زخة مطر
03-16-2008, 06:15 PM
يا منازل خلي وش طاري التـفـق؟
و الطبول اسمع لها رنه و طقيق
و الدخان اللي ارتفع وقت الشفق
و الذبايح بين مربوط و طليق
و الجهال اللي طمر و اللي زلق
و العذارى لبسهن يعشي بريق
و الإناره في الشجر كثر الورق
و الحواجز ثابته بنص الطريق
و المواتر غارقه ورود و خلق
وين ابسأل مالي في الحاره صديق ؟
يا منازل طمني قلب ٍ عشق
قولي أي كلمه عن احوال العشيق
قولي انه دايم ٍ باسمي نطق
قولي انه ما رضى بغيري رفيق
قولي خليني انشف هالعرق
مرتبك خايف احاتي فيني ضيق
ليه كلامك مختلط رجفه و شهق ؟
انطقي خليني من ظني افيق
يعني قصدك صاحبي مني انسرق ؟
جاز له غيري و قال انه يليق ؟
يعني قصدك في وعوده ما صدق ؟
و ابتعد ما فكر بحال الغريق ؟
آه يا قلب ٍ بهالدنيا وثـق
كم حمل من غدرها ما لا يطيق
كم تولع بالهوى لين احترق
و لي نشف بحر الهوى اش يطفي الحريق
كنت احسب انه لغيري ما انخلق
و احسب انه قيد حبي به وثيق
لكن الخاين مع الدنيا اتفق
و انكسر قيده و رحل عني طليق
مادرى اني في بعاده مختنق
عيني تذرف دم و كلماتي شهيق
مادرى بقلب ٍ بدونه ما يدق
و انه انفاس الهوا لقلب ٍ رقيق
آه من مثلي بكفه كم صفق
عاد لا مات الهوى اش فاد الصفيق ؟
القدر دامه بأمر رب الفلق
طايع ٍ برضاه و ما غيره شفيق
ما بقى غير الشعر فوق الورق
ولا قلبي مات و في قبر ٍ غليق
الشعر مثل الخمر لا من عتق
و انشدوا العاصي عن الخمر العتيق
لا نثرته جاتني سكرة ( عرق )
خدرت فيني الألم و ابتل ريق
يا منازل طبلي لي طق و طق
المعيريس اكتشفت انه صديق
شفته ببشته بعد وقت الشفق
و رحت ابارك له تراه مثل الشقيق
رقصيني عالطبل .. هاتي التفق
ما بقى في ضامري وسع ٍ يضيق
ساقي الشوق
و الطبول اسمع لها رنه و طقيق
و الدخان اللي ارتفع وقت الشفق
و الذبايح بين مربوط و طليق
و الجهال اللي طمر و اللي زلق
و العذارى لبسهن يعشي بريق
و الإناره في الشجر كثر الورق
و الحواجز ثابته بنص الطريق
و المواتر غارقه ورود و خلق
وين ابسأل مالي في الحاره صديق ؟
يا منازل طمني قلب ٍ عشق
قولي أي كلمه عن احوال العشيق
قولي انه دايم ٍ باسمي نطق
قولي انه ما رضى بغيري رفيق
قولي خليني انشف هالعرق
مرتبك خايف احاتي فيني ضيق
ليه كلامك مختلط رجفه و شهق ؟
انطقي خليني من ظني افيق
يعني قصدك صاحبي مني انسرق ؟
جاز له غيري و قال انه يليق ؟
يعني قصدك في وعوده ما صدق ؟
و ابتعد ما فكر بحال الغريق ؟
آه يا قلب ٍ بهالدنيا وثـق
كم حمل من غدرها ما لا يطيق
كم تولع بالهوى لين احترق
و لي نشف بحر الهوى اش يطفي الحريق
كنت احسب انه لغيري ما انخلق
و احسب انه قيد حبي به وثيق
لكن الخاين مع الدنيا اتفق
و انكسر قيده و رحل عني طليق
مادرى اني في بعاده مختنق
عيني تذرف دم و كلماتي شهيق
مادرى بقلب ٍ بدونه ما يدق
و انه انفاس الهوا لقلب ٍ رقيق
آه من مثلي بكفه كم صفق
عاد لا مات الهوى اش فاد الصفيق ؟
القدر دامه بأمر رب الفلق
طايع ٍ برضاه و ما غيره شفيق
ما بقى غير الشعر فوق الورق
ولا قلبي مات و في قبر ٍ غليق
الشعر مثل الخمر لا من عتق
و انشدوا العاصي عن الخمر العتيق
لا نثرته جاتني سكرة ( عرق )
خدرت فيني الألم و ابتل ريق
يا منازل طبلي لي طق و طق
المعيريس اكتشفت انه صديق
شفته ببشته بعد وقت الشفق
و رحت ابارك له تراه مثل الشقيق
رقصيني عالطبل .. هاتي التفق
ما بقى في ضامري وسع ٍ يضيق
ساقي الشوق