واوووو مره حلوه الفكره لان بصراحة الشبونق يمدحونه عندكم وحابين نتعرف على الامكان الي تنباع فيه الملابس اليونيك الي مو مكررره حيل وكمان بسالكم اشياء تقديم من صوانى وصحون بس ابغى اشياء مو دارجه وين ممكن الواحد يحصلها وكمان الجلابيات والحجبات ........ ياليتكم تفيدونا واذا فيه احد يوصلها لسعوديه والا لا ....
شوكولاته مميزة
01-19-2006, 03:31 AM
هلا ومرحبا
بصراحة اشكر لكم ترحيبكم للفكرة ........................
وانا انادي بنات الكويت للوقفة معاي وياريت اللي عندة شي ما يبخل علينا.........................
&&&&&&&&&&بالنسبة للدراريع &&&&&&&&&&&&......
عندكم انسام الخلف .... في الجابرية
فاطمة قبازرد...في الجابرية ((روووووعة))))
<<<<<<انا عندي ارقام مشاغل في لكويت كانت دازتهم لي الفراشة شهد الكويت بعد اذنها راح احطها لكم بعد فترة>>>>>>>>>>>
&&&&&&&&&&&بالنسبة لصواني التقديم&&&&&&&&&&&
انتوا يا اهل السعودية دايما سباقين في هالشي
احنا عندنا محل في مجمع العنجري في السالمية ومحل في مجمع الاوقاف في الكويت
حلوييييييييييييييين
&&&&&&&&&&&بالنسبة للحجابات&&&&&&&&&&&
الكويت مترووووووووسة حجابات في كل مكان تروحينة
(نوران ،توب شيك,الحفار,..........الخ كلهم موجودين في سوق السالمية(الدروازة)
وشكرا
اختكم شوكولاته مميزة
شهاليـــــل
01-19-2006, 04:56 AM
اول شي عظم الله اجركم واجرنا فى الفقيد الغالي ابونا جابر
الله يرحمه ويغمد روحه الجنه
ابي اسلالكم لو تسمحون لى عن الحريم او الاماكن اللي تسوى فيها او تباع اطقم الفضه تقليد الالماس
وهى غاليه حيل بس هباااااااااااااال
روعه تجنن ماتفرقينها عن الالماس
ابيهم ضروري
شوكولاته مميزة
01-19-2006, 05:38 AM
وضحي شهاليل اكثر حبيبتي ما فهمت؟؟؟؟؟
شوكولاته مميزة
دانة بحر
01-19-2006, 06:11 AM
شوكلااعتقد الي تقصده شوشو فيه مصمات تعمل كوبي من اللماس بس فضه يعنى مثلا عندنا فيه وحده تصمم كوبي من الفردان بس فضه مو ذهب وتكون بنفس الوقت مو اكسسوار وتكون ارخص من الاصل .....
شهاليـــــل
01-19-2006, 01:54 PM
هلا قلبي
الله يعطيها العافيه دنوووو
شوفى ياقلبي هي مو مثل اللى كانو يلبسوها بعديل الروح
لا افخم بفرق كانها تصاميم الماس ومو واضح انها اكسسوار
شفت على وحده طقم (انصرعت من سعره .. 900 دينار ) بس وربي تعطينه نص مليون ريال
يجنن يهبل وقالت انها ماخذته من كويتيه تجي الرياض ايام بسيطه وتروح
وهو فضه بس كنه ذهب ابيض متقن الشغل مررررره
والحلقان عندها كبار وخياليه (وغاليه ... وجه يصيح) يعنى الجلق ممكن يوصل 200 - 300 دينار
بس مو خساره ... نفسي اعرف عن هالمصممه
والبنت اللى شاريه منها لابسه طقمها بزواجها (فاضيه) بسكل الناس حسبته ثروة
واسال البنت تحلف انها ماتعرف رقمها ولااسمها وانها شافتها صدفه بشعبان عندنا بالرياض(انواع الجحود)
أتحدى العالم
01-19-2006, 02:06 PM
فكـــــــــــرة رائعــه أن تضعوا ملف خــاص يشمــل العديد عن دولة الكويت
ليسهــــــل للفراشات الاستفسار وبسهوله
الله يعطيــــــــــج العافيـــة
تحياتــــــي
miss moon
01-19-2006, 09:15 PM
تسلمين لنا يالغلا كله على هالموضوع الرائع وحلوه الفكره والله ان يكون لنا ملف خاص ببنات الكويت
وياليت ان يتم التفاعل من كل بناتنا الغاليات بالكويت وخارجها
دمتم بود
الجازي 2
01-20-2006, 03:43 AM
شوكلاته مميزه
مشكووره على التفاعل وحنا نبي اراقم الحرمي مثل بنت قبازرد والكندري
والله يخليج تحطينهم لاننا نبيهم بسرعه
وعندي طلب ابي محل شروق سالمين اسمه ساش ابي عنوانها بالضبط لانها بس حاطه اسم الشارع
اللي راحت لها من قبل تقولي الوصف
ومشكوووووورين
شهاليـــــل
01-20-2006, 03:49 AM
الجازى عندي ارقامهم
بس نطريني لبكره اخذها من اخذها من اختى
شهاليـــــل
01-20-2006, 03:50 AM
بس ميسا مو اكيد الرقم
لكن بنت قبازرد متاكده
الجازي 2
01-20-2006, 04:33 AM
مشكووره شهاليل ناطرتج حتى لو مو اكيد ميخالف خل اجرب
<<<<< فرحااانه بتنحل مشكلتها اخيرا
ناطرتج
شهاليـــــل
01-20-2006, 04:40 AM
الجازى ارسلت لك رقم فاطمه
بس ميسا مو عندهاحاليا
تقول بكرا بتشوف عنه
توتوه
01-20-2006, 02:13 PM
بنات الكويت ابغا صالون توب في القص والصبغه ؟ وش رايكم بصالون طوني مندلق اللي في فندق المارينا؟؟
توتوه
01-20-2006, 02:15 PM
الجازى ارسلت لك رقم فاطمه
بس ميسا مو عندهاحاليا
تقول بكرا بتشوف عنه
انا ابغا ارقامهم ؟؟ وهم عندهم بوتيكات والا كيف؟؟ وكم اسعارهم بالضبط؟؟
دبيه ام خدود ورديه
01-21-2006, 05:12 AM
up up up up up
اموولي
01-21-2006, 04:29 PM
موضوع حلوووووووووووووو يا بنات الكويت
انا الله يسلمكم ابغى مفارش للعرسان شي عدل بس مو وااااااااجد غالي لأني احسب فرق العمله وبعد يا ريت تدلونا على محلات بيجامات حلوة
انوار الرشيدي
01-21-2006, 04:35 PM
فكـــــــــــرة رائعــه أن تضعوا ملف خــاص يشمــل العديد عن دولة الكويت
ليسهــــــل للفراشات الاستفسار وبسهوله
الله يعطيــــــــــج العافيـــة
تحياتــــــي
توتوه
01-21-2006, 11:02 PM
up up up up up
شوكولاته مميزة
01-22-2006, 01:12 AM
مرحباااااااااااااا فراشات
سوري على التأخير بس اللي تبي ارقام المشاغل تقولي وادزها على الخاص..................
اوووووووووووووووووووكي
وبالنسبة للاخت اللي طلبت بجامات ما حددت بجامات البيت او بجامات العرايس (الحرير)
بجامات البيت موجودة في مجمع النقرة الجنوبي تحت \سوق السالمية(المعلم)..................
بجامات العرايس (محلات قمصان النوم )المهلب /مجمع النقرة الشمالي/مجمع الايوب
اما القصااااااااااااااااااات عندج يمدحون صالون( مس ون) في منطقة قرطبة بس انا ما جربتة بس شفتة على بنات حلووووووووووو
وعندج صالون جاك (اسمة الشركة الكويتية للتجميل) في السالمية على البحر مقابل بيتزا هت في عمارات محل يحليلة للالعاب رهيييييييييييييييييييييييييييييييييييييب
وشكرا
اتمنى اني ما اكون قصرت معاكم
شوكولاته مميزة :fhgfreagi
^فرفوووره^
01-22-2006, 11:33 AM
يسلموووو ياقلبي...
انا من زمان كانت تراودني فكره
انا نسوي ملف للكويت...
بس انتي حبيبتي ما قصرتي...
وحلوو انا نجمع اي استفسار عن الكويت في هذا الملف...
الله يعطيج العافيه شوكلاته مميزة...
أخــــــــــــــتـــــــــــــج
^فرفوووره^
شوكولاته مميزة
01-22-2006, 03:32 PM
شكرا لكي على الرد يا فرفووووووووورة
شوكولاته مميزة
سمبووسه
01-22-2006, 04:33 PM
تسلم ايدينج شوكلاته على الملف
يعطيج العافيه
شوكولاته مميزة
01-22-2006, 11:59 PM
الف شكر لج سمبوسة
شوكولاته مميزة
الجازي 2
01-23-2006, 12:03 AM
هاااي شوكلاته مميزه
ماعليج امر انا ابي ارقام المشاغل بدون تحديد
والله يجزاج كل خير
وشكـــراااا
توتوه
01-23-2006, 12:05 AM
مرحباااااااااااااا فراشات
سوري على التأخير بس اللي تبي ارقام المشاغل تقولي وادزها على الخاص..................
اوووووووووووووووووووكي
اما القصااااااااااااااااااات عندج يمدحون صالون( مس ون) في منطقة قرطبة بس انا ما جربتة بس شفتة على بنات حلووووووووووو
وعندج صالون جاك (اسمة الشركة الكويتية للتجميل) في السالمية على البحر مقابل بيتزا هت في عمارات محل يحليلة للالعاب رهيييييييييييييييييييييييييييييييييييييب
راح اكلمج على الماسنجر دموع اوكي
ابي مكياج من ماركة مكياجي ......
..تالا..
01-31-2006, 04:33 PM
مرحبا بفراشات الكويت الفرفوشات حابه أسألكم عن كلمه
دايما أسمعها بالمسلسلات الكويتيه من أنا صغيره لليوم وأنا نفسي أعرفها
وقاعده أفكر ياربي من وين ألاقي كويتيه قلت لبابا وديني الكويت اليوم بعد العشا قال انطقي واسكتي حذفة عصا الكويت الحبيبه عننا انا نمن السعوديه...
وبعدين كبرت وصرت حرمه واشتركت بهدا المنتدى العسول وقلت اههاااااااااااا
الحين أقدر أسأل
طولتها وهي صغنونه
ايش يعني
خطاك اللاش لما أقول خطاك السؤ تردو بهده الكلمه....
وشاكره ليكم يابنا ت الصباح...
ام غدير*
01-31-2006, 05:12 PM
وني بعد اموووت وعرف شنو معناها
..تالا..
01-31-2006, 06:33 PM
كويتيات وينكم أفا عاد يللا بسرعه ردوا...ميرسي أم غدير وأن شاءالله يردون علينا..
شهاليـــــل
01-31-2006, 10:36 PM
شوشووووو ماصلح الخاص؟
اتريا الارقام..
فديتج
شوكولاته مميزة
02-01-2006, 12:58 AM
هههههههههههههههه
معناها خطاج الشر
انشالله اكون حققت امنيييييييييتج
ههههههههههههههههههههههههه
شهاليل(انا دزيت الرسالة )
شوكولاته مميزة
..تالا..
02-01-2006, 01:18 PM
ايوه خلاص ميرسي شوكولاته مميزه...
انوار الرشيدي
02-01-2006, 06:31 PM
السلام عليكم
شلونكم بنات شخباركم
بنات انا عروس وابي اجهز
بس ابيكم تساعدوني مو عارفه شنو الكريمات اللي لازم اشتريها حق المكياج
لان اللي استخدمه طبيعي جدا للدوام بس استعمله
ومو عارفه من وين اشتري ملافع كشخه حق عروس وابي اخيط عبايه فخمه بعد
ومحتاره وين اخيط فستان العرس
واذا عندكم معلومات ياليت تساعدوني
مع جزيل الشكر
رومنسيه بس منسيه
02-02-2006, 04:06 AM
لو سمحتي شوكلاتة ممييزه ارسللي ارقام المشاغل
وبغيت اسالكم عن محلات الحلويات الفخمه عندكم
ومشكوووووووووووورين
شوكولاته مميزة
02-02-2006, 05:20 AM
الف شكر للفراشات.........
(تالا).......... العفو حبيبتي واذا سمعتي شي جديد في المسلسلات لاتحطين الكلمة في خاطرج على طول اسالي ههههههههههههههههههههه
*************************
(انوار الرشيدي) الف مبروك حبيبتي كلوووووووووولووووووش
يااااااااااااااا بنات الكويت عندنا عرووووووووس لازم نقوم فيها خلوناااااااا نجهزها احلى تجهييييييييييز<ويييييينكم يا فراشات الكويت انوار طالبتنا>
@ نوارة حبيبتي شوفي بالنسبة للمكياج تبين كريم طبيعي :::ماكس فاكتر::: روعة وعندج بعد من ::ماركة مكياجي ::انا شاريتة من عندهم من ماركةنوبا بعد روعة حق الصبح
وبعد بودي شوب اذا تحبينا حلووووووو
@ اما الملافع انت قصدك الملونة او السودة وضحيلي ؟؟؟؟؟
@ واذا تبين عن فساتين الاعراس انا راح ادز لكم ارقام المشاغل بس والله الرسايل الخاصة فيها مشكلة عندي واذا صلحت ذاح ادزها للفراشات اللي طلبوها..
***********************************
(رومنسية بس منسية) شوفي عندنا امبرس في الجابرية وحولي
روعة/ الدكان في مجمع الاوقاف/الخباز/سابلية/الملالة في السرة بس مااعرف رقمها حلو شغلها/عندك ناس في البيت يسووون حلو روعة للاعراس
وشكرا
شوكولاته مميزة
انوار الرشيدي
02-02-2006, 03:35 PM
يا عمري تسلمين وما قصرتي ومشكوره على الترحيب وانشاءالله انتم اللي تجهزوني وتجوني عرسي بعد
بس انا كنت ابي كريم للسهرات قوي مو طبيعي لان كل الللي عندي طبيعي ابي واحد للمناسبات والعزايم يبين اني عروس
والملافع ابي ملون واسود
مع جزيل الشكر
وحبيت اسئل عن الزيت الفلبيني الاخضر واجد اسمع عنه بس مو عارفه وين احصله
ومشكورين ما قصرتوا
انوار الرشيدي
02-02-2006, 03:36 PM
وحبيت اسئل عن الزيت الفلبيني الاخضر واجد اسمع عنه بس مو عارفه وين احصله
ومشكورين ما قصرتوا
انوار الرشيدي
02-02-2006, 07:59 PM
وبغيت اسال عن الكريم المخدر املا دورت عليه بصيدلية الغانم
ياليت اللي يدل مكانه يقولنا وين
الجازي 2
02-03-2006, 03:31 AM
شلوونكم بنااات
اشتقت لكم كثير
المهم حبيت اعرف ما ادري هل شوكلاته ام شهاليل اللي عندها الارقام لاني ابيهم ضروري
وغير هذا حبيت افيد اللي تبي ملافع كشخه عندج ام خالد بالفنطااس عندها ملافع افكارها غريبه وحلوه
بس اسهارها غاليه شوي
وعندج ام نوره العلاج عندها ملافع وعبي حلو بس همن سعرها مبالغ فيه
وانا صراحه توني جاايه من الامارات وجهزت ملافعي كلها من عندهم رهيبه وغريبه
اما العبي عندج بدون اسم في العربيد بلازا عندهم عبي فيها نقشات غريبه وحلوه
بس حبيت اسالج شنو زيت المخدر املا حق شنو يستخدم ؟؟؟؟؟
يارب تفيديني وانا حاضره حق اي شي
انوار الرشيدي
02-05-2006, 10:04 PM
هلا عزيزتي
والله البنات في المنتدى كاتبين عنه
يقولون لتخدير المنطقة الحساسة قبل ما تنظفينها بالحلاوة عشان ما تحسين بالم
زين عندج ارقام الحريم اللي يسون ملافع او عنوانهم ابي اجهز من عندهم
انوار الرشيدي
02-05-2006, 10:06 PM
بنات انا كذا مره اروح اكثر من صيدلية ادور كريم ريتن اي المقشر بس كل ما اروح يقولون موقفته الشركة
ياليت اللي تعرف شلون احصل عليه تقولي
وما قصرتم
الجازي 2
02-06-2006, 01:34 AM
انوار الرشيدي
انا ماشريت من الحريم غير ثلاث لان اسعارهم نااار
واغلبيه ملافعي جهزتها من الامارات
والحين بدز لج الارقام على الخاااص
توتوه
02-08-2006, 08:58 PM
باااااااااااااك ولي رجعه ان شاء الله بس الحين توني جايه من عندكم وتعبانه اروووق وادخل ارد...
شوكولاته مميزة
02-09-2006, 12:51 AM
مرحبا حبيباتي
شلووووووووونكم سوري على الغيبة الطويلة كنت مسافرة.....
اشتقتولللللللللللللي؟؟؟ والا للا :-(((
حبيت اولا اشكر دموع شكرا لج وصلتني الاغراض.....
وثانيا بالنسبة حق عروستنا الحلوة ((انوار)) شوفي حبيبتي كريم شارمل حلووو
والملافع والله انا جاية من الدمام شغلات روعةةةةة (عبي / ملافع)
(والجازي)حياتي والله انا منحرجة منج ومن البنات حيييييييييييييييييل
لانه الرسايل الخاصة ما تدز عندي....
وانا قلت حق شهد الكويت تدزها لكم بس ما ادري شفيها
انشالله راح ادزها لج
واذا تبين على المسنجر اعطيج اياهم............اوكي
وبالنسبة للكريم المخدر صديقتي كانت تستعمل جل من الصيدلية بالفراولة وفي ريحة المشمش....الخ
وتقول انه يخدر........
(وتوتوه) حياج حبيبتي
واحنا ننطرج
شوكولاته مميزة
شوكولاته مميزة
02-09-2006, 05:45 AM
:-) :-)
توتوه
02-09-2006, 01:32 PM
السلام عليكم
شلونكم بنات شخباركم
بنات انا عروس وابي اجهز
بس ابيكم تساعدوني مو عارفه شنو الكريمات اللي لازم اشتريها حق المكياج
لان اللي استخدمه طبيعي جدا للدوام بس استعمله
ومو عارفه من وين اشتري ملافع كشخه حق عروس وابي اخيط عبايه فخمه بعد
ومحتاره وين اخيط فستان العرس
واذا عندكم معلومات ياليت تساعدوني
مع جزيل الشكر
حبيبتي في عندك مركز ليلي غاليري والمحلات داخله اغلبها فستاين زواج وسهرات.. انا اشتريت فستان فخمممم
من بوتيك الجذور الدور الثاني ب 200 دينار.. وسألتهم عن فستاين الزواج وقالوا ممكن تختارين اي فستان من اي
مجله اوكاتلوج اواحنا نسويه لك... واذا تبين رقمهم من عيوني..
توتوه
02-09-2006, 01:35 PM
بنا ت انا اشتريت من عندكم سمر كيك بس ماعرفت استخدمه علموووووووووني؟؟
hmst galaa
02-10-2006, 02:34 AM
مرحبا فراشات الكويت
ابي خياط تكون قصته حلوه ويضبط الموديل
شوكولاته مميزة
02-10-2006, 04:27 AM
يا حلوج يا توتوة تعرفين محلاتنا الله لايحرمنا من مرورج.....
ياحبنيلك توتووووو
عندنا سمر كيك من زماااااااااااااان
شيهانة الرياض
02-10-2006, 08:28 AM
توتوه ماانصحك تستعملينه بعدين ترا موجود عندنا من زمان
شريته مره كنت رايحه زواج يوم رحت كلن يسألني ليش وجهك كذا الا يوم رحت اشوف كأني حاطه جبس ومتشقق بوجهي
وغير كذا سألت خبيرة تجميل قالت هذا اخطر شي على البشره يدمرها بسرعه
بعد كذا حرررررررررررررمت
مســـــاء الورد جميــــعا..
خوش فكرة والله .. وانا انضم لخواتي فراشات الكويت.. حاضرة لأي استفسار .. امروا ولكم عيوني :de43r
شوكولاته مميزة
02-12-2006, 11:32 PM
تسلم عيونج حبيبتي
ونور المكاااااااااااااااان
شوكولاته مميزة
توتوه
02-12-2006, 11:47 PM
بنات انا يوم رحت للكويت شفت وراء مجمع النقره اتليهات عندها فستاين عرايس بيضاء كثيره... وفي اتليهات كثيره ما
امداني اشوف شي منها ..
.وش احسن اتليه؟ واسعارهم كم تترواح؟
شوكولاته مميزة
02-13-2006, 05:58 AM
هلا توتوة اي اتليهات واجد
بس انا ماجربتهم....
جربت بنت عمي اتليه منال بجانب النقرة الشمالي كان ثوبها حلو
وشفت على وحدة ثوب من اتليه ديفون بجانب النقرة الجنوبي حلو بعد
وشفت على وحدة ثوب من لولو ستايل بجانب اللنقرة الجنوبي روعة وعندهم فساتين ايجاروللبيع
شوكولاته مميزة...............
توتوه
02-13-2006, 06:01 PM
مشكوره حبيبتي.. طيب يفصلون؟؟؟ وكم اسعارهم؟؟
rola ahmad
02-14-2006, 01:06 AM
هلا بالفراشات انا بعد مستعده لأي استفسار
وبالنسبه لعروستنا مبروك وأناأ نصحك بكريمات DIORوايد حلوه
وبالنسبه للاكسسوارات الي مثل الالماس انا اعرف وحده تبيعهم بس صراحه اسعارها غاليه بس شي يستاهل
والي تسأل علي الكاكاو عندك(( لاكادو)) والي تسأل عن العبايات عنك عبايات نجد الي بمجمع الرايه شي راقي
وانا بالخدمه
شوكولاته مميزة
02-14-2006, 05:36 AM
الف شكر للمرور الطيب
شوكولاته مميزة
شوكولاته مميزة
02-15-2006, 01:56 AM
:-) :-) :-)
فراشة في مهب الريح *
02-16-2006, 10:52 AM
فكرة حلوة فعلا ان بنات كل بلد يتجمعون في صفحة وحدة بس ايش رايكم نروح نسلم على بنات وطنا العربي كل وحدة في صفحتها :)
انا من الكويت واي استفسار عن منتجاتي حاضرين
الرشوش المميزة قريبا جدا ........ واللوشن المعطر من عطورات الجوري ...
التونيك الماليزي الرهيب
سجادة الصلاة المعطرة + هدية روعة لبنات الكويت
ومفاجأة العيد الوطني :)
هلا اختي فراشه في مهب الريح
ابي من التونيك الماليزي وانا من الكويت
انتظر ردك
دموع الوداع
02-18-2006, 01:42 AM
مرحبا بنات
شوكولاته حبيبتي انا دزيت دعوة حق فراشة من الفراشات طلبت منها انها تعرض الاغراض اللي عندها في الملف
وحطيت اسمج من تحت((( انتحلت شخصيتج)))هههههههههههههههههههههههههههههههههههههه
ادري راح تذبحيني بس ماراح ادخل الماسنجر اليوم علشان ما تهاوشيني
بللللللللللللللللللللليز لا تزعلين
وحبيت اطلب من البنات ابي موديلات بلاااايز طويلة حق السفر بس مو الموجود في السوق ابي شغلات حلوة
وابييييييييييي بعد خياط حلو ويضبط بس مو غالي يعني هندي بس يكون خياطة نظيف
بليز قولولي انا عاشقة تفصيل ملابس................
شوكولاته مميزة
02-18-2006, 02:28 AM
اولا حياكم الله كلكم
@(فراشة في مهب الريح) حياج الله وانتشرف فيج في ملفنا ..... ترى مو انا اللي دزيت المسج هذي دموع الوداع بس انشالله تتقبلين دعوتها......................................
بس ليش ما تأجرين وترجعين بعدة بيوم او يومين؟؟؟؟.............................
توتوه
02-18-2006, 02:45 AM
الف مبروك حبيبتي
حياج الله عندنا
الفساتين البيضاء دايما تكون غاليه
بس ليش ما تأجرين وترجعين بعدة بيوم او يومين؟؟؟؟.............................
الله يبارك فيك حبيبتي.. لالالا ما ابي اجر لان لازم اروح وارد على الكويت وبعدين ابيه للذكرى..
يعني الاتليهات اللي ورا النقره كم تترواح اسعارهم؟؟؟
شوكولاته مميزة
02-18-2006, 05:05 AM
حبيبتي من قالج تروحين وتردين انا وحدة اعرفها مأجره ثوبها من دبي من مصمم لبناني بس راحت جابتة وبعدين دزتة له البريد(دي اج ال)........................وهي مرتاحة..............
ووحدة ثانية عجبها ثوب عندكم في الرياض فصلتة وعقب شهر ونص دزلها المصمم الثوب بالبريد بس والله ماادري اي مصمم.....
والمحلات اللي ورا النقرة يختلف عندج في مصممات اللي ورى النقرة وعندج خياطين عاديين وكل ثوب يختلف طريقة الشك والخامات و....................................الخ
ما تقدرين تحددين سعر
شوكولاته مميزة
توتوه
02-18-2006, 02:08 PM
مشكوره حبيبتي الله يعطيك العافيه...
شوكولاته مميزة
02-19-2006, 04:35 AM
:-) :-)
بنات من يعرف الخياطيييييييين يجاوب دموع الوداع وانا بعد ابي اعرف خياطين حلوين
شوكولاته مميزة
02-20-2006, 01:01 AM
ليش ما تتفاعلون
الجازي 2
02-21-2006, 12:06 AM
قوه يا بنااات شلوونكم
بالنسبه للبنات اللي يبون الخياطين
انا اعرف خيااط خوووش شغل عنده بالجليب اسمه كوثر يجنن شغله شغل مصممين
واي شي يسويه لج خيطت عنده دراعتين رووعه
وفيه شارع الجهراء اللي داخل الكويت خياط اسمه رشيد حلو خياطه بس من زمان ما خيطت عنده
واذا تذكرت بعد اقولكم
أشواق القلوب
02-24-2006, 04:49 AM
السلام عليكم ورحمة الله وبركاته:.
أخواتي أهل الكويت..كان لي صديقه من قبل ثلاث سنوات وقابلت بعدها صديقات
كثيرااات طيبات وما في اطيب منهم وفرقتنا الدنيا وماني متحسفه عليهم
كثر هالبنت قسم بالله كل مااتذكرها أحس نفس الإحساس إلي افترقنا فيه ترددت
كثير قبل لا اكتب هالموضووع بس تخيلووا انتوا كل ما اشوف اسم الكويت اتذكرها
في كانت معااي سنتين وبعدها الظروف فرقتنا وكان بينا شبه اتصالات بعد اسافرت عالكويت
وفي الأخير انقطعت اخبارها عني تماما:.....الشاهد يا بنات إني أحلم بها كثير وافسر الحلم
ومررة حلمت فيها إنها تبشرني إنها انخطبت وفسرة الحلم طلع من جد إنها بتنخطب أخيراً
قلت ما لي الا الله ثم الفراشه أسأل عنها فيه..بحكم وجود كويتيات الله يحفظهم كثير يمكن احد
فيهم يعرفها ويدلني عليها..اللـــــــه لو بجد وحده تعرفها والله لأدعيلها من كل قلبي ولا يمكن انسالها
جميلها ابداااااااا.........
من تسكن فى الكويت وتستطيع مساعدتي ترسل لى على الخاص ..
أنتظركم بفارغ الصبر...
brood_grl 15
02-24-2006, 09:46 AM
حبيبتي انا ماعرف وحده بهل اسم
بس من اعيوني بسالج عنها عند كل الي اعرفهم
واذا حصلتها بيبلج خبرها
وشكرا
miss moon
02-24-2006, 02:01 PM
هلا فيج حبيبتى الله يجمعج فيها يارب على الخير
بس والله يالغاليه ما اعرفها ابصراحه
بس لو عندج طريقه اقدر اسالج عنها رقم لها قديم
او شى انا حاضره وبالشوفه يالغاليه
الجازي 2
02-24-2006, 03:19 PM
السلام عليكم ورحمة الله وبركاااته
" عاشر من تعاشر فلابد من الفراااق "
كثير اللي فرقتهم الدنيا ولكن قلوبهم لبعض
وفيج الخير اللي ذاكرتها للحين
بس انا ابسالج رفيجاتي شمريات وانشاءالله احد يعرفها
بس لو تعطيني لمحه على الاقل باي منطقه او ما ذكرت لج باي منطقه يمكن تتسهل الامور
او على قولت مس مون اي رقم قديم
والله قال اسعى يا عبد وانا اسعى معاك وبما انج سعيتي للبحث عنها الله بيسهل امروج
والله يجمعكم على الخير ياااارب
تحيـــاااااتي
أحلى فراوله
02-24-2006, 07:12 PM
للأسف والله ماعرف هالبنت و الا كان ودي اساعدك حبيبتي ..
فيك الخير الي ذكرتيها و ان شاءالله ربي يجمع بينكم على خير...
تناديم
02-24-2006, 07:16 PM
يا حلو اللي يذكر العشرة فيك الخير والله
أشواق القلوب
02-24-2006, 07:26 PM
الله يعطيكم العاافيه كلكم كلكم ووقفتكم ماراح انساها
أبد...
بس المشكله إني ماادري هي وين بالكويت بالضبط
بس انا عندي أمل وتفاؤل اني بلاقيها على ايديكم
ياااااارب
سمبووسه
02-24-2006, 10:01 PM
الله يجمعكم مع بعض على خير
وياليت اقدر افيدج
نجمه*
02-25-2006, 02:04 AM
بسالج عنها انشاللءالله اقدر اساعدج.......الله يجمعكم يارب
أشواق القلوب
02-25-2006, 09:42 PM
يعــطيـــكم الـعافيه كلــكم
وتســــلمووون عالمشـــــاعر الحــلوووة أمثـالكم
blue_eyz
02-26-2006, 03:16 AM
انشالله تلتقين فيها
و تمعين اخبار حلوه
ارسليلي عالخاص اي معلومه و احاول اشوف لج
جيكا
02-26-2006, 07:25 AM
يرفع للتواصل
^فرفوووره^
02-28-2006, 09:01 AM
الله يجمعكم على خير إن شاء الله
وكلنا بنساعدج حبيبتي علشان تلاقينها.. وإن شاء الله
وحده فينا على الاقل تفيدج... بس انتي حاولي ..
وارسليلنا أي معلومه..
أخـــــــــــــتـــــــــــــــــك
^فرفوووره^
شوكولاته مميزة
02-28-2006, 02:09 PM
هلا حبيباتي
اسمحولي انه كان عندي خلل في الجهاز ما قدرت ارد عليكم
شوكولاته مميزة
شوكولاته مميزة
02-28-2006, 02:18 PM
ممكن اعرف اسم البنت
وانشالله افيدج حبيبتي
والله يجمعكم على خير
شوكولاته مميزة
شوكولاته مميزة
02-28-2006, 02:23 PM
نسيت ابارك لكم وابارك للكويت بعيدها الوطني والتحرير
في ظل شيخنا صباح
السسسسسسسسسسسسلام عليكم ...شلونكم بنات الكويت حبيت اسلم بس واشوف ملتقاكم الحلو على القوه ان شاء الله ...........حياكم الله عندنا اشربوا القهوه :fkjuiyhag
شوكولاته مميزة
03-02-2006, 08:27 PM
هلا وغلا ببنات الدوحة وبنات قطر
شرفتوا ملفنا وحياكم الله عندنا
شوكولاته مميزة
رتاج حبيبتي تواصلي معانادايما
سمبووسه
03-02-2006, 11:52 PM
شكولاته مميزه
الله يبارك فيج ويديم علينا الامن والامان ان شاء الله
مشكوره ياعمري
شوكولاته مميزة
03-03-2006, 12:34 AM
مشكورة لتواصلج معانا الف شكر لج
سمبوسة ننطر لا تطولين الغيبه...............
ممكن بنات تقولولي افضل نوع مسكارا تعرفونها غير لانكوم مااحبهها
توتوه
03-03-2006, 12:41 AM
نسيت ابارك لكم وابارك للكويت بعيدها الوطني والتحرير
ممكن بنات تقولولي افضل نوع مسكارا تعرفونها غير لانكوم مااحبهها
يقول حاطه رمووووووش قوووولوووا ماشااااااااااء الله....
blue_eyz
03-03-2006, 02:32 AM
انا استخدم ماسكرا ديور شو
رووووعه و خاصه البني منها
جـــــــورية الكـــــويت
03-03-2006, 04:13 AM
السلام عليكم فى بنات ديرتي وبنات المنتدى العسل شخباركم
انا ابصراحه ما استغنى عن لايكم بس اذا في عندكم شيء احسن منه قولولنا وانا اذا لقيت الاحسن اقولكم
والصراحه شوكلاته فكرتج حلوه على الاقل يعدينا فرصه للاساله وتعارف بارك الله فيج حبيبتي
شبيهة حصه اللوغاني
03-03-2006, 04:35 AM
اول شي السلام عليكم اشلونكم
ثاني شي احب اشكر الاخت الغاليه شكولاته مميزه واقولها انتي فعلا مميزه بكل موضوع تكتبيه ما قصرتي ومشكوره صج صج موضوع اكثر من رائع
ثالث شي شكولاته بدلعج شوشو بعد اشتبين الله يبارك فيج وانشالله ديرتنا علي طول اعياد وافراح يارب
رابع شي انا اموت علي شي اسمه مكياااج :frut5ragi وعطورات وصبغات وقصااات الخميس الجاي عندنا عرس ولد عمي وباخذ رايج وراي البنات وين احط مكياج عند لمسة فن ايمييلي وله كونتيننتل عند اله اشرايكم وين اصبغه بعد لان ودي اصبغه صبغه روعه نفس لون مذيعه رازن مغربي الاشقر
شبيهة حصه اللوغاني
03-03-2006, 04:46 AM
بنااات بحط لكم صوره نفس خطتي يعني انا اعرف ارسم عيني جذي اول ما كنت اعرف بعدين صرت فنااانه بس ما اعرف احط حق غيري بس حقي معنا عيوني مو كبار ولا صغار عاديه يعني تقربيا نفس عيون الي بصوره كبرهم عاديه بس وايد حلوه علي هالرسمه اشرايكم فيهااا الله يعينكم علي قرقتي وااايد :)
مرحبا بنات الكويت
عندنا عرس في الكويت في العطله وأنا ابغى منكم خدمه
صالونه تجي البيت مره حلوه وسعرها مو بطال
يبنات أنا أدرس في كندا وما |أدخل النت الا في الويك اند اذا تعرفون ارقام الصالونات ارسلوها لي على الخاص
مشكورين مقدما أشوفكم الاسبوع الجاي رغم فرق التوقيت
ظما الوجدان
03-04-2006, 09:24 AM
حبيت اسلم على بنات الكويت الغالين
نعومه حلوه
03-04-2006, 03:02 PM
هاااااااااااااااااااااااااااي بنات شلوووكم
أم كوكي
03-04-2006, 03:24 PM
مرحبا بنات..
blue_eyz
03-04-2006, 05:45 PM
هاااااااااااااااااااااي بنات
اشلونكم انشالله بخير
ترى ما عرفنا لكم كل يوم مكان مره اهنى و مره بالديوانيه خو قرررررروا مكان
هههههههههههههههههههههههههه
blue_eyz
03-04-2006, 05:48 PM
ام كوكي طلعتي من البحرييييييين
الله يا حلو اهلها والله يهبلون :)
لا من الكويت بعد شئ حلو خلاص انا قررت اذا بروح قطر بأمر عليج
صج رازه ويهى لقافه