بسم الله الرحمن الرحيم
السلام عليكم ورحمة الله وبركاته
سلالة قطه انتهت ب17 قطه
القصه يا بنات هذي حقيقه وصارت بظرف سنه تكاثرت القطوه من 1 الى 17
وهالقصه انا شخصيا واكبت احداثها لانها صارت عندنا بالبيت
اقولكم كيف
هذا ياحبايبي الحلوين
كان بهالزمات قطه انثا
القطوه هذي تزوجت وخلفت قطاوه
2 سود وواحد بني يعني ذكرين وانثا
المهم
كبرو القطاو الذكرين السود راحو يشوفون حياتهم وبقت الانثا البنيه
وتربت وترعرعت عندنا بين احضاننا
وتعرفين صارت مره وبتعرس
اعرست اختنا بالله من عتوي ولد شوارع
وحملت اول مره وانجبت 3 قطاوه سعانين
بس بعد عدة ايام من الولادة تم العزاء عليهم بين القطاوه وانتشر الخبر بالحاره ان عيالها ماتو
وهي المسكينه حزنتلها كم شهر
ثم فجاءه خرجت من المنزل
وتم اختفائها والابلاغ عنها في جميع اقسام القطط المفقوده لكن لم يتم العثور عليها
ويوم من احد الايام الصيفيه الحاره الملبده بالغيوم والتي تهب منه نسمات هواء بارده >>>>>>>>>>>>>>>> هلوست البنت
المهم
بيوم من الايام رجعت القطوه حامل مرتن ثانيه
وخلفت نفس الشي ثلالث قطاوين صغار بغرفة اخوي تحت سريره
ويوم بعد يوم وقططها تصارع المرض
والتعب
فقدر الله وما شاء فعل
مات لها اثنين منهم وبقي لها واحد يصارع بالحياة
المهم الله نجاه وطلع انثا
طبعا عاش في كنف امه الحنون واحضان اهل البيت وترعرع بيننا مثل امه
ياكل وينام ويطاع تلفزيون بعد
وعدت الايام وتوالت الليالي
وكبرت هذه القطه الوديعه
واصبحت انثا ناضجه تشع حيويه ولمعان>>>> دعاية شامبو
وامها اصبحت امراءه ذات معرفه وتجارب بالحياة
ودخل موسم تزاوج القطط
واعرسن الثنتين الام وبنتها
واحملت الام قبل بنتها باسبوع
وخلفت قبل بنتها باسبوع
تصدقون كانت ترضع من امها وهي حامل
المهم
ايه اعرسن
واحملن الثنتين بفرق اسبوع الى اسبوعين
وخلفت الام ثلاثه بغرفة اخوي وخلفت البنت ثلاثه بغرفتي
تتالت الايام وتلاحقت اليالي وصار عندنا 8 قطط
وبعد ما ربو عيالهم وكبرو عيالهم
قررو الثنتين انهم وحيدات عازبات ويائسات
ويبون يعرسون
فاعرسن من جديد الله ياخذهن
المهم بعد ما اعرست الام وبنتها
حملن من جديد
فجابت وحده منهم اربعه والثانيه ثلالثه
والى هنا انتهت سيرة حياة قطه با 17 قطه
والجده للحين حيه
وواحد من احفادها نسخه طبق الاصل منها
سبحان الله
والام الولى ولدها بالخلفه الثالثه يشبها
والام الثانيه ولدها بالخلفه الاولى بعد يشبها
يعني استنساخ عيني عينك
|
