أسرااار فهد......

[جذابه واخوانها ذيابه]

السلام عليكمـ ورحمة الله وبركآته
مسآإئـكم .صبـآحكمْ

شعر






الشاعر..~ [ فهد المسآإعد ]

والبومهـ

ديـوانـ .. [ الآسرآر ] ~



http://www.q8boy.com/images/ji3zfwimqlt0zy0w8i4f.jpg (http://www.q8boy.com/images/ji3zfwimqlt0zy0w8i4f.jpg)





اتمنى يعجبكم الألبـوـوـوم ..~
.
.


الأسرار



يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه

المكـان اللـي هنـا .. مليـان ضحكـات ، وأغانـي
والكـلام اللـي بغيـت أقـول .. يحتـاج لـ سكينـه !

شوفي الركـن البعيـد هنـاك .. كنـه صـدر حانـي
هـذا هـو اللـي يليـق بـ شاعـر و بنـت حزينـه!

أنسـي الشـارع ، وعتمـات الزوايـا ، والمبـانـي
هاتـي يدينـك نلـف الغـيـم و نشـكـل مديـنـه !!

عنـدي الليلـة كـلام و صمـت .. وأخـاف الثوانـي
تظلمه .. أو تظلـم اللـي فيـه كـم ضاعـت سنينـه

بـس لازم تسمعـيـن الـلـي أبــي ولا تـرانـي
لو بـ أعيده لك .. نسيت .. ورحت أقول اللي تبينـه

شي واحد قبل ما أبـدأ .. مـا أبـي أي شـي ثانـي
يخطر فـ بالك .. وأنا أكشف لـك شعـور تجهلينـه !

إن أنا .. وبكـل مـا تحملـه " أحبـك " مـن معانـي
كنت ، وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هــواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك .. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيف كـان يلـم شعـرك .. ويتبعثـر فـي يمينـه

حتى اسمـك يـوم رحـت أدلله .. حظـي رمانـي..
بنفس الاسم اللي يقول .. بذمتـك ماهـي غبينـه !؟

وكنـي اللـي .. كـل مـا أناديـك بالاسـم الفلانـي
أطلـب النسيـان .. يتـرك منـه شـي تذكرينـه !!

لا تظنينـي أنانـي .. لا .. أنـا مانـيـب أنـانـي
لو سلمت من الغرق . بـ أمـوت فـي ظهـر السفينـه!

يا إني ما أكمـل وأعانـي .. أو أكمـل ثـم أعانـي..
كل ما اسمع طاري اسمه .. أو تجي عيني في عينـه!

أينا كـان الضحيـه ؟.. وأينـا اللـي كـان جانـي ؟
مـدري !.. ولكـن قـراري لازم إنــك تقبليـنـه:

مثـل مـا أكـره فكـرة إنـه واحـدٍ ياخـذ مكانـي
ما أقدر أجلس في مكـان إنسـان.. كنتـي تعشقينـه !


سكة الذكـرى

مرّني طيفـك .. وطيفـك صاحبـي مـدري عـدوّي
جايبٍ صوتك .. وصوتـك سكـة الذكـرى الحزينـة

قال أنا جوّي تكـدّر .. قلـت : ماهـو كثـر جـوّي
قال فرقانا غبينـة .. قلـت : وأكثـر مـن غبينـة

قال : أنا بـ أموت من غيبتك قل لـي ويـش أسـوّي؟
قلت : أنا أبغى الموت في غيبتك .. قل لي بس وينه؟!

قبل ترحل .. كنـت أقـول بيسـرح أيـام و يضـوّي
مثـل ماعودنـي اليـا اشتقـت لـه جابـه حنينـه

بـس هـ المـرة ثمـان شهـور وضلوعـي تــدوّي
كل يوم أشتاق لك .. يلعـن أبـو الشـوق وسنينـه

كـل ماعشمـت قلبـي .. قـال ياآآ ]ضلوعـي تقـوّي

ورحـت أنـا ويـاه نرقـب رجعـة اللـي فاقدينـه

نوب أقـول اليـا رجـع بكـون فـي قمـة هـدوّي
ونـوب أقـول الا أبزعـل وأتلـى مابينـي وبينـه

كل يوم أجلس علـى جـال البحـر وأقـول تـوّي ..
لاسـألني: مافقـدت الحلـم فـي لمسـة يدينـه ؟!

مادريـت أن البحـر ماقـال لأمـواجـه تــروّي !
و مادريت أن الغـرق هـو حجّـة غيـاب السفينـة

مادريت .. أو مابغيت أدري .. ولاأدري وش بسوّي
لو رجعت .. وشفت طيفك فـي الممـرات الحزينـة

وين ابنسى وانت طيفـك صاحبـي مـدري عـدوي
مارضى يتـرك لـ غيـره شبـر واحـد فـي المدينـة!




..{ تعــــال }..


من عز نومي صحيت وشفت في عينـي
دمع تهادى علـى جفنـي وأنـا غافـي
ستـرت دمعـي بـ كمـي قبـل يغرينـي
وأخذت هذا الجسد مـن باقـي لحافـي
وسريـت تايـه ورا خطـوات رجلينـي
لا الوجه وجهي ولا أوصافي هي أوصافي
أمشـي وأقـول لـ طريقـي لا توديـنـي
لـ عيون ناس تبي تـدري عـن الخافـي
أمانتـك.. خلهـا مـا بينـك وبيـنـي
خابرك يالـدرب خـوة عمـر وسنافـي
مـا ودي النـاس تـدري وش يبكينـي
كرامة النفـس ورث أبـوي و أسلافـي
أمشي وأحس الخناجـر فـي شرايينـي
والبرد يمشي وراي وينهـش اطرافـي
وحيـد واللـيـل بـردونـه يغطيـنـي
تقـول كـن البلـد روح بهـا السافـي
إلين ما أوحيـت لـي صـوت ينادينـي
صوت أعرفه مثل ما أجهل وش خلافـي
قمـت أتلفـت و انــادي لا تخليـنـي
ما غيره.. الصوت هذا صوتـه الدافـي
ولمحت زوله من أقصى الـدرب لافينـي
مدري وش اقول لكن حـي هـا اللافـي
تعال.. شف غيبتك كيـف أثـرت فينـي
تعال.. شفني وأنا أغرق عقب مجدافـي
تعال.. خذنـي ورحبـي مـن عناوينـي
تعبت أعدي على جمـرك وأنـا حافـي
تعال واقطف بصوتـك زهـرة سنينـي
كـل المواعيـد عقبـك شمعهـا طافـي
تعـال وازرع خصـل شعـرك بكفينـي
بضمهـا ليـن أحـس بليلـك الظافـي
تعال وشفيـك خايـف؟ أنـت ناسينـي؟
قطعت صوتـي عليـك وطـال ميقافـي
حتى بديت أشعـر أن الحـب معمينـي
وان أنت حلم عثى فينـي وأنـا غافـي
لكن أمانـة تـرى اللـي فـي كافينـي
إن رحت منك كذا مـا رحـت متعافـي
بصـدق الحلـم وأحـذر لا تصحيـنـي
في خاطـري كلمتيـن إن قلتهـا كافـي
أمانة الله عليك إن غبـت عـن عينـي
لا يكون قلبك مثل قلـب الزمـن جافـي
مع كـل دمعـة تذكـر رعشـة يدينـي
ومع كل ضحكـة تذكـر قلبـي الوافـي

..{ العـذر }..



يعني كـذا يـا أم الوفـا والمحبـه



كـذا المحبـة والوفـاء ياوفـيـه

أغيـب عنـك أيـام ولا أتنـبّـه

إلا وانـا أشوفـك زعلتـي عليـه

وش زعلك ؟ وش هز قلبك وشبه ؟

يعني عشاني غبت صارت قضيه !

ياام القوام اللي مـن أدنـاه هبـه

يميـل كـن الخيـزران أدمـيـه

وأم الجديل اللي من يخـاف ربـه

يذكـر عليـه الله ويذكـر نبـيـه

إن كنت مخطـي فالخطـا مايجبـه

إلا العذر وانـا اعتـرف بالخطيـه

وهذي بعد من فوق الأعذار حبـه

لا تزعلـيـن الله يخلـيـك لـيـه

..{ سحــابــه }..

جف الكلام ومـدت يدينهـا فـوق : ..
.. أخترت هذي .. وأنت شف لك سحابه

قلت .. ويديني تحتضنها مثل طوق .. :
أختـرت هـذي هـذي أكثـر رحابـه

هذي دفا صوتٍ مـن البـرد مخنـوق
هذي سـؤالٍ نصـف عمـري جوابـه

هذي هي اللي عرّفتني علـى الشـوق
هذي قدر .. ماكنـت حاسـب حسابـه

قطعة حزن في جيب بالـي ومشقـوق
ومضة فرح في عيـون نـاسٍ غلابـه

أن سولفت فـي ثغرهـا لمعـة بـروق
وإن سرّحت في عيونها صمـت غابـه

واليا اضحكت نورٍ من الفجر مسـروق
واليـا بكـت تحـزن عليهـا الكآبـه

حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"


هـ الآدمي من وين له قلـب و عـروق؟!
والصبر هـ المسكين مـن ويـن جابـه؟

وأنـا أتكلّـم .. ردّت عيونهـا فـوق
ثم تمتمت : من هي هـ الأكثـر رحابـه؟؟

قلت ويدينـي تحتضنهـا مثـل طـوق
فـي ذمتـي ما شفـت غيـرك سحابـه

..{ تحت الأرض أحبـك }..

مي هذي مثل طلّ الصبـح لأغصـان الحدايـق
يبتسـم قطـر النـدى لاباسـتـه أو باسـهـا
مي هذي بنت لامن شفت صدر الليل ضايـق ..
أدري ان عيون مـيّ اليـوم طـال نعاسهـا !
من هنا تصحى ويصحى الحب في عيون الخلايق
ومن هنا تغفى وتنسى الارض ضحكـه ناسهـا
يسعد الله قلب ميّاللي كثـر ماهـوب بايـق ..
..من قلوب الخلق..مااذكر مـرّ يـوم وداسهـا
لأن مي أرق بنت..ولو قسـت ماهـوب لايـق
حيّرتني مي..الأجمل : هـي..والا أحساسهـا !؟
بالها لاضاق زانت..كيف لامن صـار رايـق!؟
في انتباهتها براءه..كيـف اجـل هوجاسهـا !؟
العمر لو كـان ضحكـه مـي تكفينـي دقايـق
بس اخاف ان ]مت[..تحني مـي فوقـي راسهـا
مي لـو تبكـي لموتـي مالـي الا افـز فايـق
من قبل لاامـوت أكثر..مـن نشيـج انفاسهـا
مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا
ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا
مي لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا



طبعا هذا مو كل الألبوم
اتمنى يعجبكم
:d7::d7:


http://www.q8boy.com/images/ianx9amly4kopnnw0u4d.gif (http://www.q8boy.com/images/ianx9amly4kopnnw0u4d.gif)




م*ن:072:

[سعوديه كلي رومنسيه]

واااااااااااااااااااااااااو روعه يسلمو على الموضوع وبصراحه انا مدمنة شعر تسلمي ياجذابه واتمنى اكون اول وحده ارد على موضوعك تقبلي مروري .......الغربـــــــــــــــــــــــــــــــــــ بنت ـــــــــــــــــــــــــــــــــــــيه

[جذابه واخوانها ذيابه]

أحلى وحده ردت هي
أنتي
مشششششكووووره ع الرد يا قلبي

[بسمة عالطاير]

وااااااااااااااو رووووووعة ...... من زمان وأنا أدورة .... واذا عندك كمالتة كملية ..... مشكـــــــــــــــورة

[جذابه واخوانها ذيابه]

هلالا والله مشكوره عنوني ع الرد
وبالنسبه للتكمله والله مو عندي
بس ولا يهمك أدورلك ع الباقي

[جروح الأسى]

رووووووووووووووعه
سلمــــــــــــــــــــت يمنااااااااااااااااااكـ
وخصوصـــــــــــــــــــــــــــــــا قصيدة الأسرار

[خسران يامعاندني 2009]

رووووووووووعه من أنسان رائع
يسسسسسسسسسسلمو

[جذابه واخوانها ذيابه]

مروووووو ركم الأروع
ومشكورات ع الردود

[جذابه واخوانها ذيابه]

:arrow:وهذي التكمله لعيون بسومه

~ حبيت اوضح لك ~

في عز ماكنت أهوجس فيك وافتح لـك
أبـواب قلبـي خذتنـي رجلـي لبابـك
وجيتك وأنا مااذكر إني كنت رايـح لـك
بس اذكـر انـي كـذا لاطـول غيابـك
ياما ترددت مدري كيـف بشـرح لـك
أجيك وارجع .. أبيك تقول وش جابـك
ياابن الأوادم تـرى مليـت ألمـح لـك
أنا أعزك .. وأحبك .. واعشق ترابـك
لاضقت اضيق .. ومتى ماتفرح أفرح لك
ولاغبت أموت ومتى ماشفتـك احيابـك
ان كـان ودك ترسيّنـي علـى كحلـك
لمّيت عمري .. وخاويتك على أهدابـك
لكن قبل تنجرف .. حبيت أوضـح لـك
مستقبلي في يدينك .. وأعمـل حسابـك
لوضاع مستقبلـي مانيـب سامـح لـك
يكفيني الماضي اللـي ضـاع بأسبابـك
:071::071::071:
~ اخر دروبي ~

يابشر تكفون حلّو عن سمايه
مايصيب الهرج لو الهرج صوبي

كم سكت لكم بما فيه الكفاية
اشتموني لو زعلتوا واشمتوا بي

عيبوني واتركوني في عمايه
واتركوا لي واحدٍ يرضى عيوبي

اتركوا لي واحدٍ يمسح شقايه
كل ماحط الزمن دوبه و دوبي

ذاك والله لا ذكرت انه ورايه
أشعر ان الكون كله وسط ثوبي

يكفي انه لو يسولف للمراية
كنّ صوته يهمس لصورته ذوبي

كيف انا ما اذوب مادامه معايه
اسمعه واسهر معه لاخر ذنوبي

كل ما قال: السهر درب الغواية
قلت: كله من عيونك هبّلوا بي

كل ماقال: الخطا ماهو خطايه
قلت له: قل للعيون السود توبي

ضيعتني واسأل الله الهداية
وين اجيب العقل؟؟ اجيبه من جيوبي!

من يعرفك ما يدل العقل رايه
ياشروق العمر مدري يا غروبي

أذكر انك كنت لي مثل الهواية
لو تروح ولو تجي يبقى شحوبي

بس مدري كيف صرت اليوم غاية
صرت اجي واروح مدري عن دروبي

يا بعد عمر الكتابة والقراية
يا الشمالي يابو الملح الجنوبي

لا قريت اللي كتبته يا رجايه
رح وبلّغ ربعي اللي جننوبي

قل لهم يمكن يخلّون الوشاية
وان تمادوا خلّهم مهمها حكوا بي

انت خلك بس فـ الدنيا عزايه
لا تفكر فـ العواذل وانت صوبي

ادري انّه كل درب وله نهاية
بس انا باقي معك لاخر دروبي
:097::097::097:
~ الغربة ~

أيـوالله أن شوفتـه تستاهـل عـنـادي
اللي عشانـه تركـت الـدار والتربـه
مااقـول لـك شوفتـه نستّنـي بـلادي
لكنّـهـا يافـهـد نستّـنـي الغـربـه
وش عاد لو قلت عني ضايع وغـادي ؟
وش أبركه مـن ضيـاعٍ دلّنـي دربـه
تبغاني ارجع ! وأنا ياصعـب معـوادي
مـادام همّـي نسانـي وأنقلـع سربـه
الهم هاللي تشـوف انـه علـيّ بـادي
ياليتك تشوف كيف يصيـر فـي قربـه
الله يحـرم ... عيونـي لّـذة رقــادي
أنّي معه .. مااعرف حزني ولااشعربـه
هرجك فـوادي وأنا ياخوك فـي وادي
الله يخلّـيـك ... حـالـي لاتعّـذربـه
راضي بحالي كذا ... واللي يجي عادي
لعيون منهو ركز فـي قلبـي الحربـه
بصوته , شقاوته , مزحه , طبعه الهادي
يملا عليّ الفضا .. من شرقـه لغربـه
يكفيني أنـه غـدا هـو شربـي وزادي
أو تقدر تقول أنـا اللـي زاده وشربـه
ياخي أذا الحب عيب ! فـشفني آنادي :
سجل ..... أنا من عرف عيبه وجاهربه
وسجّـل هنـا كلمـةٍ تستاهـل عنـادي
بقولها قبـل أسافـر وأتـرك التربـه :
والله ماأقسى من الغربـه عـن بـلادي
الا .. شعوري وانا في بلادي بالغربـه
:097::097::097:
~ التفاصيل الصغيره ~

ازعل عليك احيان
وأزعل على نفسي قبل ماأزعل عليك

وأرضى عليك احيان
وأرضى على الدنيا وانا راضي عليك

وأنت عمرك
مازعلت .. وماعتبت ... ومارضيت

أزعل علي لو كذب
أعتب علي لو كذب

هذي التفاصيل الصغيره
اللي تخلينا نحب

ماأحب انا ازعل عليك
ازعل انا لأني احب

***
ياأدفي من حروف الشعر
ياأرق من حلم السنين

إذا تركتك تنتظر
حسسني إن انتا حزين

مابي تقول مسامحك
قل : ماأبيك

وإذا رجعت اصافحك
أبعد يديك

أنا انجرح قبل اجرحك
وأبكي عليك

لكن أبي مره تحس
وشلون أنا أمووت فيك

هي التفاصيل الصغيره
اللي تخلينا نحب

ماأحب أنا أقسى عليك
أقسى أنا لأني أحب

***
أدري فيك تموت فيني
وأنا ميت من برودك

لي متى وانتا تبيني
وماتحسني بوجودك

ايه ... حسسني بوجودك

لمّ صوتي
بعثر حكاية سكوتي

لاتخلي الحب يفقد همسك العذب ويمووت
قل احبك ..
قل احبك بأعلى صوت

انا مليت السكوت

***
ياإبتسامة قلبي ولهفة حنينه
ياشقاه وياحنانه

يابعد كل المسافات الحزينه
معك امانه

الدروب اللي مشينا .. لاتضيع وتغترب

بالتفاصيل الصغيره
نقدر نعيش ونحب
:097::097::097:
~ 19 عام ~

19 عــــام .. وبــقــى لك بــعـــد عـــام
ويــصــير عـمــرك مـثـل مـاأنـتي تحبين

عـقـبـال مـاتـمـضـي اللـيـالـي والأيــــام
ويـمــر يـوم ٍ فــيــه اشـوفــك تـقولين : ..

ياشــاعـــري قـــل للـدفـــــاتر والأحـلام
مـرت سـنـه والـيـوم كـمـلت عـــشــرين

قـلـّـي كبرتي .. قـل كبرتي .. من العام ..
وأنا احتريها .. وأنت ساكت لهالحين ؟!

وأقــول هـذي كـلـهـا حـسـبـة أرقــــام
هو للسحابه عمر !
ردي ؟!
وبعدين ..

مـهـمـا تكـبـّـرك اللـيـالـي والأيــــــام
تـبـقـين طـفـلـة قـلـبـي اللـي تـحــبين
:097::097::097:
~ وحده بوحده ~

ياغايـبـه وان كــان فيـهـا جمـالـه
تجمّـلـي يــاام الـحـلا والظـفـايـر

بالله شوفـي صاحـبـك كـيـف حـالـه
شوفيـه فـي غيبتـك وشلـون صايـر ؟!

صارت حياته ضيـق خلـق .. و بطالـه
هم .. وسهر .. واوراق شعر .. وزقاير !!

يعنـي حبيبـك صـار حالـتـه حـالـه
مابـاقـي الا انــه يــدّن العـبـايـر

الله لامـنّــه ذكـــر مـامـضـالـه
قـبـل الـدوايـر ماتـجـر الـدوايــر

يــوم الطفـولـه والشـقـا والجهـالـه
يـوم الصغايـر فـي عيـونـه كبـايـر

ايــام كــان معـانـده راس مـالــه
ويـسـوق لهـبـال الشـقـاوه بشـايـر

يامـا امتلـى بالحـب والطـيـش بـالـه
ويامـا امتلـت مـن شخبطتـه العـوايـر

يكتـب عليهـا : ( عااااشقـك للثمـالـه )
ويخـطّ توقيعـه : ( جريـح الضمايـر )

يامـا اشتكـاه ابـوك فـي بيـت خـالـه
ويامـا تحصّـل مـن هـواك العـزايـر

مـره حـلـف بـأنـه يبّـطـل هبـالـه
وقبـل يكمّـل .. فـك اخـوه الستـايـر

ثـم طالـع الشـبـاك.. ليـنـك قبـالـه
وفي اقل من لمـح البصـر جـاك طايـر

علـى صغـر سـنـه ممّـيـل عقـالـه
كااااشـخ وناسـي لايـصـك الـزرايـر

لاشـافـك يتمـتـم لـحـالـه بـحـالـه
لعيـون هالشـوفـه تـهـون الخسـايـر

ولاشـاف زول ابـوك حــذّف نعـالـه
الحـب جايـر .. لكـن العـود جـايـر

طفـلٍ يتيـم ورغـم الأحــزان دالــه
مايـدري ان حظـه مـع الوقـت بـايـر

كنتـي طموحـه .. كنتـي أغلـى حلالـه
كنتـي وصرتـي بـس يــاام الظفـايـر

طفـلٍ زرع مـن ضحكتـك فـي خيالـه
ليـن اثمـرت شعـرٍ هـزالـه حـرايـر

لاتتركيـنـه فــي غيـابـك لـحـالـه
بالله شوفـي كـيـف هالطـفـل صـايـر

ووحـده بوحـده كـان عـنـدك عـدالـه
اتبّطلـي غيـبـه .. و ابـطّـل زقـايـر
:11_1_207[:11_1_207[:11_1_207[
~ سؤال ~

لاتكدر خاطرك ضيقة حبيبك يوم قال
ايه احبك يابعدهم بس انا وين اغدي
ضيقتي ماهيب بس اليوم يابنت الحلال
ضيقتي لها ثلاث سنين تاكل من يدي
ضيقتي مافي وفاها يابعد عمري جدال
كل ليله تبسط يديها وتفرش مرقدي
ودي اسكت بس اعرف الحظ لامن مال / مال
لي متى والصمت ينهش في ضلوعي وجسدي
شوفة عيونك .. هموم وضيق خلق وقل حال
وش اسوي دام حظي يابعد عمري ردي
هي كذا عيشة حبيبك لو تظاهر بالكمال
اقرب ايامه سعاده بعدها بعد الجدي
هي كذا وانتي بكيفك بس باقي لي سؤال
فيه دمعه في عيوني تنتهي او تبتدي ؟!
كلها مابين كلمة روح او كلمة تعال
كلمة منها اضيع وكلمة فيها اهتدي
هذا كل اللي بقوله .. واعذري قل الوصال
والله ادريبك زعلتي بس انا وين اغدي
:11_1_123[:11_1_123[
عليك ~

جيـت فـي ليلـة وداعــه تـايـهٍ بـيـن البـيـوت
وصحت : "وينك؟!.. جيت اوادع عمري اللي ضاع فيك"
مـا سمعـت الا صـدى صوتـه وكـان آرقّ صـوت
ينطق اسمي..ثم يهمس : "من متـى وانـا احتريـك؟!"
قلـت وهمومـي تغافـل زفـرة الـحـزن وتـفـوت :
"هذا انا جيتك..يا ليـت المـوت جانـي قبـل اجيـك"
بعدهـا يـا دوب عـدّت عبـرتـه حــد السـكـوت
قـال وعيونـه تغـارق دمـع : "بـسـم الله علـيـك"
قلت : "يا ابن الناس عـادي مـاورى هالمـوت مـوت
وش وراهـا لا فقـدت عيونـك ولمـسـة يـديـك"؟!

:11_1_123[:11_1_123[
~ تمنيت موتك ~

اللي بقا لـي فـي غيابـك .. سكوتـك
واللـي فقدتـه مـن غيابـك .. حنانـك
عـذرك معـك لوخبـرونـي بمـوتـك
وحقي عليك ان كـان عـذرك زمانـك
ماكان موعد .. وأعـذرك لـو يفوتـك
أنـا انتظـرت العمـر كلـه عشـانـك
غبت ورضيت .. وبعدها .. غاب صوتك
وأبطيت أكذب .. من يقولـون : خانـك
بالله كيـف تحـس فـي طعـم قـوتـك
لامن ذكرت إنسان .. خنته .. وصانـك
ماكـن قلبـه واحــد مــن بيـوتـك
من تحت سقفـه كـم شعـرت بأمانـك؟
وراك خليتـه .. لعتـمـة سكـوتـك؟
وأنـا مـا غيـر أعشمـه فـي حنانـك
فـي غيبتـك ياكـم تمنـيـت مـوتـك
أقل شـي .. أرتـاح وأعـرف مكانـك

:11_1_123[:11_1_123[
~ صلاه وعناقيد ~

عدّى عمر .. ياليت الأعمـار تنعـاد
وأرجع بـلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركنـي مثـل ليلـة العيـد

يوم اسألوا عنـك الصبايـا والأولاد
وقلت:أمي تقول انـه مسافـر بعيـد

بكيـت ليلتهـا وناديت..مـا فــاد
وظليت أصوت لك .. وأناديك وأعيد

عوّد يا بوي وجب لي ثيـاب جـداد
يا كثر ما تنسى يـا بـوي المواعيـد

بكيتـك لحالـي وأنـا كنـت معتـاد
تكف دمعي بـإيد وتضمنـي بـإيـد

كم كنت محتاجك تجي كنّـك رقـاد
تمطر من كفوفـك صـلاة وعناقيـد

احتجت لك طفلٍ كسر قلب الأعيـاد
واحتجت لك طيش وشباب وتناهيـد

واحتجت لك شاعر له أحباب وأضداد
واحتجت لك رجال يخشـى المناقيـد

احتجت لك .. واحتاج لك ظل وسناد
العمر ينقص واحتياجـي لـك يزيـد

:11_1_123[:11_1_123[
~ مشاوير ~
.
ياقلب طالـت قسوتـك وأنـت ليّـن
في قسوتك ياقلب ويش انت لاقي !؟

اللي تعـدّى عمـر ماهـوب هيّـن
والعالم الله كم مـن العمـر باقـي !

يمكن يطول .. ويمكن اليـوم أعيّـن
موتي .. ويبكون الحبايـب فراقـي

وش عاد أسوي وسط قبري وأزيّن ؟!
لاجفت عروق .. وعيون .. وسواقي

لا عاد بـه فرصـة عشـان آتحيّـن
ولا عاد به زفـرة وأفـك اختناقـي

باكـر وكـل اللـي سترتـه يبيّـن
وانا علـى هالحـال ميّـس وهاقـي

مـدري متـى يهدينـي الله وأديّـن
وأكف عن بعض المشاوير ساقـي !

[جذابه واخوانها ذيابه]

والله الله بالردوود
لأني تعبت وأنا أجمعها

[*™لمى™*]

يسلموووووووو

[جذابه واخوانها ذيابه]

العفو لمو مشكوره ع الرد

[جذابه واخوانها ذيابه]

أفاا وييين الردووود
مومتعود منكم كذا

[جذابه واخوانها ذيابه]

146مشاهده
ردو ع الاقل بر فع المو ضووع

[صقيقة رومه الصقوقة]

وه ياقلبي فهد المساعد شااعري المفضل:0153::0153:
ولبى قلبك.ع الموضوع الجونان .....
.ولعيونك كل يوم برفع الموضوع خخخخخخخ..>>>>>>خخخخخ نشبه...

[جذابه واخوانها ذيابه]

خخخخ مشششكووره احلى نشششششششبه والله فديييت خشششششتك

[ونات قلب]

يسلمووووووووووووووو يالغلا

[™ Ǎţ3Ьήê•Ĝļάķ ~ْ]

عوآفي قلبو ..
لآعدمنآك ..

[جذابه واخوانها ذيابه]

أسعدني مروركم وتوجدكم في موضوعي
أشـكـر لـكـم ردكم

[صقيقة رومه الصقوقة]

http://m002.maktoob.com/alfrasha/up/164837362837781290.jpg
up لعيون جذابه واخوانها ذيابه....
ولعيون شاعري.....

[OMM LWEEN]

يسلموووووووووووووووووووووووووووووووووووووووووووو

[جذابه واخوانها ذيابه]

العفوووووووووو
ومشششكووره يا صقيقة رومه الصقوقة (http://alfrasha.maktoob.com/member.php?u=458080)

[صقيقة رومه الصقوقة]

يافــديـت اللي اذا جـيـتـه أقـــــــول :
قـــل أحــبــك .. أسـتــحى مــاقــالها
وأن زعلت .. يتمتم بهمس ٍ خجول :
تـطـلـع أحـســن لــو تـجي من حالها
upلعيون الي كتب هالبيتين وجذابه.....>>>>>>احسك تقولين وش هالنشبه خخخخخخ

[جذابه واخوانها ذيابه]

يافــديـت اللي اذا جـيـتـه أقـــــــول :
قـــل أحــبــك .. أسـتــحى مــاقــالها
وأن زعلت .. يتمتم بهمس ٍ خجول :
تـطـلـع أحـســن لــو تـجي من حالها
upلعيون الي كتب هالبيتين وجذابه.....>>>>>>احسك تقولين وش هالنشبه خخخخخخ
والله أحلى بيتين و أحلى نشششششششبه:028:

[صقيقة رومه الصقوقة]

لا تحطم لو تحطم لك أمل
اعرف ان الله يحبك وابتسم
لا تقول الحظ عمره ما كمل
قل : أنا حاولت والله ما قسم
جذابه ترا انتي قلتي احلى نشبه فالله يعينك ياقلبو .........:0153:

[جذابه واخوانها ذيابه]

هههههه
الله يعين الكل
ومشكوره ع ذا التفاعل

[مافـــــــــــي أحد مرتاح]

يسلمووووووو
فهـــــــد روووووعــه
وكل اشعاره تعجبني
عرفتي تنقين ياقمر

[جذابه واخوانها ذيابه]

العفوو
وأنا تعجبني ولا ماكان نزات الديوان وكامل بعد

[لونــ قلب ـــــي]

يعطيك العاافية ياقلبوو
رووووووووعة لا عدمناااك

[جذابه واخوانها ذيابه]

الله يعافيك
شكرا ع الرد