http://www.alfrasha.com/up/2924668151635176245.gif
اهلا اخواتى
لقد فكرت فى كتابه هذا الموضوع لانى رايت الكثير من الفراشات المصريات فى الفتره الاخيره عددهم يذداد
لذلك رأيت ان يكون هذا الموضوع مرجع لنا لنتمكن من التعارف فيه
وايضا لتتمكن اى فراشه من طرح اى تساؤل او اى استفسار يواجهها عن اى شئ تريد معرفته ونستطيع الاجابه على استفسارها
لذلك اتمنى ان ارى تفاعل منكن حبيباتى معنا لنساعد بعض
منتظراكم حبيباتى الغاليات :dfr3
http://alfrasha.com/up/10938429881442568965.gif
ملاحظة " يمنع وضع ارقام هواتف او ايميلات داخل الموضوع والا سيتم حذفها بالكامل ويتم ذلك عبر المسجات او الرسائل الخاصة "
لوجين*
01-19-2006, 09:33 AM
السلام عليكم مشرفتنا الغالية جيكا
فكرة رائعة واللة ياريت يكون هذا الموضوع ملتقى لنا
جزاك اللة خيرا
rehabshams
01-19-2006, 02:00 PM
بارك الله فيكي
مشرفتنا الغالية جيكا
فعلاً فكرة رائعة
وياريت كمان المصريات المتواجدات بالخارج
ينضموا إلينا سيكون ملتقى رائع للمصريات
بنت النيل**
01-19-2006, 02:05 PM
جزاكِ الله خير جيكا ...
وان شاء الله نتجمع على الخير جميعا ...
om_mido
01-19-2006, 04:00 PM
السلام عليكم
جزاك الله خيرا مشرفتنا الغاليه جيكا فكره رائعه جدااااااااااااااا
هنادي 2005
01-19-2006, 04:19 PM
وممكن اي وحده تروح لبلدة مصر تسال عنها
ام فوشكا
01-19-2006, 04:25 PM
يا سلام اهو ده الكلام ولا بلاش عايزين نتكلم شوية مصري لو سمحتم وانا معاكم علي طول الخط
ام فوشكا
01-19-2006, 04:28 PM
مع عظيم احترامنا لكل الفراشات الجميلات الاخريات
ولي تساؤل مين اللي صمم الموقع ده؟
ام فوشكا
01-19-2006, 04:30 PM
ابتدي امتي الموقع؟
مين المشرفين عليه؟
ايه ترتيب الفراشات بدءا من جديدة اللي vip
كيف اصبح مشرفة ؟
طولت عليكم ولا اكمل!!!!
كفاية كده المرة دي
ام فوشكا
01-19-2006, 04:31 PM
مفيش حد بيرد عليا ليه
اوعوا يا بنات تفتكروا اني رغاية
ابدا والله
جيكا
01-19-2006, 05:40 PM
سلام عليكم ورحمه الله بركاته
الف شكر لكل من شاركنا فى الرد
جيكا
01-19-2006, 06:21 PM
ام فوشكا اهلا بك غاليتى بالنسبه لاسئلتك
المعلومات قريبا ستظهر لكن بالتفصيل من قبل الإدارة لترد على كل اسئلتك ان شاء الله
ولكنى عندى ملاحظه
هذا الموضوع مخصص لتجمع فراشات مصر لكى نساعد ولكى نلتقى دوما فيه على خير ان شاء الله
اى سؤال بالنسبه للموقع يوجد قسم الملاحظات ممكن ان تسالى ما تريدى والاداره ان شاء الله سوف تجيب عليكى
اذن موضوعنا هذا يعتبر ملف للفراشات المصريات لنجاوب على اى اسئله ونحاول ان نساعد على قد ما نقدر
شكرا لكم غالياتى على تفاعلكم معنا
ام فوشكا
01-19-2006, 06:24 PM
ماشي يا جيكا
اخبار ابو العربي ايه
هاهاها
تحبي نتكلم فيه ايه
اديني مثال
انا مثلا من سكان مصر الجديدة وبعد الزواج اصبحت من سكان المعادى ..
فقولو لنا انتم منين فى مصر عشان نفتح موضوعات ونسأل اللى ساكنين قريب من بعض ..
وياريت نحذف التوقيع عشان لا يأثر على المتصفح ...
ام فوشكا
01-19-2006, 06:38 PM
انا كمان يا بنت النيل اسكن في المعادي
ايه الفرصة السعيدة دي
الظاهر هنطلع جيران في الآخر
ام فوشكا
01-19-2006, 06:44 PM
بقيت فراشة طايرة
قولولي مبروك
هييييييييييييه
ايه بأة ميزة الفراشة الطايرة
يا تري ممكن انزل صور وابتسامات بأه.
ام فوشكا
01-19-2006, 06:48 PM
:frxxagir:fhgfdhagi
بنت النيل**
01-19-2006, 06:50 PM
الف مبروك ام فوشكا على الفراشة الطائرة عقبال الـVIP ...
كويس طلعنا جيران بس بينى وبينك لم احب المعادى مطلقا تعرفى اللى يولد ويعيش فى مكان صعب ينتقل لاخر بسهوله وكل اهلى فى مصر الجديدة ومدينة نصر وانا فى المعادى كأنى فى بلد تانى حتى هم يستصعبوا ان يأتوا لى !!
انا ساكنه فى المعادى الجديدة ش الجزائر بس بصراحة بعنا الشقة واشترينا فى مدينة الرحاب حتى ننتهى من بناء التجمع الخامس ..
وان شاء الله فور ما انزل من سوريا حنتقل للرحاب ..
صحيح ايه افضل المدارس فى مصر ؟؟
دة موضوع مهم جدا بالنسبة لى لان بنتى فى مدرسة المونتسورى ويوجد فرع لها فى مصر فى المعادى فقط ومش عارفة صراحة اى شىء عن المدارس فى مصر ولا مستواها !
وكنت اريد ان ادخلها مدرسة اسلامية قالوا لى الناس اياكِ بيتعاملوا بتعصب رهيب وحيعقدوا البنت فأيه رايكم ؟؟
ام فوشكا
01-19-2006, 06:51 PM
شاطرة مش كده
:7_5_131[1:7_5_131[1
ام فوشكا
01-19-2006, 06:59 PM
الف مبروك ام فوشكا على الفراشة الطائرة عقبال الـVIP ...
كويس طلعنا جيران بس بينى وبينك لم احب المعادى مطلقا تعرفى اللى يولد ويعيش فى مكان صعب ينتقل لاخر بسهوله وكل اهلى فى مصر الجديدة ومدينة نصر وانا فى المعادى كأنى فى بلد تانى حتى هم يستصعبوا ان يأتوا لى !!
انا ساكنه فى المعادى الجديدة ش الجزائر بس بصراحة بعنا الشقة واشترينا فى مدينة الرحاب حتى ننتهى من بناء التجمع الخامس ..
وان شاء الله فور ما انزل من سوريا حنتقل للرحاب ..
صحيح ايه افضل المدارس فى مصر ؟؟
دة موضوع مهم جدا بالنسبة لى لان بنتى فى مدرسة المونتسورى ويوجد فرع لها فى مصر فى المعادى فقط ومش عارفة صراحة اى شىء عن المدارس فى مصر ولا مستواها !
وكنت اريد ان ادخلها مدرسة اسلامية قالوا لى الناس اياكِ بيتعاملوا بتعصب رهيب وحيعقدوا البنت فأيه رايكم ؟؟
مش ممكن انا كمان في شارع الجزائر ايه الصدفة الغريبة دي
:7_5_131[1
وأولادي في مدرسة البشائر
وهي في المعادي
وهي مدرسة اسلامية وممتازة جدا جدا
وهي مدرسة جديدة منذ حوالي 12 سنة فقط
وبالطبع لا تصدقي ما يقال عن كون المدارس الاسلامية متعصبة
فهذا غير صحيح بالمرة
هل تعتقدي ان الحرص علي اداء صلاة الظهر جماعة لكل كبير وصغير في المدرسة تعصب
بنت النيل**
01-19-2006, 07:15 PM
لا لا هم لا يتكلمون عن الصلاة !!
وانا شخصيا كنت فى مدرسة اسلامية ( طلائع الكمال الاسلامية فى مصر الجديدة ) لكن هم يتكلمون عن انهم يستخدمون الضرب و القسوة مع الاطفال !
طيب وايه تانى مدارس كويسة فى مصر بس يفضل تكون international كونى اسافر كل سنتين بلد مختلف ويفضل تكون دولية حتى لا اصادف مشكلة !
وارجو ازالة التوقيع حتى لا يؤثر على المتصفح !
أم عبدالعزيز
01-19-2006, 08:55 PM
:fragghagi فكرة حلوة
يسلموووو جيكا
ام فوشكا
01-19-2006, 09:19 PM
لا لا هم لا يتكلمون عن الصلاة !!
وانا شخصيا كنت فى مدرسة اسلامية ( طلائع الكمال الاسلامية فى مصر الجديدة ) لكن هم يتكلمون عن انهم يستخدمون الضرب و القسوة مع الاطفال !
طيب وايه تانى مدارس كويسة فى مصر بس يفضل تكون international كونى اسافر كل سنتين بلد مختلف ويفضل تكون دولية حتى لا اصادف مشكلة !
وارجو ازالة التوقيع حتى لا يؤثر على المتصفح !
المدرسة فيها قسم امريكي فقط طبعا غير التعليم العادي
والمعاملة عندنا مع التلاميذ اكثر من ممتازة بشهادة الجميع:3_4_8[1]:
ام فوشكا
01-19-2006, 09:21 PM
يوجد مدرسة مصر 2000 في طريق القطامية وكذلك مدرسة الشويفات:3_3_5v[1]
osha
01-19-2006, 09:43 PM
جزاكِ الله خير جيكا ...
وان شاء الله نتجمع على الخير جميعا ...
مايسة
01-19-2006, 10:21 PM
امممممممممم فكرة روعة خصوصا اني من مصر
تسلمين أختي جيكا علي الفكرة الروعة
جزاك الله خيرا أختي
بنت النيل**
01-19-2006, 10:22 PM
مرحبا osha معنا ..
قالوا لى عن مدرسة مصر 2000 واذا على كلامك كويسة اذن ربنا يسهل ونسأل عن تفاصيل الالتحاق بها ..
بارك الله بكِ ام فوشكا ...
قلب جريء
01-19-2006, 10:22 PM
السلام عليكم ورحمه الله وبركاته
جزاك الله خير اخت جيكا علي الموضوع الحلو
انا بلدياتك من بورسعيد ويا ريت نطلع جيران
صراحه انا ما لقتش سؤال اساله بس حبيت اشارك واسجل اعجابي بالموضوع
وسلامي لام فوشكا
جيكا
01-19-2006, 10:47 PM
اهلا بيكم والله فرحانه ان شاء الله نتجمع على خير
انا من بورسعيد وتحديدا من بورفؤاد يعنى فى قاره اسيا ههههههه
بنت النيل**
01-19-2006, 11:29 PM
عذرا dr. !!!
وهل يا ترى قمتى بطرح نفس الاجنده فى باقى التجمعات الموجودة فى المنتدى !!
الا يحدث هذا فى بلاد عربية اخرى !!
اتقى الله " ومن كان يؤمن بالله واليوم الآخر فليقل خيرا او ليصمت " ..
عبق الزهور
01-20-2006, 12:07 AM
انا سعيدة جدا بالموضوع ده
بس احب اعرفكوا انا من المنصورة
وفي 2ثانوي ادعولي ربنا يوفقني واجيب مجموع عاااااااااالي
وتسلمي على الموضوع جيكا
الورده الملونه
01-20-2006, 01:21 AM
لو سمحتو ممكن اسال
لانى بصراحه الجواب مانى لاقيته الا عند اى مصريه ممكن
انا اريد ان اعرف عن رقم منزل الشيخ سيد حمدى وهو مفسر احلام مشهور وله برنامج فى المحور اسمه احلام
الى تعرف الرقم تعطينى وباكون شاكره لها ورح ادعيلها
جزاكم الله خيرا
لوجين*
01-20-2006, 01:52 AM
السلام عليكم يا مصريات
انا من الجيزة ساكنة فى شارع فيصل
مفيش فرشات من الجيزة ولا اية
بنت النيل**
01-20-2006, 02:17 PM
مرحبا بالفراشات المصريات الغاليات ...
اختى الوردة الملونة ..
هذا ليس شيخ !! انصحك الافضل اللجوء الى علماء وشيوخ المسلمين الثقة ...
تحياتى ...
نورا21
01-20-2006, 03:31 PM
السلام عليكم ورحمه الله وبركاته
فكره جميله جدا اننا نتجمع فى مكان واحد
اوقات بيكون فى اسئله عن اشياء هنا فى بلدنا والموضوع دا هيساعدنا فى الاجابه عليها
شكرا ليكى جيكا انا من شبرا ومش هعرض التوقيع يا بنت النيل
ومازال يوجد فراشات مصريات ارسلت لهن لينضموا لنا وبعدها نبدأ النقاشات والحوارات واختاروا موضوع واحنا حاضرين على الخير ان شاء الله ...
ولا تضعوا التوقيع !!!
lena
01-20-2006, 05:29 PM
الاخت الحبيبه بنت النيل
علم و تم التنفيذ ( حذف التوقيع ) ههههههههههه
يالا بانتظار الحوار انا اسكن الان بطنطا
الراحيل الصامت
01-20-2006, 05:30 PM
فكره جميله اختى جيكا
و اتمنى ان احنا نفيد بعض هنا
شكرا
عبق الزهور
01-20-2006, 08:05 PM
اتمنى الاقي واحدة من المنصورة زي
زي ما اشرت قبل كدة في الرد السابق
سينيوريتا
01-20-2006, 09:04 PM
اهلا بكل المصريات
انا من الجيزة من امبابة
بس حاليا انا مقيمة في السعودية و بنزل مصر في اخر كل سنة
بس هحاول انزل و استقر علشان اشتغل
lena
01-20-2006, 09:26 PM
الاخوات الغاليات
عبق الزهور
الرحيل الصامت
سنيوريتا
اهلا بكم يا غاليات يالا نحن بإنتظار باقي الفراشات المصريات
ملحوظة
الاخوات الحبيبات كما وضح اختنا الغاليه بنت النيل نرجو عدم استخدام التوقيع بالموضوع لانه يسبب ثقل في التصفح
,,,سهيلة,,,
01-21-2006, 01:50 AM
اهلا بنات بلدى مشكورة حبيبتى جيكا انك جمعتينا ... كنت اتمنى من زمان ان نجد بعضنا البعض وان شاء الله يظل الود بيننا .. وارجو ان نظل على اتصال دائم وسوف يكون اجمل اذا تصادقنا وتزاورنا لذا اقترح ان تسجل كل فراشة بياناتها وهوايتها حتى تجد كل فراشة منا الصديقة التى تناسبها سنا او يكونوا مشتركين فى نفس الهوايات كذلك المدن التى تزورها كثيرا .... عبق الزهور انا من المنصورة .. بس عندى 25 سنة انفع اكون صديقة؟؟؟ ههههه
جيكا
01-21-2006, 06:29 AM
اهلا بكم اخواتى العزيزات
الحمد الله وياريت كل فراشه تعلم اى فراشه مصريه عن الموضوع لنتفاعل اكثر
اهلا بكم وكما قالت الغاليه بنت النيل نرجو حذف التوقيع لتسهيل التصفح
om_mido
01-21-2006, 02:08 PM
السلام عليكم
اهلا اهلا بالفراشات الغاليات
انا من الاسكندريه لكن من3 سنين انتقلت الى الجيزه واسكن فى الهرم
شاعرة
01-21-2006, 02:55 PM
اختى الغاليه بجد فكرة جميله جدا وانا سعيده بها وبشعر بإنى مع اخواتى الغاليات .........بارك الله فيك
شاعرة
01-21-2006, 03:08 PM
عموما انا من اسكندريه ومن جناكليس ونفسى قوى الاقى فراشه تكون قريبه منى ونكون اصدقاء وعلى فكره خلصت كليه تجاره قسم ادارة اعمال من فتره وتقريبا زى اختى الحبيبه بنت النيل وهى بجد اخت غاليه قوى
شاعرة
01-21-2006, 03:10 PM
مش عارفه ليه التوقيع كل شويه يظهر مع انى لاغيته
عبق الزهور
01-21-2006, 03:14 PM
سهيلة حبيبتي ممكن طبعا نكون اصدقاء
بس قولي لي انت منين في المنصورة
انا في شارع السلاب اللي في حي غرب
dr.Jamma
01-21-2006, 03:47 PM
سلام
ارسلت لك 3 مسجات ولم تردى فخيرا انشاء الله
سلام
ام فوشكا
01-21-2006, 06:35 PM
مرحبا بالفراشات المصريات الغاليات ...
اختى الوردة الملونة ..
هذا ليس شيخ !! انصحك الافضل اللجوء الى علماء وشيوخ المسلمين الثقة ...
تحياتى ...
معكي كل الحق :rose14
rozamanile
01-22-2006, 12:22 AM
سلام عليكم
معكي
روزة
من المنصوره
واريد مساعده الفرشات
ارجو مساعدتي انا محتاجه مساعده الفرشات انا كل ما ارد علي اي موضع الي موجد تحت الرد الشريع كان يوجد لدي قبل كده خيارات لوضع اطار او تكبر الخط او تغير لونه دلوقتش مش موجد
زاي ما ابعت الان غير متواجد عندي الاشكال الي قالت عليها ولكن كانت موجده قبل ذك كيف اظهارها
ROZA
الورده الملونه
01-22-2006, 12:58 AM
لو سمحتو ممكن اسال
لانى بصراحه الجواب مانى لاقيته الا عند اى مصريه ممكن
انا اريد ان اعرف عن رقم منزل الشيخ سيد حمدى وهو مفسر احلام مشهور وله برنامج فى المحور اسمه احلام
الى تعرف الرقم تعطينى وباكون شاكره لها ورح ادعيلها
جزاكم الله خير
انا ابغى اسال عن احد يفسر احلامى وينكم توقت الرد السريع ولكن .............
vanelia
01-22-2006, 01:56 AM
انا مبسوطة اوى انى لقيتكوا علشان اسال على اللى انا عايزاة ومع شكرى لفراشات الموقع الاخريات اللى ايضا ساعدونى اول لما اشتركت واتمنى ان ربنا يجمعنا كلنا على خير اوعى تنسووووووووووووووووووووووووووووووووونى انااااااااااااااااااااا ميييييييييييييييين
فانيليا
http://alfrasha.com/up/1661984801292555328.gif
vanelia
01-22-2006, 02:02 AM
السلام عليكوا جميعا ممكن الاخت اللى من بورسعيد تقوللى منين ؟ ان باروح بورسعيد كتير لان مامتى من هناك
فانيليا :fhgfdhagi
جيكا
01-22-2006, 07:06 AM
سلام عليكم
معكي
روزة
من المنصوره
واريد مساعده الفرشات
ارجو مساعدتي انا محتاجه مساعده الفرشات انا كل ما ارد علي اي موضع الي موجد تحت الرد الشريع كان يوجد لدي قبل كده خيارات لوضع اطار او تكبر الخط او تغير لونه دلوقتش مش موجد
زاي ما ابعت الان غير متواجد عندي الاشكال الي قالت عليها ولكن كانت موجده قبل ذك كيف اظهارها
ROZA
حبيبتى انا ارسلت لك مسج ممكن تنزلى شكوتك فى موضوع فى قسم الملاحظات والاقترحات فهو مخصص لمثل هذه الشكاوى وان شاء الله الدعم الفنى يحللك مشكلتك
جيكا
01-22-2006, 07:07 AM
السلام عليكوا جميعا ممكن الاخت اللى من بورسعيد تقوللى منين ؟ ان باروح بورسعيد كتير لان مامتى من هناك
فانيليا :fhgfdhagi
حبيبتى انا من بورفؤاد اهلا بكى ومامتك ساكنه فين فى بورسعيد ؟؟
رودينا
01-22-2006, 10:32 AM
فكره رائعة عزيزتى
انا معاكى رودينا - جنوب سيناء
ممكن اعرف معنى اسمك ايه
:frashagir
جيكا
01-22-2006, 11:04 AM
فكره رائعة عزيزتى
انا معاكى رودينا - جنوب سيناء
ممكن اعرف معنى اسمك ايه
:frashagir
اهلا رودينا واهلا باهل سينا الغاليه
جيكا ده اسم دلع من انسانه عزيزه عليه جدا اخترعته وهى بتكلمنى وعجبنى جدا
بنت النيل**
01-22-2006, 12:36 PM
اهلا بالغاليات ..
جيكا اسم جميل جدا وبيعجبنى واحب ادلع صديقاتى المقربات باسماء الدلع ههههههههههه لذلك لو شفتك جيكا حقولك جيكا فورا بدون اسمك الاصلى ( الجميل برضه )
ارحب بكل المصريات الغاليات ..
بس اختاروا لنا موضوع نتكلم فيه !
lena
01-22-2006, 12:42 PM
هلا اخواتي الحبيبات المصريات ( بما ان دا مكان لتواصل المصريات ) هههههههههههههه
اختي بنت النيل
ايه رأيك نفتح موضوع مهم و اعتقد انه ممكن يفيدنا كلنا بمصر
اننا كل واحده تقول راحت فين في مصر و ايه الاماكن اللي زارتها و ايه اهم المناطق
و ممكن نتكلم عن تجاربنا في السفر من حيث الاماكن و الفنادق و المحلات و الاسعار يعني كل حاجه
يعني مثلا نبدأ بالقاهره
و كل واحده تقول اهم المناطق للزياره و الاسعار و الفنادق و المحلات و المطاعم و هكذا ايه رأيكم
جيكا
01-22-2006, 12:44 PM
يا قلبى يا بنت النيل براحتك قولى الى يريحك والله ساعات اتسائل مش هى عارفه اسمى ليه بتقولى جيكا هههههههههه
واهو برضه قريب من اسمى
ههههههههه
انا ارشح اننا نتكلم فى اممممممممممم الوقت الى بيضيع بسرعه ده فجاه الاقى نفسى فى اخر اليوم انا بس الى بحس بكده ولا ايه
جيكا
01-22-2006, 12:50 PM
ايه يا لونا العسل ده
انا ابتدى بما انى صاحبه الموضوع هههههههه
انا سافرت كتير وزرت القاهره
ومكثت فيها 5 ايام رحت دريم بارك واستمتعت جدا جدا لعبت كل الالعاب الخطره ههههههههههه
ورحت الاهرامات والحسين وروكسى تقريبا زرتها كلها
بس ما اشترتش هدوم ولا حاجه عيب ابقى من بورسعيد واشترى من بره ههههههههه
lena
01-22-2006, 01:23 PM
ههههههههههههههه صح يا جيكووووو دا الناس بتروح بورسعيد عشان تجيب لبس من هناك
انا اعرف فيها حاجات كتير هناك زورت دريم بارك اكيد هههههههههه روووعه بس لعبت اللعب العاديه
بس اللي في منطقة كبار هههههههههههه بينما اللعب الخطيرة زي القطار و التوب سبين خوفت ههههههههههههه
و كان معي بنات خالي اخر مره و قعدوا يضحكوا علي عشان رفضت اركب معاهم بصراحه شكلي كان وحش و كان ناقص
العب بمنطقة الاطفال
زورت الاهرامات اكثر من 3 مرات و زورت المتحف المصري اللي بميدان التحرير
و متحف الزراعي و القريه الفرعونيه و قلعة صلاح الدين و روحت اغلب المولات بالقاهره
امممممممممممممممممم دا اللي متذكراه الان و لي عوده تاني ان شاء الله
rozamanile
01-22-2006, 03:11 PM
سلام عليكم
انا الحمد الله تمت حل مشكلتي يا فرشات مصر
انا مبسوطه جدا بوجد فرشات مصريه هنا
ومحتاجه احنا فرشات نعمل شئ مفيد ويفدنا يا فرشات
بعد تعارف ببعض ياريت نعمل شئ مفيد
ROZA
طولت عليكم
.... بس أنا مش رغاااية خالص بس التجمع فتح نفسى للمشاركة
تحياتى لكم جميعاً .... ومش حاحط التوقيع
زهرة الخيال
01-22-2006, 10:35 PM
بصراحة ياجيكا فكرتك رائعة بجد كان نفسى من زمان كلنا نتعرف على بعض
انا من طنطا الى عاوزة تزور السيد البدوى يلا تشرفنا انا خريجة تجارة وبشتغل فى الضرائب
والله اوعى حد يقول ياساتر يارب كفاية كده بلاش رغى ههههههههههههههههههه
مايسة
01-22-2006, 11:16 PM
انا بقي رحت مناطق كثير وي بصراحة لفيت لفة جامدة
رحت السندباد ودريم بارك وكايرو لاند وملاهي آدهم لو حد يعرفها هي صغيرة بس كانت مفتوحة مع السندباد قبل دريم بارك ما تظهر
رحت القلعة والمتحف المصري وحديقة الازهر والقرية الفرعونية والأهرامات
اما المولات رحت جنينة وسيتي ستارز فاتح علي أعل مستوي وبصراحة شي يهبل وسيتي سنتر وطيبة والعقاد
المطاعم كتير قوي والكافيهات كمان في شارع النزهة ومدينة نصر والمعادي والمهندسين
حد فيكم جرب رستوري مطعم وكافيه بس فظيع دة مطعمي المفضل علي طول فيه في الزمالك والمهندسين ومدينة نصر بس بتاع الزمالك فظيع فيه قاعدة رومانسية خطيرة
لي عودة تاني بإذن الله
اميرة20
01-22-2006, 11:49 PM
يا بختكم يا بنااااات على التجمع ده :de43r
يا ريت يكون عندنا زي ده احنا كمان :fkjuiyhag
rozamanile
01-23-2006, 06:04 AM
سلام عليكم
يا هلا بنات مصر وفرشات مصر :fragghagi
انا من المنصوره مين بقي من منصوره ولا حد رحها منك
انا اسمي : روزة وبشتغل مساعد استشاري نظم ومعلومات التدريب
ومتخرجه من كليه تجاره جامعه بورسعيد
انا من عشاق بورسعيد بحبها اوي اوي اوي احلي سنين حياتي هناك انا كانت جالسه فيها ايام دراسه
وطبعا قاهره دي بحبها جداااااا تعتبر احلي مكان يقدر واحد يخرج فيها كل يوم
طبعا رحتها كثير جداااا بروح علطول مولات الي هناك وبذات مول طلعت حرب رغم انه صغير بس بحبه جداا
وبحب وسط بلد بروح عند اخر ساعه احلي سندوتشات من هناك :de43r
وبطعا روت دريم بارك والاهرامات انا بجد بحب خان خاليي احلي مكان اعشقه بليل في قاهره
لالالالا بجد قاهره دي خطيره انا طول عمري ونفسي اتزوج من قاهره
يالي بعمل دعايه ليه :dfr3
عاوزين بقي نتعرف علي بنات من المنصوره ولا مين رحهاا
روزة
,,,سهيلة,,,
01-23-2006, 07:02 AM
هاى روز انا من المنصورة... بصراحة يا بنات وبدون زعل اجمل واروق مدينه فى مصر هى اسكندرية بصراحة بمووووووووت فيها وكان نفسى اكون اسكندرانية ايام الملايه اللف بجد شكل البنات فيها تحفه قمه الانوثه .... ولا هوى اسكندريه وبحر اسكندريه ... ايييييييييييييييييييييووووووووو بحبك يا اسكندرية
rozamanile
01-23-2006, 07:30 AM
:dfr3 يا هلا بيكي ييا سهيلة
مرحباااا ببنات المنصوره :fkjuiyhag
انا عاوزة اعرف انت من وين من المنصوره
وعندك كام سنه ومخلصه ايه
عاوزين نتعرف يا سهيلة
ولا ايه رئيك يا جميل عاوزة كمان تساعدني اتعرف علي موقع اكثر لاني لسه جديده فيه
انا يا سهيلة عندي 25 سنه ومخلصه كليه تجاره زاي ما قالت من بورسعيد
وبشتغل مساعد استشاري نظم ومعلومات في مركز كمبيوتر
يا بقي اكتبي ليه عندك ي سهيلة
وعاوزة اقولك مامل برضه تعشق الاسكندريه وعاشت فيها ايام درسه ونفسها برضه تسكن هناك
بس يالي حظها عاشت في منصوره
روزة
جيكا
01-23-2006, 08:05 AM
اهلا اهلا بالمصريات
والله فرحانه جدا بتجمعنا هنا وياريت زى ما قلت قبل كده اى حد يعرف او يشوف مصريه معنا تبعتلها مسج برابط الموضوع
اهلا روزه هدلعك يا ستى المنصوره حلوه بس لاسف لسه مارحتهاش وكويس لاقيتيلك سهيله اهى منها بلدياتك
انا متهيالى مافيش من بورسعيد كتير
فعلا سهيله اسكندريه تجنن مش عروس البحر المتوسط
بس انا عاوزاكى تزورى بورسعيد
برضه تجنن جوهره مصر والله مش علشان انا منها لا انا فعلا بعشقها بحبها جدا
ويمكن نزلت موضوع فى قسم السياحه والسفر
http://www.alfrasha.com/showthread.php?t=64361
ده الرابط بتاعه شوفوه هتحبوها زى
شكرا ليكم اخواتى
rozamanile
01-23-2006, 08:16 AM
يا جيكا
انا مش عاوزة اقولك بحب ازاي بوسعيد وكمان بورفؤاد
البلد دي حببتي بجد
انا فعلا عاشت فيها ايام جميله حلو اي سنين بقي درسه
وكمان اكيد ممكن نكون اصدقاء لاني بنزل بورسعيد كثيررر
انا بعتبر نفسي من هناك لاني اصابي اصل الي بحبهم من بوسعيد
يارب نكون اصدقاء يا جيكا وعلي فكره اسمك جميل اوي
روزة
rozamanile
01-23-2006, 11:01 AM
انا بشكر صديقتي جيكا
علي مساعدتي في كيفه وضع توقيع بصوره وعملت ليه الصوره
وكمان احب اعرف الفرشات اول صديقه ليه من موقع جيكاااا
ويارب نفضل اصدقاء ونتعرف علي فرشات جديده
روزة
:aq2
حور مقصورات
01-23-2006, 11:02 AM
جميل اووووووووى الموضوع ده يا جيكا تسلم افكارك
احب اعرفكو بنفسى
انا اسمى حور
من الزقازيق طالبه فى الفرقه التالته جامعه الزقازيق
مخطوبه وان شاء الله بعد ماخلص هبقى اتجوز ههههههههههههههههه
وانا عجبنى او ى الموضوع اللى انتو بتتكلمو فيه وانا مروحتش اماكن كتير لظروف عمل بابا وماما بس انا رحت رحلات كتير فى المدرسه والجامعه بس انا كنت بختار رحلات اسكندريه لانى بحبها جداااااااااااااااااا روحتها حوالى 9 مرات وبجد بجد بعشقها جوها الجميل وناسها المرحين والمتعاونين جداااااااااا
انا رحت فيها العجمى وميامى والمعموره دى جميييله وركبت عجل مع اصحابى بس انا موش بعرف اسوق عجل لكن ركبت قدام صحبتى ههههههههههههه ورحت قصر المجوهرات مكان راائع ورحت قلعه قايتباى والمسرح الرومانى ومتحف الاحياء المائيه سبحان الخالق اشكال سمك جميله عباره عن لوحات روعه
واكتر مكان عجبنى جدااااااااااااااااااا وكان روووووووووووووووووووووووووعه واكتر من رووووووعه المنتزه مكان فوق ماتتخيلو من الجمال خضره وبحر واتسلقت الحجاره مكان جمييييييييييييل
طولت عليكو بس انا فرحانه جدااااااااا بالموضوع ده لانى بحب اتكلم مصرى واقرا مصرى عشان موش بفهم باقى اللهجات مع احترامى طبعا لباقى الفراشات
وهشيل التوقيع يا بنوته النيل
جيكا
01-23-2006, 11:09 AM
انا بشكر صديقتي جيكا
علي مساعدتي في كيفه وضع توقيع بصوره وعملت ليه الصوره
وكمان احب اعرف الفرشات اول صديقه ليه من موقع جيكاااا
ويارب نفضل اصدقاء ونتعرف علي فرشات جديده
روزة
:aq2
حبيبتى روزه لا شكر على واجب حبيبتى اى خدمه
بس ملاحظه فى موضوعنا ما تحطيش التوقيع علشان التصفح بيبقى بطئ
rozamanile
01-23-2006, 11:27 AM
اسف يا جيكا
واحد كان فرحان بقي
معلش اسف واحد نسي وانتظروني اليوم انشاء الله لما هروح من عملي هحط ليكم موضع جميل
روزة
ميريت
01-23-2006, 12:57 PM
السلام عليكم
شكراً على الدعوة يا بنت النيل وشكراً على الفكرة يا جيكا
وإن شاء الله يكون فيه تواصل
.
rehabshams
01-23-2006, 01:45 PM
حبياباتي الفراشات أنا فرحانة جدا بالموضوع ده
إسمي رحاب ومن القاهرة وتحديداً من عين شمس وعندى 25 سنة
وبشتغل سكرتيرة فى شركة تصنيع آلات جراحية ( بعد الشر عنكم طبعاً )
ومش شايفة حد من القاهرة خالص فين بنات القاهرة
مش فيه غير بنت النيل و ام فوشكا
على فكرة أنا مش زرت أماكن كتير فى مصر لأن والدى رحمة الله عليه مش كان بيخلينا نخرج
ولا حتى نطلع رحلات كان بيخاف علينا جدا وظروف شغله كانت بتمنعه من انه يفسحنا
علشان كده يدوب بس زرت الأهرم مرة واحدة وزرت المتحف المصري وسافرت الإسماعيلية فأنا من عشاقها
وسافرت الإسكندرية زرت فيها العجمى والمعمورة طبعاً تحفة ومن أجمل أماكن مصر
معلش طولت عليكم وزهقتكم منى
طبعاً كل كل كل الشكر للغالية جيكا على موضوعها الرائع
ويارب نكون كلنا أصدقاء على طول ويجمعنا الله معاً فى الجنة
أنا شلت التوقيع زى ما قالت حبيبة قلبي بنت النيل
نجلاء12
01-23-2006, 02:31 PM
جزاك الله خير
نجلاء12
01-23-2006, 02:35 PM
عجبتنى قوى اسم مدينتك وان شاء الله تكونى فى قلب زوجك و انا احب اهل عين شمس يا رحاب
الورده الملونه
01-23-2006, 02:58 PM
لو سمحتو ممكن اسال
لانى بصراحه الجواب مانى لاقيته الا عند اى مصريه ممكن
انا اريد ان اعرف عن رقم منزل الشيخ سيد حمدى وهو مفسر احلام مشهور وله برنامج فى المحور اسمه احلام
الى تعرف الرقم تعطينى وباكون شاكره لها ورح ادعيلها
جزاكم الله خير
انا ابغى اسال عن احد يفسر احلامى وينكم
بنت النيل**
01-23-2006, 03:16 PM
اختى الوردة الملونه يمكنك مراسلته عبر مجلة سيدتى ! لكنه ليس شيخ! ..
تحياتى ..
بنت النيل**
01-23-2006, 03:31 PM
مرحبا حبيباتى ..
انا رحت وانا صغيرة اللى اتذكره
السندباد
الحديقة الدولية
متحف الشمع
القرية الفرعونية
وسافرت اسماعلية و فايد و بورسعيد و الزقازيق و مرسى مطروح و الغردقة و كفر الشيخ اعتقد انها كذلك لانى كنت متلخبطة بينها وبين طنطا وجيكا صححت لى ههههههههه واسكندرية طبعا عشقى الاول و حاليا الساحل الشمالى ..
ولما نزلت مصر رحت المول اللى فى المعادى وجنينة مول ثم سيتى ستارز واكلت هناك كان فيه مطعم فى اخر دور تحت Cafe du Paris اكلت فيه بيتزا بالسومون فيميه هههههههههههه روعه ..
واكلت كمان فى مطعم السمك اسمه !!!!!!!!!! نسيت اه كاسبر جميل جميل جميل .. وطبعا بيتزا هت و كنتاكى وما شابه ..
الاخت جيكا
لقد لفت انتباهى الموضوع وخصوصا اننى فراشه جديده واحسست من موضوعك اننى بين اهلى
ما اجمل ان نجتمع معا على الخير ونفيد ونستفيد من بعضنا البعض
فعلا اختى فكره رائعه اهنئك عليها
اختك بنت مصر
ميريت
01-23-2006, 06:09 PM
السلام عليكم
ازيكم يا حلوين
أنا أسكن حاليا فى طنطا وقبل كده كنت فى القاهرة فى شارع القصر العينى
وسنى 33 سنة ومتزوجة وعندى والحمد لله بنوتة زى السكر عمرها خمس سنوات
خريجة تجارة وباشتغل محاسبة فى شركة مقاولات كبرى
وأنا لى صديقة واحدة وهى الحبيبة gladis وانا بحبها جداً جداً
وباعتبرها أكثر من أخت
وفى انتظار باقى الصديقات بإذن الله
بالنسبة للسفر والأماكن اللى رحتها طبعا الأهرامات والسندباد دريم بارك وماجيك لاند ( مدينة الانتاج الإعلامى) وعجبنى جدا الجزء الريفى فى مناطق التصوير المفتوحة بالمدينة
وباحب جدا اسكندرية والساحل الشمالى ومرسى مطروح
ووووووووووبدون توقيع
.
زهرة الخيال
01-23-2006, 06:12 PM
ازيكم يابنات انا عرفت ان مشرفتنا لينا من طنطا ياترى من اى منطقة اما ياجيكا بصراحة بورسعيد جميلة جدا بجد انا زرتها اكتر من مرة ورحت اسكندرية بحبها اوى فى الشتا ء اما القاهرة بحكم عملى بانزلها كتير رحت ماجيك لاند جميلة والحسين والازهر والاهرامات طبعا ده غير وسط البلد ولا البرج رائع والزقازيق لانى كنت فى الجامعة هناك بصراحة يابنات فكرة التجمع دى حلوة اوى وطبعا اى واحدة تحب تزور طنطا تقولى وتشرفنا
قوليلى يا بنات نيلنا العظيم بيمثل لكل واحدة فيكو اية . ما شفتش واحدة بتقول انها بتحب تزور الاماكن ع النيل او بتحب تركب مركب فى النيل.
واية الحاجات اللى نفسك ماتشوفيهاش فية؟
انا عن نفسى النيل بيمثلى حالة خاصة جدا من الحب والشجن والسكينة والحياة
ومن اكتر الحاجات اللى بكرة اشوفها فية(بغض النظر عن التلوث).تزاحم الفنادق على شاطئية وجعلة حبيس اشعر انة يريد
حرية اكثر .ما آرائكن
جيكا
01-23-2006, 09:55 PM
شكرا لوجين اسمك عجبنى بس مش عارفه معناه اهلا بك حبيبتى فى بورسعيد
بالنسبه للنيل روعه كله رومانسيه وخيال بس زى ما قلتى تحول فنادق شاطئيه مطاعم تغير شكله
بس بيكون احلى بالليل بيكون روووعه
شكرا ليكى لوجين
zezy
01-23-2006, 10:08 PM
مشرفتنا الغالية جيكا ربنا يجمعنا دائما على خير
emy13
01-23-2006, 10:24 PM
السلام عليكم و رحمه الله و بركاته
مش هقول غير انه موضوع رااااااااائع و كفايه انه فيه حبايبى المصريين
و شكرا جدا على الموضوع الجميل من الاخت جيكا و الدعوه من الاخت بنت النيل
انا من القاهره و دلوقت عايشه فى لندن من حوالى 3 سنوات و نص و بتمنى ارجع لمصر اللى مفيش زيها ابدا ابدا ان شاء الله..
بالنسبه لموضوع اختى الغاليه لينا ,,,فانا زرت اماكن كتيير بالقاهره اكيد زى اغلب المولات لكن الجديد منها من 3 سنوات طبعا لسه ,,,,و القلعه و الاهرام و الحسينو القناطر و متاحف كتير و ايام الجامعه زرنا مصنع الحديد و الصلب فى حلوان و مصنع الكيماويات الوسيطه فى طريق مصر الصحراوى و بحب اوى اروح للتسوق من روكسى و مدينه نصر و شارع 26 يوليو وو المهندسين و بعض المولات زى كايرو مول بالهرم و جراند مول بالمعادى و هيلتون رمسيس كان اغلب المولات اللى بروحها مع صديقاتى و خصوصا ايام الجامعه و كنا بنعرف اماكن تانيه فيها الاسعار بسعر الجمله و فيها كل حاجه لازمه للبيت ,,,و طبعا مسبناش مطعم نعرفه ههههههههه زى ماك و هتو تكا و كنتاكى و كنا كتير بنروح كنتاكى اللى قريب من جامعه القاهره بعد ما نخلص لحد ماعرفنا ان اللى بيتباع فيها مش فراخ و انما طائر اخر غريب و الله اعلم ,,حرمنا نروح و عرفنا مطعم تانى روووعه و ليه عده فروع اسمه موءمن عنده ساندوتشات ووجبات هايله و انا متأكده اللى يعرفه او اللى هيجربه هيعجبه جدا و كنا بنروح فرع التحرير و فرع المنيل منه..و فى كمان مطعم جميل اوى اسمه روسترز فى شارع محى الدين ابو العز بالمهندسين ,,و رحت كمان مطعم تانى بالمهندسين بس مش فاكره اسمه لان لا الاكل فيه عجبنى و لا نوعيه الناس هناك خصوصا ان كان فيه بنات بدخن..هههههه..
اما عن باقى المحافظات فحبى الاول للاسكندريه و رحت رحله التخرج فيها ,,,بموت فيها رووووووووعه و بلد خياليه و زى الحلم و بحس هناك انى رجعت طفله و طبعا لازم لازم نركب عجل هناك و رحت فيها المعموره و المنتزه و المندره و ميامى و اصرينا نروح الزنقه هههههه فعلا زنقه ....و قلعه قايتباى طبعا و خدنا فيها صورنا قبل هدها و ترميمها من حولى 4 سنوات يعنى معانا صور اثريه ههههههههه.. و لفينا فيها كتييير,,,,
و زرنا مصنع البيضا فيها بتاع صباغه المنسوجات فى كفر الزيات و مصنع الكاوتشوك و كنا المفروض نروح مصنع الورق بس زوخنا عشان نروح القلعه هههههههه..
و كمان الاسماعيليه و بورسعيد و فايد و الساحل الشمالى و العين السخنه و اخر رحلتين كانت سما العريش و بعدين شرم الشيخ و لفينا كتيير فى شرم من اماكن ترفيه و تسوق و شواطىء و المركب الزجاجى و غيرها ...
محتمل اكون نسيت بعض الاماكن ههههههههه
اما بالنسبه لاخر رد للاخت لوجين ,,,,,,,احب اقلها انا من عشاق الجلوس على النيل و خصوصا بالليل و كمان اى وقت و انا و اصحابى كنا بنروح مطعم النيل بولنج اللى على النيل دايما و هو المفضل لينا ,,,غير نادى هيئه تدريس الجامعه اللى على النيل ايضا و التنين بالقرب من كوبرى الجامعه ..
انا اتكلمت كتيير و طولت عليكم بس بجد الموضوع عجبنى و خصوصا بعد قرايه اغلب ردودكم و تفاعلكم فيه
,,و ان شاء الله هحاول بقدر الامكان اتواصل معكم ,,,غير ان الموقع كان بقاله فتره مش بيفتح معايا و افتكرته بقى محجوب عن لندن و فتحته بطريقه تانيه بس مكنش شغال كويس...
سعدت جدا بكلامكم
سلام
vanelia
01-23-2006, 10:48 PM
السلام عليكم ممكن تقوليلى ازاى اقدر اظهر التليفون مسج اللى على الجنب وشكرا
جيكا
01-23-2006, 10:55 PM
السلام عليكم ممكن تقوليلى ازاى اقدر اظهر التليفون مسج اللى على الجنب وشكرا
اهلا فانيلا شرفتى موضوعنا حبيبتى
بالنسبه للتليفون المسج الى فى الجنب ده موجود لارسال مسجات لاى فراشه بس مش موجود تحت اسمك عارفه ليه هو ظاهر لاى فراشه لكن انتى لا ترينه تحت اسمك لان ما ينفعش ترسلى مسج لنفسك
لذلك كل واحده فينا مش شايفه تليفونها ولكن ترى تليفون الفراشات الاخرى فهمتينى
rozamanile
01-23-2006, 11:08 PM
السلام عليكم
الي فرشات مصر
واطلب من جميع الفرشات المصريات
انا تدعولي يا فرشات ادعلوي ربنا يفك همي ويشيل حزني ويريح بالي
لاني حزينه اوي الايام دي ومعتش ليه نفس الي اي شئ في دنيا
ونسفي انام من كثره التفكير لا انام
ادعولي يا فرشات ربنا يفك همي ويحنن قلب امي
روزة الحزينه
رقيقه
01-23-2006, 11:58 PM
ازيكووووووو عاوزة اشترك معاكم
رقيقه
01-24-2006, 12:02 AM
انا محرومه دوليا من الرسايل ليه معرفش
sweety_girl
01-24-2006, 03:58 AM
السلام عليكن فراشات
كيفكن??
أعجبتنى كثيرا فكرة الموضوع ... شكرا لكي جيكا
انا من القاهرة لكن بروح كتيييييييييييييييييييييييييييييييييير بورسعيد و اسكندرية و اسماعيلية و الغردقة و عندى فيهم كلهم شقق و كمان اصحاب كتييييير
معلش انا جيت متأخر حبة في الموضوع بس انا لسه عارفاه
==========================================
انا روحت دريم بارك طبعا كذا مرة و روحت الاهرامات و المتحف المصري و السندباد و القرية الفرعونية و ايه تاني.....اممممم مش فاكرة
عموما علشان مش اطول عليكم انا هامشي دلوقتي و ليا عودة تانية ان شاء الله
هتوحشونييييي..... الى اللقاء
,,,سهيلة,,,
01-24-2006, 07:03 AM
هاى بناات هاى جيكا وبنت النيل وروزه وزيزى كيفكم يا بنااااااااااااااات على فكرة يا جيكا انا رحت بورسعيد وهى فعلا جميلة ومن البلاد القليلة اللى زرتها وحبتها .... انا اكتر مدينة بحبهافى كل وقت اسكندرية والمنصورة هى مش كبيرة ومفيهاش فسح كتير بس زى ما بيقولوا روحها حلوة واتمنى بجد مش كلام انك تشرفينا بالزيارة ... وبحب القاهرة بس بالليل مش فى الزحمه بتاعت الضهرية ياااااااااااااا خنقتنىىىىىىى ..... البلد كمان اللى بحبها اوى الغردقة جميييييييييلة القرى السياحية اللى فيها خصوصا ميريت والف ليلة والجونة جراند اوتيل دى بجد تحفة معمارية والسويسرية يا قرى كتير اوى حلوة والخيم اللى هناك واكتر حاجه الرحلات البحرية كنا بنطلع رحلات بحرية من الساعة 9 صباحا لحد 5 مساء يااااااااا تحفه وانت فى اليخت فى قلب البحر والنورس فوق اليخت والدلافين حواليه ... ولما كنا بننزل الجزر ونتفرج على الشعب المرجانية مش قادرة اقول لكم تبارك الله فيما خلق.... من اربع سنين وانا بقضى شهور الصيف ونصف السنة هناك بس الصيف اللى فات تزوجت ومرحتش غير اسبوع .... بس انشاء الله هروح تانى ويمكن الاسبوع الجاى حد عايز ييجى معايا؟!!هههههه ايه رأيك يا بنت النيل انا نفذت التعليمات وحذفت التوقيع من اول مشاركة
ام فوشكا
01-24-2006, 10:01 AM
السلام عليكم
الي فرشات مصر
واطلب من جميع الفرشات المصريات
انا تدعولي يا فرشات ادعلوي ربنا يفك همي ويشيل حزني ويريح بالي
لاني حزينه اوي الايام دي ومعتش ليه نفس الي اي شئ في دنيا
ونسفي انام من كثره التفكير لا انام
ادعولي يا فرشات ربنا يفك همي ويحنن قلب امي
روزة الحزينه
اللهم فرج كربها
اللهم ازل همها
اللهم حواليها لا عليها
قولوا آآآآآآآمممممممميييييييييييننننننننن
ام فوشكا
01-24-2006, 10:05 AM
يا بنات لا تنسوا قصر محمد على الموجود في المنيل
لا اعرف لماذا لا يتذكره احد مع انه رائئئئئئئئئئع
انا زرت مع زوجي كل محافظات الجمهورية تقريبا
لكن اكتر مكان عجبني مش هتصدقوا
مسجد الشاطئ في بور سعيد !!!!!!!!!!!!
المسجد به شئ غريب كأنني في الحرم النبوي
يا بنات بور سعيد هل تعرفوه ؟؟؟؟؟
:aq2
لوءه15
01-24-2006, 10:11 AM
انا سعيده جدا باشتراكى معاكو وبجد استفديت كتير جدا من الاسئله الموجوده والحل ليها واتمنى المزيد من الكتابه فى مواضيع تخص كل شئ عن البنت قبل الزواج وبعده وكيف تتخلص من التفكير فى هذا الموضوع لانه بالنسبه لى انا متخوفه جدا ان اتزوج وارتبط باى انسان
السلام عليكم
انا روزة الحزينه
ارجوك يا فرشات ان تدعولي لان والله اقول حزينه دي ويعلم الله انا قد ايه تعبانه ومهمومه هم كبير اوي
انا مش بعرف انام ولا حتي اغمض هيني من كثره التفكير انا معتش عارفه غير الحزن والله بكلمك ودموعي في عيني...
شكرا يا سهيلة,,, وشكرا ياام فوشكا
والي كل فرشه شركتني حزني ورسلت ليه
وبشكر صديقتي جيكاااااا
لا تبخلو بدعاء بفهك همي انا خايفه اموت من الزعل والله وهم
روزة الحزينه
وهنستناكى كل يوم تشربى الشاى معانا ........إوعى تنسى
ميريت
01-24-2006, 11:56 AM
السلام عليكم
مالك يا روزة ؟؟ ليه بس كل الحزن ده؟
ربنا يفرج همك ويبعد عنك الحزن والكرب إن شاء الله
ولو أقدر أساعد فى حاجة أنا تحت أمرك .. المسافة بين طنطا والمنصورة مش بعيدة.. وكلنا اخوات
.
مى سيد على
01-24-2006, 12:47 PM
يا اهلا" بالحبايب
المصرويه الجدعان
rehabshams
01-24-2006, 01:05 PM
ازيكوا يابنات تجمعنا جميل ما شاء اللة
قوليلى يا بنات نيلنا العظيم بيمثل لكل واحدة فيكو اية . ما شفتش واحدة بتقول انها بتحب تزور الاماكن ع النيل او بتحب تركب مركب فى النيل.
واية الحاجات اللى نفسك ماتشوفيهاش فية؟
انا عن نفسى النيل بيمثلى حالة خاصة جدا من الحب والشجن والسكينة والحياة
ومن اكتر الحاجات اللى بكرة اشوفها فية(بغض النظر عن التلوث).تزاحم الفنادق على شاطئية وجعلة حبيس اشعر انة يريد
حرية اكثر .ما آرائكن
النيل بالنسبة لى أجمل أماكن الدنيا مهما كنت مهمومة أو حزينة مجرد أن أقف أمامه أنسى الدنيا كلها
تعرفوا يابنات ساعات وانا واقفة أمامه أشعر كأنه ينادي علي أشعر ساعتها برغبة غريبة فى أن ألقى بنفسى بين أحضانه ليضمنى بقوة أعتقد أنه أكثر مكان أمن فى هذه الدنيا التي لم يعد موجود بها الأمان ياااااااه أحب هذا المخلوق كثيراً النيل من أجمل مخلوقات الله سبحانه وتعالى تعرفوا بقالى كتير مش زرته بس لازم أروح أزوره فى أقرب وقت ممكن
تسلمي حبيبتى
أم حموود
01-24-2006, 06:21 PM
ربنا يخليك يا أم حموود
والله نورتينا وشرفتينا
واحنا كمان بنحبك وبنحب أهل الكويت كلهم
وهنستناكى كل يوم تشربى الشاى معانا ........إوعى تنسى
ألف شكر يا ميريت
ياقلبي انتي النور نورك
خلاص استنيني كل يوم تعزميني على الشاي وانا اجيب معايا الكيك اوكي خخخخخخخخخ
أميرة من الشرق
01-24-2006, 06:36 PM
واخيرا حتكلم مصري.......
ههههههههههههااااي
=================
انا بقى من اسكندرية من جمال عبد الناصر
بالتحديد في ميامي..
مقيمة في الامارات..
واتولدت فيها.........
==================
مشكووووورين اوي اوي على الفكرررة الررررائعة ده
أميرة من الشرق
01-24-2006, 06:40 PM
وانا على فكرررة مقهووورة جدا
انا ماطلعتش برا اسكندرية خاااالص
غير المصايف بس
ولا عمررررري شفت الاهرامات
ولاحتى رحنا نشوف النيل وبجد متدايقة
صحباتي الخليجين كلهم راحو
وانا المصررية
لالالالالالالالا
اهئ اهئ
ايه ده وانا اقول النور ده منين اتارى حبيبتى موجوده نورتى يا غاليه واحنا بنحبك اكتر ام حموود
dr.Jamma
01-24-2006, 07:07 PM
ا اختاه صاحبة الفكره قد ارسلت اليك عدة ماسجات ولم تردى فخيرا انشاء الله
سلام
dr.Jamma
01-24-2006, 07:13 PM
ا اختاه صاحبة الفكره قد ارسلت اليك عدة ماسجات ولم تردى فخيرا انشاء الله
سلام
جيكا
01-24-2006, 07:17 PM
يا بنات لا تنسوا قصر محمد على الموجود في المنيل
لا اعرف لماذا لا يتذكره احد مع انه رائئئئئئئئئئع
انا زرت مع زوجي كل محافظات الجمهورية تقريبا
لكن اكتر مكان عجبني مش هتصدقوا
مسجد الشاطئ في بور سعيد !!!!!!!!!!!!
المسجد به شئ غريب كأنني في الحرم النبوي
يا بنات بور سعيد هل تعرفوه ؟؟؟؟؟
:aq2
طبعا عارفاه ام فوشكا شكله من بره تحفه ومن الداخل تحسى فيه بسكينه وهدوء وراحه سبحان الله
هااااااااى كيفكوا يا احلى فراشات فى المنتدى
فعلا المصريات دول اخف دم يدخلوا اى مكان تحسى بخفة دمهم
انا عجبتنى كل الردود وقريتها كلها
واخير وصلت لحد اخر رد وهو رد جيكا
والحمد لله يا جيكا انك فكرتينى بالماتش اصل جوزى نام وقالى لازم تصحينى علشان الماتش
لو كنت نسيت كان :14_6_18[1
يلا بترككم على خير والحق اصحيه :10_12_5[1
بنت النيل**
01-24-2006, 09:08 PM
مرحبا بالغاليات ..
ماشاء الله الموضوع بقى روعه بوجود ردودكن فيه بارك الله بكن ..
ايه رايكم بقى نتكلم عن احلى الأكلات المصرية او الاكلات اللى بتحبوها عموما سواء مصرى او غير بس اذكروا المصرى اولا ...
ويا سلام لو تكتبوا الوصفة كمان عشان نشم الريحة الحلوة """" واحدة جعانه وبسبب عملية ربط المعدة لا تأكل شىء """""
واللى عندها طريقة تانية احلى تكتبها او اضافة بهارات على الوصفة اللى كتبتها واحدة تانية لا مــــــــــــانع
يالا ورونا الطبخ والاهم شممونه الريحة ...
بس بلاش وصفات فيها فسيخ ههههههههههههههههههههههههههههه احسن العضوات يهربوا !!
وانا حتابع الموجودات فى القسم اذا قلوا حعرف ان حد منكم كتب وصفة فسيخ وطير العضوات خخخخخخخخخخخخخخ
وان شاءالله متجمعين على خير دائماً
واحنا كمان بنحب الكويت جدا ... شو اخبار احمد حسين مو سامعين عنه اخبار جديدة ربى يوفقه بجد اخلاق شرف الكويت ... تعالى انت بس واحنا نحضر الشاى والكيك وكل حاجه
lobna
01-24-2006, 09:24 PM
سلام عليكم
انا من مصر الجديدة يا ترى فى حد كمان من هنا ؟؟
حلو اوى الموضوع دة انا ما كنتش اعرف ان كل النشاظ دة حصل انا كنت داخلة بالصدفة
يلا ترقبوااا احلى المأكولات الشهية بس خلو بلكو من صوابعكوااا
,,,سهيلة,,,
01-24-2006, 09:31 PM
والله يا بنت النيل انا بعمل فسيخ جناااان لا ريحه ولا حاجه ... وطعمه زى البنبونى هههههههههه اقول لكم على طريقة البنبونى بلاش الفسيخ علشان بنت النيل ماتزعلش .... هاتى سمك بورى صابح واغسليه جيدا بماء دافىء وخصوصا من عند الخياشيم ...بعد كده باخد السمك واملحه بوضع كميه مناسبه فى الخياشيموحوالين السمكه وبحط كل اتنين فى اكياس تلاجه كيس واربط وكيس اخر واربط والكيس الثالث ببرشمه على النار حتى لا يدخل هواء ولا اى حاجه ولا يطلع له ريحه تطفش الفراشات... هههههههه بعمل كده فى الكميه كلها وبعد كده بحطهم فى كيس كبير واربطه جيدا والفه كله بالسوليتب... واحطه فى مكان مغلق لمدة اسبوع فى الصيف و12 يوم فى الشتاء وخلال هذة الفترة قلبى الكيس على الوجه الاخر كل يومين ... ومتخافيش يا بنت النيل بعد لما تفتحى الكيس مفيش حد هيهرب .. وحتى لما تاكليه بالهنا والشفا مش هتلاقى ريحه تفضل كتير.... ايه رأيكم فى وصفة البنبونى دى هههههههههههه :de11
lobna
01-24-2006, 09:34 PM
انا اسفة جدااا
بس نسيت اشيل التوقيييييع
بنت النيل**
01-24-2006, 09:48 PM
انا ارفع لافتة ..
لا بنبونى ولا بطيخ انا لا احب الفسيخ خخخخخخخخخخخخخخ
جزاكِ الله خير حبيبتى سهيلة على الوصفة بس لا يمكن اكله مطلقا ازاى تتركى سمك فى مكان مغلق 10 ايام !! يا خبر لا يمكن اكله مطلقا غير صحى ابدا ابدا !!
ننتظر باقى الوصفات ...
ويا سلام لو تتكلموا على الطواجن والزر المعمر والصواني وخاصة السمك الصيادية والبورسعيدية والاسكندرنيه يفيدونا ...
lobna انا من مواليد مصر الجديدة وبيت جدى كان فى شارع الدكتور المحروقى امام دار القوات الجوية ثم باع الفيلا واخذ فى مدينة المروة امام السنتر اللى فى شارع احمد تيسير جانب كلية البنات وانا كنت ساكنه فى مدينة التوفيق بتاعت الضباط وخالى فى الشيراتون وعيلة والدتى كلها فى مصر الجديدة ...
وانتى مشتركة فى نادى ايه؟
زهرة الخيال
01-24-2006, 10:24 PM
على فكرة ياجيكا الماتش شغال بس مش قادرة اقعد الاعصاب متوترة قلت اقوم اشوف الحبايب لقيت فكرة اختنا بنت النيل بما انى من طنطا هقولكم على الرز المعمر
كيلو رز وكيلو نص لبن واللحم زى ما انتى عاوزة وطبعا الزبدة وياسلام لو فيه قشطة
الاول تسلقى اللحم نص سوا وصفيه من الشوربة وتكونوا غسلين الرز ونقعينه لمده ساعة بعد كده تجيبى الطاجن تدهنيه بالزبدة وتحطى نصف الرز وبعدين ترصى فوقه اللحمة وترشيها بفلفل بسيط وبعد كده تحطى بقيت الرز وبعد كده تغطيه باللبن وتكونى مملحة اللبن وتحطى الزبدة والقشطة لو فيه ودخليه الفرن ولو احتاج لبن زوديه وسيبه لما وشه يحمر وبالهنا والشفا
وممكن تعمليه نفس الخطوات بس من غير لحمة
وطريقة تانية مسكرة يعنى بدل الملح حطى سكر بس من غير لحمة هههههههههههههه اوعوا تحطوا مع السكر لحمة هروح اشوف الماتش عمل ايه وارجع اقولكم طريقة طاجن لسان العصفور
lena
01-24-2006, 10:33 PM
واااااااااااااااااااو ايه الوصفات الحلوه دي
تسلم يداكي غاليتي زهرة الخيال
حبيبتي انا من طنطا انت منين من طنطا ؟؟؟؟
و ارسل سلامي لكل الاخوات
ام فوشكا
01-24-2006, 10:40 PM
يا بنات الماتش لسه تعادل سلبي ربنا يسهل
بالنسبة للبرام
انا اضع السوائل ضعف كمية الارز
يعني اذا كان المقدار 2 كوب ارز يبقي السوائل 2كوب لبن مغلي و 2 كوب شوربة مغلية ويا سلام على القشطة هي سر البرام كله وعن تجربة
يارب جون بأة
ام فوشكا
01-24-2006, 10:49 PM
انا هاقولكم طريقة ام على سهلة وبسيطة
عارفين الملفي اللي بنشتريه عشان نعمله جاتوه
اللي بيتباع شرائح بالكيلو!! عارفينه
المقادير: كيلو ونصف لبن
ربع كيلو ملفي
مكسرات وجوز هند حسب الرغبة
قشطة او زبدة
سكر حسب رغبة كل فراشة
الطريقة : كسري الملفي قطع بحجم اللقمة الكبيرة وضعيه في اناء غويط للفرن _برام مثلا_
اخلطي معاه المكسرات وجوز الهند
اغلي اللبن وضعي عله السكر والزبد والقشطة
يصب البن المغلى على البرام ويوضع في الفرن تحت الشواية لمدة ربع ساعة فقط ليحمر الوجة
لاحظي كلما تركتيه مدة اطول في الفرن سيتشرب الملفي اللبن ويصبح سئ جدا
وبالهنا والشفا :10_8_9[1]
زهرة الخيال
01-24-2006, 11:05 PM
الماتش خلص تعادل يعنى الماتش الجاى هيبقى صعب يلا كلنا ندعيلهم
حبيبتى لينا انا من شارع محمد فريد وانتى ساكنة فين ؟
حبيبتى ام فوشكا طريقة ام على حلوة خالص هجربها واقولك تسلم ايديك
سلام مؤقت وهرجع اقولكم برام اللسان العصفور
ملكةالعفاف
01-24-2006, 11:40 PM
اهلاااااااااااا بيكم كلكم انا بقى من المنصورة واحسن حاجه عملتها الاخت جيكا الفكرة ديه جزاكم الله كلكم الف خير ادعوا كلكم ل اختي ان ربنا يفرج كربها
بنت النيل حبيبتى عاوزه وصفه الصياديه من عنيه هههههههه
بصى يا ستى تجيبى بصلتين كبار وتقطعيهم بالسكينه
2_ تحطى شويه زيت حلوين كده على اد البصلتين
3_وتحطى البصله وتفضلى تقلبى فيهم لغايه لما تبقى لونها بنى محروق ما تخافيش مش هتتحرف طول ما انتى بتقلبيها بس زودى شويه لونها فيه فرق بين البصله وهى سوده محروقه يعنى وبين انها بنى محروق شعره صغيره بينهم
خلاص خلصتى البصله قدامك حليين
لاما تاخدى البصله وتدقيها علشان ما تبانش فى الشوربه (بس احنا مش بنحبها كده لانها مش بتبقى حلوه)
لاما تسيبيها زى ما هى
4_ تجيبى شويه ميه يعنى نقول لتر ماء ونصف لو بتحبى الشوربه
وتحطيه على البصله وتديهم غلوه كده حلوه
5_بعدين الشوربه هتبقى لونها بنى غامق مش محروقه لالا بنى غامق
6_ بعد الغلوه تكونى غسلتى الرز بتاعك وتشوفى كميته وتسقيه من الشوربه البنى دى يعنى تحطى كانها ميه عاديه
وتسيبيه يطبخ عادى خالص
7_تكونى انتى منضفه السمك ولازم يكون سمك اسمه فوارغ هو بورى بس منضفين بطنه علشان كده مسمينه عندنا فوارغ
تكونى منضفاه كويس بالماء والملح والليمون
8_ تحطيه فى الشوربه بتاعتك وتديله غلوه فيها بس مش كتير راقبيه لان السمك بيستوى بسرعه
بس عاوزه تقلى حبه منه براحتك
هتلاقى السمك بقى لونه زى الشوربه كده
والرز بقى لونه بنى
بس يا ستى وبالهنا والشفا على قلوبكم
اى استفسار انا حاضره
انا بموت فى الصياديه ومش بحب الفسيخ خالص
rehabshams
01-25-2006, 12:58 AM
تسلمي جيكا على وصفة الصيادية
كان نفسي أعملها جدا عمرى ما أكلتها خالص
فكرة جميلة زيك يابنت النيل
بجد يابنات أنا فرحانة جدا بالموضوع ده
حاسة إنى بلاقى نفسي فيه
ربنا يخلي لينا جيكا حبيبة قلبي صاحبة الفكرة الجميلة
أنا هاغيب عنكم لأنى مسافر بلدنا فأنا من الشرقية
هازور قبر بابا الله يرحمه بس إن شاء الله هارجع يوم السبت وأكون معاكم
لا إله إلا الله
أختكم رحاب
ام فوشكا
01-25-2006, 09:22 AM
ها انا جيت الماتش خلص تعادل وكان النت فاصل عندى
بنت النيل حبيبتى عاوزه وصفه الصياديه من عنيه هههههههه
بصى يا ستى تجيبى بصلتين كبار وتقطعيهم بالسكينه
2_ تحطى شويه زيت حلوين كده على اد البصلتين
3_وتحطى البصله وتفضلى تقلبى فيهم لغايه لما تبقى لونها بنى محروق ما تخافيش مش هتتحرف طول ما انتى بتقلبيها بس زودى شويه لونها فيه فرق بين البصله وهى سوده محروقه يعنى وبين انها بنى محروق شعره صغيره بينهم
خلاص خلصتى البصله قدامك حليين
لاما تاخدى البصله وتدقيها علشان ما تبانش فى الشوربه (بس احنا مش بنحبها كده لانها مش بتبقى حلوه)
لاما تسيبيها زى ما هى
4_ تجيبى شويه ميه يعنى نقول لتر ماء ونصف لو بتحبى الشوربه
وتحطيه على البصله وتديهم غلوه كده حلوه
5_بعدين الشوربه هتبقى لونها بنى غامق مش محروقه لالا بنى غامق
6_ بعد الغلوه تكونى غسلتى الرز بتاعك وتشوفى كميته وتسقيه من الشوربه البنى دى يعنى تحطى كانها ميه عاديه
وتسيبيه يطبخ عادى خالص
7_تكونى انتى منضفه السمك ولازم يكون سمك اسمه فوارغ هو بورى بس منضفين بطنه علشان كده مسمينه عندنا فوارغ
تكونى منضفاه كويس بالماء والملح والليمون
8_ تحطيه فى الشوربه بتاعتك وتديله غلوه فيها بس مش كتير راقبيه لان السمك بيستوى بسرعه
بس عاوزه تقلى حبه منه براحتك
هتلاقى السمك بقى لونه زى الشوربه كده
والرز بقى لونه بنى
بس يا ستى وبالهنا والشفا على قلوبكم
اى استفسار انا حاضره
انا بموت فى الصياديه ومش بحب الفسيخ خالص
معلهش سؤال عبيط
احنا هنحط السمك على الارز في نفس الحلة
حور مقصورات
01-25-2006, 11:24 AM
ايه الحلاوه دى والله حلو موضوع الاكل ده بس كده الواحد هيخاف يتخن وخصوصا انى قصيره طولى متر ونص يعنى لو تخنت شويه هيبقى شكلى وحش بس انا بكتب كل الوصفات الحلوه دى عشان ابقى اعملها فى المناسبات
شكرا ليكو يا فراشات مصر
بنت النيل**
01-25-2006, 12:53 PM
جيكا ...
تعرفى الطريقة دى نفس طريقة الصيادية اللبنانية نفس الطريقة تحمير البصل و الشوربة ثم تسلقى السمك وتشيليه ثم تطبخى الارز ثم عند التقديم تضعى الارز وفوقه السمك وتضعى صنوبر وكمان بيعملوا بجانبة صوص ... بس يا حلوة فين البهارات !!ههههههههههههه اللى لا شفت ملح ولا بهارات خالص خخخخخخخخخخخخخخخخ
على فكرة انا بعمل اكلات كثير حلوة وشاطرة فى الطبخ بس فاشلة فى الحلويات لذلك انتظروا منى وصفات ان شاء الله ..
lena
01-25-2006, 12:57 PM
وااااااااااااااااااااااو وصفه شهيه يا جيكوووو
باين عليك طباخه شاطره ما شا ءالله
اختي بنت النيل معلوماتك عن الصياديه حلوه تعرفي انا ماعرفش انها في منها الاسكندرانيه او البورسعيديه
انا بأكلها و خلاص هههههههههههههههه
خلاص احنا عاوزين وصفات حلوه زي ما وعدتي
بس ياريت حاجه من الاكل الصيني لاني بحبه جداااااااااااااااااااااااااااا
بنت النيل**
01-25-2006, 12:58 PM
الله الله على وصفة البرام والارز المعمر وام على والله بحبهم جدا ونفسى اعملهم ..
بس قولوا لى القشطة تنفع بوك!! لان هنا فى سوريا مافيش محلات البان زى عندنا !
انا مرة عملت ام على بنفس القشدة بوك وكانت روعه بس تنفع مع الرز ولا تبقى مسكره !!
ويا ريت المقادير يا جماعة عشان تكون مضبوطة اكثر ونجربها كما هى ونقول النتائج ..
شكرا لك زهرة الخيال وام فوشكا ..
ميريت
01-25-2006, 01:01 PM
الله على الوصفات الجميلة
على فكرة يا زهرة الخيال ريحة البرام بتاعك تجنننننننننننننننننننننننن
الريحة الجميلة وصلتنى على طول لأنى ساكنة فى شارع ثروت مع بطرس
يعنى جيران
مع حبى للجميع
.
حور مقصورات
01-25-2006, 01:10 PM
ممكن يا جماعه تغير الدفه ونتكلم شويه عن العدسات اللاصقه وعن مميزاتها وعيوبها وكل حاجه عنها بالتفصيل لانى طرحت الموضوع ده لكن بصراحه محدش عبرنى فيه وانا زعلانه
فقولت اطرح الموضوع فى قسم المصريات عشان يفيدونى اكتر واللى تعرف مكان معين بيعمل عدسات كويسه او انواع وياريت كمان الاسعار يقولولى
وانا برده موش عارفه اللى بيعمل العدسات دكتور ولا بتتباع عادى ولما احب اختار لون بختاره ازاى وكده يعنى عايزه معلومات شامله للى مجرب وياريت تفيدونى بأه انا بقالى شهر عايزه اعمل عدسات وبجد مستنيه خبرتكم وارائكم
حور مقصورات
01-25-2006, 01:12 PM
ممكن يا جماعه تغير الدفه ونتكلم شويه عن العدسات اللاصقه وعن مميزاتها وعيوبها وكل حاجه عنها بالتفصيل لانى طرحت الموضوع ده لكن بصراحه محدش عبرنى فيه وانا زعلانه
فقولت اطرح الموضوع فى قسم المصريات عشان يفيدونى اكتر واللى تعرف مكان معين بيعمل عدسات كويسه او انواع وياريت كمان الاسعار يقولولى
وانا برده موش عارفه اللى بيعمل العدسات دكتور ولا بتتباع عادى ولما احب اختار لون بختاره ازاى وكده يعنى عايزه معلومات شامله للى مجرب وياريت تفيدونى بأه انا بقالى شهر عايزه اعمل عدسات وبجد مستنيه خبرتكم وارائكم
بالنسبة ليك حبيبتي(ملكةالعفاف )
منين في المنصورة بالضبط انا برضه من المنصورة في شارع السلاب حي غرب
جيكا
01-25-2006, 01:17 PM
ههههههههه بنت النيل وانا نايمه قلت لماما نسيت اقولهم الملح والحاجات دى ونسيت كمان الى مش بتحب البصل ممكن تصفى الشوربه الى تطلع وتبقى من غير بصل بس انا معتمده عليكى لانى عارفه انك شطروه فى الطبيخ وبتفهميها وهى طايره ههههههههههه ماهو لازم يكون فيه ملح فى الشوربه وفى الرز هههههههههه
يالا مستنيه طبخاتك الى تجنن
حبيباتى لا تنسوا تشيلوا التوقيع
بنت النيل**
01-25-2006, 01:41 PM
ممكن يا جماعه تغير الدفه ونتكلم شويه عن العدسات اللاصقه وعن مميزاتها وعيوبها وكل حاجه عنها بالتفصيل لانى طرحت الموضوع ده لكن بصراحه محدش عبرنى فيه وانا زعلانه
فقولت اطرح الموضوع فى قسم المصريات عشان يفيدونى اكتر واللى تعرف مكان معين بيعمل عدسات كويسه او انواع وياريت كمان الاسعار يقولولى
وانا برده موش عارفه اللى بيعمل العدسات دكتور ولا بتتباع عادى ولما احب اختار لون بختاره ازاى وكده يعنى عايزه معلومات شامله للى مجرب وياريت تفيدونى بأه انا بقالى شهر عايزه اعمل عدسات وبجد مستنيه خبرتكم وارائكم
اعتقد الرابط يفى لان كتبت عدة موضوعات عن العدسات واذا لا تثقى فى المكتوب اذهبى للطبيب المتخصص لافادتك ..
اما العدسات الملونه فهى تشترى من محلات النظرات ومعها المحلول وانا شخصيا عندى واحدة ماركة فريش لوك وبتختارى اللون الاقرب من لون عينك حتى لا يكون شكله غريب ولا يليق عليكِ ويمكنك سؤال بائعة العدسات لتفيدك بخبرتها فى اختيار اللون المناسب يعنى لا تكونى سمراء وتشترى عدسات زرقا !! اذ سيكون غريب عليكِ لذلك اذا لون عينك عسلى او بنى اشترى الاخضر ودرجاته ..
ثم انصح بعدم استخدام العدسات دوما بل فقط فى المناسبات لانها مع الوقت تسبب فى حدوث حساسية وتجدى عينك نار وفيها احمرار , كمان يجب ان تغسلى يدك جيدا قبل تركيبها زوتغيرى المحلول على فترات قريبة حتى تضمنى عدم تلوثها , واياكِ و النوم بها ...
تحياتى ..
dnadeno
01-25-2006, 01:41 PM
تحياتى لاروع الافكار
انا طبعا معاكم و يا رب يجمعنا ع الخير
بنت النيل**
01-25-2006, 01:44 PM
بارك الله بكِ جيكا الغالية ..
وان شاء الله اجد وقت واضع لكن اكلات حلوة واللى عايزة اكله معينة تعتمد على لحمة او داجاج او اسماك او ارز او غيره تقول وانا اكتب الوصفة لها ..
لان عندى اكلات اخترعتها وحلوة اوى ..
ميريت
01-25-2006, 01:53 PM
أنا يابنت النيل نفسى أعرف طريقة عمل المأكولات البحرية
خصوصا السبيط والكابوريا
ومعلهش أنا هأتعبكم فى الطلبات لأنى فيه حاجات كتير
مش باعرف أعملها
اوعى تطنشينى
.
بنت النيل**
01-25-2006, 03:07 PM
يا خبر ازاى نطنشك غاليتى ميريت ؟؟
شوفى الكابوريا بتاعتنا الصغيرة طريقتها اللى بعملها سهلة جدا جدا وهى نفس طريقة جدتى الله يرحمها ولها عرق اسكندرانى على فكره ..
اولا اشطفى الكابوريا جيدا ..
وفى حله ضعى الكابوريا كلها ثم اعصرى ليمون نقول لو 10 كبوريات عليهم 4 ليمونات افاعصرى الليمون وضعى القشر معه ثم هاتى بصلة كبيرة وقشريها وقطعيها شرائع وضعيها على الكابوريا ثم ثوم فص واحد وايضا يقع وفى الحله يوضع ثم هاتى كزبرة خضراء وبقدونس نصف الحزمة من هذة وهذة وليس كلها ويقطع ويوضع ايضا فى الحلة ثم كمون وملح وفلفل وممكن فلفل اخضر واحدة تقطع ايضا وبعدين غطى الحله وبيدك قلبى او رجى الحله عشان كل الخليط يختلط معا حتلاقى الريحة طلعت روعــــــــــــــــــــــــة واتركى الكابوريا تاخذ من رائحة كل المكونان وتستوى لمدة ساعة تقريبا على نار هادئة ..لو احتاج ماء ضعى ربع كوب ماء وليس كثيرا لان الخضار بينزل ماء والكابوريا ايضا ...
ولما تستوى الكابوريا تصبح لونها برتقالى محمر فطلعى الكابوريا من الخليط وترص فى طبق التقديم مع شرائح الليمون للزينه ..
وممكن تاخذى خلاصة الخضار اللى كان فيه الكابوريا ويضرب فى الخلاط ويصفى ( مثل شوربة العدس كدة ) ويكون مثل الصوص باضافة الزبده والدقيق ثم الخليط و القليل من الماء وممكن شطه للى بيحب الاكل الحار ويترك على النار 6 دقائق مثلا و يوضع على الارز مثلا او يؤكل بالعيش ..
وعلى فكرة نفس هذة الطريقة تنفع مع الجمبرى وسهله وسريعة وطعمها ولا اروع جربى وقولى لى .. بس الجمبرى جانبة تعملى زيت مع ليمون وملح وفلفل بحيث تقشرى الجمبرى وتغمسى الزيت به والليمون واوووووووووو روعة والله ...
السبيط حبيبتى له طرقتين اما بانية او صنية ..
الصنية اولا ..
فى حلة صغيرة ضعى بصله مفرومة و 2 فص ثوم ويقلب فى قليل من الزيت الى ان يزبل ثم يضاف الطماطم المقطعة مربعات ويقلب ثم ضعى الملح والفلفل والكمون وورق الغار ( 2 كفاية ) وفلفل اخضر و كرفس نصف حزمة وكزبرة خضرا ويقطع قطع صغيرة ثم صعى صلصة طماطم وشوية ماء ويترك الخليط الى ان يتسبك شوية ..
السبيط بقى يغسل جيدا وينظف اذا مش متنظف ولازم تغسلى الحبر الاسود اللى بيكون فيه ثم تقطعيه شرائح او يظل قطع عريضة كما هو وفى طاخن ضعى خليط من الخضار من تحت ثم السبيط ثم باقى الخليط وترصى فوقة شرائح الليمون حوالى 3 ليمونات وتضعى شوية زيت على الوجة ويزج فى الفرن ولو محتاج ماء لا بأس ضعى له قليل من الماء نصف كوب مثلا او اقل ويغلق بالفويل من فوق وتضعيه فى الفرن من تحت لمدة 45 دقيقة ( على حرارة متوسطة ) ثم ترفعيه فوق ويظل 45 دقيقة اخرى او الى ان يستوى السبيط وتجديه اصبح لين وقابل لان ينقسم بالشوكة ..
المقلى ايضا سهل جدا نفس الشىء تنظفى السبيط كويس ويوضع عليه ليمون كمون وثوم مفروم كويس جدا وشوية زيت عليه وملح وفلفل ويترك فى الثلاجة ساعتين .. ثم تاتى بالدقيق وتضعى السبيط فيه ويقلى فى الزيت ويوضع على مناديل لامتصاص الباقى .. ( ونفس الطريقة الجمبرى البانية )
يوجد طريقة جمبرى اخرى بعملها فى العزومات وهى من تأليفى هههههههههه
الجمبرى الكبير يشق من ظهرة وينظف جيدا ويقشر الجسم وتتركى الراس والزيل ثم يتبل بالملح والفلفل والكمون والليمون والزيت ( واضع هنا زيت زيتون ) ثم اضع عليه زعتر ناشف ويترك فى الثلاجة ساعتين ثلاثة واحيانا اعمله من باللي واعمله يوم العزمة قبل دخول الناس بـنصف ساعة واغطيه واتركه فى الفرن ساخن ..
المهم بعد كدة تقلى الجمبرى فى زيت زيتون ( روعة زيت الزيتون وفى فرنسا يعملوا وصفات السمك كلها بزيت الزيتون وانا كنت هناك وجربته طلع روعة والى الان لا اقلى سمك او اى ماكولات بحرية الا فى زيت الزيتون ولا انتظر الى ان يخن الزيت بل 3
قائق او ما يدفأ اضع فيه الجمبرى او السمك او السبيط لان الزيت لو سخن اوى ينتج عنه مواد مأكسده ضاره جدا على الصحة فخذى بالك والفراشات ..
بعد ما اقلى الجمبرى فى الزيت اضعه على ورق مطبخ يمتص الباقى ..
وعند التقديم بقى وهذا الاهم تضعى عند الطرف ليمون مقطع شرائح واختار الليمون الكبير مش الصغير بتاعنا ثم ارص الجمبرى بحيث الراس تكون ظاهرة ثم الليمون ثم الجمبرى وهكذا ومن حوله الليمون ايضا فى النهاية ارش تانى الزعتر من فوق !
اكله روعة وشكل الجمبرى فى السرفيس بيكون روعه ومبهر جدا وشهى ايضا ...
كمان من كم يوم عملت وصفة سمك فيلية غريبة ابقى اوقل لكم عليها مرة تانية وايضا لدى وصفة جمبرى بالزعفران والخضار روعة وبعمل جنبها ارز بالزعفران والكركم