رحت عني وانت لا راضي ولا زعلان..

[لـ ح ـظة غروب]

~{ آلسـلام عليكـم و رحمـة آللهـ و بركـاته }~

صبـاحكـم / مسـائكـم ورد


.
•
.



تذكرتك و أنا الطير الجريح مفارق الخلان ..~
و نار البعد و فراقك تعل اقصى شراييني ..~

انا ادريبك سراب ما تطفي لهفة الضميان ..~
تذكرتك عذاب و لو نسيتك منت ناسيني ..~

ابي اعرف في غيابك ليه شوفي يمتلي دخان ..~
و احس اني لحالي و اقرب اصحابي حواليني ..~

حبيبي رحت عني و انت لا راضي و لا زعلان ..~
ياليتك قلتلي قبل الفراق انك مخليني ..~

رحت و غابت الفرحه ورى ليل من الحرمان
و رجعت لصوتك اللي كان يملا الكون يدعيني ..~

اثر نار الجفا صلفه دخيلك ياعظيم الشان ..~
انا ما عاد لي شوف على الفرقى يقديني ..~

بعد فرقاك عشت الجرح عمر العاشق الشفقان ..~
على باب العمر لا مر لك طاري يبكيني ..~

تعرف انك بقلبي و ادري انك لشوفتي ولهان ..~
حبيبي ليه تقتل حبنا ما دمت تغليني ..~

تخفي لوعتك عني تصد و تبدي النسيان ..~
و تفضح نظرتك خافي حنينك لو تراعيني ..~

حبيبي تعبت عيوني السهر من عاشق سهران ..~
تعبت و طال بعدك و العمر ما عاد يمديني ..~

غرب ضي الامل قبل الشروق و سادت الاحزان ..~
دروب العمر تسرق فرحتي و الحزن يطويني ..~

انا مثل الغريق و طاري الذكرى كما الطوفان ..~
تزيد الجرح في قلبي و تبعدني و تدنيني ..~

تعبت و مركبي مل السفر و ضاقت به الشطآن ..~
و لالي غير حبك ساحل يمكن يرسيني ..~

حصدت الدمع محصول الفراق و لوعة الهجران ..~
الا مني ذكرتك غرق كفوفي مطر عيني ..~

سحابك يامشاش الملح ما يفرح به العطشان ..~
اموت من الظما و لا شربتك منت مجديني ..~

ينابيعك تفجر من عيوني كنها بركان ..~
توطي عزتي تختال من جفني لكفيني ..~

بعد ما غرق عمري فالحزن ضاقت بي البلدان ..~
و شفت الموت في كل الدروب و قلت انا ويني ..~

انا مليــــت مليت العذاب و قلبي المليان ..~
بهم صاب من هجر الحبايب مقتل سنيني ..~

يأست من الفرح في موسم فيه الامل كسلان ..~
رفعت الرايه البيضا لحزني و ارتمى فيني ..~

و عرفت اني بعد فوت الاوان العاشق الخسران ..~
و دريت ان اصدق وعود الهوى ما عاد ترويني ..~

رجعت بحسرتي كلي جروح مكسر الجنحان ..~
و سال الجرح دم و شفت وجهك في شراييني ..~
.
•
.
منقووول لعيون أحلى فراشات

[..شـاعـرة الجـرح..]

يأست من الفرح في موسم فيه الامل كسلان ..~
رفعت الرايه البيضا لحزني و ارتمى فيني ..~
-----------------
أبيــات روعـــه مثلك أختــي ((..مــات الوفــا..))
-----------------------------
تقبلي مروري يارائعـــه

[لـ ح ـظة غروب]

يسلمووووو حبيبتي شاعرة الجرح على المرور الرائع
والله لايحرمني هالطلة

[دلوعة مملكتها]

نقل رائع وموفق سلمت اناملك الدافئه الاحساس اللتي تعكس قلبك الصادق
ابدعت

[أمـــل في الحيـــاة]

عن جد روعه سلمت يداك ياقمر على احلى نقل

[**الأميرة النائمة**]

وااااااو من جد روعة يعطيك العافية يالغلا على النقل الجميل والاكثر من رائع

[لـ ح ـظة غروب]

نقل رائع وموفق سلمت اناملك الدافئه الاحساس اللتي تعكس قلبك الصادق
ابدعت
مرورك الاروع غاليتي والله لايحرمني هالطلة

[لـ ح ـظة غروب]

عن جد روعه سلمت يداك ياقمر على احلى نقل
الله يسلم قلبك يالغلا مشكوررررة على المرور

[لـ ح ـظة غروب]

وااااااو من جد روعة يعطيك العافية يالغلا على النقل الجميل والاكثر من رائع
الله يعافيك حبيبتي مرورك الأروع