هلوووووووووووووووات

 كثيراااااااااااااااااااااااااااااااات

إن شاء الله منيحااااااااااات

حبيت إني انقل لكم صور لبعض من سعسعتنا إذا رحنا لعنيزة

بالإجازة

طبعاً أغلب السعسعات مشفرة

وعلى فكره ترى كل الصور ملطوشات لطشات قويات

والله يسلم اللي صور هالطلعات

 شوفوا شعارنا يبرق وه بس ياملحه ملحاه

هااااااااااااااااااه يمديكم على سياحينا والله ياهو يهبل وشعاره يهبل أكثر منه

 ما أقول  إلا صدق الشاعر حين قال

خبروا اللي راح لباريس يتمشى

ما تجي ربع الوناسه بعنيزة

لو  دروا عنها المتاحف في فرنسا

حطوا صورها بدال المناليزا

وهذي صورة المسطحات الخضراء وبين قوسين الثيل والله يا هو وسيع صدر بالحيل كله محلات عسكريمات وبليلات وذرة وفيه نطيطات كثيرات

والمراجيح وفيه بعد القطار والعربات والخيل خذوا وخلوا بس

وأهم شيء فيه بسطات يبيعون كل اللي يخطر على بالكم  

صراااااااااااحه ما نقصه إلا بحر ويصك على كورنيش الشرقية

مثل ما تشوفون هذي الصورة مصورة في وضح النهار الباكر ويلاحظ تجمع السيارات ليحمو لهم مكان قبل ما تنطل الأماكن المميزة 

أفلقيني يالغتي العربية<<<<<

وهذا بعد الصراحه مدري وشو لكن شكله والله أعلم إنه الدباب اللي يدور في الوسط والناس يصيرون فوق

هذا بيت البسام بيت تراثي فيه أشياء تراثية

يقالي جبت شي جديد<<<<<<

هو عبارة عن جنادرية مصغره

أذكر إننا رحنا له العام الماضي بصنقرية القايله انبزونا الحريم حتى فطورنا ما كملناه وهم فالينه قمة الروقان وأنواع التعليقات  وحنا محترين والأنفس صارت ما يحتاج 

  و كل ما شافوا شي يقولن إيييييييييييييييه يا زين ذيك الأيام

أنا مدري وين الزين...........<<<<<

هذا منتزه آسيا هذا اللي عزمتك فيه يا كفر سيكل  وعيتي تجين أنتي وكشتك أوريتس يااللي منب قايله بس خليتين أشاوف ذيك اليوم واخرته سحبتي علي هين عااااااااااااد مب هذي أول سحبه لكن إن سحبتي علي نوبة ثانية قصم لأقصم

 رقبتس وأركبتس بشنطة متورنا(طير شلوى) طبعاً بمعاونة بش بش ما يهجدتس غيره وإلا أنا يا حيل الله ما أقواتس

عااااااااااااااااااااااااد هذا ما سمحت به نطلتي من موقع سياحي عنيزة الله مير يسلمه هو ومهرجانه