سلام عليكم يا احلى فراشات
كيف حالكم كلكم اتمنى انكم بخير
رمضان جاي وانا وحدة ما اعرف اطبخ وابي كل وحدة تكتب اسهل طبخها وتكون محتوياتها متوفرة وسهلة
عشاني والله محتاسة
ابيها 30 طبخة
انتظركم ياستات
* رمش الغلا *
08-13-2008, 06:56 AM
تبين اكل دسم ولا معجنات ولا حلويات ولا شوربات ولا ايه؟؟
قمر بين الغيوم
08-13-2008, 06:56 AM
شطة مع بطاطس بفك
اطريقة كبي اشطه على البفك وبعدها كليها بلهنا ولعافية
وردة جورية 333
08-13-2008, 07:08 AM
في طبخه انا مررررررررررره احب اسويه بدخل في الموضوع على طول
المقادير
مفروم_بصل_ثوم_طماطم_معجون طماطم_ماجي
فلفل اسود_
الطريقه
افرمي البصل والثوم فرم ناعم وخليه يتصفي
حطي المفروم في زبديه وحطي عليها البصل والثوم المفروم والفلفل الاسود اعجنيهم سوا
حاولي مايكون فيها ماء ابدا
سويها علي شكل دائري او بيضاوي يعني كفته
ادهني الصينيه زيت ورصي الكفته
دخليها الفرن خليها تستوي من فوق وبعدين اقلبيها من تحت خرجيها وغطيها
بعدين قطعي بصله و كميه من الطماطم لو كثرتي الطماطم يكون افضل
سوي نفس كشنه البيض حطي عليها الفلفل الاسود والماجي ومعجون الطماطم وخليها على النار تستوي شويه
وبعدين حطيها علي الكفته وخليها شوي علي نار هادئه
وبعدين اذا عندك كزبره او مقدونس قطعي عليه بعد ما تطفي عليه النار
واذا تحبي قدميه بارز
وبالهنا والعافيه
ان شاء الله اكون افدتك ولو بشي بسيط
مع خالص تحياتي
أحلام عمري H
08-13-2008, 07:23 AM
اللي تجود به نفسك عادي
* رمش الغلا *
08-13-2008, 07:31 AM
هذي مصقعه اخذتها من منتدى ثاااني رهييبه
مصقعة بدون قلي
تقطعين طماطم حلقات وتصفينه بالصينية ,,
بعدين باذنجان حلقات وتحطينه فوق الطماطم ,,
وبعده بطاطس برضو حلقات وتصفينه فوقهم ,,
بعدين تكوني ,
مكشنه بصل مفروم بعدين حطيي اللحم المفروم ثم الطماطم والصلصةو(ملح+بهارات)<< وشوي ماء ,,
تصبين العصاج على الصينية بالتساوي ((وتحكمين إغلاقها جيداً جيداً)) بالقصدير ,,
وتدخلينها الفرن تقريباً ساعة إلا ربع ,على نار هاديه افتحي القصدير وشوفي إذا نشف الماء يعني خلصت
وبالعااافيه
أحلام عمري H
08-13-2008, 07:36 AM
تسلمين قلبو
رمش الغلا مشكورة من قلبي
* رمش الغلا *
08-13-2008, 07:49 AM
بسبوسه رهيبه
الكاسه المستخدمه في المقادير هي كاسة الجبنه السائله الكبيره
كأس ونصف سميد ناعم ((انا استخدم اللي يجي في كيس ))
نص كاسه زيت
نص كاسه ماء
نص كاسه سكر
6 ملاعق حليب بودره
علبة قشطة
ملعقه كبيره بكينج بودر ( بس ملعقه مو اكثرر)
بيضه
شيره
الطريقه
اخلطى المواد السائله الزيت والماء واضيفي لهم السكر واخلطيهم بالمشبك
اضيفي 6 ملاعق الحليب واخلطى اضيفي البكينج بودر والقشطة
وحطي البيضه
واخيرا اضيفي السميد واخلطيهم بمشبك
وهاتي الصينيه وسط او صغيره ادهنيها بزيت ودخلي البسبوسه الفرن وهو حار وعلى نار هاديه عشان لا تحترق قبل ماتستوي اذا شفتي اطرافها شقرت حمريها من فوووق وانتبهي لها ترى تصير بسررعه
بعد ماتستوي وتبرد حطي الشيره وهي حاره وغطيها بقصدير وخليها فتره تشرب الشيره تقريبا ساعه او اكثر وكل ماخليتها اطول احسن
وبالعااااافيييه
* رمش الغلا *
08-13-2008, 07:57 AM
البانكيك
المقادير
1 كوب دقيق
2 ملعقة طعام سكر
2 ملعقة طعام بايكنج باودر
2/1 ملعقة صغيرة ملح
2 بيضة
1 كوب حليب سائل
3 ملعقة طعام زيت
الطريقة
1- نحط الحليب+الزيت+البيض بالخلاط ونخفق
2- نخلط النواشف مع بعض ونحطها بالخلط على السوايل ونخفق
3- ناخذ مقدار 4/1 كوب من الخليط ونصبه في مقلاة مدهونة
وبالعاااافيه
* رمش الغلا *
08-13-2008, 08:00 AM
وووفيييه حلى عشاااا رهيييب وسهل اذا سويتيه مره بتدمنين علييه بس تعبت من الكتابه اكتبه لك بعدين
نجمة البحر2008
08-13-2008, 10:44 AM
up
*أحاسيس مجروحه*
08-13-2008, 11:10 AM
اسهل طبخه وسريعه بنفس الوقت
خذي واحد اندومي حطيه بمويه وحطي عليه البهارات وخليه دقيقتين على النار وبالهناء والعافيه
تبين طبخات ثااااانيه انا جاهزه <<<<مصدقه انها طباخه:0145:
أحلام عمري H
08-14-2008, 02:06 AM
مشكورة ع الجهد مرة تعبتي حالك اختي صاحبة ااندومي
رينا911
08-14-2008, 07:20 AM
اكله سهله
رقاق السنبوسه.كيري.شيره ثقيلة.
اقص الرقاق من النص بالطول واحشيها بالجبنه واقلاها بالزيت واحطها في الشيره
بالعافيه
أنفاس أنثى
08-14-2008, 07:59 AM
صينية التوست مررره سهله ولذيذه .. يميميميممممممم...
المهم الطريقة ..
خذي خبز توست وقطعي الأطراف وصفيه في صينية بايركس وبعدين رشي عليه حليب سائل (( يتبلل شوي بس لا تكثرين ))
بعدين جيبي تونه وكشني عليها ببصل وطماطم وبهارات وملح وبقدونس .. وحطيها كطبقة ثانية في الصينية ..
بعدين صفي خبز التوست كطبقة ثالثة طبعا بعد ماتقطعي الأطراف وبعدها رشي حليب سائل ..
خلطة الوجه عبارة عن ..(( قشطة +ملعقتين جبنه سائلة+ ملعقتين مايونيز )) تخلط مع بعض وتوضع على الوجه ثم أدخليها في الفرن للتحمير من فوق وبس ..وتقدم بالهناء والعافية ...
ترى مررره لذيذه لا تفوتك وربي جنااااااااااان.. وأتمنى أنها تنال إعجابك.
أسمو إلـﮯ الجنـ♥ـﮧ
08-14-2008, 10:42 AM
فيه طبخة سهله وطعمها لذيذ
كفتة البطاطس
المقادير
5 بطاطس مسلوق ومملحة و مهروسه
ليمونة معصورة
نصف حبة دجاج مسلوقة ومفورمة فرم ناعم
ربع بصلة مفرومة فرم ناعم جدا
قبضة اليد كزبرة او بقدونس ورق مفروم فرم ناعم
قليل فلفل اسود حسب الرغبة
الطريقة
نخلط جميع المقادير مع بعضها و نعجنها ونكورها كور صغيرة
توضع في البيض ثم البقسماط و توضع في الثلاجة لمدة نصف ساعة
ثم تقلى في زيت كمية متوسطة على نار هادئة
اتمنى تعجبك
وعندي بسبوسة سهلة وسريعة ومقاديرها مضبوطة مائة بالمائة
بس بعدين احطها
لي عودة لموضوعك
أنسه قوقل
08-14-2008, 04:02 PM
فطائر مقليه
ك طحين وقشطه ومقدار قليل من البقدونس المفروم يخلط مع بعض
الحشوة \\ علبه جبن كيري ونص كوب جبنه شيدرمبشور وشويه بصل اخضر مبشور وزيت للقلي
تخلط مقادير الحشوة وتوضع في الثلاجه لحين الاستخدام ويفضل ان لاتقل عن ساعتين
حتى يكون الطعم افضل
ثم نخلط الطحين مع القشطه حتى تتماسك نتركها ترتاح مدة نص ساعه حتى يسهل التشكيل تفرد وتحشى وتلف حسب الشكل وتحفظ في الفريزر لحين القلي
الطريقة :
نخلط السكر و البيض والزيت لمدة خمس دقائق ثم نضيف القشطة و السميد و جوز الهند و نخلط لمدة 5 دقائق ثم نضع الفنيليا و البيكنج باودر و نخلط لمدة دقيقتين
نصبها في الصينه الزجاج الكبيرة
وندخلها الفرن
بعد ان تخرج من الفرن نصب عليها الشيرة
ترى لذيذة و مقاديرها مضبووووووطة
* رمش الغلا *
08-15-2008, 12:31 PM
حلى عشاا سهل ورهيب
المقادير
*بسكوت شاهي
*جلي احمر اي نكهه(ممكن تسوين اي لون بس الاحمر شكل حلووو)
*دريم ويب
طبعا مقدارالمقادير حسب الصينيه ان كانت صغيره بكت جلي واحد و2 دريم ويب واذا وسط2 بكت جلي و3 دريم ويب واذا كبيره3 بكت جلي و4 دريم ويب
الطريقه
1_صفي البسكوت بصينيه بايروكس
2_سوي الجلي زي ماهو مكتوب على البكت بس حطي مويه حاره تغلي وصبي الجلي على البسكوت ودخليه الثلاجه لحد مايجمد الجلي
3_سوي الدريم ويب زي مامكتوب عليه وحطي الحليب بااارد مره عشان لايصير ساايح وصبيه على طبقة الجلي ودخليه الثلاجه تقريبا 3 ساعات
وبالعااافيه
العنزية1400
08-16-2008, 08:46 PM
حلوووو
ما فيه اسهل من الاندومي
وتمر مع القشطه وااو روعه
Ghada R
08-17-2008, 04:37 AM
كفته بطاطس
اسلقي بطاطس "حسب الكميه اللي تبينها"
بعد سلقها اهرسيها وابشري عليها علبتين جبن كرفت الازرق وملعقه كبيره جبن سائل واخلطيها بيدك وكوريهاا بعدين بعدين غمسيها في بيض بعدين بقسماط واقليها ولو تسوين كميه كبيره وتحطينها في الفريزر اسهل لك
واذا تبين تضيفين قطع دجاج صغيره او بقدونس
بس انا اسويها بدون اضفتها
______
شوربه بيضاء
فطر - بطاطس مكعبات - جزرمبشور - كوسه مبشوره - بازلاء-بصل مقطع صغيير-ربع فص ثوم لرائحه فقط - ماجي -ملح -فلفل - كاري مهران اذا عندك حطي ملعقه صغيره
احمسي البصل والثوم على النار واضيفي باقي الخضار
وحطي في الخلاط كاس مويه وملعقه كبيره دقيق وملعقه نشا وملعقه حليب بودره
واذا بتضيفين كاس مويه ثاني نفس الشىء ملعقه كبيره دقيق وملعقه نشا وملعقه حليب بودره
بعد ماتخلطينها في الخلاط اضيفيها للخضار واضيفي الماجي
_____
بيتزا سريعه
حطي كتشب ومايونيز وشوي خردل وحطيها على التوست
بعدين حطي على التوست زيتون فلفل بارد مقطع بصل مقطع نص دائره وفطر
بعد ماتحطينها حطي جبن شرائح بعدين جبن مبشور وسكريها بالقطعه الثانيه من التوست بعد اضافة الخلطه
تحطين البهارات على اللحمه
وتعجنينه لحد ماتختلط اللحمه مع البهارات
وبعدها تكور اللحمه كور صغاااااااار
وتقلى في شوية زيت
واخليها على جنب واحط في الخلاط
حبتين طماطم وبصله واربع فصوص ثوم
وعلبة صلصه وشوي ملح وفلفل اسود
في قدر آخر نكشن البصل بالزيت ثم نضع عليه خليط الطماطم والبهارات
ثم البطاطس وقليل من الماء
ونتركه الى ان ينضج البطاطس
يعني كأنك تسوي ايدام بطاطس بس لاتخليه مويا مره
وبعد ما يستوي البطاطس
نسكب ايدام البطاطس في صينيه ثم نضع عليه كفتة اللحم
تتبيلة للمشويات فى الفرن(لحم.فراخ.كفتة):0145:
بصلة مبشورة-1طماطم مبشورة-فلفلة حلوة-عصير2 ليمونة.......
انقعى الفراخ او اللحم حوالى ساعتين ثم ضعيها فى الفرن وارتاحى
انا كنت اعمل منها كمية واضعها فى الفريزر واستخدمها عند الحاجة السريعة
ام برهوم وحمود
08-18-2008, 06:42 AM
صنيه التست خفيفه ولذيه وسريعه
هلوله
08-18-2008, 09:58 PM
صينية دجاج بطريقة سهلة
المقادير
اربع حبات بصل
ثلاث حبات طماطم متوسطة ومقطع شرائح
دجاجة ونص مقطعة
ملعقة كاتشاب وملعقة مايونيز
قليل من الزيت--- بهارت مشكلة--- قليل من الكركم-- ملح حسب الرغبة
ويلف بقصدير ويوضع بالفرن ويشعل من اسفل حتى ينضج ثم يفتح القصدير ويحمر من اعلى
ويقدم مع رز او خــبز
وبالهناء والعافية
******************************
ولي عووووووووووووووده
العين بحر**
08-19-2008, 02:32 PM
بصراااااااااااااحة اذا على الحلى البسبوسة بس شئ مثل مطعم الطااااااازج
كأسة سميد (كأسة الجبنة السايلة الكبيرة)*ملعقة البيكنج بودر واصبع الزبدة وحليب نستلة الكبير وهذا السر
وعادي تخلطينها مع بعض وفي الفرن وبعدين الشيره وبالهناااااااااااء والعافية
العين بحر**
08-19-2008, 02:39 PM
وهذا موضوعي عن الكناااااااااااافة ياليت تزوروني وتشرفوني http://alfrasha.maktoob.com/showthread.php?t=489559
ولييييييييييييييييييييييييي عوووووووووووووووووده
العين بحر**
08-20-2008, 02:44 PM
http://alfrasha.maktoob.com/showthread.php?t=396966
هذا رابط موضوعي شرفوني ((ايس كريم روعة *))
العين بحر**
08-20-2008, 02:47 PM
هذا موضوعي فطيره البيتزا سهلة وخفيفة زوروني ((اعتذر من الفراشات تعبتكم معاي مفروض انزل الطريقة على طول بس ابغي الكل يزورني ))
http://alfrasha.maktoob.com/showthread.php?t=394315