اشكركم لأختياركم هذا الموضوع وتعليقكم يهمني جداً جداً

اليوم جايبة لكم طريقة الكشري انا ماراح امدحة لكن انتو جربو وشوفو

التجربة خير برهان


طريقة عمل الكشري

ضعي زيت بالقدر واذا الزيت بدا يتحمى ضعي الثوم علية

وبعدين تحطي علية الفلفل الاخضر الي سويتية بالبزبز وتقلبية شويا على النار

وتحطي الزنجبيل الطازج المبشور على باقي المقادير

وتقلبية شويا مع الصلصة وتضيفي علية عصير الطماط

وتحطي علية شويات فلفل اسود وكمون ومكعب ماجي

وشوية خل اسود وملح وتسيبية على النارهادية

لحد ماتحسية يتسبك والزيت طلع فوق في القدر

واذا كنتي ترغبي انك تحطي لحمة اسلقي اللحمة

وخوذي من الصوص شويا وحطيهم في قدر وخليها على نار هادية

لحد مايتسبكو مع بعض


تجيبي العدس الاخضر حق الكشري ويسلق لمدة بسيطة

لانة ينضج بسرعة وكل كوب عدس يكفي لكوبين رز

وصفي موية العدس وحطيها على جنب

ونفعي رز بسمتي هندي ابوكاس ولا الشعلان لمدة ساعة تقريبا

وقطعي البصل وكشنية بسمنة فارم والباقي زيت عشان السمنة تعطي نكهة حلوة

لحد مايسير لو ن البصل اصفر

واضيفي مو ية العدس على البصل وصفي الرز المنقوع واضفية على المرق

ولحد ماينشف الرز اضفي علية العدس الاخضر وقصري علية النار



واسلقي مكرونة والشكل يكون على حسب الرغبة

اسلقيها بموية وملح وشوية زيت

وحمري بصل باالزيت لحد مايسير لونة بني متوسط وحطية على جنب


طريقة التقديم

حطي الرز على صحن التقديم وحطي علية العدس الاخضر وبعدها

حطي المكرونة واللحمة اذا كنتي مسويتها وبعدها اضفي عليها الصوص

والبصل المحمر

ملاحظة
لاتحطي كل الصوص حطي كمية متوسطة منه والباقي بزبديات

عشان كل واحد وحسب رغبتة

وبالنسبة للمقادير على حسب الاشخاص

وبالهناااااااا والشفاااااا