تاريخ هجري جديدة للشاعر فهد النويحل

[بثينة الراوي]

أهديتني تاريخ هَجري بلا أسباب
....... قلّي سبايب مولدي في خَطَاكم !

عطني من الهجران شيٍ لك كتاب
....... واعطيك من وصلي كتب في غلاكم

واجمع قواميسي بشر حب واعتاب
....... فصل الهوى مافيه كلمه سواكم

دوّرت في جملة حياتي../ لك إعراب
....... لقيت في صدري عرب من جفاكم !

هذا الصدر معجم تفاصيل غيّاب
....... والا الحضور أشباه ماضي لقاكم

الله وكيلك.. والملا عندي أغراب
....... ماكن لي ناسٍ وانا في رجاكم

مثل المطر وبلي لياجيت ( سَيّاب )
....... أ نشد لك شعوري واذا ماكفاكم

أ قفّل التاريخ .. وافتح لك ابواب
....... شعب المدينه( كثْرتي ) وانت حاكم !