◦ 彡 ♡ السلام عليكم ورحمة الله وبركاته♡ 彡 ◦

وش بلاكِ ياالغزال العارضيه=عن مراتعكِ سليتي أو غديتي
اتردد بالمداهيل العاديّه=واتشوّف واتوحّى مابديتي
الهوى مشهات للقلب ونحيّه=وعساكِ عن هواكِ ماانتحيتي
ياعروس القلب من يومك صبيّه=كل عمري فدوة(ن) لك لو بغيتي
المحبه في عروق القلب حيّه=ياكثر مافز قلبي لاطريتي
واهني من نام وعيونه هنيّه=ماسهر ليله على ليتك وليتي
ياأحب الناس بالدنيا عليّه=أجمل اللي فيني بطوعي خذيتي
فيني من الحب مايكفي البريّه=لو خذوا نصفه حرام(ن) مادريتي