السلام عليكم :072:
أتمنى من قلبي إن كل الفراشات بسعاده وخير يارب
بلييييييييييييييييييييز أبي مساعدة وفزعة بنات القصيم اللي بالمنتدى
أنا من الشرقيه تزوجت وجيت للقصيم ماعرف أحد إلا اهل زوجي بس
زوجي راعي عزايم هلكني كل يوم عزيمه وأنا طالبه بالجامعه عندي بحوث وإمتحانات مليت والحين بعد أنا حامل والله زهقت وأنا أقول خفف شوي من عزايمك ابي ارتاح لكن يواعدني أنه خلاص ماراح يعزم أحد لكن حدر جبل ولاتحدر طبع
لحد ماأشارت علي أختي أني أتعامل مع وحده تطبخ قلت لزوجي الفكره وهو وافق الحمدلله بس المشكله كل من سألت عطاني رقم أم خالد وهي مره غاليه يعني ماأستفدت
الله يعافيكم اللي تعرف حريم يطبخون ويسوون بوفيهات أو أي أكلات ومعجنات وغيره بسعر معقول تكفون لاتبخلون علي الله يوفقكم ويسعدكم يارب :072:
فراشة الالماس
05-20-2009, 08:41 PM
والله ما اعرف غير ام خالد
طيب ليش ما يجيب اكل من برا
الله يعينا ويااااك
صمت الملاك
05-21-2009, 10:57 AM
شكرا حبيبتي يجيب بعض الأحيان الرز والمشاوي من برى بس الباقي أنا أسويه من سلطات صواني خضار دجاج والمكرونه والحلى وغيره ومايرضيه اي كلام والله طفشت أحيانا يكون بنفس اليوم اللي قاعده أذاكر فيه لامتحان بكرى معدلي نزل والمشاكل بيننا زادت مليت وهو مافيه أمل يتعدل حتى طبع أخوانه وأهله كذا بس هم كلهم عندهم خدامات وبنات واهلهم عندهم يعني يساعدونهم شوي أنا لا لحالي حتى أهلي بديره وانا بديره الصراحه وضع لايطاق الله يعافيكم اللي تعرف اي شي لا تبخل علي الله يوفقها ويسعدها
مشكوره ياعيوني بس المفرزنات أمرها سهل أنا بما أني لحالي بين كل فتره وفتره أقعد وأعجن وحشي والف وأفرز يافطاير مره ورق عنب وبعد ملفوف وكبه وكفتة بطاطس وسبرنغ رول وسمبوسه وز كذا يعني أنا اللي أبيه زي كذاء أم خالد أدق عليه العصر أقوله أبي رز كشري صواني خضار مكرونات سلطات زي كذا الصراحه توقعت فيه تفاعل أكثر لكن أحبطتوني:074::074::074::074: ماتوقعت بنات القصيم كذا وين فزعتكم وسنعكم اللي أسمع دايم عنه
رهومــا
05-23-2009, 02:27 AM
شوفي حبيبتي زوجي مثل زوجك ومو شخص والا شخصين 5 - 6 ازهق وامل من الطبخ ومااحب افشل زوجي فبديت اطلب من المطعم الخيام وبابا علي و فندق الواحة ويرسلون لي واكلهم حلو واسعارهم معقولة والحريم والله غاليات
زهره غلا
05-23-2009, 02:07 PM
والله كنت اتمنى اقدر اساعدك بس لي فتره ساكنه ولااعرف الااهل زوجي ويارب يهون عليك وتلقين الي تبين
بيوليتا
05-23-2009, 02:42 PM
اتوقع مافيه احد يسوي اصناف غريبه إلا ام خالد
الظاهر الباقي يسون بس اصناف شعبيه
هذا اللي اعرفه
ووالله ودي اساعدك
يالله بيتي قريب من بيتك انا بالاسكان الجديد بس تراي عجازه ههههههههههههههههههههه
يعني بتقولين ضيفي وجهك ماوراك نفع
شوفي اخت زوجي تعرف وحده تسوي اصناف شعبيه بدق عليه واسئله إذا كانت تسوي اصناف غيرهن ولا لا
واردلك
صمت الملاك
05-24-2009, 02:51 PM
:066:السلام عليكم ،، أشكر كل من ردت علي الله يوفقها ويسعدها وينوله كل ماتمنى يارب ويسخر لها عبيده :0153::0153::0153:ياحبيلكم بعد على التفاعل يكفي أنكم حاسين فيني
حبيبتي رهوما أنا زوجي مايعزم واحد مين قال والله أحيانا أظطر أقلط بالصاله لانهم أكثر من 12شخص والطاوله بالمقلط ماتكفي وياكثر ماحطيت بالصاله حتى بالرمضان والله العظيم أني أفطرت مره أومرتين معه بس بس رهوم المطاعم هذي في عنيزه صح أنا ساكنه في بريده
بس نبي تفاعل أكثر بصراحه توقعت القى ردود كثيره بس أنصدمت وين فراشات القصيم صدقوني مو بس أنا اللي بستفيد أكيد فيه بنات غيري راح يستفيدو الي تعرف اي شي لاتبخل علينا الله يسعدها أي شي بابنات حطوه خلونا نستفيد
صمت الملاك
05-24-2009, 03:26 PM
حبيبتي بيوليتا يوووه ماتصدقين أنا وش كثر كنت كسوله قبل الزواج بس القدر جاب لي واحد راعي عزايم مايحب أكل المطاعم ولا يأكل أكل مثلج مفرز من قبل يعني كل يوم طبخ أساسي صارت الكبسه عندي أسهل من البيض المسلوق الحمدلله يارب على كل حال وأنا كنت قبل أصيح على أمي إذا قالت قومي سوي شاي تخيلتي واللي يعافيك تراني أبي الرقم وجزاك الله ألف خير:0154:
صمت الملاك
05-27-2009, 03:54 PM
ولا رد :074::074::074: حرام ساعدوني
ريم الغلا 2008
05-27-2009, 11:46 PM
يابعد عمري انت
عندي رقم وحده بعنيزه اسمه ام محمد للاكلات الشعبيه اذا بدك عطين خبر على الخاص اوكيه
الله يسهل عليك ويوفقك دنيا واخره
أم لــــــــــيندا
05-28-2009, 12:23 AM
الله يعينك ياقلبي
ان شاء الله البنات مايقصرون
لو اعرف كان افدتك بس توني من فتره ساكنه حولك في الصفراء ههههههههههههه