زنيوط ودامبي
المقدمه
زنيوط ودامبي يعد هذا العمل اضخم انتاج لمجموعه شركات عبسي واخوانه الممنوعه
وقد استمر تصوير مشاهده على امتداد 130 يوم في عشرين بلد حول العالم
وقد واجهته صعوبات كثيره هددت في ايقاف العمل
ولكن وتحت اصرار من المنتج المنفذ للعمل السيد نواف طرطق لي
والذي اصر على دعم هذا المشروع من جيبه الخاص حتى يرى النور الى ان اضطرته الظرووف
على الجلوووس على عتبات المساجد ومداخل الاسواق ولسان حاله يقوول من مال الله يامحسنين
لذلك اجدها فرصه لاناشد اصحاب القلووب الرحيمه بالتبرع بما تجود به انفسهم لمنتج العمل وان يجعل هذا في موازين حسناتكم
وها نحن اليوم على مشارف تحقيق الحلم ونضع بين ايديكم درة افلام الانيميشن باسلوب طقها والحقها
(( يعني انا مثلي مثلكم مادري وش النهايه بس دبسني نواف في الموضوع يعني اللي عنده افكار او صور يسعفني ويرسلها لي ))
واليكم
نبذه عن شخصيات المسلسل
((1 ))
زنيوط
ابلغ عباره في وصفه انه مهايطي
يعني اذا جاء الجد ماله خوي وهو من اشد انصار المثل اللي يقول (( جحيد وامر بعيد ))
(( 2 ))
دامبي
(( درج دلخ خبل رخمه ))
لك حرية الاختيار فيما بينها لتضعها على علامة الاستفهام اللي تكونت على رأسك عند قراءتك لأسمه
(( 3 ))
غليص
شجيع بايعها بتراب يعني لا طنقرت في مخه ابن امه يوقف في وجهه
(( 4 ))
ابو علي
حكيم الغابه والحكمه هاذي ماجت من فراغ
يقولون يومنه صغير واثناء الولاده زلق من يد اللي كانت تولده وطاح على دمجة راسه ومن يومها وهو مايتكلم الا في المواقف اللي تستدعي منه الحكمه
ملاحظه هامه جدا
(( شخصية ابو علي ليس لها أي علاقه بشخصية ابو علي في قصة مطفووق الطرازاني لذلك جرى التنويه ))
(( 5 ))
طير حوران
شخصية غامضه جدا تتوقع منها كل شي وراح تنفك طلاسمها في نهاية القصه
(( 6 ))
نوير (( ام زنيوط ))
راعية قروشه ومشاكلها مع حريم الحاره واجد , وواطيه على رقبة رجالها شليويح يعني مايقدر يقول لها غير سمي وانشاء الله طال عمرك
(( 5 ))
شليويح (( ابو زنيوط ))
نصاب وربادي لاعب على نص ربعه في مساهمات واراضي
واخر نصبه له كانت تأجير خيام دبلكس مع مدخل خاص للسياره
(( 6 ))
ضرغام
هذا ابو غليص وهو البق بووس للغابه كلها وكان يحكم الغابه بالبركه يعني ماعندك احد
(( 7 ))
لبلبه
ام غليص ونقدر نقول انها هي المخ وضرغام هو العضلات
الحين وصلنا الى عصابة طقني واطقك
(( 8 ))
حرشان
وهذا حاقد على ضرغام من يومهم صغار وينطبق عليه المثل اللي يقول اذا شفت ضروس الاسد لا تحسبه يضحك لك
(( 9 ))
جيعي وخربوش وطرمبه (( عاد والله خلصت الاسامي ومالقيت الا ذي ))
وهذولي شاكمهم حرشان ويدورون رضاه باللي هي به
وغيرها الكثير من الشخصيات
طبعا هاذي المقدمه
والقصه كما اسلفت تراني مثلي مثلكم مدري وشهي
بس خلوها على الله ندبرها يمين يسار لي نضبط لكم قصه تحووز على رضاكم واستحسانكم
يعني اعذرونا بالشطحات لان الصور هي اللي تحكمني في بناء القصه
وانشاء الله الفصل الاول من القصه راح ينزل خلال الايام الجايه
وهو بعنوان
زنيوط في مهب الريح
تقبلوا تحياتي
عبسي مظلوووم يانااااااااس
