+راعيه الفزعه تدخل +

[أحساس قلم]

السلام عليكم كيفكم ؟؟ ماأطول عليكم الى عاشقات اشعار ..< حــــــــــامـــــــد زيـــــــــــد>.. طلبتكم كلمات قصيده ( غدر الخناجر) مكتوبه ابيها ظروري

[$غلاأبوها$]

وعليكم السلام
تفضلي يالغلا << اموت عـ الشعر وما شاء الله
عـ حامد زيد كأنه يعبر عن احساس الاخرين
ومايقصرون الشعراء الاخرين
<< طولتها وهي قصيرة
عشان أكسب هدب عينك تجرعت العذاب أشكال
وليتك ترأف بحالي علشان أرأف بحالك
مسوي في حياتي شي ما يذكر ولا ينقال
حشى حتى العدو وهوه العدو مايعمل أعمالك
تمسيني على الهم وتصبحني على الغربال
تقلطني فناجيلك وتقصرعني دلالك
تحملت التعب لأجلك وانا حملي يهد جبال
رحلت من العذاب وما وقفت الا على جالك
علامك كل ما أجيك متواضع جيتني تختال
معاك الى متى بصبروصبري معك يحلالك
مثل ما قبلت لعيونك لزوم تردلي بقبال
ومثل ما قلت حشمتك حس واحشم قلبي أشوالك
انا محد (ن) بجابرني أساير معك هالمنوال
ترى لانيتبيع (ن) لك ولاني بصغر عيالك
انا جيت أعشقك نبض ومشاعر ما أعشقك تمثال
انا جيت أسكنك وأحياك وابقى فيك وأبقالك
أنا جيت بظمى عاشق تعب يطرد سراب اللال
أنا جيت أستفز رضاك من فرقاك وألجالك
أنا ما همت بك عاقل أنا كنت أعشقك بخبال
أنا ما كنت أحبك حي أنا كنت أعشقك هالك
تخيل من كثرما أخاف تلقى للزعل مدخال
أخاف أخطي على طيفك وأدوس برجلي ظلالك
تبعتك والعرب تتبع رعود البارق الهمال
وأنا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت أقرب جسد يمشي معك بقفاك وقبالك
أبي قلبك يحس انه فقد بمحبته رجال
ملكته من هدب عين وخسرت رضاه باهمالك
صحيح انه الفراق أقسى و لكن الوصال محال
وأنا صعب (ن) علي أرضي غرورك وأضعف قبالك
بعد ما حققت عيني فبعدك للرقاد آمال
أعاود للسهر ياخوي فال الله ولا فالك
ببدل نظرتك فيني وبجيلك كل يوم بحال
بكون أقرب من ثيابك عليك ولا تهيالك
بلمك وأنثرك وأجمعك وأرجع وأنثرك باهمال
بخونك وأزعلك وأرضيك وأزعل منك وأرضالك
أبرسم بالثرى وجهك وبدفن صورتك برمال
أبشكي للعرب فرقاك وأضحك عند عذالك
أبهديك الوصال فراق واهديك الفراق وصال
بسوي مثل ماشوفك تسوي وأفعل أفعالك
عشان تعرف من فينا الزعول ومن وسيع البال
أبيك تذوق فنجالي وأنا بذوق فنجالك
نصيحه واحتفظ فيها قصرمعك الزمن أو طال
أبي تسمع كلامي زين وتحطه على بالك
اذا حبك هبال أطفال إلك عندي هبال أطفال
ولا وأبشر بعد بهبال حب (ن) ماهو بهبالك
واذا قصدك تهين اسمي عشان تشمت العذال
حشى لا انته ولا غيرك ولا عشره من أشكالك




دعوااتك يالغلا

[قهـ دمرتني ـوتي]

أولا : آمري يا حبيبتي دام فيها حبيبنا:0150: (حامد زيد):0150:عاد أنا من أشد المعجبين فيه وعندي أشعاره صوتيا وفديويا>>مايمديك عاللهجة وكتابيا
ثانيا: الأخت اللي كتبت لك هذي قصيدته حقت (التمثال) بس مو من بدايتها وراح أكتب لك
(أربع خناجر ) اذا تبغي بس ردي
:0154:

[ظما الوجدان]

مشكله لا جات حاجتك بيديـن البخيـل
مايفكـك ليـن تدفـع كثـر مايدفـعـه




ومشكله لا صرت مطعون بكفوف الدخيل
في ظهرك اربع خناجر وبالصدر اربعـه




ومشكله لا ضاق بالوقت رجـالً ثقيـل
يطلب احبابـه وعيـا زمانـه ينفعـه




ليت ربي مايحاسب خليـلً مـن خليـل
دام مال الحظ فزعـه وللوجـه اقنعـه




ودام مال العذل تالي ومابالحيـل حيـل
الغـلا سمـاً نذوقـه ومـرً نجـرعـه




نحتري فيه القا والحصيل هو الحصيـل
مثل حلمـاً ماتحقـق وعيـت اقطعـه




كني اللي حط بشفاه من جمـر المليـل
لا قـدر يرميـه للنـاس وزرا يبلعـه




والظروف اللي حدتني لنيـران وفتيـل
عرضت دمع المحاجـر لشـيً يجزعـه




والمدامـع بالغـلا لا تحـال ولا تحيـل
والمشاكل كل ماجـات جـات مجمعـه




اعذلوني عن هوى النفس وعيوني تخيل
في حبيـب ٍ ماتركتـه ولازلـت اتبعـه




مغرم في حب مثله ولا ارضى له بديـل
عيني تشوفه وقلبـي يجـوع ويشبعـه




ذاك كل مازان بالي وطالعـت النخيـل
ماذكـرت الا ثباتـه بوقـت الزعزعـه




ماهو الاقطعة مـن حشـا قلبـاً عليـل
وماني الا قطعـة منـه مخلـوقً معـه




لا جميل شفت قبلـه ولا بعـده جميـل
العذارا رهن رمشه وانا رهـن اصبعـه




والله انه لو طلبني اطلـوع المستحيـل
لا اطلعه مني منـاك يعنـي لا اطلعـه




ماعلي مـن الملامـه وهـرج الهبيـل
مشجع الرجال لا ثـار غيـره مشجعـه




في عيون اللي عشقني ولا جاني هزيل
الله اللي حط عشقـه بقلبـي وزرعـه




لو سكت ينطق له الصم والدنيا تسيـل
وان حكى لو يمشي المزن ياقف يسمعه




سلسبيل من شفاتـه يخالـط سلسبيـل
معمعه بسكات واحلا سكـات بمعمعـه




ماهقيت ان اكثر الليل يمـرح بالجديـل
لين شفته شوف عينـي بكفـه يرفعـه




وان حيت ومابقالي معـه ياكـود ليـل
لا اسهره بأول غروبه وموت بمطلعـه




والله ان العشق جمره وطاحت بالشليـل
وان حصل ماطاعك الوقت بحبابك طعه




من هو اللي علم عداي نكران الجميـل
ومن هو اللي خان خلي وحاول يقنعـه




كل عاذل ردني عنك يالطـرف الكحيـل
ياعسى الله يقلعـه ياعسـى الله يقلعـه




يامعرض قلب الاحباب للـدرب الطويـل
السعه لا بـارك الله بالضيـق السعـه




والله ان الوقت قاسي وانا مانـي ذليـل
واشهد ان الرجل مرات ظنـه يخدعـه




وانتم اتعذلون خفـاق بعيـون العديـل
مارحمتم نار جرحـه وحيـرة مدمعـه




والسوالف ليلها ليـل والحايـل يحيـل
والمشاكل مشكلـه بمشكلـه متجمعـه




مشكله لا خانك الوقت بالحمـل الثقيـل
لو زرعت الزرع هوج العواصف يشلعه




ومشكله لاصار عاذلـك مايبـرد غليـل
لا تـرده طيـب كلمـه ولحـدً يمنعـه




ومشكله لا صرت مطعون بكفوف الدخيل
في ظهرك اربع خناجر وبالصدر اربعـه