هلا والله بزواري تو مانور المكان اليوم سمعت شعر حامد زيد الجمهره صراحة شي فوق الخيال كلمات رووووعه ياليت تعجبكم                  إيه بالله أخطوا والخطا اللي جابهم عين الصواب مبطي وأنا أشوف الطمع يكشف رداهم وأستره مايملي عيون الحسود بهالزمن غير التراب ومن لايتوب من الخطا تحرم عليه المعذره اللي من أولها خراب أكيد تاليها خراب والبندق اللي ماتثور في هدفها تذعره ودك اليامن جاتك الغلطه من الناس القراب الصاحب اللي ماكسبت محبته ماتخسره مشكلتي إني ماعرفت أحسب لصدتهم حساب قلطتهم صدري على ذكري قصيد وحنجره صوت ٍ يصول بمنبره واخطاب مابعده خطاب والطيبه اللي زعزعت صوت الخطيب ومنبره مافيه دمع ٍ صوبوه أحبابي بوجهي وخاب ولازرق حزني على غالي ولافج انحره كل الزهاب اللي معي ذكرى من أصحاب الزهاب واللي بقالي من عذاب اشرس طريقي وأخطره لأني تجنبت الغرق.. عديت من فوق السحاب لأن أكثر أصحابي ورق..ماشفت للطيب إثمره والله ماحطيت بين الحقد والخوه حجاب حتى غدوا ربعي يحدوني على الضيق أشكره البارحه ثارت علي رقاب وأوتني رقاب البارحه ياثقل دم البارح ويامحقره أهب ياوجه الحسد وشلون جمعهم وغاب كيف السنين اللي عطتني بعثرتهم بعثره أثر المصايب ماتجيك إلا من الناس القراب وبهالزمن حتى الخوي اللي تثق فيه أحذره   لابارك الله في رفيق ٍ تزعله كلمة عتاب ولاجمع الله الرجال اللي تفرقهم مره عوّدت نفسي كل ماشددت لليمّه ركاب مأصد وجهي عن  طريق إلا لياجبت خبره الصاحب اللي مايجي من صحبته غير العذاب نذر ٍ علي إن ماهجرني وإلا أنا اللي بـهجره من يفتح لفرقاي باب أفك له عشرين باب وأذا خويي مايقدر خوتي ما أقدره أن روّحوا فأنا بري منهم ليوم الحساب وإن جرحوا قولوا لهم ماحركوا فيّ إشعره شفهم لهم حول السنه ولا خذوا مني جواب أحسن دوا للي يحاول يستفزك تحقره  انا جمعت أوراقهم بكتاب وأغلقت الكتاب ياوقت لم اللي تلمه وأنثر اللي تنثره   ماكنت أحاتيهم صغيّير ..عاد أحاتيهم شباب أما ذخرني صاحبي لليوم الاسود ماذخره عقب أكتئاب البارحه ماعاد انا حمل إكتئاب الطيب جرجرني وانا ماني بناقص جرجره اللي يخاف من الظما يترك لنا طرد السراب واللي ماهو بقد الظلام ووحشته لايسهره انا تجرعت الظما لين أحترق وجهي وذاب انا كسرت بخاطري قبل الصداقه تكسره انا خسرت اللي غيابه غير عن كل الغياب انا غفرت  لعالما ماتستحق المغفره انا أكثر أنسان تعلم من كثر مأ خطأ وصاب انا أخر لسان يتكلم في زمان الثرثره انا القصيد اللي نزع من دفتره مليون نار وانا الوحيد اللي جمع مليون نار بدفتره جفني وجرّحه السهر ، حيلي وهدّته الصعاب دمعي هدر،ضحكي ندر،عمري وضيعت أكثره شيب بعقول العرب..هيبت روس ٍ ماتهاب جمهرت ناس ٍ عمرهم مايعرفون الجمهره ماصرت ذيب إلا لأن اللي حواليني ذياب ما كنت أغيب إلا لأن العفو عند المقدره ترى حلاتك لاحملت لصاحبك كلمة عتاب أما مانطقت بها بوجهه ماتذمه بظهره في هالزمن مايملي عيون الحسود إلا التراب والا الحظيظ.. الطلقه اللي ماتصيبه تذعره ودك اليامن جاتك الغلطه من الناس القراب الصاحب اللي ماكسبت محبته ماتخسره      ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

سلام ياحلوين كيف حالكم ان شاء الله بخير      اليـوم وانا افتر في المواقع طاحت في ايدي هالبطاقات بصراحه تجنن خواطر في قمه الروعه قلت عاد لازم حبيباتي الفراشات يشوفونها يالله قولولي رايكم                                 ذكريات الزمن القادم                    ليه الخيانه          ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ