كانت بداية حكايتي بالشعر أيام متوسط طفيت بالشعر طفة مهب صاحية كل ما جت سالفة كتبت لي شعر يعني هو شعر بمفهومي أنا ولا عند الناس سواليف مخضرفة بتالي الليول المهم بعد كذ ا جت أيام الثانوي وصدقت إني كبرت فحصلت لي فترة من الركود و الخمود كما حصل للشعر الجاهلي  عندما خرج العصر الحديث<<<`ذكرني بكتاب  الأدب ياقدمه

بعدين يوم كبرت وعقلت ودخلت الجامعة عرفت لي بنت رساوية يقاله لميس ما تدير الشعر ولاتدري معين هي جاية مثلي يعني وذيك اليوم وبمحاضر الفيزياء اللي بالإنجليزي اللي ماندري وش قصة أبوه بالحياة والناس متحمسين ومطيرين عيونهم بالسبورة والتيتشر متحمسه وتقطع رويحته أنا ولموس بعااااااااااالم ثاني مره

كانت لموس تبي تسافر للبحرين وكتبت به كلام وداع و تقل إنه صار شعر وهذا نصه

بكرى بتغيب عن الجامعة خطاك

تروحين للبحرين ربي يهنيك

لوغبتي عني ولم اراك

ففي منامي بالأحلام ألاقيك

الله يوفقك ويبارك مسعاك

ويسعدك ويحقق كل أمانيك

 وقامت وردت علي بشعر ثاني طبعاً صك على شعر( إيه لكان هذي لميس مو حي الله

قالوا مسافر قلت يالله عسى خير

قالوا مفارق قلت أببعد عن الغير

قالوا بتترك أعذب صوت للطير

قلت مقدر بس مغصوب على السير

قالوا بتفرح وهو مهب معك يا ؟؟؟؟؟

قالت المهم إنك ترجع لنا بخير

 في هذه الدقيقة حسيت إني رويست لأيام متوسط والشعر والخنبقه وعقبه طحت بالشعر على خشتي  أنتم أقروا وأمسكوا بطونكم بس وبعد كذا بدأت تتطارح أشعاري أنا ولموس شعر ينطح أخوه وسرعان ما تحولت كتابتي الشعرية لقريحة أدبية وأشعار بالفصحى أحتذيت بها جرير والفرزدق وأرجو أن تدرج بمنهج الأدب بالسنوات القادمة<<< أقول لا يكثر أويلااااه

أشعارأيام متوسط

ماما وبابا

هذي أبيات لأغلى الناس ....اللي حبهم ماله مقياس

وتراها غالية مثل الألماس.....ماهي خرابيط وقرطاس

أمي وأبوي يا أعز ناس بالوجود

    غلاكم بقلبي دايم يزيد

وفاق حبكم أبعد الحدود

تعدى الأرض والكون البعيد

أنتم بسمتي ونفحات الورود

أنتم روحي اللي بتجديد

يا نوري بهالدنيا مثل العقود

ينور دربكم ربي المجيد

أمي يا سحاب أمطرني بالودود

يا قمر ساطع بين ال؟؟؟؟

إذا مرضت دموعك علي نار وقود

ورعايتك لي كني طفل وليد

وإذا حزنت أشوف بوجهك صدود

وإذا فرحت يكون لك اليوم عيد

بطبعك الحرارة مثل حبحر الهنود

وفيك الحرص والخوف الشديد

أبوي يا طيف العطاء والجود

علمتن الصدق وكل خلق مفيد

فيك القوة وشجاعة الأسود

وما فيك كلك عيب عنيد

بطبعك التطنيش والبرود

أمي تولع وأنت مثل الجليد

وهذي أمنية دايم لي تعود

وطلب أبغاه منكم وحيد

أبغى رضى منكم مشهود

إذا غلطت وانغزن شيطان مريد

يعطيكم ربي عمر مدود

ويقدرن على بركم وهذا أكيد

ما دامكم بحياتي خيط معقود

وفضلكم علي كثير بدون تحديد

بحطكم بقلبي وأقفل عليكم بالقيود

ومن يقرب لكم أكسر راسه بالحديد

لأنكم ما تباعون ولا تشترون بالنقود

وأمشي بعز وراسي منتصب عميد

ويقولون وش فيني عن الناس زود!!

أرد وأقول أنا أبوي ؟؟؟؟؟ وأمي بنت ال؟؟؟؟؟

أخوي

مبروك ياأخوي عليك الجوال

ولا ننـــسى بطاقة الأحوال

والله يكثر بجيبك المال

وتشتري هلي تطامر فوق الرمال

ويرزقك بنت الحلال

اللي يكون أبوها زبال

لكنها ملكة جمال

وجسمها جسم غزال

وتجيب لك كومة عيال

وتترك الدراسة والموال

وتتوظف بورشة عمال

واترك عنك قيل وقال

ترى الناس ما ينفعون ولا بالريال

والله يعطيك كل اللي في البال

وناسة تجيب لك هبال

تستاهل يا أخوي يا أحسن الرجال

<<<<<لميس ترانا عند وعدنا خاطبتس خاطبتس لأخوي الله لا يعوق بشر أنتي ما عليتس من هالشعر تراه قبل ما أعرفتس أني وخشتتس  وبعدين أخيي ياالله الجنة منتب لاقيتن أحسن منه توسعين صدرتس عليه و تشرحين له فيز وريض وعاد البروجكت إذا جاه يبي يفله تبي تزينينه له من طأطأ لسلام عليكم

ونننتقل للشعر الذي يليه

الأشعار الجامعية

بيب بيب وخروا عن الطريق أشعاري أنا ولميس الجامعية إجت!!

((عال))

عال  فوق عال تحت وأنت ما مثلك أحد وأنت كما مثلك أحد وأنت ما مثلك أحد

عال عال يا شينه خلا راسي مكينه

خلا راسي مكينة خلا راسي مكينه

عال عال علالي

فكرك دايم خيالي

فكرك دايم خيالي

عال عال عالالي

سارق عقلي وبالي

سارق عقلي وبالي

سارق عقلي وبااااااااالي

علالي أنت أنت حرامي

مناسبة القصيدة:هذه الأبيات الرائعة ألفتها الشاعرتين القديرتين إحم إحم رز ولحم

في مستوى ثاني يوم تونا ندري وش سالفت البرمجة وطبعا ً مهب جايزتن لكم لأنها تنشد برقصات وحركات خااااااااااااااصة