شعر لطلال الرشيـــــد_تحفظها قبيلة شمر

[سامرة الليل]

قصيدة للشاعر طلال الرشيد تحفظها قبيلة شمرصغارها قبل كبارها
عندما قالها بالوافي للبراهيم يوم قال ان طلال مايستحق يطلق عليه كلمة امير واني ماعرفه,,
ومن هالكلام رد عليه طلال بالقصيدة هذي وبعدهل شالوا طلال من كلمة أمير:
ياصغير مايكبرني لقب***ومايصغرني إذا أنكرني صغير
ماخذينا الصيت من جمع ذهب***ولانسابة شيخ او قربة وزير
كاسبينة من هل السيف الحدب***الجنايز كان ما جاك النذير
صيتهم نجم على راسه لهب***سمعوا الصقهان به واجهر ضرير
بالوفا تاريخ ابيض ينتصب***لاحكوا بالحق حيين الضمير
ضيغمين لسنا عيس انتسب***لابة طلنا بها عرش كبير
عند حدك ياكثير الهرج تب***لاتمر النار وثيابك حرير
كان لك عز بذلي فتعقب***والله الا تبطي وحبلك قصير
احسبنك من صناديد العرب***واثر ساترتك عباتك ياغرير
ماحسب للسوس زرع القصب***والقراده مادرى عنها البعير
ولو حسبنا للحسايف والتعب***مابذرنا يالعصافير الشعير
عن هلك براي الله واحتسب***الجال اللي ماجاراهم عسير
من قريش المصطفى وابو لهب***والدغالب ماغشت عذب الغدير
للرجال من الرجاجيل العتب***والزكاة تحل في حال الفقير
لعنبوا وقت غدينابه حطب***تحرقه نار يثورها أجير
ماألومك والزمن سوى العجب***هو بقى غير الكرامة بالجفير
مااذل وراسي يشم المهب***لوبقى من شمر طفل غرير
مااهاب ولا يزلزلني غضب***الشجاعة ورث العاقل عزير
ياصغير مايكبر باللقب***غير من هو كان من دونه صغير