¤¤تْدريّ»أنْـ»ـّي»مّوًت»أحْبّك¤¤وأنْا»مّالًي»غيّر»حبْكّ¤¤واللُي«يُنًبًض«فْي«ظلّـوعْي¤¤مّاهْو«قـْـلبّي«هْذا«قلّبكْ¤¤

دمعة ذل نزلته

ياإبن الحلال انت وش تبغي بها الدمعه

بتموت ماشفت دمعة ذل من عيني

مانـي حبيبك إذا ضحّيت بالسمعـه

لاذلني حب ويش اللـي تبي فيني؟

لاتزهم الليل كل اللي بقى شمعــه

هي كل شي تبقى بينك وبينــي

وهـج المكـابر تراه بيحرقك لمعـه

باكر ترى اقول لك ماعاد يمدينـي

أبعدتنــي والقلوب القشر مجتمعه

دايم وانا القاك دايم وانت مغدينـي

أدور أنا وأنت مثل السبت والجمعه

ياقربنـا والصحيح انـا بعيدينـي

¤¤تْدريّ»أنْـ»ـّي»مّوًت»أحْبّك¤¤وأنْا»مّالًي»غيّر»حبْكّ¤¤واللُي«يُنًبًض«فْي«ظلّـوعْي¤¤مّاهْو«قـْـلبّي«هْذا«قلّبكْ¤¤

رغبه

أنا أبيك .. وحش يحتوي داخله عصفور

وانا ابيك .. طفل يحتوي داخله رجـال

أبيك .. الأب بالعطف والأخ بالمعسور

أبيك أمي بالتدليل ومداعب الجهـّال

انا أبيك .. تاج الستر ياعاري المستور

أعاف العقل وانجن مادامهم عقــّال

أبيك .. المطاع الطايع المنذل المغرور

انا أبيك .. جوعي وشبعتي والفقر والمال

أنا أبيك .. تشكيلة عواطف كما البلور

أبي تحتوي كل التناقض مع الاشكال

أباصيــر انا ويــاك.. داخل بعضنا نـدور

ياحتى نضيع وين كنا مع المـــدخال

خلاص انتهى صبري وتلاشت خيوط النور

أبعلن جنوني وش نلت من عالم العقال؟؟

¤¤تْدريّ»أنْـ»ـّي»مّوًت»أحْبّك¤¤وأنْا»مّالًي»غيّر»حبْكّ¤¤واللُي«يُنًبًض«فْي«ظلّـوعْي¤¤مّاهْو«قـْـلبّي«هْذا«قلّبكْ¤¤

"اهــ...ــداء خــ...ــاص"

دعوة حب

تعـالـ نمطـر احسـاس وأمـانـي

تعـالـ نـزرع الـدنيــا تـهـانـي

تعـالـ عطـر روحـي بشـوفـك

دعيتـك حــب واحسـاسـك دعـانـي

تعـالـ نــور لعيـون تـشـوفـك

أعيـش العمـر فـي قـربـك ثـوانـي

تعـالـ بسمـة فـوق الشـفـايـف

وأغلـى حـرف ينطـق بـه لسـانـي

تعـالـ نكتـب الفـرحـة قـصيـدة

تعالـ وأعـزفـ شـوقـي أغـانـي

تعـالـ يا حيـاتـي فـي حيـاتـي

أمـانـي عـلقـت فيـك الأمــانـي

تعـالـ نرفـض سنيـن التبـاعـد

نعيـش بحــب واخـلاص وتفـانـي

تعـالـ درب مـا يعـرف نهـايـة

تعـالـ شـط وأمــواج ومـوانـي

غـروب الشمـس مشتـاق لشروقـه

يقـول أمـوت لـو بـاكـر نسـانـي

تعـالـ غـيـر لـون الليـالـي

مثـل ما غيّـر احسـاسـك كيـانـي

غـرامـك حلـم نـوّر لي وجـودي

غـرامـك كل شـي فـي زمــانـي

غـرامـك دم يسـري في عـروقـي

وباسمـك ينبـض الخافـق معـانـي

أنـا اللـي كثــر حبـي لك أحبـك

أنـا اللـي فيـك مجنـون وأنـانـي

¤¤تْدريّ»أنْـ»ـّي»مّوًت»أحْبّك¤¤وأنْا»مّالًي»غيّر»حبْكّ¤¤واللُي«يُنًبًض«فْي«ظلّـوعْي¤¤مّاهْو«قـْـلبّي«هْذا«قلّبكْ¤¤

حبيتك بسمعي

قولي وانا أسمع كل كلمه تقولين

عن كل مافي داخلك حدثيني

قولي وش تحبين وش ما تحبين

قولي كرهتك .. قولي إنك تبيني

أنا هويتك قبل اعرف الهوى وين

عرفت حبك قبل ما تعرفيني

حبيتك بسمعي قبل نظرة العين

وحبيتك أكثر يوم شافتك عيني

حبيت طبعك زين ولا ماهو زين

في كل حالاتك معي تعجبيني

في قسوتك والظلم في العطف واللين

في كل شي صار بينك وبيني

صحيح غيرك ناس واجد وغالين

لكن انتي شي مني .. وفيني

وداعك أصعب من وداع المحبين

ونسيانك اصعب من تناسي حنيني

دخيل ربك قبل عني تروحين

!!قولي ما أحبك لو كذب وأتركيني

¤¤تْدريّ»أنْـ»ـّي»مّوًت»أحْبّك¤¤وأنْا»مّالًي»غيّر»حبْكّ¤¤واللُي«يُنًبًض«فْي«ظلّـوعْي¤¤مّاهْو«قـْـلبّي«هْذا«قلّبكْ¤¤

تلميذتك

وشلون ماأخونك وانا لاجلك أغليت

شاعر كتب باللي أحسه قصايد

حبك علىصفحة خفوقي تهجيت

نجحت.. وجروحك عطتني شهايد

تلميذتك علمتها تعشق البيت

تشوف طيفك بالصور والوسايد

لوعنك صديت وهجرت وتغليت

تأكد ان البعد ماهو بفايد

مايمسحه ظلم الزمن لوتأذيت

مثل الطموح اللي بروحي عوايد

أخون نفسي لوفبعدك تهنيت

أهجر فساتين الفرح والقلايد

تدري انا طفله على أيدك تربيت

علمتها معنى الفرح والمعايد

علمتها تبكي إذا انت  ونيت

وتموت لاقالو بصدرك وقايد

ويازين ذاك الدرب يوم انت مريت

نثرت به ورد وشموع وقصايد

شفتك تسلم من بعيد وتمنيت

يطول عمرك والمحبه تزايد

¤¤تْدريّ»أنْـ»ـّي»مّوًت»أحْبّك¤¤وأنْا»مّالًي»غيّر»حبْكّ¤¤واللُي«يُنًبًض«فْي«ظلّـوعْي¤¤مّاهْو«قـْـلبّي«هْذا«قلّبكْ¤¤

تعال

تعـال نـام في عـروقي ودمـّي

تلحفـني دفا .. واتلحّـفك شـوق

تعـال وقصّـر الأبعـاد يمّـي

تعـال وناظر المكنون منـطوق

ياطيـف حتى لو جـاني بهمّــي

ابضحـك مابقت دمعـات بالموق

ياصـورة انثنت من كثـر ضمّـي

حبيـبك بالوله ذايب ومحــروق

ياعينـه قبل ما تدعيـن سمّـي

حلالك كلّي وكلّي لك حقـوق

يفـرّج همسك ونجـواك غمّـي

أبي أرقـد وسط عينك ولا أفوق

حبيبي أرقـد بقـلبي ودمّـي

تناديني وله .. وآلبي بشــوق

¤¤تْدريّ»أنْـ»ـّي»مّوًت»أحْبّك¤¤وأنْا»مّالًي»غيّر»حبْكّ¤¤واللُي«يُنًبًض«فْي«ظلّـوعْي¤¤مّاهْو«قـْـلبّي«هْذا«قلّبكْ¤¤

أموت في حبه

أكيد احبه .. أكيد اموت في حبه

أكيد انا بفقده لاغاب عن عيني

غلاه مدري كذا يجيك من ربه

من يوم شفته وحبه ساكن فيني

موج الغلا صار يلعب بي ويلعب به

اغليه انا وزاد قدره يوم يغليني

الشوق لاغاب كنه نار مشتبه

ولافيه شي سوى شوفته يرضيني

هذا لحاله ولا احد فيه يتشبه

لافي غيره يحركني ويغريني

الزين يذبح وحتى الخال له حبه

لا شفتها فيه ضعت اقول انا ويني؟

غصب علي امدح فيه واكتب به

ان ماخذاني لشعري من يوديني؟

والله احبه .. واموت اموت في حبه

!! ومن يوم شفته وغيره طاح من عيني