ماعليكم آمر كل وحده تكتب طريقتها للكبسه والمرقوق والجريش
ووووبس
تفضلوا
مدرسه رياض اطفال
06-08-2009, 01:11 AM
هلا عيوني
انا طريقتي في الكبسه احمس البصل البصل مع الثوم مع اللحم او الدجاج واقصر عليه واخليه شوي بعدين احط الطماط والبهارات البحرينيه المشكله انا ما استغنى عنها في كل طبخاتي
وشوي صلصه وليمون اسود وهيل حب ومسمار حب وشوي كزبره مفرومه وشوي فلفل بارد
واخليها خمس دقايق بعدين اصب المويه لين تنضج اللحمه او الدجاج
بعدين اكب الرز واول ما يتشرب الرز المويه اقصر عليه مره واخليه على راحته لين ينشف زين
طريقتي بالمرقوق نفس طريقه الكبسه بدل ما احط الرز احط المرقوق بس في التتبيله اكثر الصلصه
مدرسه رياض اطفال
06-08-2009, 01:12 AM
الجريش ما اعرف اسويه
مدرسه رياض اطفال
06-08-2009, 01:13 AM
الجريش ما اعرف اسويه
ترى زهقت
06-29-2009, 04:37 AM
ياحرررررررررررريم يالسنعاآآآآآآآآآآت
وينكم
AM FISEL
06-29-2009, 06:57 AM
هلا اختي
انا طريقتي بالكبسه
اول شي احط بالقدر اشويه زيت على نار هاديه احمس البصل ورشه بهارات ومعه احط ( مسمار حب - هيل حب - دارسين اعواد - ليمون اسود ) ولين يصير ذهبي احط الدجاج او اللحم واقلبهم
ثم احط الطماط المطحون ثم الصلصله ( اذا تبينها حمره تكثرين الصلصه ) وبهارات وملح واقلبهم ثم اكب عليها المويه وخليها على نار متوسطه لين ينضج الدجاج او اللحم واذا استوى اطلع الدجاج او اللحم واحمرها بالفرن ( حطي عليه اشويه زيت ورشه بهارات قبل لاتحمرينها بالنسبه للدجاج بس )
ثم احط الرز لين يستوي ( تخمرينه قبل نص ساعه )
وبالعافيه
اما طريقتي بالمرقوق :
تحمسين بالزيت او بالزبده بصل ثم اللحم ( انا احيانا اسويه بدون لحم بالخضار بس ) ورشه بهارات وتحطين الطماط المطحون وشويه صلصله وتقلبين واحط اشويه بقدونس مفروم واكب مويه عليه وملح وبهارات
وارق المرقوق ( انا افرده بالنشابه ) قبل لاتحطينه حطي قبله ( بطاطس مكعبات - كوسه - عدس اسود - وفاصوليا الخضراء ) ثم احط اول دويره من عجينه المرقوق اللي رقيتها واسكر القدر واخليه اشويه واحركه ثم احط الدويره الثانيه واسكر واخليه اشويه واحركه وهكذا لين تخلصين دواير العجينه
مقادير عجينه المرقوق :: دقيق بر - شويه كركم وبهارات وملح وتعجنينها بمويه وخليها تتخمر نص ساعه بعدين افرديها .
اما طريقه الجريش :
احمس البصل بشويه زبده قبل لايصير لونه ذهبي اكب عليه مويه حاره ثم احط حب الجريش مع اشويه رز مصري ( تخمرينهم نص ساعه ) وملح وقلبي كل فتره طبعا المويه يكون مستواه مرتفع عن الجريش واذا زده بيستوي احط زبادي ( العدد على حسب المقادير ) واقلب كل فتره لين يستوي وبالعافيه
يارب تعجبكم طريقتي
:0150:
وردة الفتوش199
06-29-2009, 07:05 AM
يازين الجريش والمرقوق والله ودي اقوم اطبخ من الحين ههههههههههههههههههههههه تسلمون ياعزيزاتي
ترى زهقت
06-29-2009, 04:58 PM
يعطيكم العافيه
طريقتكم مختلفه عني
انتي تحطين مع عجينة المرقوق كركم ابجربها عما قريب ههههه