والله محتاجه للسفر اغير جو بس مشكلتي مع زوجي

[ريفيه بالمدينه]

مرحبا اخواتي كيفكم
اتمنى تقولو لي كيف اقدر اقنع زوجي انا نقضي اجازة شهر اربعه بسفرة حلوة لاني والله احس بضغط وابغى ابعد شوي عن جو البيت وترتاح نفسيتي اكثر بس المشكله بزوجي انه يفكر بنفسه وانه راح يسافر وحده بحجة انه يبي يغير جو ويستانس وطبعا انا مستحيل ارضى بالشي هذا بس والله اني اتمنى هو من حاله يفكر فيني زي مايفكر بنفسه والله اني اني مريحته يطلع على راحته وسهر يوميا واغلب وقته بالعمل يعني بالله من اللي احق بالسفر معه انا ولا اصدقاؤه
الله يحقق امانيكم تدعولي اني انا وزوجي نسافر مع بعض ونستانس ونقضي احلى ايامنا مع بعض وانشالله دعوتكم لي بظهر الغيب مستجابه وانا راح افتح معه الموضوع وراح اوافيكم بالاخبار الزينه بازن الله
بس ادعولي والله يوفق الجميع

[رجائي جنة ربي]

الله يعينكِ ويسخره لكِ
والله مو متزوجه ولأا كآن عطيتكِ حلول
:)

[شموووخ ملكه]

:0149:والله يا عمري جيتي على الجرح انا زوجي مثل زوجك لكن الفرق ان زوجي رحلاته رحلات عمل يعني ما اقدر اتكلم
والمشكله ان العيال هم اللي يكسرون خاطري ودهم بالسفر واذا قلنا له نبغى السفر قال الشرقيه والله طلعت من خشومنا وملينا
واذا سافر وشبع ماله نفس يسافر
وكل سنه وعوووود وما شفنا شيء
على قولتك مريحته ولالالا اجادل وما نفع
اعطونا حلول :0148:

[الأنفاس الصامتة]

أسأل الله ان يسخر ازواجكم لكم ويسخر لي زوجي...
الحلول صعبة اي احد يفيد لأنها تحتاج شخص حكيم
غير أن الأزواج يختلفون من واحد للثاني

يعني في ناس تجي بـ الزن وشوف فلانين وشوف علانين راحوا وجووو


وناس ياويلكم تجيبي سيرة فلانين وعلانين عندهم
تقلبي الدنيا على رأسك..

لكن الحل الوحيد والمبدئي لجميع الحالات وجميع الشخصيات هو:
الدعــــــــــــــــــــــــــــــــاء والتضرع لله سبحانة وتعالى

وهذا كل مافي جعبتي ...
وتقبلي مروري المتواضع اختي الكريمة..

[بنت الطير]

انا اريد وانت تريد والله يفعل مايريد
عليك بالدعـــــــــــــــــــــــــــاء

[شموووخ ملكه]

والله انكم صادقين كل وحده تعرف اللي يمشي مع زوجها ما قصرت قارنته بفلان وعلان لكن دون فايده
المشكله كل اصحابه يسافرون بعيالهم وكل سنه ويعرف ويوعد ثم يبطل قاهرني اقول له لالالالالالاتوعد تعبنا حتى العيال عرفوا اسلوبه

[رهوووفة الحلوة]

جيتي على الجرح عزيزتي
الله يسخر لك زوجك يا رب
أنا مشكلتي ان زوجي ما يحب السفر
بس ان قاله أحد من ربعه تسافر معنا
سافر معهم وأنا ما أعارضه عشان ما يرفض
إذا قلت له نسافر بس = = > لاحياة لمن تنادي

[^*نور*^]

لا ان شاء الله ربي يسخره لك وتسافرون مع بعض
حاولي تكسرين خاطره استجدي عاطفته بدلع قوليله بنخليه شهر عسل

يمكنه شايل هم للاطفال يحس انهم بيكونون مسؤوليه
اذا هم صغار حاولي تخلينهم عن احد تثقين فيه من اهلك

والله يسخره لك ويهديه يا رب

[قلب شوشو]

انا عندي اقتراح اطلبي زوجك تطلعون تغيرون جو بفندق ليله او اي مكان استراحه شاليه المهم نومي اطفالك وعيشي زوجك اجواء رومانسيه عاليه دلليله ابدعي خليك قمه بالرومانسيه لبس غير ستايل جديد حركات حلوه شموع ورد كاسات اضاه لعبه زوجيه ومن هالامور بجد غير الجو عيشه اجواء ثانيه بعد ماترجعون باسبوعين ثلاثه مو على طول قولي يالله لو نكرر الايام اللي عشناها قبل اسبوعين بجد كانت خيال واقترحي موضوع السفر ووعده انك بتعيشه شهر عسل ثاني يمكن ينفع والله يسخره لك ويسخر كل زوج لزوجته وزوجي لي كما سخر الله العبد لسيده ويحنن قلوبهم علينا قولو امين ويهدي زوجي ويصلح شانه بحق السميع العليم ولك تحيه ان شاء الله اكون افادتك

[***القلب الكبير***]

أسأل الله ان يسخر ازواجكم لكم ويسخر لي زوجي...
الحلول صعبة اي احد يفيد لأنها تحتاج شخص حكيم
غير أن الأزواج يختلفون من واحد للثاني

يعني في ناس تجي بـ الزن وشوف فلانين وشوف علانين راحوا وجووو


وناس ياويلكم تجيبي سيرة فلانين وعلانين عندهم
تقلبي الدنيا على رأسك..

لكن الحل الوحيد والمبدئي لجميع الحالات وجميع الشخصيات هو:
الدعــــــــــــــــــــــــــــــــاء والتضرع لله سبحانة وتعالى

وهذا كل مافي جعبتي ...
وتقبلي مروري المتواضع اختي الكريمة..

أنا أوافقه أختي رأيها....شوفي يالغالية أذا زوجك من النوع الصعب والعنيد مالك غير تسايرينة يعني
قولي لة أنت سافر مع ربعك وتونس بس أوعدني أذا جيت بسفرة قريبة :044: وشوفي وش بيكون ردة ..
وأذا هو من النوع المتفاهم مالك غير تصارحينة بكل هدوء :020: لأنة صدقيني
الزعل خاصة بهالامور تنقلب عكسية عليك ...واللة اللة بالدعاء وكثري من الأستغفااااااار....
واللة يسعدك ويسخرلك زوجك....طمنينا عنك يالغالية....

[فرفوشه كبيره]

اخوات ادعو ان الله يسخر لكم ازواجكم وحطى فى بالك مو اهم شى السفر اهم شى الصحه والاستقرار اكيد الواحد اذ ماطلع وسافر يطفش بس وش تسون احمدو ربكم على كل حال وأطفالكم اقنعوهم ان أزواجكم مشغولين

[غلاتي حياتي]

اللهم حقق لها
مناها
ورجواها
ومبتغاها
في
الدنيا
الاخرة
وجميع المسلمات والمسلمين

[السحـ بروق ـــــايب11]

حاولي معه وجيبيه باسلوب حلو مقنع وبالفتره هذي عيشي معاه جو حلو ورومنسي يعني غيري اشوي من روتينك سوي حركات تجذبه حسسيه باشياء غربيه يعني من السوالف هذي
وشوفي وش الاسباب الي رافض انه يسفرك معاه وحاولي تناقشينه بهدوء
وانشاءالله يارب يسخره لك وتسافري وتتهني معه

[..همســـة دلـــع..]

اختي الله يسخررر لك زوجك ويوافق تسافرين وبكل اجازه وتقضون احلى ايام من عمركم وتجددون شهررر العسل اكثر واكثر
حاولي تجلسين معاه بهداوه وتقنعينه ويااارب يوافق وتسافرون سوا>>>دعوووه من قلب

[ميرلدا]

هذى تختلف من شخص لا اخر لان مو كل الرجال زى بعض

بس والله قهر يسافر وينبسط مع اصحابة وزوجته يهملها..؟؟

انا عندى خطط كثيرة وشوفى الى ينفع معه
*اول وحدة اتفق مع الاخت قلب شوشو فكرتها حلوووة وممكن تفيد اذا كان زوجك رومنسي وحساس....

*اذا مانفعت خذى موقف منه وازعلى منه وحسسية انة مقصر واذا طنش الموضوع وسافر هذا يبغالة شغل ثانى ....... اذا رجع من السفر اكيد حيكون مبسوط ونفسيتة مزبوطة ابدى انتى بالتمثيل
حسسيه انك طفشانة وانك تبغين تاخذين وقت راحة واستجمام لوحدة بعيدة عن كل شي ولو ترفقين هذا كلة بكم دمعه تزبط المسئله

* الطريقة هاذى وهى حاولى تغيرين فى روتينك
يعنى الشي الى يحبه زوجك مثل متابعة مبارة, جلسة ضحك وفرفشه, متابعه افالام, حاولى تشاركينه بالشى الى يحبة حتى لو انتى ماتحبينه حسسية انك واحد من اصحابة موب زوجته ساعتها بينبسط معك اكثر وماراح يختار لك منافس بالخرجات

*رابعا وهى: حاولى انك تبتعدين عنة شوى
خلية يشتاق لك ادى واجباتك وانشغلى باي شى ثانى عنه
اذا شفتى المساله طولت وهو لاحياة لمن تنادى ..؟؟ اختميها بحركه حلوووة
مثلا بيوم دوامة نازل الصباح لسيارة ضعى بداخل السيارة هدية بسيطة مع عبارات شوق وحنين لاسترجاع ذكرياتكم السابقه
وبكذا راح يستحى على وجهه ومايقدر يقول لك لا محنا مسافرين

* وممكن اذا عندك اطفال اقترحى علية رحلة من دون اطفالكم لمدة اسبوع او اكثر
لانه احيانا الاطفال يبعدون الام شوى عن زوجها حسسية انك دائم بالقرب منه


وان شاء الله يفيدك معك احدى هالاساليب
ربي يوفقك وويسر لك امرك

[*سهر الليالي*]

الله يهدي زوجي لي ويهدي لك زوجك
وإن شاء الله ربي يهديلك زوجك وياخذك معاه في سفرية حلوة