 أضمن طريقه لإيجاد فارس الأحلام
للبنت اللي تتمنى إن رب العالمين يرزقها بزوج رقيق ورومنسي وعاقل وذكي ورزين وتقي يعني رجاااااااااااااااااااااال بمعنى الكلمه
للبنت اللي كانت دوم تحلم بفارس أحلامها وأمير قلبها وترسم له صفات ولمن تشوف أزاوج زميلاته أو قريباتها تضيع أحلامها في الهواء لأن أغلبهم ماينفع يكون قدوه والشي الوحيد اللي ينفع له التزمت والسيطره
للبنت اللي قضت حياتها تفكر في يوم عرسها وزرعت بذرة فرحها كل يوم وسقتها بصادق إحساسها وراعتها لحد ماشافتها تكبر قدام عينها وفجأه إتخيرت بين إنها تقطع هالشجره أو بين إنها تموت ودمها يسقي زرعها
للبنت اللي كسرت تعاليم الدين وهدمت مبادئ المجتمع ولوثت شرف عايله بأكملها وندمت في حين ماينفع الندم
للبنت المظلومه اللي إجتمع عليها ظلم الناس وظلم الغالين (وضاقت عليه الأرض بما رحبت وظنت أن لا ملجأ إلى الله إلا إليه )
للبنت اللي كل بنت ربت معها من يوم كانوا صغار تزوجت وهي بعدها وإنجرحت من كل صوب
عندي أضمن طريقه للحصول على فارس الأحلام بس يبقى لها صبر شوي
أولا لازم تعرفين إن الله اللي خلق سبع السماوات والأرض ما يعجزه شي وكم وحد فالأربعين وتزوجت (لا يعزب عنه مثقال ذره في السماوات ولافي الأرض)
ثانيا لازم تتعلقين بالله وترجينه وحده من دون الخلق وتتركين التلصق في أم الولد أوإخته يعني تتركين التميلح قالى تعالى ( أ إله مع الله) فاللي خلقك واحد وما خلقك غيره مايعجزه إن يحط حبك بقلوبهم
ثالثا لازم تفهمين إن حكم الله العدل عشان كذا كل شي كان له أجل يمكن زواجك هاللحين فيه شر مهوب خير ( أفي الله شك)
رابعا اللي خلقك ماراح يضيعك ورزقك عليه مهوب رزقه عليك ونعمه عليك كثيره وأنتي تعرفينه أكثر من غيرك وماتقدرين تنكرين (فبأي ألآء ربكما تكذبان)
خامسا اللي رحم آدم يوم أذنب بيرحمك
واللي نصر نوح بالطوفان بينصرك
واللي وهب سليمان الملك بيوهبك
واللي حمى إبراهيم من النار بيحميك
واللي صبر أيوب على مرضه بيصبرك
واللي نجى يونس من الظلمات بينجيك
واللي أظهر محمد على قومه بيظهرك
صلى الله على محمد وعلى الأنبياء والرسل جميعا
أختي الدعاء باليقين هي الطريقه المثلى والله والله والله لينصرن الله من يلتجأ إليه بقلب سليم
 Falling hearts HereClick Here to Get Falling Hearts
|
