سوي تبوله : وعند التقديم حطيها في اوراق الخس الطويله افرشيها حبه حبه في الصحن كانها ورده وكل شريحه خس حطي عليه التبوله وفي نص الصحن سوي من قشر الطماط زي الوردة الجوري حركه مرة خطيرة وبين الخسات شرائح ليمون
وشوربه بروكلي : خذي حبه بطاطي وسط ونفس المقدار بروكلي واسلقيهم بعدين حطيهم في الخلاط وزيدي عليهم كاسه كريمه خفق وخذيلك بريد ابيض قطعيه مكعبات وحمصيه او اقليه وبعد ما تصبي الشوربه في الطاسه حطي عليها شويه مكعبات وزينيها بكزبرة او بقدونس مفروم
سوي ستيك بصلصه مع الفطر وبطاطس بيوريه او اللي يسمونه بركان البطاطس
او سوي معاه خضار مشويه
خذيلك ربيان سويه باي طريقه تحبيها وخذيلك صدف نقعيه قبل يوم بشوي كلوركس ومويه وبعدين صفيه في صحن بدء من الصغير الى الكبير او العكس وكل صدفه حطي عليها ربيانه مع صلصتها كذا تشيلي الصدفه وتاكلي الربيان منها دايركت
سوي رولات الدجاج مرة شكلها رايق
الحلا خذيلك اصايص الزرع اللي تجي اصغر مقاس وغلفيها بالبلاستك وبطنيها بكيك شكولاته مطحون وفي وسط الاصيص طبقه كيك وطبقه من دانيت الشكولا واخر طبقه طبعا الكيك المطحون ودخليها الفريزر وقبل التقديم بربع الى ثلث ساعه طلعيها وشيليها من الاصيص وبالراحه شيلي البلاستيك وخذيلك ورد جوري حقيقي وغلفي نهايته بالقصدير او البلاستك كويس وطبعا تقصي نهايتها بالطول المناسب وحطيها في وسطها مرة حركه حلوة ورومانسيه
العصير سوي كوكتيل طبقات مرة كيوت او تحطي فيمتو في نافورة العصير
واذا كنتي حابه تزيدي معجنات الاحلى انها تكون زي المقبلات اللي حدها لقمتين