»-?(¯`v´¯)?-»السلام عليكم ورحمة الله وبركاته»-?(¯`v´¯)?-»
بعض الأسئله الي ترفع الضغط
وودك تتوطى في بطن الي يسألك
** مثلاً:
انت بغرفتك منسدح في السرير ومطفي النو ومتلحف بالبطانيه..
يجي احد اخوانك ويفتح عليك الباب ويسألك: بتنام!!!!
(( لابرقص اكيد بنااام ))
انتم معزومين عند ناس ورحتو لبيتهم واول مافتحو الباب لكم قال والدهم:
(( جيتو العزيمه))!!!!
( لا عند الأشــاره))
والعكس انت لابس ثوبك وكاشخ بالشماغ وماشي بالبيت متجه لباب الشارع,,
يجي احد من اهلك يناديك بصووت عااالي >> بتطلـــع؟؟!!
((لابجرب الباب هو زيين ولا لاء ))
او مثلاً شغلت الموتر شوي وتدوس على البنزين يطلع لك واحد ويطق عليك القزاز
وانت بكل ذووق تفتح القزاز وتقوله: آمر يالحبيـــب!!
يقولك : بتمشي بالسياره!!!
(( لا بفحط اسوي خمسات اكيد ماشي ))
البنت مثلاً كنتي في الكليه وقمتي من الطاوله عقب الف سالفه وسلافه يتخللها الضحك
والحش والغشمره.. ورحتي تلبسين عبايتك..
وتجي وحده من البنات ملقوفه تقولك: فلانه بتروحين البيت!!!
(( لا بصلي في البنات اكيد برووح البيت من زين الكليه جالسه في ستار بوكس وانا مدري))
مثلاً ماسك سماعة التليفون وقاعد تضغط بالأرقام يجي احد من اهلك ويقولك:
تكلم بالتلفوون!!!!
(( لا بصور معه كم صوره تذكاريه,,اكيد بكلم))
دايم تصير معاي هالحركـــه
مثلاًماسك كتاب ومذكره وقاعد تحفض ومتحمس..جاءاحد وقالك:
قاعــد تذاكــر !!!!
((لا افرش اسنانــي ,, ايه اذاكــر ))
او مثلاً تسبح في المسبح يسألك واحد فلان تسبح!!!
((لا ادغدغ سمكــه ))
ولا تعالو شفتو قنواتنا واسألتهم البايخه:
مثلاً بالعيد جايين يقابلون مع ناس.شوفو حوارتهم:
الموطن فلان الفلاني........
المذيع : وش تقول لأهلك بالعيـــد!!
المواطن:اقولهم كل عام وانتم بخيــر
((لا منه المال ومنها العيال))
والأسخف من هالبديهيات الي تضيع وقتنا اذا قابلو مع بزارين
يقول المذيع للبزر انت تحب بابا وماما!!
(( لا احبك))
المذيع ايش تسوي بالعيد اكيد تروح لأهلك وتسلم عليهم وتقول لهم كل سنه وانتو طيبين!!
(( لابروح اكفخهم واسوي هوشه اكيد بعايدهـــم))
واحد شايل شنطته ومتجه عند بوابة المطار ويشوفه خويه بالصدفه ...
هلا والله اعلومك اخبارك شتسوي في المطار!!!!!
(( لا والله جاي اشوف مباراة الشباب والأهلي... اكيد اني بسافر))
|
