موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



موضوع مغلق
صفحة 1 من 7 1 2 3 4 5 6 7 الأخيرةالأخيرة
النتائج 1 إلى 10 من 65
Like Tree0الاعجابات

الموضوع: بنات الرياض... تحذير من مشغل شيفون

  1. #1


    تاريخ التسجيل
    Jan 2005
    المشاركات
    30




    افتراضي بنات الرياض... تحذير من مشغل شيفون

    مرحبا بنات ... أولا أرجوا ان لا تعتبر وحده فيكم ان موضوعي هذا القصد منة تشوية سمعة المشغل لأن قطع الأعناق ولا قطع الأرزاق ...
    انما اللي خلاني اكتب هالموضوع هو القهررر من الجشع واللامبالاة اللي تتبعها صاحبة المشغل والعاملات فية رغم انهم يظهرون بمظهر الالتزام ... ربما لجذب الزبائن لهم !!! .

    المهم حبيباتي مالك بالسالفة طوالة ... السالفة هي ان وحده راحت تصبغ شعرها عندهم ومن الجشع اللي فيهم ماقالوا لها ان شعرها مايتحمل الصبغة لانها كانت حاطة فية حنا ولا فكروا من الأصل انهم يسوون اختبار للصبغة ... المهم صبغوا شعرها وهم حاطين الصبغة احتررق من الجذووور

    وكل اللي سووه غسلوا لها شعرها وقالوا لها بكل برود ووقاحة وبدون حتى اي اعتذار او جبر خاطر " حطي بلسم ومرطبات " ؟؟؟!!!!!

    الحرمة مسكينة على نياتها طلعت بدون ماتسوي لهم شي .... لو كانت انا كان طلعت قهري فيهم ذاك اليوم ... السالفة لها الحين 8 شهور والحرمة شفتها امس وبغيت امووت من القهرر... الضعيفة حلقت الشعر لأن كلة احتررق وللحين ماطال وتلبس شيلة !!!!

    تخيلوا قبل اسبوعين كنت في شيفون بشوف شغلهم عشان عندي مناسبة وعليهم زحمة فضيعة والله وقتها انقهرت كيف مثل هالعالم ربي يوفقهم؟؟؟
    اللهم لا اعتراض


    حبيت احذركم من التعامل معهم لأن عالم اخلاقها بهالشكل الأولى اننا نقاطعهم عشان مايكون همهم الكسب بدون الاهتمام بمصالح الغير او حتى مشاعرهم ؟؟؟؟!!!!


  2. #2

    افتراضي

    الحالمه شكرا لحرصك ولكن اتعجب من الموقف انه صاير بشيفون بصراحه مره حلو شغلهم وعندهم المكياااااج اكثر من رائع والتسريحات مره روعه
    بس ممكن رفيقتك طاحت بايدين عامله او كوافيره مبتدئه


  3. #3

    افتراضي

    مشكوره على التحذير أنا سمعت أن شغلهم حلو
    بس الحمد لله للحين ما رحت

    وقولي لصديقتك اللي احترق شعرها تروح للدكتور ان شاء الله أحسن
    بدل ما تسمع خلطات من الناس وتضرها بدون ما تدري
    لأن ممكن بعض الخلطات يكون فيها شي حار على فروة الرأس
    فتزيد المشكلة الله يستر
    لأنها أكيد ما راح تعرف وش حالة فروة راسها الحين والاشياء اللي تناسبها
    ان شاء الله يرجع شعرها أحسن من أول


  4. #4

    افتراضي

    لاحول ولا قوة الا بالله
    معقوله في ناس ما عندهم ذمه ولا امانه
    انا ولله الحمد ماروح لهم ولا للاماكن المشهوره والكبيره واتوقع ان الكل يعرف وش يصير فيها
    من تصوير للمؤمنات الغافلات العفيفات والموسيقى ووو..................



    الف شكر

    ــــــــــــــــــــــــــــــــــــــــــــــــــ ـــــــــــــــــــــــــ
    [frame="1 70"]( ا تق الله حيثما كنت واتبع السيئة الحسنة تمحها وخالق الناس بخلق حسن )


    إلا محمد صلى الله عليه وسلم
    [/frame]


  5. #5

    افتراضي

    ياعمري الله يساعدها وتسلمين على النصيحه

    بس بقول للاخت ريميه مو كل الاماكن المشهور سيئه كذا بالعكس هي اكثر شي تحرص على راحة زباينها

    وبالنسبه للتصوير ولله الحمد مابعد شفنا احد متصور صعبه نظلمهم


  6. #6

    افتراضي

    جزاك الله خير على التنبيه
    ومعقوله في ناس مايخافون الله لهاالدرجة ؟
    وش تسوي المسكينة الحين ..... حتى لو قاضتهم مارح يرجع لها شعرها

    لا حول ولا قوة إلا بالله


  7. #7

    افتراضي

    الف شكر أختي على التحذير




    alrahla







  8. #8

    Angry حسبي الله في مشغل شيفون

    وانا اختي الغاليه اضم صوتي لصوتك انا عروسه جديده من سكان الدوادمي سمعت عن شغلهم وعملت بروفه عندهم علشان المكياج والتسريحه وبرنامج العروس
    وعملو في اشياء ما تنعمل وربي انقهرت حيل ... عملو لي شمع وقالو لي افضل شي لبشرتك رغم اني ماكنت متعوده عليه بس قالو لي بنحط لك كريمات طبيه وما دري شنو ... وطلع وجهي كله حبوب
    غير كذا تعامل الوظفات مثل الزفت وربي اطردهم وحده وحده تقول اطر منهم مو دافعه لهم فلوس... غير كذا قالو لي شغل العروسه كله عندنا وشيل حلاوه للعروسه ولما جيت بشيل قالو بس يدينك ورجلينك للركب ... ..والبقي ايش اسوي فيه ان شاء الله

    طبعا انا ما كنت ناويه اني اخليعم يشيلو كل شي كل شي...
    لمهم طلعت من عندهم قبل زواجي بيوم ادقق علي المشاغل ادور احد يسوي لي حلاوه عروسه ....
    غير الاسلوب الي ما يسوي...ورب الكون قهر
    ما قول غير حسبي الله ونعم الوكيل فيهم الله لا يسامحهم ولا يوفقهم


  9. #9

    افتراضي

    لاحول ولاقوة الا بالله
    لايفوتك اضغطي عالرابط
    http://www.shbab1.com/2minutes.htm
    <<اللهم اعفو عن والدي واغفر له وارحمه اللهم اجعل قبره روضة من رياض الجنه اللهم اجمعنا معه في جنات النعيم>>
    اللهم آمين اللهم آمين


  10. #10


موضوع مغلق
صفحة 1 من 7 1 2 3 4 5 6 7 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك