عندي استفسار ؟؟ (للمتزوجات) [الأرشيف] - موقع و منتدى الفراشة النسائي

أميرة الرومانسية

12-03-2005, 06:39 AM

أخواتي الفراشات .. ايش رأيكم ؟؟
هل من الضروري إن العريس يقدم لعروسته يوم الزواج طقم ذهب يسموها (التصبيحة) ؟؟ أو يكفي طقم الذهب (الشبكة) اللي يقدمها بالملكة ؟؟؟ لأنه صديقتي محتارة تقول أخوها بيتزوج بس ما عنده مقدرة يشتري طقم الذهب (التصبيحة) لعروسته (طقم الزواج) .. فهل ضروري ويعتبر عيب والا عادي ؟؟

الألماس

12-03-2005, 07:55 AM

اختي احنا عندنا مو شرط عقد او طقم مثل ماتقولين .. ممكن يشتري ساعه او شي ثاني مو شرط عقد الا اذا انتوا فالعاده ملتزمين بهالشي ..

رنودي دهن العودي

12-03-2005, 08:09 AM

ي اميرة الرومنسيه لايكلف الله نفسا الاوسعها ليش الصرف اللي مالو داعي بعدين ان شاءالله في المستقبل رح يعوضها عند بعض الاسر مو شرط التصبيحه حقيقه والف مبروك مقدما

nary

12-03-2005, 08:37 AM

ياحبيبتي ترى مو شرط00اي شي المهم تكون صباحية 00شوفيني انا 00خطوبتي دبلة وسلسال00وصباحيتي دراهم (عاد هو ومدت يده00)

زهرة الأحساء

12-03-2005, 02:33 PM

اللهم صل على محمد و ال محمد

انا اشوف انه مو ضروري و ما له داعي ..

كل وحدة و حسب مقدرة زوجها ..

احنا عندنا مو ضروري هالشي ممكن يجيب اي شي ثاني لو يبي ..

و احنا في عائلتنا حتى شبكة ما نسوي الا الشواذ ..

عشان جذا تقل المصاريف و يصير قادر على انه يجيب لها ...

و هالشي ما يستدعي انكم تشيلون همه ..

و مثل ما قالت الاخت .. بيوعظها عنه في الايام الجاية ان شاء الله ..

و الله ولي التوفيق ..

نوره وكمان نوره

12-03-2005, 07:16 PM

حبيبتي حسب العادات والتقاليد بينكم احنا صراحه ماعندنا شي اسمه صباحيه

مجنونة قطر

12-04-2005, 08:42 AM

مب شرط تكون عقد

حتى لو ساعه بسيطه

بنت القرية

12-05-2005, 01:26 AM

مبروك مقدما وحياة زوجية سعيدة ان شاء الله

اي شيئ على حسب ميزانيته

انا كانت صباحيتي لعبة (دب كبير وعطر)
اختي خاتم ذهب
واحيانا لايقدم لها اي شيئ عادي وليس ملزوم اهم شيئ سعادتهم
والله يوفقهم
وكل منطقة لها عاداتها وتقاليدها

ملسونا

12-05-2005, 01:41 AM

اختى عااادي
اصلا احنا ماعندنا شي اسمه صباحيه

انا اشوف انه مو مهم
واهم شي الحب والتفاهم بين الطرفين ولا هالكماليات مالها معنى

واذا هو حاب يقدم شي
يقدر يقدم خاتم ذهب ابيض او الماس
سلسله ناعمه
ساعه ( الحين فيه ساعات ماركات بس مو الماس وسعرها معقول )

بالتوفيق

سحر العيـــون

12-05-2005, 02:07 AM

حبيبتي هيدي الأشياء مو ضروري وأنا شايفه إنو الشبكه كافي مافي داعي إذا منو قادر
إن شاء الله بالمستقبل راح يقدملها حتى لو إنتو عندكن هيدي عادات لازم تراعي ظروف الزوج
وإن شاء الله ربنا بيوفقها

سدومه99

12-05-2005, 02:47 AM

هلاااااااا يا قلبي 0000
بالنسبه لنا ولعاداتنا مانعرف شي اسمه صباحيه و اول مره اسمعه عنهاا 00000
و الي عندنا طقم الشبكه والدبله بس
و بصراااااااحه ولا يكلف الله نفس الا وسعهاا واذا كان ضروري ومن عاداتكم انو لازم يجيب شي لعروسته يجيب الشي الي هوا يقدر عليه والي تسمح له ظروفه الماديه انو يجيبه لهااا 000
والله يسعدهم ويوفقهم 000

أم رؤى*

12-05-2005, 02:53 AM

حنا من عاداتنا الصباحيه لدرجة انها اهم من الشبكه
واذا من عاداتهم تكون ضروريه

سكون

12-05-2005, 12:13 PM

شوفي أختي .. التصبيحة عندنا مهمة .. وهذا يبين تقدير الزوج لزوجته .. بس مرة سألت صديقاتي عن التصبيحة قالوا والله ماشفنا من أزواجنا غير الشبكة والمهر .. وهذا يدل على إنها عند ناس تكون مهمة وناس غيرهم تكون عادي .. بس أشوف من الأفضل في هالشغلات .. إن العادات والتقاليد عند أهل العروسة تحكم العريس .. يعني الأفضل تسألوا عشان تسلموا .. :de43r

elwlhanah

12-05-2005, 12:45 PM

حبيبتي ساعه اتكفي... والله يوفقهم ان شالله

رشا .2005

12-05-2005, 12:47 PM

أميرة الرومانسية

12-05-2005, 01:35 PM

أشكركم أخواتي .. الله يعطيكم العافية

جـــــــورية الكـــــويت

12-06-2005, 06:46 AM

والله احنا مو الزامى عندنا كل واحد ومقدرته ومو شرط يعطى او لا

الاهم الحياة السعيده

وبارك الله فيك

HaYoO

12-06-2005, 07:12 AM

انا مو متزوجة

بس رأيي انه يقدم اي شيء ثاني حسب مقدرته

بس لازم يقدم شيء لأن لها تأثير نفسي حلووووو عند اي عرووسة
و بعد الهل ممكن يسألون ايش جاب لها و كذا

فاحسن يكون جاب اي شيء

هذا رايي والله يوفق الجميع :)

صدى الآهات 2006

12-13-2005, 02:16 AM

انا عن نفسي زوجي اعطاني يوم صباحيتي 5الاف ريال وانا اشتريت فيها ذهب لان هذي العاده ضروريه عندنا لانه بهذي العاده يعرفو الاهل ان بنتهم كانت عذراء وان هذي الهديه رمز تقدير لها

فدوة الروح

12-13-2005, 07:44 AM

لا يكلف الله نفسا الا وسعها

اختي مو شرط

بامكانه يقدم لها ساعه او خاتم

وهذا يعتبر شي بينهم

الا اذا انتو عندكم لازم يقدم طقم

وشكرا

دانة بوظبي

12-13-2005, 11:51 AM

مثل ماقالو الفراشات لا يكلف الله نفسا الا وسعها
أهم شي الله يوفقهم
واذا كان حاب يقدم لها هدية مهب شرط تكون طقم ..
يقدم لها شي على استطاعته..

توتة قطر

12-13-2005, 11:57 AM

هو شي مب مشروط بس حتي لو كانت الهديه رمزيه يكفي انها تعبر عن الحب