احلى ايميل قريته والله فعلا يصحي ويذكر بناات بليز اقروووه راائع

انا ماراح امسحه كل ما ضاق صدري باقراه الله يوفق اللي كاتبته

إلى كل من عندها هم يثقلها
معطل حياتها
كارهه لأجله دنياها
أقولها وأقول لنفسي قبلها

محد بالدنيا يستاهل !!
ولا شي بالدنيا يستاهل
الدنيا ماتساوي جناح بعوضه
انتي ومشاكلك واحزانك وافراحك وبلاويييييك كله ما يساوي جناح بعوضه

محد يستاهل اصيح عشانه ولحد يستاهل احزن عشانه واوقف حياتي لعيونه
الدنيا ياجماعه فاانيه
فانيه
فانيه

يعني بيوم من الأيام بموت وبيحطوني بالقبر
وبنسأل
وش بقول
وش بقول ؟؟
انت يارب بليتني وانا كانت عندي بلاوي عشان كذا ماطعتك
يارب كانت عندي مشاكل وتعطلت حياتي وقعدت مثل الغبية اصيح عليها
ياجماعه الدنيا تمشي
وإذافي توقف
فهو احنا اللي واقفين
القي كل همومك ورا ظهرك وخلي شعارك
محد بالدنيا يستاهل
لا أهل ولوجفوك
ولا زوج بهذلك
ولا صديقه جفت فيك
ولا حقير حرق قلبك
الدنيا عندالله جناح بعوضه بس
يعني حتى مو بعوضه
حقيييره ياجماعه

احتسبي كل بلاء عند رب العالمين
واحمدي ربك على كل نعمه انتي عايشتها
حنا في نعمه والله مو حاسين

الناس ..!!

الناس عامليهم بذوق وإسلوب .. وزي ما علمتك امك من يومك صغيره
سوي خير .. سوي خيييير ولا تنتظرين رد من احد
او اعتبار من احد .. اذا بتسوينه سويه لنفسك .. لك إنتي عشان تعيشين مرتاحه
ما تنامين وتقولين زعلت فلانه وظايقت فلانه
وترا الدنيا دواره كما تدين تدان .. ربي ما ينسى ظلم !!

طنشي طنشي طنشي ..!!

فلانه تحش فيك فلانه تتكلم فلانه ما تحبك ..!!
خليها حلالها .. هو احسن بعد خففت علي ذنوبي .. وعطتني من حسناتها

تعلمي التطنيش والبرود وتوقعي انك تنصدمين .. وكل ما انصدمتي بأحد كل ما صرتي اقوى
كل ما صارت تجاربك وخبرتك الاجتماعيه أحسن وأحسن ..

رمت عليك كلمه .. عادي ولا كأني سمعت .. ان دل يدل على قلة ذوقها وتهذيبها ..

كشرت بوجهك .. ابتسمي !!

واذا رفعت صوتها .. وطي صوتك .. !

واذا اتجنبتك .. تجاهلي وجودها ...

دموعك !!

دموعك ومشاعرك تراها اهم واغلى شي عندنا احنا البنات وهي الي تتحكم بنفسيتنا وأفعالنا..
حبي نفسك حبي نفسك حبي نفسك ودلعيها ..!! عشان تعيشين مرتاحه...
خلي قلبك لك .. لا صديقه ولا قريبه ولا اي احد يستاهله.. حبي الناس بعقلك مو بقلبك عشان ترتاحين بحياتك ..

نحبهم !! ليش نحبهم في الاخير الي يبوكنا وهم مصدر تعاستنا وحزننـا !!

لا تبكين على احد..!!

ابداً ابداً مين ما كان ..!!
صدقيني لو كانوا يستاهلون كان ما خلوك تبكين ولا تحزنين ولا تتظايقين ..
ولا خلوا مجال دمعه وحده تنزل من عينك

العافيــه !!
كافي انك تمشين وتحركين ايدينك ورجلينك
مافكرتي يوم تقولين الحمدلله !!
يارب اني أمشي مش أتسحب من كرسي لسرير وأشوف نظرات الشفقه تحرقني
احمدي ربك على كل نعمه انتي فيها .. الحمدلله !!

المال ..!
تاكلين تشربين تشترين تتسوقين تلعبين بالفلوس بيدينك ورجلينك عايشه بأمن وأمان
وتقولين يارب وش هالدنيا الغثا
فلانه ضيقت صدري وعلانه سوت
وواختي سببت لي مشكله ولا أمي ولا أبوي
أنا ما أبي الدنيا كرهت العالم ابي اموت !

مره وانا في السوق واحد وأمه اشكالهم جدن مبهذله و واقفين عند محل سينبون
ويطالعون بالحلى الي عارضينه وبس يتفرجون وطولوا وهم بس يطالعون فيه .. طلع الولد كل الي معاه والام طلعت الي معها
كله على بعضه ما جا 4 ريال !!!
تخيوا سأل الولد الي يبيع اذا فيه شي من السينبون الي عارضينه بأربع ريال قاله لاء يا دوب تشتري فيهم مويه
شفت في عينه نظرة انكسار وبوؤس مو طبيعيه لا هو ولا امه
شي يبكي ويعور القلب!!

احمدي ربك عشان ما يسلب نعمته عنك
وصلي لك ركعتين عشان ربي يرحمك
ويرفع عنك ضره

احمدي ربك على العافيه والله يابنات اني كنت يوم من الأيام ضااايق صدري من موقف صار لي مع استاذة في الجامعه
وأنا أمشي كارهه الدنيا
وكان في قدامي ثنتين أشوفهم يتكلمون بس اللي لاحظته إن حركة إيدينهم كثيره ومو طبيعية !!
يوم قربت اكتشفت إنهم
ثنتينهم

صم وبكم !!

ما يتكلمون

بنات صغار عمرهم اقل من عشرين والدنيا قدامهم مايتكلمون
محد يفهملهم
والله اني استحقرت همي ونفسي

قلت يارب انت انعمت علي انا كل يوم اتكلم مع أهلي
هم لأ !

أنا إذا بغيت أصرخ صرخت
هم لأ !!

أنا أسولف مع صاحباتي والناس أضحك أبكي أنكت أتعرف على كل الناس أتكلم مع أمي أبوي
هـم لاء !! =(

كل يوم لساني أحركه مليون مره وما عمري قلت الحمدلله ياربي إني أتكلم
إيش كنت أقول
أنا ضايقه ولحد يكلمني
مالي خلقكم
ولحد حاس فيني

والله ولا شي ولا احد بالدنيا يستـــاهل همي !!

إذا عندك هم صلي ركعتين واطلبي ربك يفرجها
لاتذلين نفسك لخلقه
ترى كلهم ضعاف
ما راح يسوون لك شي
واحتسبي الأجر
احمدي ربك حتى على البلاء
ان ربي بيكفر لك به ذنوبك
اللي يشوف أهل البلاء يوم القيامه يتمنى ان جسده قرض بالمقاريظ
حنا المرض الخفيف ما نتحمله
احمدي ربك على كل بلاء
لأنه خير والله لك
وانتي اللي في النهايه بتلاقينه حسنات

ولأن الدنيا ماااشيه
وبتنتهي بيوم من الأيام

ومرح تبقى كل النعم اللي اليوم انتي تطولينها
مرح يبقى إلا عملك

حنا ياجماعه همومنا موقفتنا عن كل شي
ماعندنا غير نندب حظنا
وعملنا
ودينا
ماسوينا شي
ياجماعه أنصح نفسي قبلكم لأني الله يعلم بتقصيري !
وقلة صبري ..!!
وضعفي ..!!!

نبي كل شي لنا وإذا نقصنا شي
تركنا كل اللي عندنا وقعدنا ننوح طول حياتنا على الناقص

إذا ارتفعت حرارتي ماتحملت وقعدت أصيح طول الليل

وبلال كان يضرب بالصخرة العظيمه الحاره بصحراء مكه
وهو يقول
أحــــــــــــدٌ أحــــــــــــــــد
شنو له من الأجر عندالله

ياجماعه فكروا بس وش سويتوا ؟

وشو البلاء العظيم اللي مريتي فيه واللي بيكفر لك ذنوبك ؟
هذا طبعاً إذا احتسبتي الأجر وماكسبتي زيادة سيئات بالقنوط
وسوء معاملتك لاهلك والناس !

إنتي عندك مشكله مع زوجك؟
بلاء في واحد من عيالك؟
مشكله مع صديقه؟
جفاء شخص تحبينه؟
ابتلاء في أمك وخواتك؟
عندك أب أو زوج أو أخ
ظالم؟
عندك ابن أو أخ هايت ضايع حارق لك قلبك ؟
مشكله مع زميلة دراسه-عمل؟
حالتك المادية سيئه؟
فيك مرض مزمن خطير؟

أقول في كلا الأحوال احمدي ربك إنك مش في فلسطين ولا العراق
عرضك مستباح
دمك مستباح
تصبحين خايفه وتنامين تعدين عيالك قبل يفجعك الصبح الثاني
بواحد منهم

احمدي ربك إذا أصابك واحد من هالإبتلاءات إن ربي رفع عنك بقيتهم

إذا أصبتي بالتهاب في الحلق فاحمدي الله أنك لم تصابي بسرطان في البلعوم

وإذا أصبتي بمرض في القلب فاحمدي الله أنك لم تصابي بمرض القلوب الأعظم ( الكفر )

وإذا أصبتي بمرض في عينيك فاحمدي الله أنك لم تصابي بالعمى

حنا في نعمه
ليه نجحدها؟
ليه ننكرها؟

ونخلي ربنا يسخط علينا

ربي رحيم
كريم
يعطي ويداه مبسوطتان
وحنا
نشكي لفلان وعلان
محد بينفعك
وإن نفعوك فإن ربي هو اللي يسّر لهم !

في الثلث الأخير من الليل كل يوم ربي ينزل للسما الدنيا ويقول
هل من داع فأستجيب له
كل يوم ياجماعه
كل يوم
وحنا كل يوم
وش نسوي !
فكري بجد
قاعده على النت
ولا تسولفين مع صاحباتك عالمسن !
ولا تلفزون ولا فيلم ..
ولا نااااايمه
وربك العظيم جل جلاله نازل يسمع مطالب عبده
ربي مايرد إيدينك إن رفعتيها
ربك كريم
عندك مشكله
هو ملاذك
اشكي لــــه
كل شي
مشاكلك الكبيره والصغيره
الصحابه كانو يسألون الله حتى في شراك النعل !!

وربي إن ما أجاب دعوتك ألحين
بيثيبك على دعاؤك
وبتاخذين أجر من إيش؟ مجرد سؤال
وبيبرد على قلبك

ربي ما بلاك إلا لأنه يحبك
ربك قدير يقدر يبلي فلان من الناس وفلان
لكن
اختارك انت

ليه؟

يبي ينكد حياتك؟
لاوالله لأنه يحبك
ربك يحبك

في أحلى شعور من هذا =') !!

بلاءك مايزيد من ملكه شي سبحانه
ولا ينفعه بشئ
ينفعك انت

ربك يحبك
يبي يجمع لك رصيد
تلقاه بعدين

ربك هو الذي بلاك ماتستحي تشكي لغيره ؟
وتعصيه وهو أكرمك بابتلائه؟

أسأل الله أن يرفع عن كل قارئ كربه ويفرج له كل ضيقه ويفتح على قلبه ويهديه وييسر أمره ويكشف ضره إنه سميع سبحانه مجيب الدعاء

إن رباً كفاك ماكان بالأمس
سيكفيك في غدٍ ما يكون