اخلاق ايميليه
e-mails ethics
صار اغلب وقتنا على النت وفتح وارسال الايميلات..
بليز اقروها كلها..عشان نصير شعب الكتروني واااعي
ابتعدوا عن السخافه
عنوان الايميل..
اااااااه يا عنوان الايميل... العنوان يختلف عن المحتوى مره...يدل على سخافة المرسل....هذي فئه تسمع بأسلوب التشويق.. واسلوب جذب الانتباه
وصار الاسلوب قددددديم ..مثلا قصه مجنونه.. والمحتوى فضل اية الكرسي..!!!!
خليك ستايل
ستايل الايميل (( شكل وترتيب الايميل ))
احنا تعلمنا ودرسنا ..وانضمينا للمثقفين..ليه؟! عشان يكون لنا شخصيه تعبر عننا ..ونعبر عنها
في ايميلات محتواها مرررره حلو.. بس اللخبطه اللي فيها والازعاج يؤدي الى ..اسررررع ديليت
خلوا الناس اللي تفتح ايميلكم ..تنفتح نفسه..
1- امسحو كل التواقيع حقت الناس اللي قبلك
2- امسحو التعليقات اللي مالها داعي
3- والاهم كلنا نحب الخصوصيه..امسحو ايميلات المرسلين...
ولاااا تنشرون ايميلات الناس اللي عندكم (( اذا جيتو ترسلون , اضغطوا على BBC مو (( TO
وللإيميلات اللي بالعربي تلاقون على يمين الصفحة (اظهار نسخه ومخفية ) اضغطوها
واضغطو ع مخفيه واختارو الايميلات
بس لا تعرضون ايميلات صديقاتكم كأنها حبل غسيل 
لا تفضح احد..!!
(( محتوى الايميل))
يا حبايبي .. ليه أي شي نرسله ,تدرون انكم احيانا تتسببون في مأساة ناس, ودمار عوائل ويمكن لا سمح الله ذنوب وشرك ..
لــــــــــــــــــــــــيه كل هذا
احيانا ايميلات فيها صور بنات او او او واحنا ((CLICK)) ونررررررسل لكل اللقائمه
يمكنها وحده ضيعت جوالها وواحد ما يستحي يبغى يوري صديقه .. صديقه تفلت وارسل.. واحنا نضحك ونرسل ..
مع الخيل يا شقرا.. يكن واحد حالف يفضح وينتقم.. الله يستر علينا وعلى اهلنا
لا واللي يقهر.. ايميلات اسمها (( خاص جدا )) سلاااامات ..اي خصوصيه بعد ما فضحتوا الناس
والله ثم والله تدمرت عوائل وتفككت عشان ايميل .. اكيد محد يرضى اللي يصير
بالعربي..اي ايميل فيه صور ناس وفضايح لا ترسلوونه .. الخوف انك تساهمون في تتبع عورات المسلمين
و الله توعد هالناس .. يفضحهم في عقر دارهم..
خليك ذكي..!!
الدوره الدمويه للايميل " اقصد نفس الايميل يوصلني 10 مرات بس من بنات مختلفات ..والمشكله اننا صديقات
خلوني اقولكم مثال.. لما رنا ترسل لنا ايميلات..ترجع ريم ترسلها لنا مره ثانيه وترجع نوره ترسله لنا مره ثالثه.. وترجع امل ترسله ....
متخيلين الايميلات اللي توصلني
10 ايميلات بس المحتوى واحد.. ..((خليكم أذكياء)) وأي أيميل يوصلك من نفس القروب ارسليه لناس ثانيه..عشان ما تتفشلين
ابتعدوووا عن الهمجيه..!!
الايميلات اللي فيها تحليف وتقسيم..ارسلوها لانكم بتتعذبوون والا انت حر بس يوم القيامه لا تجي وتقول ليه ما ارسلت ماشاء الله ..عارفين وش بيصير كمان..!!
(( انا مو ضد الرسائل الدينيه)) بالعكس فيها تذكير ..بس انا ضد الاسلوب السوقي والهمجي
طيب اقسم بالله ما عمري ارسلت شي فيه تحليف حتى لو اللي الايميل حلفني
ايش الاسلوب الهمجي هذا!!!!!
احنا شعب مثقف ومتعلم... نحب الاقناع.. والتذكير بأسلوب راقي.. نحب نقرا الفوائد
... بس بأسوب يغري.. مو (( ارسلي والا في النار)) ..
وشي ثاني احب انبه عليه..لاااااااا ترسلون شي الا متأكدين منه
الاحاديث المكذوبه او الضعيفه..!! تتحملون عقباتها والا ذنوبها
اسوء ايميل
في ايميلات مررره تخجل..طبعا ما اقصد ايميلات الفضايح والا اللي +18
لالا لا ..لان حكمها معروف..
اتكلم عن الايميلات اللي تشوه سمعتنا كـ سعوديات وكـ بنات .. والله مره وانا اقرا ايميل غطيت وجهي من الحياء
اكيد قريتوا الايميل اللي يقول ما نبغى نحب الشباب.. وتتكلم عن طلبات الشباب اللي تكلمهم.. وكمان مسويه حمله انها بتبطل تحب الشباب السعودي
إذا هي انسانه بايعه اهلها وسمعتها ودينها.... تعلم عن نفسها ليه؟؟!!!
ماعمرها سمعت (( كل امتي معافى إلا المجاهرون ))..؟!
تمنيت انها كاتبه عمرها جنب الايميل.. او كاتبه
((من سن 12 الى سن 15 ))
طبعا انا وصديقاتي واهلي بريئين منها.. فشلتناااااااااا
