.:: دنيا بلا حب ... شينه ::.

[سيدة الحرف]

:0151::0151::0151:

ياويل قلبي كل مااشتقت لقياه
وشلون ماتشتاق عيني لعينه

أنا أدري إني حيل أحبه وأهواه
وأنا أدري إن القلب صار بيدينه

أموت أنا به في غيابه وأحياه
وشلون أجل لو صافحتني يمينه

حاولت أنا اكتم عبرتي يوم فرقاه
وألملم جروح الزمان الطعينه

واعطيه من قلب المعنّى معاناه
وآخذ من جروحه ولو هي دفينه

وأضيع به في زحمة الناس وأنساه
وأنسى معه ذكرى السنين وحنينه

لقيت نفسي كل ما حل طرياه
عروق قلبي كلها تقول وينه

يامر على قلبي ولا شك ينهاه
كلي أنا تحت الإشارة رهينه

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
واحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب .. شينه

والزين ما يكمل ولو كان ماحلاه
إلا حبيبي ماتغيّر بزينه

ماجيت أسولف عن حلاه ومزاياه
يكفي أحاسيسي وقلبي عارفينه

الشعر يعجز وصفه في قفاياه
لأنه بعيني يساوي الكل بزينه

كن الفضا في غيبته ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

باكتبه أنا في صفحة الشعر واقراه
وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلوع الحــــــــنينه

بوسط الحشا في داخل الصدر مثواه
إما يسار القلب وإلا يمينه


:0151::0151::0151:

[سما الفيصل]

روعه...يعطيك العافيه...~

[سيدة الحرف]

الله يعافيك
مشكوره على المرور الرائع

[روح القلم]

قصيده راائعة
سلمتي أخيتي
ننتظر جديدك
خالص تحياتي
روح القلم

[عشق الزهور]

روووووووووعه
يعطيك العاافيه

[شيماء الفراشة]

يعطيك الله الف عافيه قصيدة رائعه
ننتظر جديدك اختي

[سيدة الحرف]

مشكورين اخواتي العزيزات على مروركم الجميل