نسناس ريح في مسارا طريقه ..
والزا زمان الحب عندي تحول ..
أصبح بدال الحب كره مطول ..
راح الغلا اللي اذكره له من أول ..
مثل القمر لاغاب واطفى بريقه ..
السين سم الغدر ذكته ملاكاس ..
ماهي غريبه نشربه من بعض ناس ..
مثله ولو قدره نشيله على الراس ..
مااظن يوم تصير روحه شفيقه ..
الشين شلت الهم عنه لحالي..
ولاشكيت الحمل واللي جرى لي..
صابر على ضيم الدهر والليالي..
روحي بمر الريح صارت شريقة..
والصاد صدقوني إذا قلت مابيه..
ولاينتظر لحظه أنا اجيه وارجيه..
ولايحسب اني لعبة بين أياديه..
يقدر يمشيني ورجلي عويقه..
الطا طعم حبه ولونه كرهته..
منشان شي يدري اني عرفته..
ولوحبه بشيك الهوى ماصرفته..
حتى ولوروحه لروحي شقيقه..
الظا ظما قلبي من الشوق زايد..
والقرب أصبح بيننا اليوم كايد..
والحب ماظنه ولاهو بعايد..
لوعشت أنا وحدي على ارض سحيقة..
والعين عيا القلب ماهو بحاصل..
يقول ماقدر مع هل الغدر أواصل..
الحب جمله مايبي له فواصل..
وينعاف لوروحي ببحره غريقه..
والغين غادرت المحبه بلا حد..
وبينت له أهم الأسباب موجز..
من يتهمني بالكذب قلت يعجز..
يثبت علي الكذب بأية طريقه..
الفا فلاوالله بقى له معي شي..
والله مايطري ببالي ولاحي..
طويت أناصفحة قديمه معه طي..
طي الثياب اللي يريد تعليقه..
والقاف قررت انهي الوضع كله..
وأعاف شمس الحب وارقد بظله..
ومن جا يبي روحي معه قلت خله..
خلها تجف جروح فيها عميقه..
والكاف كل اللي مضى لازم أنساه..
وانسى جميع اللي جرى من زواياه..
الحب له بلوى وياكبر بلواه..
إلا نصب لك بالعدا منجنيقه..
اللام لاوالله ماضاق صدري..
على فراق اللي جحد كل قدري..
أدري بشي وبعض الأشيا مادري..
هذا يخص الله رب الخليقه..
والميم ماودي انااجني على الحال‎ ‎..
ودي اعدل كل شي بها مال‎ ‎..
واترك زمان راح واريح البال‎ ‎..
والحظ لامن نام لازم تفيقه‎ ‎..
والنون نية صاحبي ليه شينه‎ ‎..
وانا معاه امشي بنية حسينه‎ ‎..
ألحين أنا بطلت زينه وشينه‎ ‎..
لابي عسل حبه ولاابغى رحيقه‎ ‎..
الها هدمت الحب واياه مليت‎ ‎..
مليت من كثر التمني وياليت‎ ‎..
ياليتني ماكنت بالعمر حبيت‎ ‎..
ولاعرفت الحب ولاطريقه‎ ‎..
والواو ولت كل ذكرى وماضي‎ ‎..
من دون مانحتاج شرع وقاضي‎ ‎..
هذا حصل واللي حصل فيه راضي‎ ‎..
ارتحت من هم بروحي وضيقه‎ ‎..
واليا ياليت ألقى حروف زوادى‎ ‎..
لاكتب كلام غير هذا زيادة‎ ‎..
وأكمل حوار قمت انا في اعداده‎ ‎..
لويسمعه قلب انقطع من خفيقه‎ ‎..
منقول:0151:

[مياسي]

يسلموووو نور الدنيا

[متكحله بعيون خاين]

روووووووووووعه


يسلموووو

[وسيمه في دنيا اليمه]

تسلمييييييييييييييييين صراحه فن

[" نور الدنيا "]

يسلمو على المرور

[~صاحبة السمو~]

يعطيك ألف عافيه

قصيده رائعه من أنسانه اروع

يحفظك ربي دمتي سالمه ....

[لي عالمي الخاص]

يسلموووووووووو
قصيده روعه

[" نور الدنيا "]

اشكركم على المرور

[" نور الدنيا "]

للرفع