##### ملف تجمع بنات مصــــــــــر ........(دمج كل المصريات يدخلوا هنــــــــا)####### [الأرشيف] - الصفحة 23

ام فوشكا

09-10-2006, 04:39 PM

السلام عليكم يا حلوين
- * أهلا روزاليوسف ( هل أنت صحفية ) ههههههههههههه
- * أهلا قطرة ندا نورتى الموقع والملف مع بعض
- * أهلا الغالية themooon21 سامحينى لتقصيرى الرسالة فى الطريق
- * المشكلة فى كونى لا أعرف كيف أرسل أكثر من رسالة فى وقت واحد
- * أهلا أنين القمر أخبارك إيه يا جميل

روز اليوسف

09-10-2006, 05:17 PM

اهلا ام فوشكا اخبارك ايه

ايه رايك انا روز اليوسف الجديدة المطورة ههههههههههههههههههههه

اجنن مش كده؟

رقيقه

09-10-2006, 06:19 PM

السلام عليكم ورحمه الله
كل سنه وانتم طيبين

مهندسة المستقبل

09-11-2006, 01:37 AM

بنات حد موجود

rehabshams

09-11-2006, 12:10 PM

صباح الفل
قلت اصبح عليكم كده بسرعة
لحسن انهاردة الشغل كتير قوى
ومش عارفة اخد نفسي ربنا يعدي اليوم ده على خير يارب

المهم يارب تكونوا كلكم بخير وبمنتهى الصحة والسعادة

rehabshams

09-11-2006, 12:12 PM

بنات
كل سنة وانتم طيبين وبخير وسعادة يارب
رمضان خلاص قرب قوى
انا سمعت فى الراديوا انهم هايغيروا الساعات ليلة رمضان
كويس علشان الواحد يقدر يصوم فى الحر ده
وكمان علشان نظبط مواعيد الشغل

اللهم تقبل منا صيامنا وقيامنا وصلاتنا يارب العالمين
اللهم بلغنا رمضان . اللهم بلغنا رمضان . اللهم بلغنا رمضان

رفيدة2006

09-11-2006, 02:06 PM

رحاااااااااااااااااااااااااااااااااااب بخخخخخخخخخخخخخخخخخخخخخخخخخخخخخخخخخخخخخخخخخ انا جيت شفتي محاصركي يا بنتي

rehabshams

09-11-2006, 02:45 PM

ههههههههههههههههههه
اجمل حصار فى الدنيا
انتى منورانى والله هنا وعلى الماسنجر
وياريت ياختى تحاصريني كده على طول
على الاقل محسش انى بكلم نفسى

روز اليوسف

09-11-2006, 02:47 PM

السلام عليكم ازيكم النهاردة عاملين ايه

rehabshams

09-11-2006, 02:56 PM

اهلا ياروز نورتينا
ازيك عاملة ايه

روز اليوسف

09-11-2006, 03:01 PM

هاي رحاب ازيك النهاردة و كل سنة وانتي طيبة بمناسبة رمضان
انا الحمد لله كويسة
ممكن تعرفيني عنك شوية عشان انا ماعرفش حد هنا

rehabshams

09-11-2006, 03:52 PM

اسفة جدا ياروز إتأخرت عليكي
بس والله عندى شغل كتير قوى انهاردة

بصى ياستى انا اسمى رحاب ومن سكان القاهرة
وعندى 25 سنة وبشتغل سكرتيرة فى شركة تصنيع آلات جراحية
إمممممممممم مش عارفة فى ايه تانى
إسألى وانا أجوابك فوراً

روز اليوسف

09-11-2006, 04:56 PM

اهلا رحاب سعيدة بمعرفتك جدا انتي لسة هنا ولا رحتي فييييين؟؟؟؟؟

rehabshams

09-11-2006, 05:04 PM

انا هنا ياقمر

rehabshams

09-11-2006, 05:06 PM

قوليلى بقى ايه حكاية جنينة بيتكم دى

rehabshams

09-11-2006, 05:13 PM

روز شكلك كده زوغتى

على العموم انا مضطرة اقفل دلوقتى علشان اروح

وإن شاء الله هافتح بكرة الصبح ياريت تكونى موجودة

سلام ياقمر

farbooba

09-11-2006, 06:52 PM

ahln be kol el elmasreyeeeeeeeen ana masreyya we mn cairo 3ndy 20 yrs
fe 3 college,,3aiza at3rrf 3elkoooooooooo kollkoooo w khsosn elly fe cairo
3la fkra ana 3odwa adeema bs mkontsh bashark kteer ba2eely mn zman msharktsh
we ana b7b el montda da mooooot w lma la2et kesm lelmsreyyn 2olt lazm ashark :)
yalla jhastnna rododkom
yala c uuuuuuuuuuuu

مهندسة المستقبل

09-11-2006, 08:18 PM

ازيكوووووا وحشتونى مووووووووووت انتو فين ازيك مللك حبيبتى عملة اية

روز اليوسف

09-11-2006, 09:02 PM

Hello farbooba

nice to meet u

eah a7'barek????

انين القمر 92

09-11-2006, 09:20 PM

هاي يا بنااااات
ازيكو وعاملين ايه يا قدامة ويا اللي جاين جدد ؟؟؟؟؟؟؟
ازيك روووووز وحشاني ههههههه وبقى بقى نفسي اتعرف عالجيش بتاعك انا الجيش بتاعي يتكون من ابوي واخوي وامي واخت هههههههههه بسميه جيش وهم كم نفر هههههههه
وانت بردو ازيك يا بش مهندسة ؟؟؟؟؟؟؟ عامليين اي ؟؟؟؟؟؟؟؟؟؟
مقدما انا بخيررررررر
هههههههههه
في حد ؟؟؟؟ ولا زي العادة ههههههههه

مهندسة المستقبل

09-11-2006, 09:37 PM

لا انا معاكى حبيبتى ازيك ويارب يخليهم ليكى يارب ولا تنحرموش من بعض ابدا

انين القمر 92

09-11-2006, 09:39 PM

يا بناااااااااااااااااااااااااااااااااااااااااااااااا ااااااااااااات اهو اهو كاني بغار بنادي ههههههههههههههه و مفيش حد يرد هههههههههههههههههههههههههه
بصو هيضاعف الصوت
يييييييييييييييييييييياااااااااااااااااااااا ببببببببببببننننننننننناااااااااااااااااتتتتتتتتتت تتتتت ههههههههههههههههه

انين القمر 92

09-11-2006, 09:41 PM

تسلمي يا حبيبتي انت اديه عمرك ؟؟؟؟؟؟ واسمك
انا نونو اقصد نورا 15 سنة عراااااااااااااااااااااااااااااااااااااااااااااااا ااااقية

انت ؟؟؟؟؟؟؟؟؟؟

قطرة ندا

09-11-2006, 09:57 PM

كل سنه وانتم طيبين جميعا
اللهم بلغنا رمضان واعتق رقابنا من النار
امين يارب العالمين

انين القمر 92

09-11-2006, 09:58 PM

يا اهلا وسهلا بالجميل الحلو المقرمش ههههههه ازيك يا روزا ؟؟؟؟؟؟؟؟؟

انين القمر 92

09-11-2006, 09:59 PM

اهلا يا قطرة ندا نورتينا واللهم امين

روز اليوسف

09-11-2006, 10:01 PM

اهلا نونو حياتي عاملة ايه

وحشااني موت

انا لسه مخلصة عشا للجيش بتاعي

و هو مكون من اخين و الكوماندا............اللي هو بابا
و اخت اكبر مني و طبعا ماما

انا يا جميل موجودة على فترات يعني ممكن ما اردش عليكي بسرعه هههههههههههههههه

بس انا معاكي على الخط يا جميل

روز اليوسف

09-11-2006, 10:03 PM

منورين يا بنات عاملين ايه كلكم

انين القمر 92

09-11-2006, 10:03 PM

كوووووووووووووووووووويسة انا بتكلم بالماسنجر مع مهندسة المستقبل
انت معملتكيش ايميل ولا لسى ؟؟؟؟؟؟؟؟

روز اليوسف

09-11-2006, 10:07 PM

ايوة يا سكر انا عاوزة اعمل بس مفيش وقت

شوية كده نص ساعة و نتكلم ماشي يا قمر

انين القمر 92

09-11-2006, 10:09 PM

ماااااااااشي يا سكررررررررة

قطرة ندا

09-11-2006, 10:13 PM

اهلا بيكى يا انين
والله ده النور نوركم اجمعين وانا فعلا مبسوطه لانى وسط اجمل فراشات

مهندسة المستقبل

09-11-2006, 11:05 PM

فين الشعب انتو فيين

فاطمةعلام

09-12-2006, 11:41 AM

صباح الفل يا بنات عاملين اية محش رد في موضوعي غير القليل ومحش قالي علي قاعة افراح رخيصة وحلوة انتم فين معقولة محدش عارف خالص كدة

rehabshams

09-12-2006, 12:22 PM

صباح الفل يابنوتات
ازيكم عاملين ايه
ايه اخباركم كلكم
وحشتونى والله
يارب تكونوا كلكم بخير

زهرة الخيال

09-12-2006, 07:43 PM

وحشتووووووووووووونى اووووووووووووووى اوووووووووووووووووى
اخباركم ايه والله وحشتونى جدا جدا كلكم خايفة اقول مين ولا مين احسن انسى حد
لانكم كلكم وحشتونى

مهندسة المستقبل

09-12-2006, 08:16 PM

فى حد موجود يا بنات

زهرة الخيال

09-12-2006, 08:44 PM

انا موجودة يامهندسة المستقبل

انين القمر 92

09-12-2006, 10:58 PM

السلام عليكم
ازايكم يا بنات ؟
ازيك يا دودي والله وحشاااااااااااااني
انا هنا لو حد عاوز يتكلم معاي
وانت فين بقى يا بش مهندسة انا بنتظرك تردي علية ؟؟؟؟؟؟؟؟؟؟؟؟؟؟؟؟

مهندسة المستقبل

09-12-2006, 11:02 PM

انا معاكى حبيبتى

مهندسة المستقبل

09-12-2006, 11:04 PM

انا انهاردة حسة انى سخيفة اوى ومضايقة جدا

انين القمر 92

09-12-2006, 11:06 PM

اه وصلت
عاملة اي ؟؟؟؟
انا تعبااااااااااااااااااااااانة مووووووووت عشان كانت العيلة معزومة عندنا وكنت بشوي كباب رجلي تكسرت هههههههههههههه
من غسل المواااااااااعين
اتمنيت معاي انت والبنات كلهم ..................

انين القمر 92

09-12-2006, 11:07 PM

ليه بس حصل اي ؟؟؟؟؟؟؟؟؟

مهندسة المستقبل

09-12-2006, 11:10 PM

يا حبيبتى يا ريتنى كنت معاكى بس مش علشان اغسل مواعين بس علشان اسعدك فى الشوى هههههههه

انين القمر 92

09-12-2006, 11:11 PM

هههههههههههههههههههههههههه

مهندسة المستقبل

09-12-2006, 11:48 PM

انت طلعتى ولا لسة موجودة

انين القمر 92

09-13-2006, 12:02 AM

انا رجعت .................

انت هنا ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

rehabshams

09-13-2006, 09:56 AM

صباحكم عسل وشهد مكرر يارب
ازيكم يابنات وحشتونى قوى :fragghagi

زهرة حبيبتى وحشتيني يارب تدخلى انهاردة
وفين البنات المختفية محدش بيظهر منهم ليه

حسناء اخبار ماما ايه ياحبيبتى يارب تكون بخير
وانتى واولادك وزوجك يارب كلكم بخير وسعادة دايماً
ابقى طمنينا عليكي وعلى ماما

:fkjuiyhag

فاطمةعلام

09-13-2006, 11:53 AM

اية يا بنات انتم موجودين فين الموضوعات الحلوة الي نكلم فيها كل واحد تقول بتعمل في رمضان اية وبتروح فين وتحكلنا علي نوادر ومضان السابق
اية رائيكم

قطرة ندا

09-13-2006, 12:03 PM

صباحكم زي السكر يا أحلى فراشات

فاطمةعلام

09-13-2006, 12:10 PM

يارب صباح مبارك وسعيد عليكي وعلية يارب حتعملي اية في رمضان وبتروحي فين انا بروح الحسين بيكون يوم جميل واهلي كمان هناك وبنسحر هناك ونشرب حمص الشام وبنروح الفيشاوي بس بتكون زحمة اوي وانتي بتعملي اية

مهندسة المستقبل

09-13-2006, 12:57 PM

هاى ازيكوا يا احلى بنات فى مصر كل سنة وانتو بخير يارب ويجعلة شهر مبارك علينا جميعا

ام فوشكا

09-13-2006, 11:04 PM

farbooba
أهلا بك معنا عضوة جديدة ومن زمان برضه
ههههههههههههههه
زهرة الخيال لك وحشة يا غالية
إزيك يا رحاب ... ربنا يوفقك حبيبتى
مهندسة المستقبل
ألف سلامة على مزاجك الغالى
حسناء فيييين من مدة لم نراها
لعل المانع خير

ام فوشكا

09-13-2006, 11:07 PM

فاطمة الغالية
أخبار فستانك وقاعة الفرح والذى منه إيه
خليكى فى التفاصيل دى دلوقتى حبيبتى
وسيبك من الفيشاوى دلوقتى
فرحك إمتى يا قمر
ربنا يسعدك

ام فوشكا

09-13-2006, 11:10 PM

إنتوا نمتوا بدرى النهارده كمان
إيه الحكاية
احنا لسه فى الاجازة
هههههههههههههههه

ام فوشكا

09-13-2006, 11:13 PM

ماشى يا حلوين
تصبحوا على خير

ملك الاموره

09-13-2006, 11:52 PM

السلام عليكم ورحمه الله وبركاته
اللهم بارك لنا في شعبان .. وبلغنا اللهم رمضان
أعواماً عديدة وأزمنة مديدة ونحن ننعم بالصحة والعافية
و أعيننا على صيامه وقيامه و أعتق رقابنا من النار

كل سنه وانتوا طيبين جميعا يا بنات بلدى
وان شاء الله رمضان الجاى تكونوا حققتوا كل اللى انتوا عاوزينه
وطبعا ربنا يقدركم على قيام رمضان وصيامه
وييعيده عليكم با لخير يا رب العالمين
وكل سنه وانتم طيبيييييين
اختكم / مــــــــــــــــــلك

قطرة ندا

09-14-2006, 12:24 AM

انا لسه ما نمتش يا أم فوشكا
ارجوكى اتكلمى معايا شويه
سيبانى لوحدى ورايحه فين

ملكةالعفاف

09-14-2006, 02:52 AM

صباح الفل والورد والياسمن لا حلى فرشات في الدنيا حد صاحى هنا انا زهقاااااااااااااااااانه على الاخر ودماغي هتتكلم من التفكير ربنا يهون عليا ياله هلف لفه واستنى رد سلام يا قمرات

rehabshams

09-14-2006, 10:02 AM

صباح الفل يابنات

عاملين ايه

انا هنا طول النهار

ياريت حد فيكم يدخل ويعبرنى

:fragghagi

فاطمةعلام

09-14-2006, 11:37 AM

صباح الفل يا بنات عاملين اية
والله يا ام فوشكا لسة محجزتيش في قاعة كل القاعات غالية اوية وانا عايزة قاعة رخيصة ولسة مشفتيش الفستان والكوافير مستنية بس الحجز اولا" وبعدين حروح الكوافير الي انتي قولتيلي علية علشان دة قريب مني
وادعولي يا بنات وكل سنة وانتم طيبين

قطرة ندا

09-14-2006, 12:11 PM

ازيكو ياقمرات وعاملين ايه انهارده
ربنا معاكى يا فاطومه وتلاقى اللي نفسك فيه

فاطمةعلام

09-14-2006, 12:15 PM

الله يخليكي يا قطرة الندا الجميلة ممكن اعرف انتم بجيبوا توقيع رمضان منين علشان عايزة اكتبة تحت التوقيع

انين القمر 92

09-14-2006, 01:12 PM

السلاااااااااااااااااام عليكم

ازي الحلوين سمعت طراطيش كلام انو فيه عندنا قماير وعرايس هيتجوزو ؟؟؟؟؟؟؟؟ الف مبرووووووك واسفة جدا يا فطومة كان نفسي اساعدك بس انا فين وانت فين ههههههههههههه انا بالعراق مش بمصر اسفة مرة تانية
سلامي للجميع

rehabshams

09-14-2006, 01:15 PM

الله يخليكي يا قطرة الندا الجميلة ممكن اعرف انتم بجيبوا توقيع رمضان منين علشان عايزة اكتبة تحت التوقيع

فطومة

أولا صباح الفل عليكي وربنا يعينك يارب ويتملك الفرح بخير يارب

ثانياً بالنسبة للتوقيعات بتاعت رمضان

دا الرابط بتاعها اللى انا اخدتها منه اوك

http://alfrasha.com/showthread.php?t=151505&page=1&pp=10

انين القمر 92

09-14-2006, 01:18 PM

بالله كلهم موجودين ومحدش يرد ازاي بقى يا رحووووووبة
مش قادرة افهم ؟؟؟؟؟؟؟؟؟؟؟
دماغي مغلق من غسل الهدوم هههههههههههههههه

rehabshams

09-14-2006, 01:20 PM

صباح الفل يانورا
ازيك حبيبتى عاملة ايه

انين القمر 92

09-14-2006, 01:21 PM

عاملة عمايل ههههههههههههه والله كنت بغسل هدوم وبنظف البيت

rehabshams

09-14-2006, 01:27 PM

ههههههههههه

انا معاكى ياقمر

ربنا يعينك يارب

انين القمر 92

09-14-2006, 01:30 PM

بجد لازم ربنا يعني كل الشغل براسي
تعرفي قلت ايه لاخوي اليوم ؟؟؟؟؟؟
قلتلو تعالى اعلمك تمسح الارض هههههههههه
اقعد يتضحك علية ويقلي ده ثامن المستحيلات ههههههههههه

rehabshams

09-14-2006, 01:35 PM

ثامن المستحيلات

انا اعرف انهم اربعة

جاب ثمانية دى منين

انين القمر 92

09-14-2006, 01:38 PM

لا مهم سبعة يقوم يعملهم ثمانية

انين القمر 92

09-14-2006, 01:39 PM

رحااااااااااااااااااااااااااااااااااب باركيلي دلوقتي انتبهت بقيت vip

ام فوشكا

09-14-2006, 01:52 PM

صباح الفل على أحلى بنات إزيك يا رحاب
إزيك أنين القمر
أخباركم إيه يا حلوين
أول مرة من فترة أدخل ألاقى حد أكلمه
دايما كنت بكلم نفسى شوية وأمشى
ههههههههههه

ام فوشكا

09-14-2006, 01:57 PM

ألف مبروك أنين القمر
عقبال النجوم البيضاء والحمراء
والاشراف

انين القمر 92

09-14-2006, 01:58 PM

يا اهلا وسهلا انا جيت اكلمك
ههههههههه كنت زيك بكلم نفسي ههههههههه

انين القمر 92

09-14-2006, 01:59 PM

تسلميلي الله يخليك
بس كان اكبر احلامي ده هههههههه احلام عادية هههههههههه

ام فوشكا

09-14-2006, 02:13 PM

لماذا حبيبتى الطموح شئ رائع
ماذا يزيد عنك من حصلوا عليها
لا شئ
عليك بالاجتهاد والمثابرة والتوكل على الله دائما

themooon21

09-14-2006, 02:16 PM

سلام عليكم ورحمة الله

ازيكم يا بنات عاملين ايه كلكم

اخيرا يا زهرة سمعنا صوتك ايه شغلك كدا عننا

مش عاوزة اذكر اسماء علشان ما انساش حد

كلكم كل سنة وانتم طيبين واللى الله اقرب

ام فوشكا انا كنت بعمل صفحات بكلم فيها نفسي هههههههههههههه

انتى بتدخلى على فكرة متاخر قوي عاملة زي حالاتى بس انا الايام دى مش بدخل علشان بابا جه من السفر هو وماما فبقعد معاهم

قولولى هاتعملوا ايه فى رمضان كدا هاتقضوا الايام ازاي

انين القمر 92

09-14-2006, 02:19 PM

اهلا اهلا بيك
على فكرة انا كل مرة عايزة اكلمك بس معرفش اسمك خخخخخخخخ اناديك ايه ؟؟؟؟؟؟؟

themooon21

09-14-2006, 02:22 PM

انتى بتكلمينى انا يا نورا ؟؟؟

ازاى دة انا اشهر من النار على العلم

على طول عاملة ضجة وهيصة وزيطة وزمبليطا

انا اسمى لميس يا قمر

فاطمةعلام

09-14-2006, 02:24 PM

السلام عليكم يا بنات معلش انا بدخل واخرج علشان بيبقي عندي شغل وساعات بتبقي نوع من انواع الكبسة ههههه
اصلي انا في الشغل اخباركم اية ومين موجود دلوقتي

انين القمر 92

09-14-2006, 02:26 PM

عاشت الاسامي يا لميس تعرفي على طول بسمع لميس لميس والبنات يقولو عاملة زيطة بس معرفش مين يعني لميس خخخخخخخخخخخخخخخخخخخ هههههههههه

انين القمر 92

09-14-2006, 02:27 PM

انا هنا يا فطووووومة

فاطمةعلام

09-14-2006, 02:28 PM

مش قولتلكم فية شغل الواحد مش عارف يقعد معاكم شوية
سلام مؤقت

themooon21

09-14-2006, 02:28 PM

اهلا يا فاطمة

حلوة كبسة دى اكلة سعودي بموت فيها

انا احلى حاجة ان الشغل بتاعى ادخل براحتى واخرج براحتى الا لو بس عندى شغل حريات يا بنتى

انين القمر 92

09-14-2006, 02:34 PM

لميس انت عمرك21 ؟؟؟؟؟؟؟؟

themooon21

09-14-2006, 02:34 PM

فينك يا ام فوشكا انتى دخلتى وطلعت تانى ليه

صحيح عاوزة اسالك ليه اخترتى ام فوشكا؟

اسم غريب جدا ومميز

انين القمر 92

09-14-2006, 02:37 PM

بااااااااي بنات

رفيدة2006

09-14-2006, 10:29 PM

ايه يا بنااااااااااااااااااات انتو فين وحشتوني خااااااااااالص والله وكل سنةوانتوا طيبين وربنا يعيد علينا الايام بخير وكل اللي نفسه في حاجة ربنا يحققهالو يااااااااااااااااارب دودي وام فوشكا وررحاب ولميس وملوكة ونورا وحسناء وكل البنات

انين القمر 92

09-14-2006, 10:35 PM

اهلا يا رفيدة ازيك ؟؟؟؟؟؟

ملكةالعفاف

09-14-2006, 11:14 PM

كل سنة وانتم كلكم طيبين اعده الله علينا كلنا الشهر سنين عديده قولوا كلكم امين يارب اول يوم رمضان هو24\9 عيد ميلادى انا فرحانه اول مرة عيد ميلادى يتميز بحاجه ههههههههههه اخباركم ايه يارب تمام

ام فوشكا

09-15-2006, 09:12 AM

صباح الفل يا أحلى بنات

الساعة دلوقتى التاسعة من صباح الجمعة

البيت كله نايم هسسسسس

قلت أغير الميعاد يمكن الآقى حد يكلمنى

ههههههههههههههههههههههههههههههه

إزيكم كلكم من غير أسامى عشان محدش يزعل
أصل الزهايمر ابتدى بدرى قوى
ههههههههههه
ربنا يعافينا جميعا من الامراض
قولوا آميييييييين
مش سامعة
علوا صوتكم شوية
هههههههههههه

اسم فوشكا يا لميس ده اسم الدلع لإبنى الاوسط يوسف
حماتى كانت بتقوله كده وهو صغير
هوه دلوقتى فى أولى إعدادى
وحماتى دلوقتى بتقوله فوشتكه
ههههههههه
حلو مش كده

فى رمضان يا بنات طبعا الحال بيتغير 180 درجة
وللأسف مش عارفه أعمل إيه مع الفراشة ومعاكم
اتعودت عليكم جدا
الوقت اللى بنقضيه فى المنتدى الافضل نقضيه فى قراءة القرآن والصلاة والقيام
ولو أن زوجى طول الشهر بيكون فى المسجد وخصوصا الايام العشر الاواخر بيختفى تماما ربنا يتقبل منه ويعينه
لما ييجى العيد بيقضيه كله نوم والاولاد بيضايقوا جدا من الحكاية دى
وعلى فكرة دى حكاية كل سنة مع رمضان بإيجاز

bird0000000

09-15-2006, 09:21 AM

صباح الانوار والازهار اللي جنب جنينتكم....طبعا لإنة الاخ بوش بيقطع كل الاشجار...هيق هيق هيق
عاملة إية؟؟واخبارك بجد وحشتوني جدا جدا
واخبار الرمضان (تحضيراتة) انابجد نفسي اصوم في مصر بس اعمل إية.....
تعرفي ياحماتي نفسي في فانوس الرمضان بجد..واقعد العب بيها

شفتي ياخسارة مراة إبنك طلعت عيلة (طفلة) هيق هيق
انا معاكي للصبح...فين الباقيين؟؟

انين القمر 92

09-15-2006, 02:35 PM

صباح الخييييييييييييييييييييييير
ازيهم حبايبي ؟؟ عاملين ايه ؟؟؟؟ سمعت عن مرات ابنك وحماتك في ايه لو في فرح ابقى اعزموني خخخخخخخخ بحب الاكل في الفرح هههههههههههههه

في حد هنا ؟؟؟؟؟؟

themooon21

09-15-2006, 06:36 PM

الساعة الان 6 ونص مساءً
بقلد ام فوشكا ههههههههههه

رفيدة وحشتييييييييييينى يا بنتى والله بجد فينك اختفيتي كدا

ازيكم يا بناااااااااااااااااااات كلكم كلكم وبرده بدون ذكر اسماء لان الزهيمر منبعه من عندى ههههههههه

وبأمن على دعائك اهو يا ام فوشكا
ااااااااااااااااااااامين باعلى صوتى

ام فوشكا عجبنى والله الاسم قوي حلوة فوشتكة دى ههههههههههههههههه ربنا يخليهولك يارب ويباركلك فيه ويخليكِ ليهم

زي ما قالت ام فوشكا
رمضان مش عارفة هاعمل ايه مع الفراشة ومعاكم فاكيد وجودي هايكون قليل قوي
بس بجد يا بنات كل واحدة تقر كلامي ما تنسانيش فى رمضان ادعولييييييييي والله ما تعرفوش قد ايه محتاجة دعاكم

ادعولي ربنا يعني على حسن عبادته ويهدينى انا وماما وبابا واخواتى ونكون من عتقاء النار فى رمضان ان شاء الله ويبلغنا ليلة القدر ويزقنى الزوج الصالح

ايه الدعاء كتير ؟؟ معلش معلش كله بثوابه والدعاء لاخيك المسلم بظهر الغيب من احسن العبادات

وانا ان شاء الله هادعلكم معايا ربنا يحقق اللي في بالكم جميعا

ويجمعنا جمييييييييييييييييييييعا فى جنان الخلد

ااااااااااامين

روز اليوسف

09-15-2006, 08:45 PM

السلام عليكم جميعا
وحشتوني اوي
كان عندي حالة وفاة من 3 ايام ارجو منكم قراءة الفاتحة على روح جدتي

و شكرا

انين القمر 92

09-15-2006, 11:14 PM

هااااااااااااااااي

عظم الله اجرك يا روز ........ واسكن جدتك فسيح جناته .......
ولو في حد ابقو عبروني وردو علية بقى خخخخخخخخخ

ام فوشكا

09-15-2006, 11:34 PM

روز اليوسف
البقاء لله
ثبتها الله بالقول الصالح عند السؤال
ووسع قبرها وجعله قطعة من الجنة
ولكم الصبر والسلوان

bird0000000

09-16-2006, 07:38 AM

نسأل الله العلي القدير أن يتغمد الفقيدة بواسع رحمته ويسكنها فسيح جناته مع الصديقين والشهداء وحسن أولئك رفيقا،
وأن يجمعنا معها في الفردوس الأعلى.

اللهم أغفر لها وتقبلها قبولا حسنا وتجاوز عنها.
اللهم نقها من ذنوبها وخطاياها كما ينقى الثوب الأبيض من الدنس.
اللهم أغسلها بالماء والثلج والبرد .اللهم باعد بينها وبين ذنوبها وخطاياها كما باعدت بين المشرق والمغرب.
اللهم أحسن نزلها ووسع مدخلها.
اللهم إني أسألك بمنك وكرمك أن تتغمد الفقيدة برحمتك الواسعه وأن تجعل قبرها روضة من رياض الجنه.
اللهم إنا نسالك بإسمك الأعظم ان توسع مدخلها.
اللهم ثبتها عند السؤال وأن تثبتها بالقول الصالح.
اللهم اكفها فتنة القبر. اللهم اكفها ظلمة القبر.
اللهم أرحمها وألهم آلها وذويها الصبر والسلوان.

لا حول ولا قوة إلا بالله
(إنا لله وإنا إليه راجعون)

زهرة الخيال

09-16-2006, 10:28 AM

للهم أرحمها وألهم آلها وذويها الصبر والسلوان.
البقاء لله اختى روزاليوسف

rehabshams

09-16-2006, 11:12 AM

لا إله إلا الله ولا حول ولا قوة إلا بالله

إنا لله وإنا إليه راجعون

البقاء لله حبيبتى

اللهم إرحمها واغفر لها ذنوبها واجعلها مع عبادك الصالحين يارب العالمين

themooon21

09-16-2006, 04:00 PM

انا قلبي وجع فى رجلي اولما دخلت الملف لاقيت كلام عزاء

لا حول ولا قوة الا بلله

عظم الله اجركم روز اليوسف

اللهم ثبتها عند السؤال
اللهم اكفها ظلمة القبر
اللهم اجعل قبرها روضة من رياض الجنة

اللهم افتح لها ابواب الجنة

والحقها بالصالحين

اللهم ارحم اموات المسلمين يارب
انا لله وانا اليه راجعون

themooon21

09-16-2006, 04:10 PM

ازيكم كلكم يا بنات عاملين ايه يارب تكونوا بخير

انتم عارفين انا داخلة بكلمكم وجوايا غضب فظييع من اللي بيحصل

شوفوتو اللى عمله باابا الفتيكان

حاسيت اننا بقينا ملطشة

كل شوية يطلعلنا فاجر يسب الاسلام والرسول صلى الله عليه وسلم

وفى الاخر يقوولوا حرية تعبير

واحنا نطلب منهم الاعتذار

ولا يعتذروا بل يقدموا توضيح لاننا شعب حساس على حد قولهم ولا نقبل بحرية الاراء

لالالالالالالالالالالالالالا
لالالالالالالالالالالالالالا
لالالالالالالالالالالالالالالالالالالالالالالالالا لالالالالالالالالالالالالا

بجد كفاية كفاية كفاية
انا هانفجر مش قادرة استحمل للدرجاتى احنا هونا على قوم فاجرين كفار

لماذا اى كلمة ننطق بها تاخد علينا واننا ارهابيين

وهم حرية اراء

والله سنحاااااااسب على هذا لقد ضيعنا الاسلام

ضيعنا تضحيات ودماء وارواح شهداء الاسلام

ضيعنا مافعله ابو بكر وعمر للاسلام

هم بنوا لنا باموالهم ودمائهم

لناتي نحن ونهدمها بكل سهولة

سامحنا يارب
سامحنا يارسول الله
سامحنا يابو بكر

ضيعنا ما فعلتوه لنا

والله ياجماعة بكتبلكم وانا جوايا ناااااااااااااار

واحنا واقفين قدام ربنا بيسالنا ليه وصلتم الاسلاااااااام لحال الذل والمهان

بماذا سنجيب؟؟؟؟؟؟؟

عشق المنتدى

09-16-2006, 05:34 PM

فكرة جميلة جداياجيكا

ام فوشكا

09-16-2006, 10:21 PM

يا لميس يا حبيبتى
ما هو طول ما احنا ساكتين لسه ياما هنشوف
احنا بنعمل إيه غير الرفض القاسى.... والشجب المدمر..... والزعل القاتل.....
بس ولا شئ غير كده....
وكل همنا دلوقتى قال إيه..... بنطلب من الزفت ده إنه لازم يعتذر
ياه ...ياه
ده إيه العظمة دى والجبروت اللى احنا فيه ده
شفتى بأه احنا قد إيه جامدين قوى.. وحلوين قوى..
يا بنتى صلى على النبى عشان احنا مش كفاية نولع فى نفسنا من المهانة والذل اللى وصلنا إليه
ده احنا ندفن نفسنا أحسن عشان احنا بقينا فضيحة

themooon21

09-16-2006, 10:59 PM

والله عندك حق يا ام فوشكا

طلب انه يعتذر دي بتتخلينى عاوزة ............. والله ما عارفة

دة المفروض يقام عليه الحد مش نقوله اعتذر

اصل احنا لما نشوفها من جانب تانى لو حد مسلم قال كدا كانت الدنيااااااااااا قااااااااااااااااااامت وطلبوه فى اعلى قايمة الارهابييين

واسااسا اساسا مافيش مسلم يقدر يغلط فى اى دين سماوي

لاننا معترفين بالديانات الاخرة ومؤمنين باالانبياء والرسل اكتر من اصحاب الديانات نفسها

اااااااااااااااااااااااه

اقول ايه بس

انا لا الوم من سبنا فهو كافر كافر مش فارقة معاه

انا بلوم نفسناااااااااااااا ليه اوقعنا دينا اللى هو كيانة الى الهاوية
ربنا يرحمنا ويعفوا عنا

themooon21

09-16-2006, 11:02 PM

ولما اكلم حد يقول واحنا هانعمل ايه ما الحوكمات واولياء الامور ساكتين

ايوة صح هما ساكتين وهما عليهم الوزر الاكبر

بس احنا لازم نضغط عليهم على الاقل نعمل اللي علينا

فعلا احنا فى اخر الزمان ولا حول ولا قوة الا بلله

وانا بزعل اننا فى اخر الزمان لانه لا يبقى سوى اشر الناس

فياارب ارحمنا

rehabshams

09-17-2006, 10:23 AM

صباح الخير يابنات

لميس وام فوشكا
طبعا معاكم حق فى كلامكم
احنا دايماَ كده كل اللى بنقدر عليه نتكلم وبس لكن نعمل حاجة لا
اقصى حاجة ممكن نعملها ان طلبة الجامعة يعملوا مظاهرات
لا وايه تكون داخل حدود الجامعة ومحاطة بالأمن المركزى
قال إيه حماية للطلبة وهى اصلا تهديد وارهاب للطلبة
اللى هايخرج عن الحدود اللى مرسومة ليه هايشوف اللى هايجراله

والله حاجة توجع القلب ربنا يسترها علينا وعلى أولادنا من بعدنا
الكفار هما اللى بيتحكموا فينا دلوقتى وهما اللى بيدفعونا الجزية
حاجة عجيبة الدنيا اتقلبت اللى فوق بقى تحت واللى تحت بقى فوق
والصح بقى غلط والغلط بقى صح وفى الاخر يقولوا عبروا عن رأيكم
بس شوفوا مين بقى هايسمعلكم ولا يعبركم ولا يسأل فيكم

لا إله إلا الله ولا حول ولا قوة إلا بالله
اللهم أعنا على القوم الكافرين
اللهم أنصر إسلامنا والمسلمين
اللهم أذلهم وأجعل كيدهم فى نحورهم
اللهم آمين . اللهم آمين . اللهم آمين

ام فوشكا

09-17-2006, 05:28 PM

اللهم ارحمنا فوق الارض وتحت الارض ويوم العرض عليك

زهرة الخيال

09-17-2006, 05:44 PM

ياجماعة انتم بتتكلموا فى ايه احنا خلاص هانت علينا انفسنا
للدرجة الى خلت واحدجاهل كافر زى ده يتكلم عن سيد الخلق
نبينا ورسولنا الكريم عليه الصلاة والسلام
اللهم ارحمنا اللهم ارحمنا اللهم ارحمنا

زهرة الخيال

09-17-2006, 05:47 PM

اللهم ارحمنا فوق الارض وتحت الارض ويوم العرض عليك

اللهم امين يارب العالمين

ام فوشكا

09-18-2006, 10:18 AM

صباح الخير على الحلوين
البيت فاضى عليا كله فى المدارس خلاص
كل سنة وإنتوا طيبين
الحمد لله التوقيت هيرجع مساء الخميس بدل يوم السبت
كده عين العقل
رمضاااااااان كريم علينا كلنا

مرحب شهر الصوم مرحب
لياليك عادت بأمااااااان
بعد انتظرنا وشوقنا إليك
جيت يا رمضااااان
مرحب بقدومك .. يا رمضان
ونعيش ونصومك.. يا رمضان

أنا أتأثر جدا بالأغنية دى طول عمرى

rehabshams

09-18-2006, 10:51 AM

ياصباح الفل والهنا والسعادة
على فرشات المنتدى السكر الزيادة

اصلى مبسوطة شوية انهاردة مش عارفة ليه
ربنا يسعدكم كلكم يارب

حسناء بقالها كام يوم مش بتفتح ياجماعة حد يعرف عنها حاجة
ياريت اللى بيتصل بيها يطمنا عليها وعلى والدتها يارب تكون بخير

themooon21

09-18-2006, 03:23 PM

سلام عليكم ورحمة الله

ازي كل القمرات المضريات وغير المصريات اللى بيشرفونا

اخباركم ايه كلكم

فين الناس حاسة ان فى ناس كتير مش بتدخل

ياريت يجماعة تطمنونا عليكم

رحاب حبيبتى ياااااااااااارب على طول مبسووووووووطة بس مبسوطة ليه خير

ام فوشكا

09-18-2006, 06:40 PM

يارب الناس كلها تبقى مبسوطة

انين القمر 92

09-18-2006, 09:13 PM

السلاااااااام عليكم
ازاي الحلوووووين كلهمممممممممممممممم ؟؟؟
ان شاء الله تكونو مبسوطين على طووووووووووووووول
سلااااااااااامي للجميع

bird0000000

09-19-2006, 09:13 AM

السلام عليكم
اخباركم؟ اما عن البابا سواء كان الأمر متوقع أم غير متوقع فلقد أثبت للعالم أجمع قلة حيلتنا، وإستطاع أن يهدم ما بقي لنا من أملٍ تجاه الجيل الحالي من نصرة سيدي رسول الله عملاً لا قولاً.
ولو كان هناك رد يثلج القلب حينما تجرأت دولة الكفر على رسم أشرف الخلق، لما تجرأ بقية قذارة أوروبا على التكلم عنه مرة أخرى وعن الإسلام، ولكننا من نكلم؟! جدران.. بقايا تُحف.. بشر محنطين لا قلب لهم ولا إحساس..
اصبح كل شئ إعتذار في إعتذار
ولم يعد للعرب سوي قصة الاعتذارات
يُسب سيدنا..... إعتذار
يُهان مصحفنا..... إعتذار
تُغتصب النساء..... إعتذار...
عذراً على اللفظ......... نحب أن نكذب على أنفسنا دائماً!! وندعي القوة والصلابة ولكن تلك هي الحقيقة

لا حول ولا قوة الا بالله
وحسبي الله ونعم الوكيل

مصراوية 2020

09-19-2006, 09:28 AM

كل سنة وانتم طيبين

اذا كنت فودافون اطلب 1133
بتاع ايه الرقم ده؟؟
الرقم ده اسمه الخدمه الاسلاميه لشركه فودافون والخدمه دي بتبعتلك حديث
شريف يوميا وبصفه
مستمره طوال العام دون انقطاع عن تجربه شخصيه
يعني كل يوم يجيلك حديث شريف وتعرف منه سنه نبيك محمد - صلي الله عليه وسلم -
تمن الدقيقه جنيه ونص وهي مش هتاخد اكتر من 46 ثانيه
بالضبط لتفعيل الاشتراك
واشتراك مدي الحياااااااااااااااااااااااااااااه
وعن تجربه عاميين دون انقطاع وكل مااغير خطي كانت لازم تكون دي اول
مكالمه من خطي
الجديد
اقسم لكم بالله انني شخصيا استفدت جدا جدا جدا من الخدمه دي في معرفه
وحفظ الكثير والكثير من الاحاديث
ياريت بدل ماتعملوا نغمات كول توون او تبعتوا رنات ولوجهات
انكم تشتركوا في الخدمه دي لانها غير مكلفه اطلاقا

اتصل ب 1133
هتلاقي مرحبا بكم في الخدمه الاسلاميه المقدمه من شركه فودافون
ثم للاشتراك في خدمه الاحاديث اضغط رقم 2
انت دوس
وللتأكيد اضغط رقم 1 وهتلاقي بيقولك لقد تم اشتراككم بنجاح
بس..........
لو معاك موبايل دلوقتي طلعه وماتتردش وصدقني هتكسب كتير وابقي رد عليا
بعد المكالمه وهتلاقي الحديث هيجيلك
ابتداء من ثاني يوم باذن الله

انشرها وبلغ اصدقائك لتنل ثوابها

ام فوشكا

09-19-2006, 10:23 AM

شكررررا مصراوية وأنا أول المشاركات

ام فوشكا

09-19-2006, 10:27 AM

rehabshams

09-19-2006, 10:32 AM

صباح الخير يابنات
عاملين ايه يارب تكونوا كلكم بخير

bird0000000 حبيبتى معاكى حقى فى كل كلامك
بصرحة لم اجد رد على كلامك سوا جملة واحدة
حسبنا الله ونعم الوكيل

عزيزتى مصراوية 2020 شكراً جزيلاً لكى على المعلومة الجميلة
التى لا يعرفها الكثير من الناس وانا شخصياً أعدك بأنى سأشترك فى هذه الخدمة اليوم بإذن الله
جزاكى الله خيراً

ام فوشكا

09-19-2006, 10:36 AM

إليكم هذا الموضوع .. شرفونى
أنا أشغل راديو جبريل ...دائما
http://www.alfrasha.com/showthread.php?t=157759
دعواتكم لى

هاجر33

09-19-2006, 11:15 AM

هلا ممكن ادخل معاكم ياعسولات ؟؟؟؟

انا مصراويه ...............

themooon21

09-19-2006, 11:59 AM

سلام عليكم ورحمة الله
صباح الخير يا بنات
يارب تكونوا كلكم بخير

اهلا بيك يا هاجر تنورينا اكيد

فاطمةعلام

09-19-2006, 12:16 PM

صباح الفل يا بنات موضوعكم حلو انهاردة انا امبارح وانا بشوف النشرة جية علي بالي شيء ان كل المسلمين الي بيسفرة الخارج كل همهم جمع المال وبينشغلة بالحياة هناك عفوا" اقصد بلاد الاجانب وممكن ينجرفة في التيار مع ديانتهم وتقالدهم وكل شيء والاولاد والجيل الجديد طبعا" بيتولد هناك وفي نفس المناخ علشان كدة بيأخذة فكرة غلط عن الدين والمسلمين مش لازم يقرا المصحف ويعرفة الدين المهم الدين يبان في اخلاقنا وعوايدنا ونعرفهملهم من التعامل والسيرة
واقصد كل مسلم بيسافر ويقدر يكلم كويس بالغة بتعتهم يكلمهم عن دينا ورسولنا بطريقتهم حيعرفونا ومش ممكن حيعملة كدة
هذة الطريقة تقريبا" عملها عمرو خالد وبعثوا بعثة لمعرفتهم بدينا طريقة حلوة ويارب تكون مخزيو وكل انسان يقدر يكلم كويس بلغتهم يرسل ويبعث علي النت او غيرة ويكلم اقاربة انه يكلم عننا وعن دينا من غير تزمت وبطريقة سهلة مفهاش تعصب علشان يفهمونا كويس والله لو عندي المقدرة دية لكنت ارسلت رسايل بالغة الانجليزية لتعليم اصولنا ومباديئنا ومش سب وقظف
اية رائيكم بجد مش لو كل واحد في الخارج عمل كدة كنا بقينا احسن
وحسبنا الله ونعم الوكيل والله ينصر الاسلام والمسلمين ونبينا محمد علية الصلاة والسلام
ورمضان كريم

themooon21

09-19-2006, 12:30 PM

كلامك صح يا فاطمة
المفروض ان كل واحد فينا صورة معبرة عن الاسلام
وفي افكار كتير طرحت للتواصل مع العالم الغربي
مش بس اللى يقدر يتكلم لغة

يعنى احنا مثلا شباب الانترنت
اغلب وقتنا عليه وعالم النت خلى العالم صغيرر جدا
من هنا ممكن نتكلم ومع الالتزام باداب الحوار

وكان في فكرة كتبتها هنا برده على المنتدى بس للاسف يمكن جت في الوقت الغلط وما كنش فيه تفاعل

الفكرة كانت عمل اعمال مثلا بالباور بوينت والفلاش والفوتوشوب وغيره باللغة الانجليزية ونبدا نوزعها وننشرها على النت على اميلات اجنبيه نوصلهم الحقيقة
لان هناك الاعلام الغربي عامل تعتيم على الحقيقة ومخرج صورة اسرائيل انها بدافع عن نفسها وان المسلمين ما الارهابين اللي بيهددوا الكرة الارضية بالدمار

عموما في رايى ان التغيير لازم مننا الاول كل واحد يغير نفسه "لا يغير الله ما بقوم حتى يغيروا ما بانفسهم "

rehabshams

09-19-2006, 01:39 PM

هلا ممكن ادخل معاكم ياعسولات ؟؟؟؟

انا مصراويه ...............

اهلا بيكي هاجر

نورتينا وشرفتينا

وياريت تكونى دائما معنا

rehabshams

09-19-2006, 01:44 PM

فطومة ولامى

معاكم حق فى كلامكم

على فكرة يالميس فكرتك هايلة وياريت تتنفذ

للأسف انا مش خبرة فى البوربويت ولا الفوتوشوب

ياريت اللى تعرف يابنات تعمل حاجة زى كده تنزلها لينا فى موضوع والكل يوزعها على اللى يعرفه

وهكذا وبكده نكون وزعناها لأكبر عدد ممكن من الناس

جزاكن الله خيراً

روز اليوسف

09-19-2006, 03:16 PM

مساء الخير ازيكم يا بنات عاملين ايه

كل سنة و انتم طيبين بمناسبة رمضان الكريم

هاجر33

09-19-2006, 03:26 PM

ازيكم انتوا امتا تدخلون ؟؟؟؟

ام فوشكا

09-19-2006, 10:01 PM

هاجر أهلا بيك نورتى الملف

رحاب ولميس
عاملين إيه وحشتونى فى الملف

فكرتك حلوة يا لميس
بس فين الاجانب اللى هنوزعها عليهم
هههههههههههه

روزا كنتى فين من مدة
كل سنة وانتوا كلكم بخير

عندى فكرة لطيفة تخفف الجو الحر اللى احنا فيه ده
تعالوا نتكلم كل واحدة هتعمل إيه أول رمضان وهتفطر إيه ومع مين
يلا قولوا رأيكم ونبتدى؟؟؟

روز اليوسف

09-19-2006, 10:13 PM

السلام عليكم
ازيك حبيبتي ام فوشكا اخبارك ايه

انا اختفيت شوية عشان كان عندي حالة وفاة اعتقد انك شوفتي الكلام المكتوب هنا في الملف و اثرت عليا شوية

اتمنى تكوني بخير
انتي شكلك كده عاملة عزومة كبيرة في رمضان (ايه رايك تعزميني)
انا بالنسبة ليا ناويين على سمك و جمبري بس العزايم مؤجلة شوية

ايه رايك لو كلنا نفطر مع بعض عشان نشوف بعض (فكرة لذيذة بس .......... ممكن يا تري تتنفذ؟)

ام فوشكا

09-19-2006, 10:25 PM

تنورى يا حبيبتى اهلا بيكى

ام فوشكا

09-19-2006, 10:26 PM

احنا لا نأكل سمك إطلاقا فى رمضان
مش عارفة ليه
وبنروح لحماتى أول يوم

روز اليوسف

09-19-2006, 11:01 PM

انا اول مرة اعرف انك متجوزة
عندك اولاد بأه ؟؟؟ ولا ده اسم مستعار فقط؟

themooon21

09-19-2006, 11:07 PM

سلام عليكم
ازيكم كلكم يا بنات

طبعا زمانكم زهقتوا منى وبتقولوا هو انتى ليل ونهار هنا

انا بس عارفة انى هاوحشكم في رمضان فقلت ازود جرعت الحنان شوية ههههههههههه

ام فوشكا ازيك يا حبيبتى يارب تكونى بخير

بالنسبة للاجانب كتير على النت مافيش اكتر منهم

في مواقع العاب ومواقع شات ومنتديات اجنبية

انا كنت بفضل تكون شغل جرافيك علشان الصورة هاتكون معبرة علشامن مش يكون في عائق اللغة

روز ازيك يا قمر تورتى الملف تانى عودا حميدا وان شاء الله اخر الاحزان

بالنسبة لى رمضان مالناش ليه طقوس ولا عادات معينة
كل اللي فى الموضوع بنحاول اكتر نكون احسن من رمضان اللي قبله عسى ان يتقبلنا الله ولا يردنا من عند بابه هالكين

ياااااارب يا بنات يتقبل مننا كلنا

بس والللللللللله واللللللللللللللله محتاجة دعائكم ليا اوعى تنسوووووووووووووووووووووني علشان خاطري مش بقول كدا ولاص لا بجد ربنا عالم محتاجة دعاء كل واحدة فيكم ازاي

ما تنسونيش ما تنسونيش ما تنسونيش

انين القمر 92

09-19-2006, 11:11 PM

السلاااااااااااااااام عليكم

كيفهم الحلوووووووووين ؟؟؟؟؟؟؟؟؟؟؟

themooon21

09-19-2006, 11:18 PM

اهلا يا نورا فينك من زمان مش سمعت صوتك كدا ولا عاملتى دوشة في الملف هههههههههه
كل سنة وانتي طيبة يا عسل

انين القمر 92

09-19-2006, 11:20 PM

انت اللي طيبة يا قمر
شفتك قاعدة تكلمي نفسك قلت ارحمك واكلمك ههههههههههههه
ازيك يا حلووووووووة يا لموووووسة
على فكرة اسمك جمييييييييييل

روز اليوسف

09-19-2006, 11:22 PM

مووون حبيبتي ازيك

والله هاتوحشونا كلكم بس طبعا ف رمضان لازم الواحد يتفرغ للعبادة

النت ملحوووق عليه :frashagir

روز اليوسف

09-19-2006, 11:23 PM

ازيك يا نوووورا يا جميل

وحشتيني اوي والله

اخبارك ايه يا سكر

انين القمر 92

09-19-2006, 11:23 PM

اهلا اهلا اقول مالو الملف كدة منور ؟؟؟؟؟؟؟؟
اتاريه روز فيه
ازيك والله والله وحشاني انت وجيشك هههههههه

روز اليوسف

09-19-2006, 11:31 PM

بلاش سيرة الجيش الوقتي احسن حد يجي منهم و بعدين اقوم انا و ما اعرفش اكلمكم ههههههههههههههههههههه

themooon21

09-19-2006, 11:34 PM

كويس فاكرة اسمى يا نورا
اسمك الاحلى
انتى الاحلى يا قمر

روز عندك حق النت يتلحق مش هايطير لكن الشهر الكريم هو اللي بيطير ويعالم هانعيش تاني ليه ولا لا

تقبل الله منا جميعا واعنا على حسن عبادته

قولولى يا بنات جدول عبادتكم هايكون ازاي علشان نتعلم مع بعض

انا وصحباتي حاليا بنجهز جدول ربنا يسهل لما نعمله هانزله هنا ان شاء الله