بنات السلام عليكم ورحمة الله وبركاتة
:0135:بأختصار ابخش بالموضوع على طول انتم عارفين الصيف جاء والكل بيسافر ويطلع ويغير جو ويستانس ويونس عيالة بعد عناء الاختبارات والدراسة لكن فية ناس ماتقدر تسافر اما لضروف مادية او لضروف اسرية مثل حلاتي لان الوالد الله يحفظة بالمستشفى فعندي فكرة لو كل وحدة تكتب نظامها او برنامجها ونستفيد من بعض عشان تكسر الملل:042: وبنفس الوقت ننبسط بالاجازة ولا يتنكدون عيالنا:0114: ابي كل وحدة تشد الهمة وتعطينا افكارها الحلوة نبي افكار جديدة واماكن هادية بعيدة عن الازعاج انا من سكان الرياض حتى لو برنامج وجدول داخل البيت المهم يكون حلو مو شرط طلعة فهمتو علي :0135:
القلب الوردى
07-08-2008, 02:15 PM
اي والله الجو الاسري له طعم ثاني
ربي يشفي والدك ان شاء الله
القلب الوردى
07-08-2008, 02:20 PM
اي والله الجو الاسري له طعم ثاني
ربي يشفي والدك ان شاء الله
جنوبيه
07-08-2008, 08:23 PM
الصيفيه هذي بتكون ملل بالنسبه لي لان مافي صيفيه السنه هذي لظروف اسريه وكل الايام عندي متشابهه مافي اي تغيير
طلعوا لنا برنامج بسرعه
انقذوني قبل لاروح المصحه النفسيه
حلوة بكبريائي
07-08-2008, 09:31 PM
وين التفاعل يابنات نبي همة تكفون
ثقي بالله
07-09-2008, 12:43 AM
القرآن أنيس المسلم ،،، أولا
يجب أن نهتم بالقرآن الكريم و تحفيظ أطفالنا وأبناؤنا ولو جزء بسيط منه كل يوم
( مثلا خمسة أسطر يوميا )
و ترك يومي الخميس و الجمعه لمراجعة ما سبق حفظه
و ستلاحظين في نهاية الإجازة إنك حققت إنجازا طيبا معهم في حفظ قدر غير بسيط
من القرآن الكريم
و لا تنسين مكافأة من يحافظ على ورده اليومي من الحفظ بإعطاءه هديه بسيطه آخر الأسبوع
ثانيا
أقيمي حلقة درس اسبوعيه يجتمع فيها كل أفراد الأسرة و تقومين أنت أو والدهم بشرح
أحد أحاديث السنه النبويه المطهرة
و لكن يجب أن تجعلي الدرس مشوق و ذلك بإختيارالأحاديث البسيطه و تجهيز بعض العصائر
الخفيفه و تتركي المجال للأبناء في المناقشة و عرض الأسئلة
و حبذا لو تكون الأحاديث في الآداب العامه حتى يستفيدون منها في كفية التعامل
مع الآخرين مثل حسن التعامل مع الجار أو إماطة الأذى عن الطريق
ثالثا
حاولي تسجيلهم في بعض المراكز الصيفيه للإستفادة من وقتهم بتعلم مهارات جديده
مثل السباحه أو الفروسية أو الكارتيه للأولاد
للأسف المراكز الخاصه بالبنات قليلة جدا ولا تقدم فائدة كبيرة لكن تستطيعين أنت
تعويض هذا الأمر بتعليم بناتك بعض الأمور الخاصه بهم مثل تعليم التطريز أو الصوف
أو تعليمها بعض الأكلات الخفيفه و طريقة إعدادها ( تختلف حسب السن )
رابعا
اشغلي وقت فراغهم بشيء مفيد مثل شراء القصص و المجلات الهادفه لهم
أو شراء الأشرطه التعليميه أو المغامرات الإسلاميه
خامسا
حددي لهم يوم اسبوعيا لزيارة الأقارب و التواصل معهم لتعويدهم على صلة الرحم
لإن الكثير يذهب للزيارات و يترك الأطفال في المنزل بحجة عدم إشغال الآخرين بهم
وهذا أمر جيد من جهة لكن يجب تعويدهم على صلة الرحم و زيارة الأهل
مثل منزل الجد أو العم أو الخال
سادسا
حددي لهم بعض الأعمال المنزلية لمساعدتك بها يوميا مثل تنظيف غرفهم الخاصه بهم
أو تنظيف الحديقه أو حتى المساعدة في إعداد سفرة الطعام و رفعها بعد الإنتهاء من الأكل
سابعا
احرصي على وقت يجلس فيه جميع أفراد الأسرة مع بعضهم البعض للحديث
و التسامر و ليكن مثل موعد شرب الشاي
جهزي الفطائر و المكسرات و الشاي لمثل هذه الأوقات ،،، دعواتك
حلوة بكبريائي
07-09-2008, 02:20 AM
ثقي بالله
كلام درر وانا اطبق معظمة بس البرنامج اللي ابية حق عيالي وبعدين ذكور وتعرفين اخاف عليهم من الشارع هالايام الشوارع ماتطمن وهم في سن مراهقة ماتعجبهم هالفكرة بس يجاملوني اكثر حاجة ينشغلون فيها هي النت وتحت رقابة ابوهم
هنوووف1111
07-09-2008, 02:30 AM
افضل شي استغلال الاجازه بالتقرب الى الله
باساليب ممتعه وخاصة للاطفال مثل ماقالوا الاخوات
عمل مسابقات دينية
الصيام
حفظ ايات من القران
اشراك جاراتك في هةالمسابقات
تخصيص جز للقراءه
مهرة من غير خيال
07-09-2008, 02:31 AM
صدقة الصيفية هاذي مافيها سفر عشان ارتفاع اسعار الاجارات بس الواحد ياخذ العيال للملاهي الي في الاسواق المغلقة عشان التكيف
ويطلع مع الاهل جمعة للاستراحة ويسبح الصغار
وتستانسون بعد انتم والثمامة والجلسات الحلوة فانتزي لاند انتي والصغار وابو الشباب
مهرجان العثيم مول سمعته في الف ام
والله يعين والسنه الجاية تكون احلى وهي حلوة ع الصغار
لغة أمل
07-09-2008, 01:41 PM
إن كان عندك بنات اشتري لهم كتب صنع الاساور بالخيوط يشغل وقتهم ..
توووووووولين
07-09-2008, 06:40 PM
الله يشفي والدك ويقومه بالسلامه ويطول عمره ولا يحرمكم منه وجعلكم ماتبكونه ياكريم اتوقع ابوك اهم من الطلعات عشان كذا فضلت الدعاء له
weman
07-10-2008, 05:09 AM
فكرة حفظ ايات من القران بصراحه روعه
مو شرط الأطفال حتى احنا الكبار لازم نستغل هالوقت في حفظ ولو جزء بسيييط
والله يشفي والدك يارب
الله يشفي ابوك ياااااااارب
والله اختي نصيحتي : خلي اولادك يدخلون مركز صيفي مفيد يعني مثل ماقالت الاخت "ثقي بالله " <<يعني يكون (للكاراتيه او ركوب الخيول ......الخ ) <<والله احسها مرررررررره مفيده للاولاد وغير كذا يكون مركز صيفي لتنمية المواهب يعني (رسم - سباحه- كره ...الخ ) انا افتكر كنت سنه سادس ابتدائي دخلت مركز صيفي كان تحت اشراف خالتي هي المسؤوله عن كل شئ فيه ومديرته فكنت مررررره استفيد منه مررررره كان حلو يعني يدخلون البنات على حسب اعمارهم مثلا اللي بالابتدائي رسم ولعب بالكور الصغيره ونتعرف على بنات جدد ونشتغل بالاعمال اليدويه وونااااسه ويوم واحد بس من الاسبوع يكون فيه ندوه اومحاضره مفيده مدتها ساعتين مثلا عن الوضوء اواي شئ زي كذا صراحه استفدت اكثر شئ من الرسم اكتشفت ان رسمي يجنننننن مرررره كنت اضبطه كانت اللي تعلمنا الرسم تورينا ايش هيا انواع الرسمات والتظليل وجمييييييع الانواع عن جد كانت تجربه رائعه ونسييت اقول انوا كان يوم واحد بالاسبوع بس :( الحين اتمنىىىى يكون في مركز صيفي استفيد منه لانوا البنات ياحراااااام حقوقهم ضاااااااايعه بهالاشياء يعني مررررره ماعندنا هنا مراكز صيفيه ابدااااااا كل شئ للعيال
وبعدين عندي لك فكره لاوصلتي عيالك للمركز انتي وزوجك روحوا لكم "كوفي شوب"اواي مكان رايق ولاجا وقت جييتهم خذوهم وروحوا ع البيت ترى والله لو دخلتيهم مررررررره راح يستفيدوا بس اختاري المركز الحلو والمفيد فنفس الوقت واللي فيه نشاطات يستفيدوا منها وحلوه وبسسسس:)
اجازه سعيده ان شاء الله وانا طبعا مع كلام الاخوات اللي قبل انوا تخصيص مثلا ساعتين باليوم لحفظ القران .. واذا ع الاماكن اللي تطلعون فيها في الرياض ماشاء الله عندكم اماكن مرررررره حلوه ان شاء الله البنات يفيدونك بهالاشياء
وشكرا اتمنى اكون افدتك
تقبلي مروري :)
آنوشــه
07-10-2008, 08:49 AM
اتمنى لكم اجازه حلوه وعادي الصيف في الرياض احلى الشاليهات روعه والاستراحات خقااق وممكن للتغير تاخذوا سويت في اي فندق لمدة يومين حلو وتغيير احنا العام ماطلعنا برى الرياض بس كانت صيفيه حلووه
تحياتي
حلوة بكبريائي
07-12-2008, 12:31 AM
الله يعطيكم العافية ماقصرتو بس انا الحين في حالة صعبة جدا لان ابوي دخل العناية المركزة تكفون طالبتكم بس تدعون لة ان الله يسلمة ويخلية لنا ماعندي بالدنيا غيرة لان الوالدة متوفية لاتنسونة من صالح دعاكم
شغوووبة
07-12-2008, 01:06 AM
الله يشفي والدك يالغلا ويقوم بالسلامة
اجازة سعيدة
sun & sky
07-12-2008, 12:38 PM
بما ان حضرت جنابي خبيرة بالجلوس بالبيت حتى لو سافرنا انا بالبيت منطقة بالفدق او الشقة :0144: لأنه كذا ربي يقدر لي .. لا اله الا الله
فأقرأ كتب .. القرآآآآآآآآن اللي هاجرينه احاول أقرأة و أحفظ شوي ( بالمناسبة الوالد الله يشفيه قرأي عليه كل يوم سورة البقرة .. و إن شاء لله تجين تبشرينا بعافيته .. ) و مع القرآه اليومية حاولي تحفظين شوي صفحه يصير ثلاث عصافير بحجر .. شفاء الوالد بإذن الله .. أجر القرآن .. الحفظ .. زيادة بعد الحصن من العين و المس و السحر .. قضاء الحوائج .. قضاااااااااء وقت الفرااااااغ
و في طريقة حلووووووووة .. قرأة القرآن مع تفسيرة من كتاب تهذيب تفسير ابن كثير كتاب مو ذاك الحجم و خفيف و بسيط و يعطيك ثقة بنفسك و بمعلوماتك الدينية و يصلح لك الأخطاء ...
احنا مسلمين بالصورة بسسس .. لازم نتقف بديننا و نعلم اولادنا
فيه ثاني :
كتاب جمييييييييييييييييييييل حتى اللي تكره القرآة تحبه ..!!! اصلا مافي مجال انه ينكره .. هالكتاب عجيب ..!
حتى اسمه خيالي !!!!!!
اسمه : حادي الأرواح إلى بلاد الأفراح ... يأخذك في سياحه و رحلة عقلية و روحية للجنة ..!!! يصفها وصف دقييييييق ..! و يخليك تبتسمين و انتي تقرأين ..!!! من جد و انتي ما تدرين ..! شي رائع فوق الوصف ما امل منه هالكتاب و وسط حجمه و ممتع يتخلص بيوم و ما تحطينه الا و انتي مخلصه
أسأل الله أن أكون من أهل الجنةو اياكم
عموماااااااااا .. الكتب و مافي احلا منها .. اشتري اللي يعجبك
أيضا ممارسة الهوايات : فيه بنات شدوا حيلهم بالتطريز ( اشتروا كتب و تعلموا) بالمكياج : يجيبون صورة و يقلدون .. يسوون حلا
الرسم ( مايحتاج اشتري الوان و اقعدي بالصالة ..!) الخلطاااااات و النووووم العمييييييييق عشان تصلحين اللي خرب من ايام الدوام و الدراسة و الكرف :087: ...
ترتيب البيت .. تشوفين افكار ثانية للترتيب زي مثلا تلفين المناشف غير تربطينها بشريط ساتان ..هالخرابيط الي لايمكن اتقنها :044:
الأطفال : اشتري لهم جي بي اس -- او بلاي ستايشن أخر شي .. و فكرة حلوة عشان ترتاحين .. خلي ابوهم يقعد معهم يلعب :0104: .. و بتشوفين الهدووووووء بالبيت .. مو العيال بيهجدون .. ابو العيال بيفكك من غير شر من شره خخخخخخخخخخخ:028: و بيتسلى نفس الوقت ... طريقة مجربة تراها :0149:
البنوتات ياحبي لهم اشتري لهم افلام كراتين فلة و دفاتر تلوين و شباصات و خليهم يسوون تسريحات ويهجدون
فكرة لكل العائلة اشتروا افلام مفيدة و سووا شبس و قرنبع :0104: و عصيرات و حركات و اجلسوا تفرجوا .. بس شي حلال و يسلي افلام الكرتون .. افلام دزني الجديدة حلوة :029:
الله يفرجها علي و عليكي و على المسلمن كلهم .. آمين يا رب
sun & sky
07-12-2008, 12:41 PM
مرة ثانية
سورة البقرة ..سورة البقرة .. سورة البقرة و احسن لو تقرين معاها آل العمران
و الله مجربة.. مع الدعاء و كل شي بأمر الله
طيف المدينة
07-12-2008, 01:01 PM
الله يشفي والدك يالغلا ويقوم بالسلامة
اجازة سعيدة
يا حلاتي
07-12-2008, 01:09 PM
الله يشفي الوالد انشاء الله
فيها اشياء كثيره تقدرين تشغلين وقتك فيها
مثلا تدخلين دورات انجليزي او حاسب وتفيد كثير وتقدرين تنسقين وقتك
ارجوا اني افدتك اختي
حلوة بكبريائي
07-12-2008, 05:20 PM
المهم عندي الحين ان ابوي يقوم بالسلامة ويرجع لنا مثل قبل واحسن
& بدايه العمر &
07-12-2008, 06:21 PM
الله يشفيه يااااااارب ويشفى كل مريض ....
اجــــــــــــــــــــــــازه حلوه ........
القـــلــب الــحـــنـــون
07-12-2008, 08:36 PM
يعطيك العافيه يا (حلوه بكبريائي)
لأنك طرحتي الموضوع.
والله يجزاك خير ياأخت (ثقي بالله)على هالنصائح ..
وأنا بصراحه أحس بملل وخاصة بعد ما سافرو أهل زوجي
على الأقل لو حسيت بالطفش أروح أوسع صدري عندهم
والمشكله أهلي ساكنين في حي بعييييييد وماأروح لهم إلا مره في الأسبوع
وبصراحه مليت من الفراغ و الروتين..
راسي عكاريش
07-13-2008, 01:57 AM
انا من راي البنات الله يحفظهم
دافديل
06-10-2009, 11:19 AM
معهد رتاج الغد في الرياض
عندهم نوادي هالسنه للبنات مميزة واستمر العمل والتخطيط لها 3 أشهر
النوادي للفئات
6 الى 12 بنات
13 الى 16
17 الى 22
انادي عبارة عن برنامج كامل يهتم بكل الجوانب اللي تهم الفتاة حسب عمرها
وبقالب ممتع ومرح
والعدد فيها محدود عشان التميز والجودة
مدته شهر
التفاصيل انزلها قريب وتلقونها في توقيعي ان شاء الله