◦ 彡 ♡ السلام عليكم ورحمة الله وبركاته♡ 彡 ◦

تسألوني ليه أنا=عاشق خزامى مستهام

إذا عرفتوني أنا=تدرون وش سر الغرام

أصلي أنا بيتي شعر=والبر هو ديرة هلي

فرشي ثرى وسقفي سما=وترابها غالي عليّ

افز مع خزّة ظبي=في طعس من فوق الغدير

ومشاهدة سرب القطا=من روض للثاني يطير

أحب امشي بالخلا=حُر(ن) من الديره طليق

شوفي يروح بلا حدود=ولا يقيّدني طريق

إن جا هوانا في شمال=أو هبّت النسمة جنوب

ألاعب أنسام الـهوا=واهب إذا هبّ الـهبوب

اللـه على شمس المغيب=والليل إلى نسنس هواه

الضّو تقدح بالجمر=والنجم يقدح في سماه

لا تسًّألوني ليه أنا=عاشق خزامى مستهام

إذا عرفتوني أنا=تدرون وش سر الغرام