الطعمية اللذيذة ..

[لا شئ يستدعي إنحناءك]

السلام عليكم يا فراشات ..
انا بصراحة عندي صديقة مصرية ومره عزمتني عندها ورحت وذقت طعمية تجنن عن جد كان طعمها حلووو ، ورجعت البيت وانا افكر في الطعمية ههههههههه وماقدرت ما اخذ منها الطريقة واجربها .. :048:
بس اول مره ما ضبطتها عدل وصارت خشنه ،، بس المره الثانيه ضبطتها بتعديلات واضافه ماء .. :044:
والطريقة تكون بالفول فقط بدون الحمص وتكون خفيفة ..
يلا ما اطول عليكم ..
* المقادير :
- فول ابيض مجروش ( ينباع بالكيلو مو الي بعلب )
- بصلة
- 2 فص ثوم
- كرات ( بقل )
- كزبرة حبوب
- دقوس
- ملح
- سمسم
- سماك
الطريقة :
1. ينقع الفول المجروش مع الماء لمدة يوم كامل
2. يفرم الفول مع الكرات والبصل والثوم في الخلاط .. والمقادير مثل الكباب تكون على حسب الكميه
واللون يطلع لك اخضر متوسط ..
3. تضيفين ماء للخليط بحيث يكون طري
4. رشه ملح وشويه كزبرة ودقوس
5 . تسخنين الزيت للقلي وتحطين شوي من الخلطة بملعقه طعام كبيرة وتضغطين عليها عشان تاخذ شكل دائرة مسطحة
6. ترشين السمسم على الخليط بعد وضعه في الزيت
7. بعد القلي ترشين عليه شويه سماك وتقدم مع البطاطس المقلية او الطحينة ع حسب الرغبة واذا بغيتو طريقة الطيحنة قولي لي ..
وبالهنا والعافيه على قلوبكم ..
والي تجرب الطريقه تدعيلي وتخبرني كيف صار طعمها .. :072:

[جـــــــورية الكـــــويت]

تسلم ايدج

على الوصفه الرائعه

بارك الله فيك

اختج
جورية الكويت

[أم فـئ]

يسلمو
يعطيك العافيه

[لا شئ يستدعي إنحناءك]

الله يسلمك اختي جورية الكويت
وتسلمين اختي ام فئ
جربوها وخبروني

[ام الوسي]

ماشاء الله شكلها روعة
بس ممكن توضحين إيش يعني الدقوس

[لا شئ يستدعي إنحناءك]

ماشاء الله شكلها روعة
بس ممكن توضحين إيش يعني الدقوس

اختي الدقوس هو نوع من بهارات الفلفل يجي لونه برتقالي غامق ..
اتمنى اني افدتك وتعجبك

[ام غدير*]

http://www.y1y1.com/u/uploads1/714099c523.gif

[رمز الوفاء ام عبدالله]

شكرا لك عزيزتي محبة الطعميه
اذا عملتيها مره ثانيه ارسلي علي

[دلـــــ ينبعاوي ـــــع]

اختي كيف تفرميها يعني بايش ردي الله يسعدك اماااانة انتظر

[لا شئ يستدعي إنحناءك]

الله يسلمك يا ام غدير

تسلمين على مرورك ام الوفاء

[لا شئ يستدعي إنحناءك]

اختي دلع ينبعاوي ..
عادي تفرميها بالمكينه الكهربائية .. الفرامه

[لا شئ يستدعي إنحناءك]

يلا من جربتها ؟؟
ولا كلكم ماجربتووهاااااا ؟؟

[^Nero^]

يعطيك العافيه خيتووو

[حزينة الجنوب]

شكرا.....

[غنــــــــــاديــر]

مشكوووووووووووووووووووره

[دلع حواء]

ماشاء الله شكلها روعة