موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 11 1 2 3 4 5 6 7 8 ... الأخيرةالأخيرة
النتائج 1 إلى 10 من 105
Like Tree0الاعجابات

الموضوع: الحل الأكيد لحب الشباب (تجربتي مع الشرح الكامل)

  1. #1

    الصورة الرمزية &&زهور&&
    تاريخ التسجيل
    Dec 2007
    المشاركات
    3,780




    0000 الحل الأكيد لحب الشباب (تجربتي مع الشرح الكامل)

    الســـــــلام عليكـــم ورحمـــة الـــله وبركــــــاته



    من فتره كان عندي حب شباب بس خفيف جدا يدوب تطلع حبه وحده اخر الشهر وتختفي

    السنه اللي فاتت حضرت زواج ومن بعده الله لايوريكم من صحيت من بكره وجهي كله حبوب

    انصدمت اول مره بحياتي وجهي يصير له كذا

    مدري من الكوفيره ومكياجها بس انا متأكده اني نظفت بشرتي زين
    او يمكن عين الله اعلم بس فيه احلى مني وش معنى انا

    >>> خلصت قصة حياتي خخخ
    المهم

    رحت دكتورة جلديه وشكيت لها همي

    راحت كتبتلي كريمات ومحلول


    الكريم طبعا معروووف جدا

    اكرتين ACRETIN
    تركيزه 0,05
    نفس الصوره لأن فيها تركيزات مختلفه


    محلول دلاسين DALACIN
    تركيزه 1%
    محلول مثل تركيب المسحات الطبيه يعقم




    كريم فيوسودين (للطوارئ )


    بنات خوذو اللي عليه خط احمر ومكتوب antibiotic
    يعني مضاد حيوي

    نفس الصوره اوكي





    اللي تحت مثله صح
    لا مو زيه هاذا معه كورتيزون
    يستخدم تحت اشراف طبيب يعني لاتاخذونه

    الفرق بينه وبين اللي فوق

    اللي فوق
    FUCIDIN
    شفتو الحروف اللي بالأحمر اي اسم دواء ينتهي بكذا معناه من مجموعة المضادات الحيويه
    يعني جدا آمن

    اللي تحت
    FUCICORT
    نهاية الكلمه CORT
    اختصار ل CORTICOSTOROIDS
    كورتيكوستيرويد اختصارها كورتيزون
    فيه كلمات ثانيه ترمز للكورتيزون مثل SON
    مثل الأسم العلمي للماده مشتقه من الكورتيزون اللي موجوده بالكريم betameathson
    موجوده تحت بالصوره


    هاذا مضاد حيوي مع كورتيزون
    الكورتيزون يستخدم لحلات الحساسيه الحرجه

    ويستخدم فتره معينه وجرعه دقيقه
    وحتى وانتي تستخدمينه لازم تلبسي قفاز عشان مايدخل عن طريق يدينك وتصير نسبته زايده بالدم مع ان اللي في الكريم فقط 1 غرام بس
    ابتعدو عنه افضل لكم






    سوري دخلتكم بحوسة الصيدله شوي بس ابي انبهكم على الكريمات والفرق بينهم

    طبعا احنا نستخدم اللي فوق اللي بس مضاد حيوي اوكي




    بالليل نستخدم اكرتين

    على مناطق الحب فقط

    والصباح تغسلي وجهك وتحطي المحلول

    المحلول مرتين باليوم عشان مايطلع لك حب

    الأسبوع الثاني رح تزيد الحبوب بشكل كبير

    رحت الدكتوره وقتها وطمنتني انه الكريم يطلع كل الحبوب الداخليه بوقت واحد ويقشرها اوكي


    لاحظت ان الحبوب تصير حمرا مرره لأن المقشر قوي

    رحت وقفت المقشر وحطيت فيوسيدين عشان يخف الأحمرار والتهيج

    ومن بكره ارجع احط المقشر
    طبعا المقشر بالليل يستخدم

    وممنوع تتعرضين للشمس عشان ماينحرق وجهك
    وممنوع تحطي مكياج عشان بشرتك متهيجه ولازم اي شي تستخدميه عليها يكون معقم ونظيف المكياج رح يوسخها

    بهالفتره يفضل ان تغسلي وسادتك كل اسبوع عشان النظافه

    كل ماكنتي نظيفه كل ماكان النتيجه تكون اسرع

    ممنوع تلعبيين بالقشور او تطلعينها خليها بنفسها تروح عشان ماتطلع لك آثار قويه


    فتره العلاج تقريبا شهرين
    ممكن تكون معكم اقل

    الدليل ان العلاج انتهى
    اذا تبقى لك اثار سطحيه ومافيها احمرار ولا شي



    بعد علاج الحبوب

    عـــلاج الآثــــار

    بعد هالشهرين

    راجعت الدكتوره وقالت لي
    ان الحبوب ممكن ترجع اذا اهملتي نفسك
    انا الحمدلله ماطلع لي الا حبتين صغار مره وراحو
    خلي الأكرتين عندك بشكل دايم اوكي
    والمحلول المعقم

    وصفت لي كريم عشان يزيل الآثار حقت الحبوب
    الدوكين فور

    هاذا فيه مادة الهيدروكينون تستخدم لعلاج تصبغات الميلانين
    يستخدم لمدة شهرين واذا مالاحظتي اي تفتيح يوقف وتراجعي دكتوره تعطيك بديل




    الدوكين ممكن تستبدلينه بأي كريم يحتوي على هيدروكينون
    والرمز حقه
    QUIN
    مثال اسم الدوكين
    ELDOQUIN

    عندكم كريم
    سنسي كوين
    SENSIQUIN
    هاذا بعد حلو وصفته لي دكتوره للمناطق الغامقه (الحساسه )

    وبالهفتره ممكن تطلع لك حبه او اثنين بس تكون جدا صغار
    تستخدمين الأكرتين على الحبه نفسها

    ولاتنسين المحلول للتعقيم

    طريقتي للعلاج الآثار
    زي مانتم عارفين المحلول فيه نسبة كحول
    والكحول تجفف البشره

    رحت استبدلت المحلول بأسكنول
    الأسكنول فيه كحول
    بس اخف بكثيير من المحلول

    طبعا اسكنول الليمون مع قطن
    صوره قديمه لي

    1 اسكنول
    2 قطن
    4كريم سنسكوين اللي تكلمت عنه فوق





    بنات الأسكنول لاتغرقون القطنه

    حطو بس شوي بس نقط عشان ينمسح الأسكنول مايبقى في وجهك اوكي

    بعد مأمسح وجهي بأسكنول
    لازم ارطب بشرتي

    وجربت كريمات كثيره كلها ماناسبتني تكون ثقيله او تطلع الوجه دهني

    اخر شي ثبت على لوشن جونسون 24 ساعه ترطيب

    طبعا ترطيبه مو 24 ساعه زي ماهو مكتوب يدوب ثلاث ساعات

    بس مره حلو وخفيف كانه مويه

    ويعطيك نعومه وترطيب
    تأكدو انه مكتوب لوشن لأن فيه مثله كريم



    وبس هاذي طريقتي حقت الآثار

    الليل احط الدوكين فور
    والنهار اغسل وجهي وامسح بأسكنول واحط لوشن جونسون


    والحمدلله راحت الآثار




    دعواتكم اكمل دراسات عليا



    ياليت يتثبت الموضوع لأني عرضت تجرتي بكل صراحه وعشان يستفيدو البنات
    بدل الخلطات والخرابيط التجاريه


  2. #2

    Post

    الله يعطيك العافيه يالغلا
    موضوع متعوب عليه بارك الله فيك<<<<حنيت لأيام الدراسه.هههههههههههههه

    مثل ماجابك الله لدنياي وخلاك تاخذ غلايرجيته مايحرمني وجودك في حياتي
    ]


    ::وربي وجودك عن العالم يكفيني::(العمر كله أن شاءالله),


  3. #3


  4. #4


  5. #5

    افتراضي

    انا ان شاء الله راح اجرب هادي الفكره

    انا حاليا اراجع عند دكتورة جلديه وادتني نفس المحلول حقك

    بس شكلي بسيبها وامشي ع نظامك


  6. #6


  7. #7


  8. #8


  9. #9


  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك