موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 10 من 24
Like Tree0الاعجابات

الموضوع: تجميعي لبعض قاعات الملكة بجده ..

  1. #1


    تاريخ التسجيل
    Dec 2011
    المشاركات
    44




    Bent تجميعي لبعض قاعات الملكة بجده ..

    السلام عليكم ورحمة الله وبركاته ...


    كيفكن يا فرشات ...


    الصراحه انا كنت مرره محتاسه بالنسبه للملكه ... القاعات والتنسيق والحاجات دي ...


    والفراشات .. تعاونن معي والله يجزاهم خير .. وخاصه الاخت دمعة ود الله يطول بعمرها ويسعدها ... احاول اراسلها لكن الرسايل مقفل عندها لانه فل ..
    انا كلمت كدا مكان وحابة اعطيكم الزبده ولسه راح اسوي تجديد للموضوع ان شا الله ان استجد شي


    بسم الله نبدأ ...
    قاعة ليلة فرح ..الاولى اللي جنب الاروجوان .. كلمت اركاديا الصراحه من اروع واحسن المجموعات حقت تنسيق الافراح والملكات والمناسبات ... مررره متعاونين ويفهموكي في كل شي ..




    وطلع يتعامل مع قاعة ليلة فرح . وجاب لي هيا ب 35 الف ... بوفيه الرجال 20 متر ل200 رجال ... و150 حرمه + 50 مجانا وبرضو البوفيه 20 متر .. طبعا المنيو الاول .. وما ادر اش فيه ... ومع العرض

    كوشه+ستارهخاصه للكوشه + المدخل+ الممرات+ السلم + المسكه+ سبتات ورد الرش + جميعماذكر ورد طبيعي + كاسه العروسة

    حلا الطاولات

    بوتيفور+ معجنات + ورد طبيعي لكل طاوله + علبه مناديل منسقه حسب الطلب

    المصورة

    تصويرديجتال في البوم 20صوره



    هذه صور قاعة ليلة فرح

    قاعة الحريم

    السقف



    ..

    الدرج

    .

    قاعة الرجال صغيره مررره ..





    .................................................. ...............

    فندق الدار البيضاء اللي في حي السلامة ... اي خميس او اجازه ..بأي قاعة من قاعاتها.اللي تشيل 200 حريم و200 رجال ... النفر ب 200 ريال سواء رجال او حريم ... شامل كل شي رقمهم 026827771

    وقاعة الامبراطوره اللي بنفس الاوتيل ونظامه غير عن باقي قاعات الاوتيل النفر ب 400 شامل كل شي ...


    فندق الدار البيضاء اللي بالشرفية عطوني اوفر 200 حرمه و200 رجل ..الحريم بقاعة الف ليلة وليلة والرجال بقاعة الولوه بكل شي ما غير حلا الطاولات بـ 45 الف ورقمهم 026144442


    فندق الواحة وعندهم 4 قاعات ... شهرزاد والاندلس واوبرا وايليت ... وحسب طلبي على عدد المعازيم ودرج الزفه قاللي اللي تنفع .. قاعة شهرزاد للحريم مع الاندلس للرجال ... ويعطوني هيا ب 26 الف شامل كل شي بدون كوشه ولا حلا الطاولات ... وادا اخدت الاندلس وايليت .او الاندلس مع اوبرا .. راح يعطوني هيا ب 29 الف برضو من غير الكوشه ولا حلا الطاولات ....وعندهم عروض عالكوشه والحلا لما اجيهم راح يتفاهمو معايا.. وشكلهم كدا حبوبيين وممكن ينقصو بالسعر ... انا حبيت قاعة اوبرا مرره حلوه قاعتها

    رقمهم 026710003




    بس ما لقيت لقاعة الاندلس .. بس والله شي حلو القاعات وخاصه اوبرا ...



    دقيت السلام هوليدي ان اللي بكيلو 2


    ... كان فرح بنت خالي فيه وكان حلو ... دقيت عليهم ... وكلمتهم على العدد المطلوب ... قاللي النفر 150 ريال .. بس قاللي هو بيعطيني 30 كرسي في كل قسم مجانا ... يعني لو طلبت 340 كرسي .. 170 رجال و170 حريم .. راح يعطيني 60 كرسي للقسمين مجانا .. وشامل كل شي بدون كوشه ...يعني يطلع بالكامل يطلعلي التوتل 51 الف بس تستاهل القاعات مرره تجنن وخدمتهم حلوه ... رقمهم 026315685





    فندق القولدن توليب .. الكعكي سابقا .. اللي في الكندره


    ... عندهم قاعتين الثريا والاحلام ... للنساء والرجال ... الحريم ب 120 للوحده والرجال ب 100 ... شامله كل شي ماعدا حلا الطاولات ... رقمهم 026312201



    فندق الاوركيد


    ‫إعلان فندق جدة أوركيد بجدة‬â€ژ - YouTube
    مينو الحريم ... 260 .. 380 .. 500 ... ومنيو الرجال 190 ... ويقولو يمكن يفاصلو بالسعر لما اجيهم واشوف القاعه ... رقمهم ... 026070777 بس قاعتهم حلوه بالصور .. وماعرفت اتفاهم مع الفليبيني اللي رد عليا عشان اخد التفاصيل ... من ناحية الخدمات والدرج..

    باقي الفنادق ما يردو قسم الحفلات الداخلية .. وقلت برجع اكلمهم تاني ,,,



    قاعة الفيروز دقيت عليهم عالرقم 022719471 ... قالولي الحريم 200 شخص شامل كل شي من غير حلا الطاولات ومع ضيافة الرجال ب 16 الف ,,, ولو حبيت اخد بوفيه للرجال ,, المتر ب500 للبوفيه ,, واكتر شي تشيل قاعة الرجال 150 رجال ,, يعني يبغالي 15 متر لبوفيه الرجال ,, يعني يطلع بوفيه الرجال ب 7500 ,,, وتوتل 23500 ,, وانا ما ادري عن القاعة دي ولا اعرفها اصلا ..بشكل جدا عادي وموكيتها مدري كيف .. احسها كئيبه هههههه ..



    ولسه بخاطري اكلم القلعة اللي جنب الف ليله وليله ... وكلمت قاعة الف ليله وليله .. وقالولي ان لهم اكتر من 10 اشهر مفصولين عن قاعة القلعه وان صار لها اداره خاصه فيهم ...



    عاد ما ادري والله ,, متخوفه ,, هدا كل اللي اعرفه ,,, عجبتني اسعار فندق الواحه .. لكن حاسه اني ممكن القى قاعات بنفس السعر وافخم منها ...



    وان استجد شي ... ابشرو ..



    الله يخليكم ادعولي بالتوفيق والسداد والسعاده

    والعمل الصالح والزوج الصالح والذرية الصالحة








    التعديل الأخير تم بواسطة 2012HaKoNa MaTaTa; 04-12-2012، الساعة 10:51 PM سبب آخر: اضافة تعديل عالموضوع


  2. #2


  3. #3


  4. #4


  5. #5

    افتراضي

    يعطيك العافيه يااارب
    مشكوووووووووره


  6. #6

    افتراضي

    يعطيكي العافيه اختصرتي للبنات من البحث
    [منسقه الافراح ام جاسر بجده ومكه المكرمه وبحره والجموووم ورابغ ومستوره وخليص وعسفان والليث والقنفذه من تجهيز الحفل بالكامل من والا وكوش ومداخل وطاولات استقبال بمفارش شمواه بالاوانه مداخل كوفي وعود وشيكولاته ونوافير نار وعروض ومباشرات ترقبوا المفاجاه للي يحجز بدري الان لااهل العريس والعرايس اغتنمو الفرصه لفتره محدوده





  7. #7

    افتراضي

    تجديد للموضوع بمساعدة الاخت .. دمعة ود .. الله يطول بعمرها ويسعدها ...

    قاعة رومانس
    هذه زفتها خيال على وصف صديقات دمعة ود على الجسر في المسبح
    وفيها بلكونه ودرج جوة القاعه
    سالتهم على 200 سيده منيو واحد ب25 الف
    لكن عيبها ان الرجال عندهم مفصول عن قاعة النساء وصغيره
    في ذا الموقع فيه صورتين لقاعة رومانس
    لمن توصلو لقاعة الرحاب راح تلاقو صوره للكوشه وبعدها للبلكونه وبعدها جزء من القاعه وبعدها صالة الرجال
    وبعدها فيه صورتين داخله بالغلط هاذول هما قاعة رومانس مش واضح مررره
    سالت صاحبة الموضوع وتاكدت منها.. حسب كلام الاخت دمعة ود
    طبعا برايي الشخصي .. انا ما ارتحت لقاعة رومانس عشان سمعتها في التعامل وقت الحفل وحسب اغلب المنتديات
    لانهم يتشرطو كتير وحركات المباشرات فيها لعانه شويا والتعامل مزاجي جدا ..
    وكمان يتشرطو ان المصوره من عندهم الاغلب ما مدحها ابدا ونادر ما لقيت احد يقول كلمه حلوه فيها ..
    القاعه اوكي كشكل
    لكن كمضمون ... ما ادري والله العالم
    قاعات فندق درة جده
    فيه 3 قاعات الكريستاله(خياااليه مرره وحلوه بس نا حسيتها كبيره لملكه يمكن اللي عندهم معازيم كتير ياخدوها)
    وهذه الي فيها بلكونه ودرج وعلى قولتهم اطول زفه في جده لان البلوكونه دايره ماتدور على القاعه
    وفيه اللؤلؤو والمرجان
    مره اتصلت عليهم وقلت ابي ل 200 سيده قالي لي ب31 الف شامل كل شئ ماعدا المصوره
    والحين مااعرف بكم لانهم كل شوي ينزلوا عروض على القاعه
    وقاعتهم تلاقينها في موقع اعراسنا

    قاعة الوسام في الصفا
    هذه اتصلت عليهم وقلت 200 سيده و100 رجل قال لي ب23 الف
    كله من بوفيه نساء و كوشه وحلى الطاولات وعشاء رجال مو بوفيه


    وانتظرو الجديد في الموضوع ...


  8. #8

    افتراضي

    تجديد للموضوع ....


    قاعة ليالي الشرق
    الماسية والذهبية والفضية
    موقع القاعه وارقامهم ...
    http://www.frhna.com/?P=28&CATid=1&ID=11





    . ليالي الشرق على فخامتها واناقتها وحسن تعاملهم .. الا ان اسعارهم غالية .. انا اذكر ان واحد مصري كلمته قاللي ان الباكج كامل ببيوفيات القسمين ..
    راح يكلف 45 الف ..ان اخدت 200 حريم و200 رجال ....من الى .. يعني تجو بعروستكم ومعازيمكم وبس ...
    القاعة فخمه ...وهذا اللي شفته ببعض الصور وكلام الناس اللي سالتهم عنها

    وحسب تجربة الاخت في الرابط اللي تحت
    وفيها اللي كل بنت تتمناه ..
    مشكلتهم السعر على العدد ...
    وهذه تجربة لاحد الاخوات في القاعة وكانت جدا مبسوطه منها
    https://alfrasha.maktoob.com/alfrasha20/thread1759811/
    وهذه تجربة احد الاخوات في زواج اخوها بالقاعة الماسية

    صور زواج اخويا .. اتفضلوا - منتديات عروس
    وهذا مقطع لحفل رجال في القاعة الذهبية لقيته في اليوتيوب
    ‫لحظة وصول العريس الشاب حازم البركاتي لقاعة ليالي الشرق الذهبية‬â€ژ - YouTube

    وهذه صور لاحد قاعات ليالي الشرق ما ادري ايت وحده
    كان فيها احتفال لحفل المعهد التخصصى للتجميل والعلوم التقنية بجدة

    والله يوفقكم وييسر اموركم ويسعدكم ..
    وانتظرو التجديد ...
    التعديل الأخير تم بواسطة 2012HaKoNa MaTaTa; 04-14-2012، الساعة 07:35 PM سبب آخر: اضافة تعديل عالموضوع


  9. #9

    افتراضي

    تسلمي ياقمرر

    جزاكي الله خير


    الله يرزقك يارب اللي تتمنيه واكثر يارب

    حبيبتي وفندق الواحد فيه كم قاعه اسعارهم معقولة وحلووه مرره


    مووفقه يارب


  10. #10

    افتراضي

    اقتباس المشاركة الأصلية كتبت بواسطة ام علي للمعجنات مشاهدة المشاركة
    تسلمي ياقمرر

    جزاكي الله خير


    الله يرزقك يارب اللي تتمنيه واكثر يارب

    حبيبتي وفندق الواحد فيه كم قاعه اسعارهم معقولة وحلووه مرره


    مووفقه يارب
    حبيبي ام علي .. فندق الواحة في الجزء الاول .. بداية الموضوع .. كاتبه فيه الاوفر اللي عطوني هوا ...
    شيكي فوق ..
    وانا قلت اني انزل التجديد اول باول عشان يستفيدو البنات التانيات ...


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك