أبغى أحد يعطيني أحلى الاماكن في دبي و الشارقة لأني مسافرة أنا و زوجي و أطفالي بعد 3 أيام لمدة 6 أيام و أبغى تعطوني أحلى الأماكن و ياليت بالأسعار
وينكم يا بنات الامارات و أهم شي الجو:0148:
um 7la
04-27-2008, 09:47 PM
و لا أحد عبرني
بنت الشيخة
04-27-2008, 10:01 PM
أنا رحت دبي بس من زمان لي 4سنوات والجو أتوقع مو حلو بس دبي كلها مجمعات يعني ماراح تحسون بالجو بس هي أسعارها والله شوي غاليه بس راح تمبسطون ولا توفوتكم مطاعمهم عندهم شغلات حلوه بس والله نسيت أسمائهم
والسكن لو بتاخذون في فنادق أكيد غاليه بس شي والله
أما إذا بتاخذون شقه عاديه الأسعار مناسبه بتكون
والله يوفقك وان شاء الله تستانسين
أدري ماعندي المعلومات الكافيه بس حبيت أرد عليك
lovely_candle
04-27-2008, 10:03 PM
في دبي الامارات مول وابن بطوطه وسيتي سنتر وبرجمان وميركاتو هذولي احلى الاسواق اللي بدبي اما الشارقه عندك صحارى حلو والمطاعم مطاعم الاوتيلات حلوه والمطاعم العاديه والرسميه تلاقيها كلها فاتحه في الامارات مول ...في المتحف بدبي بعد حلو والقرية العالميه...هذا اللي يحضرني ولو تذكرت شي خبرتك اختي
زهرة اللوتس***
04-27-2008, 10:06 PM
والله ياحبيبتي فيه في دبي مولات كثيرة وكلها حلوة مول الإمارات وسيتي سنتر والغرير وحمر عين وكمان مدينة عالم مدهش مرررررة حلوووة وراح ينبسطون فيها أولادك أنا رحت في الصيف وكان الجو حار يقولون أحسن وقت لها في الحج
أتمنى لك سفرة سعيدة...
um 3yal
04-27-2008, 11:05 PM
وفي حبيبتي أنا العام رحت لها بعز ارتفاع الاسعار عندهم بشهر يناير وارتفاع الاسعار عندهم لين شهر 4 ابريل وبعدين أرخص موسم عندهم شهر مايو ويونيو ويوليو (5,6,7) لأن السياح الأجانب عطلتهم راس السنة الميلادية ويكثرون في الامارات وبشهر يونيو الى سبتمبر يوجد مهرجان دبي أو اسمه مفاجآت دبي كله تخفيضاااات أبدأ معاج باللي سويناه
:قبل السفر أخذنا معلومات وتجارب الأعضاء في منتدى العرب المسافرون قسم دولة الامارات والتقارير المصورة نفعنا واااايد وعرفنا ان إذا معاج أطفال فالأفضل السكن بالشارجة لسببين الاول أرخص وأقل تكلفة والثاني لأن الشرب عندهم ممنوع حتى في فنادقهم وتظمنين ان عيالج مايشوفون هالشي أو يجربونه بغفلة منج
الشي الثاني اللي سويناه رحنا بالسيارة مع اننا أول مرة نروح الامارات رحنا بروحنا وبالسيارة _مغامرة صح؟_ كنا أنا وزوجي و3 أطفال زرنا العين وجلسنا فيها يوم زرنا فيها الجبل الأخضر كان له اسم بس الحين موحاضرني كان فيه فندق اطلالته حلوة اسمة قراند ميركوري بس ماسكنا فيه كان فل وزرنا حديقة الممزر قريبة جدا من الجبل المذكور <<<تقدرين تاخذين المعلومات الاكيدة من المنتدى اللي قلت لج عنه ..
وبعدها رحنا الشارجة مدة الطريج ساعتين تقريبا اللي أذكره وسكنا بشقق فندقية سعر الليلة مان ب450 درهم فندق سن سيتي <<<بوطقة ماأنصحج فيه
جلسنا 4 أيام زرنا فيها دبي ومرينا بشارع زايد أول ماتمشين بشارع زايد وتكون على جنبك الأيمن العمارات العالية لاحظي زين برج اسمه برج الموسى 2 فيه مطعم ايراني اسمه صدف أكلهم كله حلو ولذيييذ بوفيه مفتوح وكل طاوله لها ستارة علشان مايتكشفون عليج الناس وبعد هالعمارة بشوي تلاقين برج اسمه برج سعيد فيه مطعم اسمه ناندوس (مكتوبة بالانجليزي) دجاجهم يهببببل لذيييذ انصحج ان ماتفوتينه
عندج السيتي سنتر دبي لاتروحون له ولاتشتونه ولاتطبونه خير شر لاتروحين روحوا بداله السيتي سنتر مال الشارجة شوي وأكمل لج
um 3yal
04-27-2008, 11:14 PM
الأماكن الحلوة اللي زرناها
قاعة الاستكشاف (تلقين وصف طريقها بالعرب المسافرون)
ورحنا المتحف اللي يصير جنبه صالة فيها حيوانات وأنواع الزواحف والأسماك والحيوانات اللي تعيش بالحظيرة مكان حلة استانسوا فيه عيالي لأن كله حيوانات
أما بدبي فعندج الأمارات مول يوجد بداخلة سكي دبي (الثلج )بس معلومة أقل من 3 سنين مايدخل فتميت أنا وولدي نتمشى بالسوق وأمشيه بعربانته ورحت تغديت وشريت وهم يتزلجون وحرصوا انكم تاخذون معاكم الدسوس لأن ممنوع تدخلين بدون دسوس وهم راح يوزعون عليكم لبس وللحرمة جاكيت طويييل كأنه عباة اسلامية يلبسون عيالج لبس ثقيل من عندهم تستعيرونه منهم مع الحذاء اكرمكم الله بس دسوس راح يلزمونج تشترينه واحنا شرينا الدس الواحد ب3 دنانير <<<استغلال ..علشان جذيه اخذي معاج القفازات من ديرتج أفضل
وإذا ذكرت شي اقوله لج بعدين واحاول ماأتأخر بس مثل ماوصيتج روحي الحين العرب المسافرون اخذي معلومات عنهم