##### ملف تجمع بنات مصــــــــــر ........(دمج كل المصريات يدخلوا هنــــــــا)#######

[ملك الاموره]

انا اسفه يا زهره معلش على الموقف البايخ ده

[زهرة الخيال]

هههههههههههه لا مفيش حاجة بس احنا اترعبنا

[رفيدة2006]

دودي ازيك عاملة ايه اصلي كنت في فرح خطوبة بنت عم خطيبي هي بكرة بس رحت اباركلها علشان مش بحضر الا الافراح الاسلامية عقبالك يا حبيبتي

[زهرة الخيال]

رفيدة انتى هنا

[زهرة الخيال]

ربنا يخليكى ياقمر عقبال فرحك يارب

[lovley]

هااااى بنات
ازيك زهره الخيال
مللك انتتى للسه مووجوده

[رفيدة2006]

اهلا يا لفلي دودي حبيبتي معلش النت فصل مني امبارح واول ما رنتيلي والله قلت لازم امشي حبيبة قلبي مستنياني ايه اخبارك يا قمر انتي

[زهرة الخيال]

هاااااااااين ياقمر

[lovley]

هااااااااااااااااااااااااااااى روفيده
علافكره اسم اختى الصغيره علا اسمك

[رفيدة2006]

انا امبارح كنت غلسة اوي مش كده بس معلش بقي استحليني الفترة دي لسه شايفة حماتي وبتقولي عقبالك كمان سنة كده قلتلها حرااااااااااااااااااااام عليكي انا كده مدة صلاحيتي انتهت معاكو

[زهرة الخيال]

انا كويسة يارفيدة الحمد لله

[رفيدة2006]

ربنا يخليهالك يا لفلي يارب انتي عندك كام سنة دودي انتي مالك في حاجة مضايقكي ولا ايه

[زهرة الخيال]

ياحبيبتى والله النت هيموتنى

[زهرة الخيال]

ههههههههههههههه الصلاحية يابنتى منتهية من زمان بس محدش عاوز يقولك

[رفيدة2006]

هو فعلا النت بقي غلس اوي مش عارفة ليه كده

[رفيدة2006]

ايييييييييييييه مين ده كده والله اجي اوريكي شغلك لالالالالالالالالالاء انا شكلي كده هجيلك بجد

[زهرة الخيال]

ههههههههههههههه تعالى حد منعك

[رفيدة2006]

انتي لسه مبتخافيش طب انا صلاحيتي منتهية والاقتراب مني خطر يعني ممكن اضيعك اعقلي العمر مش بعزئة يا بنتي

[مهندسة المستقبل]

انا ااسفة جدا ملك حبيبتى النت رهيب اليومين دول انا بحس انة بيعاندنى ههههههههههههههههههه

[مهندسة المستقبل]

فى حد موجود يا بنات

[رفيدة2006]

اهلا يا موني انا موجودة ودودي كمان ولفلي كانت هنا بس الظاهر كده تاهت مننا

[زهرة الخيال]

انا هناااااااااااااااااا

[رفيدة2006]

دودي رحتي فييييييييييييييييييييييييين يا بنتي قلتلك متروحيش بعيد لوحدك هتوهي وبعدين افضل ادور عليكي تااااااااااااااااني

[زهرة الخيال]

ماشى بتتريقى هموتك

[رفيدة2006]

ايه يا بنات انا الظاهر كده شكلي بقي وحش وانا بكلم نفسي ما تتكلموا مالكو بقي وانتي يا دودي هانم بتتقلي عليه يعني

[رفيدة2006]

كده هتموتيني متقدررررررررررررش

[رفيدة2006]

حسناء انا بعتلها رسالة امبارح ومامتها لسه تعبانة ربنا يشفيها يارب

[رفيدة2006]

عارفة يا دودي انا امبارح كنت هموت من الزعل والله كانت حالتي وحشة اوي بس النهاردة الحمد لله بس زعلانة شوية صغنتوتة

[زهرة الخيال]

حسناءانا كلمتها وربنا يشفيى مامتها يارب

[انين القمر 92]

السلام عليكم ورحمة الله وبركاته
ازاي الحلوين والامورات ؟؟؟؟؟؟؟؟ ضيفة دخيلة عليكو النهاردة اتحملوها ههههههههههه
عاملة اي يا زهرة سامعة انك تعبانة من الشغل ؟؟؟؟؟؟؟؟؟

[انين القمر 92]

مين دودي ؟؟؟؟؟؟؟؟؟ هههههههههههه

[زهرة الخيال]

انا دودى ياانين عاملة ايه

[hassnaag]

دودى دودى ازيك ياجميل

[شيريندايم]

السلام عليكم و رحمه الله و بركاته

[hassnaag]

وعليكم السلام ورحمه الله وبركاااااااااااااااااااااااته

[زهرة الخيال]

حسناء وحشانى اخبارك ايه

[زهرة الخيال]

وعليكم السلام ورحمة الله وبركاته

[hassnaag]

الحمد لله زهور قلت ادخل اشوفكم اليوم انتم اخباركم ايه واخبار الملف
وايه اجدد مواضيعكم

[انين القمر 92]

اسفة يا دودي مكنتش عارفة انا الحمد لله بس النور قطع واطريت متكلمتش معاكو بس ادعيلي النور يتحسن هموت قهر من ورااااااااااااااااه
اهلا بالبنات ازيكوووووووووووو ؟؟؟؟؟؟؟؟؟؟؟؟

[زهرة الخيال]

اخبار ماما ايه ياحسناء

[زهرة الخيال]

هههههههه لا بعد الشر عليكى من القهر ربنا ييسر الحال باذن الله

[شيريندايم]

ايه يابنات عاملين ايه

[زهرة الخيال]

الحمد لله بخير

[شيريندايم]

تستهلى الحمد يا اهلا بطنطا و بنات طنطاانا من الجيزه وعندى 26 سنه

[زهرة الخيال]

اهلا بيكى نورتينا انا 25سنة بس اوعى تقولى لحد ههههههههههه
صح ياحسناءهما 25بس ههههههههههه

[hassnaag]

الحمد لله تحسن طفيف دعواتك لها

[hassnaag]

ايه يابنات انتم معندكوش فكره ان الواحده بيقف سنها عند 25 سنه بس

[شيريندايم]

انت اسمك زهره ولا ايه يااااااااااااااااااااااااااااا عسل

[hassnaag]

لالا مسمهاش زهره كنت قتلتها

[زهرة الخيال]

ههههههههههههه لا والله اسمى مش زهرة حسناء تموتنى

[فراشــــ حبوبة ــــة]

مساء الخير ياحلوين
ممكن تقبلوني معاكم انا بس حبيت امسي

[شيريندايم]

طب ما فعلا انا و زهره الخيال عندنا 25 سنه داحنا بنهرج بس انت مش واخده بالك و لا ايه

[زهرة الخيال]

مساء الخير ياحلوين
ممكن تقبلوني معاكم انا بس حبيت امسي

ياخبر نقبلك انتى تنورينا ياقمر

[زهرة الخيال]

بلاش زهرة قولى دودى علشان حسناءممكن تموتنى

[hassnaag]

اهلا فراشه حبوبه

[انين القمر 92]

سلامتك من الموووووووووووت انا اموت اللي يموتك ههههههههههه
بهزر يا بنات ههههههههههههه

[شيريندايم]

اهلا بيكى يا حبوبه
من غير حد ما يموت حد انت اسمك ايه
وعلشان منخيرى بتكولنى وعايزه اعرف ليه يا حسناء اسم زهره مضيقك فى ايه و بصراحه

[زهرة الخيال]

ربنا يخليكى ليه يانورا يارب

[hassnaag]

سلامتك من الموووووووووووت انا اموت اللي يموتك ههههههههههه
بهزر يا بنات ههههههههههههه
اختى انت عراقيه لانى مدخلتش الملف من زمااااان

[زهرة الخيال]

يصى يلستى بيقولولى يادودى لو عرفتى اسمى ايه لكى جائزة ماليه قدرهااااااااااااااااااااااااااااااااا واحد جنيه مصرى هههههههههههههههههه

[hassnaag]

ههههههههههههههههههههه واحد جنيه بس

[hassnaag]

لا ابدا هى المساله انى مش بحب الزهور نهائيا

[انين القمر 92]

لالالالالالالالالالالا هههههههههههه انا مش شاطرة بالاسامي هههههههههه بجد انت اسمك اي ؟؟؟؟؟؟؟
اه انا عراقية يا حسناء
وانت مصرية عايشة بالسعودية ولا سعودية ؟؟؟؟؟؟؟؟؟؟؟

[انين القمر 92]

الجنيه قد ايه يعادل بالدولار ؟؟؟؟؟؟؟
احنا 1000ونص يعادل دولار واحد $

[hassnaag]

طيب انت ايه رايك انا مصريه مقيمه بالسعوديه ولا سعوديه؟هحيرك انا ودودى شويه
انا مصريه مقيمه السعوديه
طيب انت بالعراق ولا مقيمه فين دلوقتى

[hassnaag]

ال 6 جنيه تقريبا يعادل دولار

[شيريندايم]

دودى اه يعنى اسمك
عين عب عال

ممكن يكون ورده دولت ميرنا مش عارفه مش بقولك عب عال

[زهرة الخيال]

ههههههههههههه هرفع قيمة الجائزة هخليها 5 جنيه يلا تشجيع

[زهرة الخيال]

عب عال طيب مفيش خمسة جنيه ههههههههههه

[انين القمر 92]

ههههههههههههههه اوكي بس قولي اسمك ايه ؟؟؟؟؟؟؟؟
انا عراقية عايشة بالعراق بالموصل
انا كان راي انك مصرية عايشة بالسعودية علشان كلامك كلو مصرررررررري عرفت هههههههههههه

[انين القمر 92]

مين ده عب عال ؟؟؟؟؟؟؟؟؟؟ والله كلامكو غرييييييييييييييب عجييييييييييييييييييب ههههههههههه مين ده ؟؟؟؟؟

[hassnaag]

طيب عرفينى على اللغه العراقيه لانى لم اقابل اى بنت عراقيه الى الان

[شيريندايم]

لا طالما 5جنيه يبقى لازم اجتهد
فتكات
بس الاول هى الموصالات ما بين الجيزه و طنطا كام علشان اشوف الباقى يستهل كل المعناه دى
وعلى فكره ياحسناء انا حاسه انك سعوديه

[انين القمر 92]

يا حسناء والله انا معرفش اكلم عراقي
هههههههههههه تضحكي عليه مش كده لان العراق مختلفة لغاتو في مصلاوي يعني كلامنا
وفي بغدادي وفي كردي وفي مسيحي وكل حاجة في هههههههههههه لو عاوزة اعلمك مصلاوي
عايزة ولا لا نبتدي الدرس يا بنتي هههههههههههههههه بس فتحي مخك معاي

[انين القمر 92]

بصي يا حبيبتي
عندنا كل كلمة فيها حرف الراء يتقلب غاء ههههههههه زي رحت انتو تقولو روحت نحنا نقول غحت او غحتي
ههههههههههههه صعبة

[انين القمر 92]

بناااااااااااااااااااااااات انتو روحتوا ولا اي ؟؟؟؟؟؟؟؟؟؟

[زهرة الخيال]

بين الجيزة وطنطا هتصرفى حوالى 20 جنيه مواصلات انا بقول هاتى انتى خمسة جنيه اوفر وانا اقولك

[زهرة الخيال]

نورا بتدى دروس من ورايا

[انين القمر 92]

هههههههههه انت عاوزة تتعلمي عراقي بردو يا دودي هههههههههه دروس ببلاش تنزيلات للاسعار متفوتكيش الفرصة ههههههههههههههههههههههههههههه

[انين القمر 92]

هوووووووووووووووووووووو بناتتتتتتتتتتتتتتتتت الووووووووووو هتجننونو بتختفو على غفلة كده من غير سابق انذار
ههههههههه ردو

[انين القمر 92]

بنات انا لازم اروح نلتقي بكرة ان شاء الله
سلامي للجميع ....................

[زهرة الخيال]

هههههههههههه كويس يعنى بعد التخفيضات بكام

[زهرة الخيال]

مع السلامة ياقمر

[شيريندايم]

النت تقل يا بنات صح هو كل يوم فى التوقيت ده يلا المدارس جايه والبنات الى عندهم مدرسه بدرى هينامو واحنا الصغيرين الى لسه مش عندنا مدرسه هنصهر
انين عين عب عال ده مشهد كوميدى فى مسرحيه ريه وسكينه عندنا فى مصر
زهره الخيال (اسمك ايه)
ملحوظه الكلمه بين الاقواس دى بصوت عالى علشان تخافى وتقولى

[زهرة الخيال]

انا خفت اهو وبعتلك مسج

[شيريندايم]

ايه يا دودى روحتى فين لا مسج ولا شات نمتى ولا ايه

[شيريندايم]

طيب انا هطلع شكلكو مشيتو لما حد يجى يبعتلى مسج

[hassnaag]

مشيتووووووووووووووووو

[,,,سهيلة,,,]

ازيك يا حسناء عامله ايه يا قلبى واخبار ماما ايه يارب تكون بخير

شفتى اخبارى الجديده انا هنقل من جده للطائف انت ايه رأيك فيها طمنينى احسن انا مرعووووووووووبه

[هاجر33]

هلا صبايا ممكن ادخل معاكم

[themooon21]

هلا صبايا ممكن ادخل معاكم
من غير ما تستاذني

طبعا تنورينا واهلا بيك

الملف كله ينور بوجودك

انتي من الامارات؟

انا بحبها جداااااااااااااااااااااااا ونفسي اروح زيارة هناك مش هاتقل عليك بس هاتستضيفينى هههههههه

[themooon21]

براحة شوية
هدووووووء
ايه بيحصل في الملف

سمعت ان في مسابقة ومزاد والاسعار وصلت لي 5 جنيه

هدوا اللعب شوية

علشان لميس وصلت هاتقلب عليكم التربيزة هههههههههههههه

ازيكم كلكم يا بنااااااااااااااااااااااااااات

بجد ليكم وحشة هو انتم قاصدين ترغوا وانا مش موجودة ولا ايه

[themooon21]

ازيك يا حسناء عامله ايه يا قلبى واخبار ماما ايه يارب تكون بخير

شفتى اخبارى الجديده انا هنقل من جده للطائف انت ايه رأيك فيها طمنينى احسن انا مرعووووووووووبه

مرعوبة من ايه يا جميل
الطائف يا ستى بلد صغيرة جداااااااااااا
وحلوة
هيا طبعا جدة احلى بكتير وفيها حرية اكتر

بس عادى يعنى الطائف ماشي حالها

في الاول هاتتعبي زى اى مكان جديد لسه ما تعرفيش فيه حد بس شوية شوية تتعودى

وبعدين هيه زى جدة قريبة برده من الحرم ودة كويس

ان شاء الله تكون نقلة خير عليكم اطمني

وتيجى مصر بالسلامة وتنوريها

[themooon21]

رحاب وحشتييييينى
المنتدى ظلمة من غيرك

طبعا انتي ولا في بالك دلوقتى زمانك بتبلبطي فى مارينا هههههههههه

ياريت شوية رمل وماية وانتي جاية

يارب تتبسطي

مش لاقية حد اناكف فيه

ابقى طمنينا عليك يا عسل

وانتي يا اللي اسمك زهرة الخيال وعاملة على اسمك مسابقة انتي مش بتسالي ليه هه مااااااشي مش هسامحك الا تقدميلي اعتذاار رسمي امام كل بنات الملف :14_6_13[1
وتجبيلى الهدية ههههههههههه

[مهندسة المستقبل]

ازيكو يانات مفيش حد هنا ولا اية

[ملكةالعفاف]

ملكة العفاف رجعت بعد شهرين غياب رجعتلكم وبتقولكم وحشتونى اوى اوى اخباري الفترة اللى فاتت كانت وحشه اوى اوى ربنا ما يكتب على حد المهم انا متاكده انكم هتنسوني كل حاجه بحبكم اوى والله

[جيكا]

سلام عليكم بنوتات
ماشاء الله ايه الجمال ده مليان الملف ودايما ى الصفحه الاولى يالا ادعولى انا الى جمعتكم

بكره ان شاء الله ليله النصف من شعبان ادعوا النهارده يا بنات وامانه ماتنسونيش من دعائكم وقولوا ربنا ينولها الى فى بالها امانه يا بنات

كل سنه وانتم بخير حبيباتى :)

[themooon21]

مهندسة المستقبل
هلا بيكى

انتي دخلتى مرة وبعد كدا مش شوفناكي تاني يارب تكوني بخير

ملكة العفاف
عودا حميدا يا قمر يابر يكون المانع خير ومش تسيبينا تانى وما تشليش هم الدنيا ساعة كدا وساعة كدا فالصبر احسن شيئ والبلاء لجلاء السيئات ان شاء الله
وممكن تفضفي عن اللي جواكي ولو عاوزة اي مساعدة ونقدر مش هنتاخر اكيد ان شاء الله

جيكا
طبعا ليكِ كل الحب بسبب انك جمعتينا بلاش بقى تزلينا هههههههههه
ان شاء الله هادعيلك النهاردة بس ربنا يتقبل
وانتي كمان وكلكم يا بنات بجدددددددد ادعولي طبعا عارفين اسمي لميس ماشي ادعولي بجد ربنا يعتقني انا واهلي وصحباتي من النار دي دعوة للاخرو ودعوة للدنيا قولوا ربنا يحققلك اللي في بالك وخلاص ههههههه
بس بجد ادعولي مش تنسوني وانا هادعلكم ان شاء الله
ياااااااااااااااااااارب تقبل

رمضان كريم
كل سنة وانتم بخير ومصر كلها بخير وامه محمد صلى الله عليه وسلم بخير

[ام فوشكا]

http://www.alfrasha.com/up/15048247941978952692.gif

http://www.alfrasha.com/up/8530215911555204590.jpg

وحشتونى يا بنات
كل عام وأنتم بخير
اللهم بلغنا رمضان عاما بعد عام

حسناء يا رب ماما تكون أحسن دلوقتى
===============
جيكا الغالية
أين أنت بقالك مدة مش بتزورى الملف
وحشتينا ووحشتنا بور سعيد
على فكرة أنا أحب بور سعيد جدا
والجامع الجميل إللى فيها
أحب أصلى فيه
===============
ملكة العفاف
أهلا بيك ليكى وحشة
===============
مهندسة المستقبل
مهندسة ولم تشتغلى حتى الآن
==================
أنا عارفة اسم زهرة الخيال لكن مش هقول ولا بمليون جنيه ههههههه
==============
رحاب فييين بقالنا كتير مش بنشوفها
شغلها وكليتها كتير عليها كان الله فى عونها
===============
themooon21
أخبارك إيه يا عسل
===============
رفيدة شكلك كده مش رايقة وعاملة مع حماتك شغل جامد
===============
ملك الامورة حاسبى من أخوك النهاردة
================

[رفيدة2006]

ههههههههههههههههههههه كده يا ام فوشكا والله ده انا غلبانة خاااالص خاااااااااالص ومش بعمل اي حاجة

[ام فوشكا]

ولا يهمك رفيدة المهم تكونى بخير

[رفيدة2006]

سلام عليكم بنوتات
ماشاء الله ايه الجمال ده مليان الملف ودايما ى الصفحه الاولى يالا ادعولى انا الى جمعتكم

بكره ان شاء الله ليله النصف من شعبان ادعوا النهارده يا بنات وامانه ماتنسونيش من دعائكم وقولوا ربنا ينولها الى فى بالها امانه يا بنات

كل سنه وانتم بخير حبيباتى :)
جيكا يا هلا يا هلا بالناس اللي مش بنشوفهم خااااااالص كل سنة وانتي طيبة يا حبيبتي وكل البناااااااات بخير ويااااااااارب السنة الجاية اكون اتجوزت بقي وكل اللي نفسه في حاجة ربنا يحققهالو ياااااااااارب

[رفيدة2006]

الحمد لله انا كويسة انتي عاملة ايه واخبار صحتك دلوقتي ايه

[هاجر33]

كل عام وانتم بخيييييييييييييييييييير

[ام فوشكا]

رحتى فين يا بنتى

[رفيدة2006]

يصى يلستى بيقولولى يادودى لو عرفتى اسمى ايه لكى جائزة ماليه قدرهااااااااااااااااااااااااااااااااا واحد جنيه مصرى هههههههههههههههههه
دودي اقول انا بس ارفعي الجايزة شوية ده انا علي وش جواز ومحتاجة معونة

[ام فوشكا]

هاجر33
أهلا بيك معانا
نورتى الملف
كل عام وأنت بألف خير

[ام فوشكا]

إنما إيه التوقيع الروش ده يا رفيدة

[themooon21]

كل عام وانتم بخيييييييييييييييييييير

وانتي بالف خييييير يارب وكل اهل الامارات والامة الاسلامية كلها بخير يارب

[رفيدة2006]

ايه رايك يا ام فوشكا انا اصلا بت روشة طحن بس انتوا اللي شم واخدين بالكو ومحدش مقدرني خاااااالص اهلا يا هاجر كل سنة وانتي طيبة يا حبيبتي

[ام فوشكا]

الحقيقة يا حلوين
أنا مضطرة أقوم عشان أنا وزجى صايمين
ولسه ورايا تحمير
ربنا يرزقكم بالزوج الصالح الذى يشجعك على صيام النوافل والقيام
يلا دعوة حلوة فى ليلة النصف من شعبان
إدعولى أحج بأه
نفسى نفسى نفسى أحج
اللهم ارزقنى الحج
أنا عملت عمرتين
لكن الشوق للحج لا حل له الإ الحج

[رفيدة2006]

اهلا يا لميس ازيك انتي دمك زي العسل علي فكرة انتي حاسبات ومعلومات زي خطيبي بس هو الزقازيق

[رفيدة2006]

الحقيقة يا حلوين
أنا مضطرة أقوم عشان أنا وزجى صايمين
ولسه ورايا تحمير
ربنا يرزقكم بالزوج الصالح الذى يشجعك على صيام النوافل والقيام
يلا دعوة حلوة فى ليلة النصف من شعبان
إدعولى أحج بأه
نفسى نفسى نفسى أحج
اللهم ارزقنى الحج
أنا عملت عمرتين
لكن الشوق للحج لا حل له الإ الحج
ربنا يرزقك زيارة بيته الحرام ويرزق كل المسلمين ياااااااااارب وربنا يتقبل صيامك وبالله عليكي تدعيلي وانتي بتفطري وتدعي للمسلمين ربنا يصلح حالهم ويهدي عصاة المسلمين وادعي لام حسناء وانا هبعتلك علي الخاص

[themooon21]

ما لحقتش ارحب بيكِ ام فوشكا

بس بجد نورتي الملف

ليك طلة مش زي اي طلة

ربنا يتقبل منك يارب

ويكتبلك حج مبرور ان شاء الله

بس ادعييييييلي الليلة دي باللي في بالي

[themooon21]

رفيدة انتي يا قمر اللي زي العسل

انا كنت لسة هاقولك ربنا يرزقك بابن الحلال طلعتي مخطوبة

ماشي نغير الدعوة

ربنا يكرمك انتي وخطيبك ويفتح بينكم بالخير يارب

وتكونى السنة الجاية في بيتك

وحاسبات ومعلومات اجدع ناس ربنا يخليهولك ويهديهولك يارب


وادعيلي الله يخليكى الليلة دي اوعي تنسينى

[themooon21]

هو دفعة كام انا ليا صاحبتى هنا معيدة اخاليها تسالك عليه هههههههههههههههههه

المهم تاااااااني الدعوات يا جماعة الليلة دى الله يكرمكم

[رفيدة2006]

هادعيلك والله ربنا يرزقك اللي في بالك يااااااارب ويديلك كل اللي بتتمنيه في الدنيا والاخرة ويرزقك جنته ويجمعنا فيها علي خير ياااااااارب وانتوا اه اجدع نااااااااس بس بتحبوا الكمبيوتر زي عنيكو وانا مش ليه تقل عليه خالص وبتوع شغل اوي اوي كلكو كده ولا هو اللي مزودها شوية

[رفيدة2006]

هو دفعة 2004 بس دلوقتي سابني وطااااااااااااار عالكويت ربنا يرجعهولي بالسلالالامة ياااااااارب عاوزة اتجوز بقي

[themooon21]

لالالالالالالالالالالالالالالالالالالالالالالالا

كلنا كدا

انا عاوزة اقولك ان اهلي وصحباتي بيقوليلى لما تتجوزى هاتتطلى تاني يوم وجوزك هايقولك انتى متجوزة راجل ولا كمبويتر

اصل الكمبيوتر بياخد الوقت جدا من غير ما نحس بيه وشغلنا عليه كتر بس مممتع جداااااا

دة انا زعلانة انى مش زي خريجين حاسبات اللى انا فيه دة لعب

[themooon21]

2004 دة يبقى دفعتى

بس انا الاسماعلية

ربنا يرجعهولك ياااااارب بالسلامة يا حبيبتى

ان شاء الله خير المهم بس ربنا يكرمه في شغله وكله هايكون تمام ا ن شا الله

[رفيدة2006]

لاء بس ايه ده انتو كده لازم تتجوزوا من بعض احسن ههههه ده حتي لما كان بيجي يقعد معايا شوية كان بيسيبني ويقعد علي الكمبيوتر لما كنت هطق انتي كنتي قسم ايه وبتشتغلي ولا لسه

[themooon21]

وانتي لسة بتدرسي او بتشتغلي تضيعي وقت في الوقت اللى هو غايب فيه

[رفيدة2006]

ياااارب يرجعوا بالسلامة يارب بس والله هو كويس اوي وياريته كان فضل في مصر وكان يقعد علي الكمبيوتر ليل ونهار بس هو يرجع ربنا يرزقك بالزوج الصالح يارب

[رفيدة2006]

نا خلصت ليسانس حقوق ودلوقتي في معهد اعداد دعاة والوقت الفاضي بكون في المطبخ بحاول اتعلمليلي اي حاجة احسن انا في المطبخ في الضيااااااااع او بكون عالنت وانتي بتشتغلي

[themooon21]

ههههههههههههههههههههههه

لا لا ما ينفعش خالص نتجوز من بعض انتى عاوزانا نخلف كتاكيت ماوس وكيبورد

انا قسم علوم الحاسب computer science(CS)
الشغل في مجالنا كتييييييييييييير جدا بس للاسف كله في القاهرة وبينى وبينك انا ماليش انى اتغرب
والشغل رغم انه ممتع بس متعب قوي للعقل وانا عارفة نفسي مش هاقدر
فعندي كدا مشروع صغير شغالة فيه
بس طموحى اكبر ان شاء الله
مش انا قلتلك انا زعلانة لاني مش زي خريجين الحاسبات
اصل مش ليا قوي فى البرمجة
فبحاول في مجالات تانية زي الجرافيكس
دعواااااتك لاني محبطة جدا

[themooon21]

معلش يا حبيبتى سفره خير ان شاء الله

وفي مجال البرمجة الكويت احسن بكتيييير من مصر مش بس فلوس لا خبرة وتعلم كمان

وان شاء الله بس السنادي وتتجوزوا وتسافري معاه

والله كويس انك بتتعلمي فى المطبخ سيبك انتي كله نفس ههههههههههه
بس بدل انتى هاتتغربي الولد مش هايستحمل تتعلمي فيه لازم تتعلمي

المطبخ سهل جدا على فكرة (قال يعنى بعرف اطبخ)
حطي كل حاجة على بعضا وسيبي الباقي على النفس ههههههههههه

ربنا يسعدك يارب

وربنا يستجيب منك دعائك ليا يارب

[رفيدة2006]

هههههههههههههههههههه والله انتي زي العسل وحبيبتي مفيش داعي للاحباط ومجالكو ده اللي اعرفه انه عاوز مذاكرة كتير وممارسه وانتي حاولي تعملي كده هو بقي oracle devoleperبس كنت بشوفه علي طول قاعد يعمل فورم وحاجات كده غريبة وانا قاعدة جنبه ابو جهل مش فاهمة اي حاجة

[رفيدة2006]

هههههههههه اسيب الباقي علي النفس كده يعني انا اتعلم فيه الطبخ وهو يتعلم فيه الكارتيه مش كده ايه يا بنتي النصايح الجامدة ديه

[رفيدة2006]

اه طبعا نسيت اقولك اني استفدت من كلامك انتي ورحاب ووصفاتكو الجامدة علي البمبار والكرشة والحاجات دي اهه هو ده الاكل ولا بلالالالالالالاش ربنا يخليكو للغلابة اللي زيي

[themooon21]

وااااااااو
جهل ايه وانتى عارفة الفورم

في ناس اتخرجت من الكلية ومش عارفين معنى الفورم ههههههههههههههه

بس مش تكون فورم بالعجوة

والله انتي الي عسل

انا بحب جدا مجال oracle devoleper رااااائع وشغله فعلا كوي س هو اللى ماشي في السوق

وزى ما قلتى شغلنا احنا بالذات مذاكرة وومارسة كتييييييير

وانا اللي ضيعت نفسي مش هالوم حد غير نفسي

يالا ربنا يسهل بقى

[themooon21]

هههههههههههههههههههههههههههههههههههههههههههه
قلبك ابيض بقى انتي لسة فاكرة الكرشة

احنا صايمين يا بنت حرام عليكِ
المهم بس تكون الوصفة جابت نتيجة معاكي ههههههههه


وبعدين يتعلم الكارتيه حلو برده دفاع عن النفس

[themooon21]

قوليلي كدا عوزاني ادعيلك بايه وانا بفطر

وان شاء الله ربنا يتقبل مني ومنك

[رفيدة2006]

ربنا يوفقك يااااااااارب وفورم بالعجوة الله والله دي احلي ولا ايه بدل الحاجات المكلكعة التانية دي وبجد انا هدعيلك وربنا ينولك اللي في بالك يارب حبيبتي انا مضطرة اخرج علشان المغرب خلاص وهادعيلك وانا بفطر وهكون موجودة بليل علي الساعة 9 كده ياريت تدخلي وزهرة كمان هتكون هنا هستناكي انا حبيتك خاااالص والله

[themooon21]

ربنا يخليك يا رفيدة والله انتي اللي عسل
ومن القلب للقلب رسول

ربنا يكرمك يارب كلك زوق

[رفيدة2006]

والله يا لميس انتي اللي عسل وسكر كمان وانا دعيتلك وانا بفطر وهادعيلك بليل كماااااااااااااان اي خدمة انتي فين بقي يا هانم ودودي كمان بس لما اشوفكوا

[ملك الاموره]

ازيكم ي ابنات
فى حد موجوووووووووود

[bird0000000]

ياهلا ياحلوين
اخباركم اية؟؟عاملين إية؟يارب تكون بخير!!

اخبارك ياام فوشكا؟وإن شاءاللة تحجي مع زوجك قريب إن شاءاللة..امين يارب

اخبارك يارفيدة2006؟؟themooon21 ؟؟ مهندسة المستقبل؟؟ ملكةالعفاف
؟جيكا؟؟اخبارك ياجيكا...عاملة إية...إن شاءاللة ربنا يوفقنا وربنا يستجيب دعائنا امين يارب...اخبارك انين القمر 92؟؟زهرة الخيال؟؟شيريندايم...>>إسمك حلو وغريب!!!
إزيك ياحسناء؟؟إزيك يا,,,سهيلة,,,؟؟علي فكرة بقالي زمن بحاول اتصل بك بس محدش بيرد عليا..حتي بعثتلك فراشة مسج..إنتي فينك؟سافرتي ولا لسة؟؟يلا طمنيني عليك..

وفين الاخت لوجين؟؟اخبارها إية؟؟
المهم كلكم عاملين إية؟؟معلش انا مقلة في الدخول علي الموقع لإني في سنة الامتياز إدعولي من قلبكم
وسلامي للكل..ومعلش لو نسيت اسلم علي اي حد

[ياسمين عسولة]

السلام عليكم ياحلوين
فى حد موجود؟؟؟؟؟؟؟؟؟؟؟؟

[روز اليوسف]

مساء الخير عليكو بنات مصر انا جديدة اسمي روز و بجد فرحت اوي لما شوفت الموضوع يا ريت تقبلوني معاكو يا حلوويييييييييييييييييييييين

[فاطمةعلام]

انتم فين بدور عليكم يا مصريات انا اول مرة اشوف الموضوع دة وعجبني جدا" جدا" وبقالي يومين اقرأ فية وكان نفسي اقراة كلة بس تعبت وقررت اشتراك معاكم موضعكم جميلة اوي وكان نفسي اشتراك من بدري علشان اكلم في كل المواضيع السابقة بس الحمد لله شوفوة بقة يا مصريات انا عروسة وحجوز علي العيد وعيزاكم تسعدوني كل واحدة تقولي علي قاعة او مكان كويس ورخيص احجز فية علشان محتاسة ومش عارفة وعايزة كوافير قريب كويس في المعادي ؟ ممكن وعايزة استوديو كويس للتصوير علشان الكروت من فضلكم كل واحدة تقولي الي عندها انا عاملة موضوع في عروس الفراشة بس لسة موصلتيش لحاجة ربنا يكرمكم وعقبالكم يا بنات واةةةةةة متنسوش اهم حاجة تدعولي ربنا يتمملي علي خير ويكرمن اوعة تنسوة دة مهم جدا"

[روز اليوسف]

مبروووك يا فطوم الف مبروك
ممكن افيدك في القاعات
عندك فندق انتركونتينينتال الهرم طريق مصر اسماعلية ده هايل و كمان قاعات دار الاشارة في مصر الجديدة حلوووة
دول عن تجربة كويسين و اسعارهم حلوة بس مش فاكرة كام بالضبط
كمان جراند حياة المركب بتاعتو تحفة

اتمنى اكون افدتك في حاجة

[روز اليوسف]

انا مش شايفة حد من المصريات رحب بيا
كده بردو :(
انا زعلانة منكم جدا

[فاطمةعلام]

اهلا" وسلا" بيكي يا روز نورتي والف شكر ليكي يا جميل بس دة بعيد اوي اوي واين مركب جراند حياة يا ريت عنوانها يا جميل بس انا عايزة حاجة رخيصة رخيصة مش غالية وعقبالك يا روز اسمك جميل اوي
فين باقي الفراشات

[rehabshams]

صباح الفل والورد
صباح كل حاجة حلوة فى الدنيا
صباح الهنا والسعادة

ازيكم كلكم يارب تكونوا بألف خير وصحة وسعادة

وشكراااااااااااااا لكل واحدة سألت عنى بجد متشكرة ليكم كلكم

واهلا وسهلا بكل البنات اللى انضموا لينا جديد نورتونا وشرفتوا ملفنا الجميل
يارب تكونوا سعداء وسطنا يارب

[المغرمة2005]

ازيكو يبنات
انا فراشة جديدة من العراق

[رفيدة2006]

رحاااااااااااااب عاملة ايه يارب تكوني بخير ومبسوطة وحشتينا فاطمة حبيبتي كان نفسي اساعدك والله بس للاسف مش عندي خبرة في الحاجات دي واهلا بروزاليوسف اسمك حلو اوي نورتينا يا قمر

[روز اليوسف]

اشكركم على الترحيب يا حلويين


اهلا بيكي المغرمة نورتي

[روز اليوسف]

يا فطووم المركب جراند حياة تبع الفندق
هو في جاردن سيتي يطل على كورنيش النيل اكيد سمعتي عنه في حتة اسمها جزيرة الروضة
اكيد ليهم ويب سايت هحاول ادور عليه و اقولك
و لو انتي بتفكري بجد في مركب ممكن مركب اسمها الكنج في المنيل شارع عبد العزيز ال سعود انا حضرت فيها كمان و هي كويسة جدا
اتمنى اكون افدتك و ياريت تعزميني

بس انتي اصلا ساكنة فين؟؟؟؟؟

[rehabshams]

اهلا فطومة
الف الف مبروك على الزواج ويارب يارب ربنا يتتم ليكم بخير

على فكرة انا جيبتلك موقع فندق جراند حياة هو جميل جدا والمركب اللى تبعه جميلة قوى
لكن مش عارفة الاسعار هابعتلك الموقع على فراشة مسج وانتى ادخليه وقلبى واتصلى بيهم

[رفيدة2006]

رحاب انتي فين وايه اخبارك بقالي كتير اوي متكلمتش معاكي وايه اخبار المشارط علي حسك