◦ 彡 ♡ السلام عليكم ورحمة الله وبركاته♡ 彡 ◦

هلّت دموع السّما عند الوداع=وارسلت غيومها شوق وحنين

مدلي يمناه وانهى الاجتماع=والـهنا تبدّل بدمع(ن) حزين

قال ودّع ما يفيد الامتناع=الشّقا مقسوم مير اللـه يعين

رمشه الفتّاك وعيون(ن) وساع=صوّروا بالقلب لـه رسم(ن) حَسين

شوفتي لـه ساعة(ن) عندي متاع=متعة الدّنيا نظر عين(ن) لعين

لى ذكرت اللّي حَدر هاك القناع=مبسمه والخد مع نور الجبين

لو بغيت الصبر قلبي ما استطاع=يا سعد يا كود فقدان الظّنين

كل ما لاح بسما حبّي شعاع=أظلمت دنياي واشتد الونين

يا حسايف وقتنا والعمر ضاع=نجتمع يومين والفرقا سنين