بسم الله الرحمن الرحيم
أخواتي صاحبات المشاغل بمكة ابستأجر عندكم قسم الخياطة ايجار جزئي فقط بمعنى أني أنفذ عندك مجموعات جلابيات هي بضاعة محل بسوق تجاري ولعدم التفرغ حاليا ولطول اجراءات إستقدام الخياطات وتأسيس المشغل فكرت بهذي الفكرة يعني المحل راح يبيع جلابيات تصميم خاص لمصممة..
التصميمات مميزه ويبغالها شغل مميز يعني محتاجة خياطات شغلهم نظيف وطبعا كل شي بحقه يعني كأني زبونة عادية لكن بكميات ضخمة من الملابس وتكون الأولوية لمجموعتي في الشغل باقي تفاصيل الإتفاق للي تعجبها الفكرة تارسلني على الخاص
abr.designer
12-16-2008, 03:24 AM
وينكم يا جماعة؟؟
جمـــــوح
12-16-2008, 05:25 AM
حبيبتي زي مافهمت انك راح تصممي مجموعه ضخمه
يعني يبيلك اقل شي 4 خياطات متفرغااات ومتمرسااااات ومشغل مجهز من الى للخياطه والتطريز
انتي لا تستعجلي استني شوي لما تتيسر امورك وتاسسي مشغلك ومحلك بنفسك
راح يكون اريح لك وتتحكمي في الخياطات على كيفك وتكوني المشرفه
عليهم بنفسك
حرام تصاميم مميزه تسويها عند اي احد ماتعرفي شغله ومهما كان خياطه عند وحده غيرك مو نفس شغل خياطه جايه من بلدها مخصوص على شان تصاميمك ومتفرغه لها تماما
مدري هذه وجهة نظري
والله يوفقك يارب
abr.designer
12-17-2008, 06:44 AM
يسعدلي ايامك يا جموح رأيك صح ميه ميه عشان كذا قررت ابدأ بمحل جلابيات ولا انا تصاميمي متنوعة ما تتخيلي قد ايه بإذن الله لما تزبط الأمور شوي ويصير عندنا شوية تفرغ واجيب خياطاتي راح انفذ تصاميم فساتين السهرة وغيرها وغيرها لكن الجلابيات سهله نسبيا ما فيها تفاصيل معقده زي الفساتين عشان كذا افكر انفذها عند مشغل مومشغلي بقلب قوي وبعدين يا قموره شكلي فجعتك بكلمة كميات ضخمة ... أنا اقصد انها ضخمه عل المدى الطويل يعني المشغل راح ينفذلي عدد معين من الموديلات كل شهر وكل ما مشيت البضاعة اسوي زيادة على قد حاجة طلب المحل يعني حسب الدراسه اللي سويتها مو مطلوب من المشغل الا جلابيتين يوميا عشان بنهاية الشهر يكون عندي المجموعة الأولى وهي أضخم مجموعة بعد كذا بيكون الطلب بالتدريج هاه وش رايك الحين ؟ مو كذا معقول ياليت تقوليلي ترى رأيك يهمني أنا اقيس مدى نجاح الفكرة من آراء العضوات المتوجدات مالنا غنى عنكم حتى اللي مو صاحبة مشغل تقولي رأيها بس لأن رأيها اكيد بيضيف شي او يصححلي شي في فكرتي يله عاد شدوا حيلكم معايه يا حبايب
جمـــــوح
12-17-2008, 06:20 PM
هلا ياعسل ..
برضو احسك مافهمتيني
يعني اللي عندها مشغل بالكثير يكون عندها خياطتين (وهذه المشاغل الشغاله) يعني مستحيل تشتغل شغلك تمام لانها راح تكون الاولويه لزباينها
وانتي كمصممة ازياء لازم تكون بدايتك قويه عشان مااحد يشاركك الاسم ولو بالكذب
لكن تقدري توزعي الجلابيات كزبونه عاديه لاكثر من مشغل ممتاااز
وبكذا تسوي اكبر عدد من الجلابيات في مشاغل راقيه بدون ماتضغطي على شغل احد
او اطلبي خياطات للتناااازل وخليهم ببيتك واشتري الاجهزه المبدئيه
هذا رايي يالغلااا
موفقه يارب
جمـــــوح
12-17-2008, 11:33 PM
ايه صح نسيت اقولك
وشو يسعدلي ايامك وش شايفتني اولويز ؟؟ خخخ
abr.designer
12-19-2008, 02:42 AM
الله يكرمك يا شيخه وش اولويز انا في مواقع ثانيه شفت اقبال من كام وحده صاحبة مشغل على الفكره وعطوني ارقامهم كمان بس للأسف وحده من الرياض والثانية من جده وأنا محتاجة مشغل في مكة وإقبالهم هذا شجعني مرره على الله اذا فيها خير الله ييسرها والقى المطلوب انتي قولي يارب
وعموما نورتي موضوعي على الأقل عطيتني وجه
وييينكم بنات مكة؟؟
جمـــــوح
12-19-2008, 04:03 AM
الله يوفقك ونتمنى لك كل خييييير
واول جلابيه لي وسويلي خصم عشان رديت عليك
ههههه .. ترآي امزح
موفقه
msn2008
12-19-2008, 07:57 PM
بالتوفيق
abr.designer
12-20-2008, 04:32 AM
فراشات مكة حبيباتي على الأقل دلوني على المشاغل اللي خياطتها وتطريزها حلو بمكة عطوني ارقام المشاغل او عناوينهم على الخاص كل وحدة جربت مشغل نسائي وعجبها شغله تدلني عليه وأنا بتفاهم معاهم يالله عاد حبيباتي لا تطنشون