من يومين كنا عند جدتي وكان على الغدا دجاج مشوي .. بصراحه يوم شفته حسبت انه جاهز من المطعم لانه كان لذيذ وذاااااااااايب بالمرررررره ....الا الدجاج مسويته الخادمه حسب تعليمات جدتي " الله يحفظها" ويوم سألت عن الطريقه تفاجأة انها طبخت الدجاج بـ ؟؟؟؟؟؟
شوفو تحت الطريقه شلون ؟
المقادير:
دجاج كاملة مغسولة نظيفة
خلطة التتبيل : 3 ملاعق مايونيز - ثوم - بهارات حسب الذوق - شوية بصل - شوية شبت وكرفس وبقدونس
ربع كاس ليمون - شوية خل - زنجبيل او فلفل حسب الرغبه.
""""""" نحلط مقادير التتبيل بالخلاط حتى تندمج تمام""""""""" أ, اي تتبيله انتي تفضلينها
و ............. سر الطبخه ( تابعو تحت وتشوفون شنو السر)
الطريقة:
نسمح الدجاج بالخلطه من داخل ومن بره ونتأكد انها تغطت بالكامل
الحين نجي للسر ..
تجيبين بطل بيبسي ( بطل زجاج) وتصبين فيه ماء وتحطين فيه اعواد دارسين وهيل
تلبسين البطل الدجاج وتتاكدين انها ثبتت مضبوط
تدخلينها الفرن الحار ... وتخلينها مدة 45 دقيقة او الى ان تحسي انها استوت وصارت ذهبيه
تقدمينها بصينية مع خضار مسلوقه او شبس
وطبعا لان البخار يدخل بالدجاجه راح تشوفين انها ذااااايبه بالمره ولونها من بره يشهي
هو البطل الزجاج اللي فيه البيبسي .... حطوا بالكم مو البلاستيك
الزجااااج لانه يتحمل حرارة الفرن.
او اي بطل زجاجي لماء الزهر او الورد
اتمنى تكونون فهمتوني ؟
.
ام حمد
02-07-2006, 05:06 PM
مافهمت اختي اشلون البس البطل الدجاج
ويعطيك الف عافيه
ملك روحى**
02-07-2006, 05:18 PM
مشكووووووووووورة حبيبتى
**رهام**
02-07-2006, 07:22 PM
أم احمد ...
يعني اذا تبلتي الدجاجه تفتحين ريولها وتدخلين البطل فيها وبالطريقه هذي تكون الدجاجه قاعده على البطل
والماء اللي فيه راح يتبخر ويدخل داخل الدجاجه وبالطريقه هذي تكون ذاااايبه وكانها مسلوقه من الداخل.
واذا في اي استفسار انا حاضر :)
وشكرا لكل من شرفنا بمروره.
.
reemal
02-07-2006, 11:10 PM
انا مجرباها وفعلا لونها وطعمها يشهي
انا مثلكم مافهمت شو يعني بطل بس فهمت انها زجاجة البيبسي
ويمكن كلمة بطل جاية من زجاجة بالانجليزي <( بوتيل)
GLORIOUS
02-08-2006, 05:54 AM
يسلموووووو حبيبتي
والله شكل الطريقه روووعه
بس اخاف تنفجر علي الزجاجه واتوهق... يسلمووو قلبي على السر الروعه هذا
joduy
02-08-2006, 07:28 AM
تسلمين اختي ..
.
..
.
**رهام**
02-08-2006, 08:07 AM
الله يسلمكم .. وسامحونا اذا ما فهمتوا بعض المصطلحات المحليه ..
جربوها ماراح تندمون :)
.
ميعاد**
02-09-2006, 10:53 PM
:gfdee44 شكراً أختي رهام على الطريقة :de43r
لكن لو سمحتي
ما هو الدارسين ؟
:fragghagi :fragghagi :fragghagi :fragghagi :fragghagi :fragghagi :fragghagi :fragghagi
**رهام**
02-10-2006, 05:31 PM
الدارسين هو القرفه :)
.
أم صغيرة
02-11-2006, 05:12 PM
الله يعطيك العافية
شكله لذييييييييييييييييييييييييذ
**رهام**
02-12-2006, 08:00 AM
الله يعافيج .. اكيد راح تعجبك
.
al3uooon
02-14-2006, 09:32 AM
ياهلا باالكويت ومصطلحاتها البطل والدارسين والدياي
بس عيوني البطل واحد ولا اثنين لان ماتدخل الارجل
وحدة والدجاجة واقفة ولا نايمة اعذريني ابي افهم
لااني ابي اسويها
ضي العين
02-14-2006, 02:08 PM
مشكورة عيوني بصراحة الطريقة عندي من زمان بس
خايفة أجربها على فكرة تحطي الزجاجة في صينية فيها قليل من الماء عشان ماتنكسر من الحرارة
**رهام**
02-14-2006, 02:27 PM
مشكورة يا ضي العين على اقتراحك .. اما بخصوص سؤال الاخت العيون
فتستخدمين بطل واحد .. وانك تدخلين البطل في التجويف اللي موجود بالدجاجه من أسفل.
اتمنى التفسير وضح ؟؟
.
ام فوشكا
02-14-2006, 02:37 PM
يا بنات يوجد حامل مخصوص يباع لهذه الطريقة لطهي الدجاج في الفرن
وهو من المعدن عبارة عن اناء صغير قطره 15 سم
وفي وسطه سيخان من المعدن تقف عليهم الدجاجة
ويوضع قليل من الماء في الاناء حتى لا تصير جافة
**رهام**
02-14-2006, 02:56 PM
صح كلامك يا ام فوشكا .. لكن البطل احسن من الحامل في انه يتوجه البخار على طول الى داخل الدجاجه
فتكون من الداخل ذااايبه وكانها مسلوقه ومن بره مشويه
اشكر مداخلتك ورايك
.
وضحى
02-14-2006, 03:12 PM
بنات الفرن اللي عندي صغير الدجاجة تكون واقفة أو نايمه
نرجس الحب
02-14-2006, 06:18 PM
مشكوووووووووووووووووووره على هذه الوصفه
**رهام**
02-15-2006, 01:49 PM
يا وضحى .. الدجاجه لازم تكون واقفه ..
واشكر مرورك يا نرجس الحب
.
وضحى
02-15-2006, 04:19 PM
تسلمين يارهام بس اخاف الزجاج ينفجر من الحراره
وضحى
02-15-2006, 09:14 PM
رهام تسلمين سويتها وطلعت تجنن بس من دون حركه الزجاجة لأني خفت
لكن محتاجة شويه ملح
تسلمين يالغاليه وإن شاء الله نتابع جديدج
**رهام**
02-16-2006, 10:59 AM
بالعافيه يا وضحى :)
واذا تبين اي وصفه انا حاضر
.
ام لين {Winnie The Pooh}
02-17-2006, 09:31 PM
تجيبين بطل بيبسي ( بطل زجاج) وتصبين فيه ماء وتحطين فيه اعواد دارسين وهيل
تلبسين البطل الدجاج وتتاكدين انها ثبتت مضبوط>>>>>>>>>>>>>>>>>>>>>> مش مفهومة و مش واضحة الشرح ؟؟
ممكن تشرحين
http://up.alfrasha.com/u/2369/2370/20208.gif
**رهام**
02-18-2006, 02:00 PM
كل اللي قلتيه مضبوط يا ام لين
يعني بعد ما تتبلين الدجاجه ..
تصبين ماء في بطل البيبسي وتحطين فيها بهاراتك
بعدها تدخلين بطل البيبسي في الدجاجه من تحت
وتدخلينها الفرن الى ان تستوي
مفهوم ولى بعد ؟؟؟؟ انا مستعده لاي توضيحات حبوبه
.
وضحى
02-18-2006, 04:31 PM
رهام اسمحيلي ع الازعاج
عندج وصفات لتتبيله الربيان المشوي أو المقلي الحقيني فيها
**رهام**
02-19-2006, 02:17 PM
عزيزتي وضحى
بعد ما تنظفين الربيان ... تحطينه في الصحن وتنثرين عليه شوية بهار ( ويكون الكركم أكثر) حتى يروح الزفر
مع شوية زيت وشوية خل ... بعدها تخلينه في الثلاجة مدة ربع ساعه
بعدين تخلطين بيض وشوية حليب ..
تغطين الربيان بشوية طحين ... بعدين تغمسينه في خلطة البيض واخر شي في البقسماط
تدخلينه الثلاجه مدة ربع الى نص ساعه بعدها تقلينه على نار معتدله
يصير لونه ذهبي وطعمه رووووووعه ( طبعا تقدمينه مع اي صلصة تحبينها او تحشينه بالخبز مع المايونيز والخس)
أما المشوي
فبعد ما تقشرين الربيان ...
تكونين مجهزه الخلطه هذي
تصبين الخلطة على الربيان وتتركينه بالثلاجه مدة نص ساعه
بعدها تحطينه باسياخ الشوي وتشوينه
في طريقه ثانية وهي انك تشيلين راس الربيان وتتركين القشر عليه
تنثرين البهارات والزيت وصلصلة الصويا عليه وتتركينه ينقع
بعدها تشوينه .. بالحاله هذي يكون حجم الربيان كبير وشهي.
ملاحظه : لا تستخدمين الليمون في خلطات التتبيل لانه يؤثر على اللحم.
اتمنى الشرح واضح واذا في اي استفسار انا بالخدمه :)
.
$$$ساره$$$
02-20-2006, 01:44 AM
اشكرك على الطريقه ,,, شكلها حلوه ..[line] بس صراحه مافهمت الطريقه الزجاجه مفتوحه ولا مقفوله ارجو التوضيح ....
اتمنى ان تظعي لنا صور ....
**رهام**
02-20-2006, 08:29 AM
عزيزتي ساره ..
اكيد الزجاجه تكون مفتوحه حتى يصعد البخار الى داخل الدجاجه وتستوي من الداخل
ولكن صور للأسف ماعندي
.
وضحى
02-20-2006, 04:13 PM
رهااااااااااااااااااااااااام
مشكور الله يعطيج العافية
هذا العشم بأهل الكويت
على فكره طريقة تتبيلة الدجاج وزعتها على ربعي سووها وعجبتهم وااااايد
تسلمين يالغاليه
شموخ نجد
02-20-2006, 08:12 PM
تسلمين على الوصفه انا سمعت فيها بس كنت متردده اسويها بس بعد مدحك حمستيني اسويها
وبالنسبة للبنات
البطل = قاروره=زجاجة الببسي تكون اكيد مفتوحه ومفرغة وفيها ماء+قرفه مثل ماقالت فراشتنا الحلوه
وطبعا تكون الدجاجه واقفه
**رهام**
02-21-2006, 01:44 PM
العفو يا وضحى وعليك بالعافيه بالخلطله :) واذا عندك اي استفسار او بحاجه لاي مساعده انا مستعده ولكل الفراشات
واشكر توضيحك يا شموخ نجد ومرورك
.
حبوبة 2005
02-25-2006, 02:51 PM
الصينيه اللي فيها مثل الحامل من فوق استريتها من القسم الكويتي بالقريه و طبخت فيها لأهلي
جوعتهم هذاك اليوم مساكييييييييييييييييييييين الدجاجه ما استوت
الحين باجرب زجاجه الببسي
خليها مفتوحه صح و واقفه صح الله يعافيك
**رهام**
02-26-2006, 06:59 PM
صح حبوبه وانشالله تضبط معاك
ام عبدالملك 2006
02-26-2006, 07:35 PM
تسلمين والطريقه معروفه لكن الي توهنا
بعض الكلمات وخلاص عرفناها
وانشاء الله العشاء الليله دجاجة رهام اللذيذه
رند5
02-26-2006, 07:35 PM
بالحقيقة رررررررررررررروعة . أنا حبت أجربها قبل ما أكتب شكري لك بس بصراحة لذييييييذة جدا .تهبل
تسلم يديييييييييييييك كلها .عاد نبي منك مثل هالأسرار
lena
02-26-2006, 07:43 PM
شكرا يا غاليه وصفه رائعه
moonlady75
02-27-2006, 09:13 AM
تسلمين عزيزتي رهام على الوصفة
ولكني بصراحة عزيزتي لا انصح بها لانه لا يستطيع اي شخص
ان يتقنها وهي خطرة ايضا" حبيبتي لمن لا يجيد الوقوف في المطبخ
و ليش البعض يقول أنها خطره ؟؟ و أيش هي الخطورة .؟؟
أنا بصراحة مبتدئة في الطبخ و خفت من كلامهم ... ودي أعرف أيش الخطورة ...
**رهام**
03-04-2006, 01:33 PM
اخت خالديه .. البعض يخاف منها لانها طريقة جديده
والبعض خايف من ان بطل البيبسي يصير فيه كسر وانا اقول ان الزجاج ما يتأثر بحرارة الفرن
خصوصا اذا تك استخدام البطل الكبير القوي ( تبع اللي يبيعونه م الشركات اتمنى انك عرفتيه)
وفي وحده من الأخوات طبقت الطريقه وصارت معاها ماشالله تمام.
اشكر مرور الكل.
.
سارة *
03-04-2006, 06:32 PM
جزاك الله خير
**رهام**
03-05-2006, 02:46 PM
يجزا الجميع كل خير انشالله .. واشكر مرورك يا ساره
.
اليمامه123
03-05-2006, 03:02 PM
مشكوررررررررررررره
مانيكير احمر
03-06-2006, 09:27 AM
شكرا حبيبتي رهام
الوصفه باين لذيذه
انشاء الله اجربها لما يرجع زوجي من السفر
الشموخ
03-06-2006, 12:18 PM
بسالج اختي نغطي علبة البيبسي ولا مفتوحه؟
**رهام**
03-08-2006, 12:40 PM
العفو حبايبي
اكيد مفتوحه حتى بخار الماء يخلي الدجاجه تستوي من داخل
.
&&كابتشينو&&
03-11-2006, 09:24 PM
تسلميييييييييييين
طريقة روووعة والاروع لهجتك (احب اللهجة الكويتية)
والحمدالله الطريقة وصلت وان شاءالله اقدر اجربها باقرب وقت :fkjuiyhag
**رهام**
03-14-2006, 10:22 AM
انتي اللي روعه يا كابتشينو :)
اشكر مرورك وتعليقك الحلو
.
روان الحلوه
03-14-2006, 11:01 AM
رهــــــــام
وصفه روووعه وطريقه سهله
بس انه عندي استفسار بسييييييييط
اعتقد ان قارورة البيبسي لها حد معين من الحرارة عشان تتحمله وما تنكسر
واذا ماعندي قارورة بيبسي يصير اخذ قارورة ماء ورد ؟
و
شكرا لج حبيبتي على الوصفه الرائعه والله يخلي لكم جدتك ويعطيها العافية
http://farawla2005.jeeran.com/23_tslmwr.gif
:fragghagi
**رهام**
03-15-2006, 12:30 PM
اخت روان اي قاروره لها حد وتنكسر لكن اذا استخدمتي القاروره الكبيره السميكه لاي نوع كان سواء ماء ورد او بيبسي او غيره راح تتحمل وكل الموضوع ساعه بالفرن حتى تستوي الدجاجه