مــــــنورهـ - رباعيات خالد الفيصل

شمس العصر

شمس العصر مدّت على عمري ظلال

شمس العصر والقلب في ظلّها مال

العين يجهرها شعاع المودّه

والقلب مال عصير يا من يردّه

ترى العصر محدود بالحيل حدّه

يا من يردّ الشمس عن هايف الجال

مذبوح أنا والموت من سهم نظره

الموت في حدّه وبأقصاه زهره

يا أهل الهوى في ذبحة الحب عبره

خلٍ قتيلٍ وخل يا ناس قتّال

شمس العصر في وردة الخدّ تلمع

بالقلب أغنّي له وبالقلب يسمع

والكلّ منّا في هوى القلب يطمع

ساعٍ لنا حالٍ وساعٍ لنا حال

شمس العصر تلثم زهور المحبّه

يا نشوة اللّي عقب نومه تنّبه

كل الهوى في وسط قلبي تصبه

في دافي عروقي شعاع الهوى جال

الشمس في تالي نهاري ضعيفه

خلّت رسايلها وراحت خفيفه

ولبغ ودّع خافقه مع وليفه

الله يعين القلب بالليل وان طال

بالله يا شمس العصر لا تغيبين

الغيم والورده وأنا لك حبيبين

متى على خير وسلامه تعودين

ميعادنا باكر على ميلة ظلال

ارفع راسك انت سعودي=...طيبك جاوز كل حدودي

مالك مثيل(ن) بالدنيا =...غيرك ينقص وانت تزودي

فارس و اجدادك فوارس=...و اصبحت لـ بيت الله حارس

مغروس بالمجد و غارس=...في ميدان العز شهودي

علمك غانم وجارك سالم=...يخشى من هيبتك الظالم

راعي صمله دايم والــم=...سيف و قلب وفعل زنودي

بالعالم ما مثلك مسلم=...دايم بالفضيله محرم

الخايف بدارك منعم=...وعن دخيل حماك تذودي

دايم سيفك بيدك سلــّه=...ما تغمد سيفك منذلّه

و حجاجك دايم منفلــّه=...وأنت بنصر الله موعودي

فهد القائد فهد الرائد=...فهد الصقر الحر الصايد

و العيد بعون الله عايد=...وسعودك ياوطني سعودي

ناقد الاشعار لك مني سلام
و التحيه للفكر و الاحترام

فرحتي لا شفت لك رايٍ جديد
او نظرت لبعض شعري باهتمام

يا رفيق الحرف في دنيا القصيد
عشقتي ويّاك في عذب الكلام

أنظم النظره بخفقات القلوب
و انت تنثرها دموعٍ و ابتسام

القمر و الليل و امواج البحر
و الزهر و الغيم و اصوات الحمام

و الصقر و الريم و الغوج الاصيل
و الصحاري لا زمت فيها الخيام

هي هواي اللي أغني له طرب
هي من ايام الصبا عندي غرام

أكتب الانسان بألوان الحروف
في حقيقة علم و غيبة هيام

أتصيّد خاطرٍ عند السحر
او وميض الفكر في جنح الظلام

و امزج شعوري مع حسن القبيل
في قصيدٍ مثل ندّاي الغمام

ناقدي خذ حرفي و حل الرموز
و حلل المعنى بوجد المستهام

و إن لقى الهاوي خياله بالقصيد
خبّره تراني حققت المرام