قصديرة اللحم والارز والله تجنننننننننننن

[مجموعة احلام22]

هلا وغلا ..
اليوم جبت لكم اكله ..بس مش اي اكله ..
هي غريبه شوي طريقتها ..والاغرب طريقة تقديمها ...
ممكن اعطيكم نبذه عن الاكله..هي اكله قصيميه وبالتحديد رساويه ..
تعلمتها من خالة زوجي لانه يموت عليها ..ومع الوقت صرت فنانه فيها وعلى قولة زوجي اني رزازه <<<< يعني اضبط الرز ... هما عادة ياكلونها ويضيفون لها حبحر
موقلت لكم رساويه الاكله ذي..بس جربيها وماراح تندمين ..:0149:


ماراح اطول عليكم ...

تعالوا تعلموا معاي قصديرة اللحم ...

المقادير...
2 بصل مقطعه جوانح..
3 م ك صلصه طماطم ..
زيت حسب الرغبه .. انا احب الزيت يكون نوعا ما زياده لان الارز يطلع الذ ..
بهاراتك الي تحبينها ..
فلفل اسود + كمون + شوية ورق غار + شوية قرنفل صحيح + شوية فلفل اسود صحيح ..
لحم حسب الكميه الي تبينها .. انا سويتها بريش تقريبا 7 .. وتسلقينها قبل لمده 20 دقيقه ولازم تحتفظين بمويتها..
الارز حسب الكميه ..
<<<< طبعا والبهارات والبصل والصلصه ممكن تزيدينها حسب كميتك ..
>>>> بس انا قليل لانه بس لزوجي يعني لشخص واحد ...
قصدير <<< اهم شئ بالمقادير ..

.............................. .
الطريقه ..
اول نشي نحمس البصل مع الزيت .. ونضيف له ورق الغار والقرنفل والفلفل الاسود الصحيح ...

لحد مايصير لونه اشقر غامق..موبني محروق .....

http://forum.hawaaworld.com/attachment.php?attachmentid=50145&d=1152126147

بعدين نضيف الصلصه +البهارات الثانيه

ونحركها شوي ..وهذي صوره ..

http://forum.hawaaworld.com/attachment.php?attachmentid=50146&d=1152126345

معليش اللون غامق من التصوير لانه بجوال ..

بعدين نضيف لها اللحم مع المرقه الي طلعت منه ..وهذي صورة اللحم المسلوق ..

http://forum.hawaaworld.com/attachment.php?attachmentid=50147&d=1152126362

وبعد اضافته ونحركه شوي بعدين نتركها على النار لمدة ربع ساعه ....

http://forum.hawaaworld.com/attachment.php?attachmentid=50148&d=1152126379

بعد كذا حبيبات قلبي . تكونين منقعه الرز من قبل وتصفينه بعدين تضيفينه على اللحم ..ولاحظي ان الماء قليل نوعا ما يعني حبات الارز لسى مبينه مو متغطيه بالماء .. وهذا مطلوب ....

ثم اتركيه على نار متوسطه مو عاليه ولا واطيه مره .. لمدة ربع ساعه بس ..
لا تخلين مويته تنشف خليه يكون مبلل وبعدها طفي النار .. وخذي قصدير كميه كبيره
وحطيه زي الصوره على صحن الفرن ..

http://forum.hawaaworld.com/attachment.php?attachmentid=50150&stc=1&d=1152126832

بعدين تصبين الارز بالوسط ..زي الصوره لا تنثرينه لحد الاطراف لا وزعيه شوي لايصير زي الجبل بس مو مره ..


http://forum.hawaaworld.com/attachment.php?attachmentid=50151&stc=1&d=1152126832

بعدين قفلي القصدير زين عن طريق لف الاطراف للداخل مع الكبس عليها جيدا علشان ما يكون فيه مجال يطلع الهواء برا هذي الخطوه مهمه مهمه مره لازم نكتمه كويس ..

وبعدين دخليه الفرن بالوسط وشغلي النار من تحت بس .. وخليه ساعه كامله ..
اول ربع ساعه تكون النار فيها عاليه ما بين 180 و200 درجه وبعدين خليه يكمل الساعه على نار هاديه 150 او 140 درجه .. تراها بتنتفخ لك جوا الفرن زي البالونه عادي هذا من الهواء.. بعدين اذا خلص الوقت طلعيه من الفرن .. وحطيه بصن التقديم زي ما هو بقصديرته وافتحيها وشوفي الشكل ورتبي شكل القصديره علشانك بتقدمينه فيها مو قلت لكم تقديم غريب .. علشان تستمتعون بطعم الحكاكه ...وممكن تنقلينها بصحن بدون قصديرتها بس بالقصدير الذ مررره ..
.. وطلع طعمها خيااااااااااااااااااااالي ...
:08::08:
http://forum.hawaaworld.com/attachment.php?attachmentid=50153&stc=1&d=1152126832

ان شاء الله تعجبكم بس والله ترى طعمها شئ ..وممكن تسوينها بالدجاج بس لاتسلقينها قبل زي اللحم لا عادي ضيفها على الكشنه وحركيها شوي بعدين أضيفي الماء وكملي زي اللحم ..

وانتظر ردودكم الحلوة والتشجيع ...:0134:

[تالين22]

حبيبتي شكل الاكله تجنن بس خساره مافي صور ..
سلمت يمناكي حبيبتي ويعطيك العافيه ..

[حنايا]

ياليت تظهر الصور بسرررررررعه

[الديمونه]

مااشاء الله شكله روعه بس خساره الصوره مو طالعه

[فتاة الخبر]

تسلمين على الطبخه ثااااااااااااااااااااااااااانكس

[منوليتاااااااا]

ياليت تضيفي الصور لانها تسهل استيعاب الطبخه وتسلم يديك على الطبخه

[لورررا]

الطريقة مرة روعه بس ياليت الصورة

[الوفاااا كله]

ان شاء الله بالعافية

تحياتي

[مدام بزنس]

وين الصوره شهيتينا وتسلم ايدك ياقلبي

[جـــــــورية الكـــــويت]

http://m002.maktoob.com/alfrasha/up/6935255401804250802.gif

الله يعطيج العافيه
على جهودج الرائعه

وننتظر جديدج
في فارغ الصبر
بس للاسف الصور غير ظاهره
أختج
http://m002.maktoob.com/alfrasha/up/14770995351197983607.gifجورية الكويتhttp://m002.maktoob.com/alfrasha/up/14770995351197983607.gif

http://m002.maktoob.com/alfrasha/up/6935255401804250802.gif

[ام الهيثم 2]

http://www.l5s.net/uploads/beb8647108.gif

[سومي7007]

ليتك حطيتي صوره

[صدونه الحنونه]

حمستيني بأسويها بكره

[بريق الامل*]

يسلموووووووو ياقلبي

[أم دمدومة]

مشكووووووووووووووووووووووووووره

[مجموعة احلام22]

اشكركم على مروركم وردودكم الرائعة وانشالله تجربوها
:0149::7_4_3[1]:

[مجموعة احلام22]

اشكركم على مروركم وردودكم الرائعة وانشالله تجربوها

[توت الشاااام]

رووووووووووعه
يسلمووووووووووووو يالغلا

[الوردة التي لا تذبل]

شكله جنان يسلمووووووو

[daloooa_7002]

يسلموووووووووووو
يعطيك العافية

[مجموعة احلام22]

شاااااااااااااااكرة مروركم

[spirited away]

يسلم يدك خصوصا انها اكله رساويه

[رينا911]

اكله روعه تسلمين