موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 3 1 2 3 الأخيرةالأخيرة
النتائج 1 إلى 10 من 25
Like Tree0الاعجابات

الموضوع: للتاجرات وللي مجرب حنا الفرد وكتبت تجربتها زمان,شو اخبار شعرك بعد ماكملتي سنة ومافوق؟

  1. #1


    تاريخ التسجيل
    Jan 2012
    المشاركات
    158




    افتراضي للتاجرات وللي مجرب حنا الفرد وكتبت تجربتها زمان,شو اخبار شعرك بعد ماكملتي سنة ومافوق؟

    السلام عليكم
    دورت فالنت على سمعة منتجات اغلب تاجرات حنا فرد الشعر, مالقيت اي وحدة بدون اي انتقاد لمنتجها. بس شفت ان ام الياس نقادها اقل من غيرها فقلت يمكن منتجها بيناسب شعري
    .
    انا شعري الاصلي ناعم وفيه موجات بسيطة, و بعد مابلغت تقريبا صار فيه طعجات ومموج بس الشعرة نفسها ناعمة وضعيفة/خفيفة, ولو غسلت شعري وشديته على ورا بتوكة لين ماينشف اول مافك شعري يكون سايح كانه متسشور
    .
    بس لاني طماعة حبيت اخليه ناعم مثل ماكنت صغيرة و سويت يوكو لتمليس الشعر مرتين والكيراتين مرة طبعا بينهم فترات لين مانبت شعر جديد. اخر مرة كان في سنة 2010 وفي كل مرة يتساقظ فيها شعري ماكنت افهم شو السبب قلت يمكن من حبوب رواكيوتان (كورس مدته 6 اشهر لعلاج حبوب الوجه) بس بعد ماعملت تمليس ثاني مرة فهمت ان التساقط بسببه, وفي ثالث مرة كنت ادمنت عليه لاني حسيت ماقدر استغنى عن الشعر السايح, مع ان النتيجة تبان موطبيعية عند منابت الشعر وعند اطراف الشعر مثل اسيام/دبابيس. طبعا بعدها عانيت من تساقط فظييييييييع وشعري كنت اشوفه يتكسر لحاله من دون لمس فصار لشعري اطوال مختلفة اقصرها يصل لطول 1سم !!!!! وبكميات كبيرة والمشكلة في قمة الشعر يعني مش مخشوش جوه ولاممكن يتغطى, هذا غير الفراغات اللي صارت بشعري الي اليوم, ويوم اتحمم يطيح شعر كثير ويوم اصحى القى شعر كثير عالمخدة, صرت البس باروكة لان اضرار شعري باينة عند مقدمة الراس اكثر وتعالجت بكثافة سافرت سويسرا عند اخصائي شعر عطاني نوعين حبوب فيتامينات شعر للبلع + نوعين امبولات فيتامينات تحقن بابرة في العضلة مرتين بالاسبوع..وكنت اخذ حبوب حديد واعمل جلسات ابر ميزوثيرابي للشعر وطبعا ماكنت صابغة شعري لاقبل ولابعد التمليس غير يمكن في اول تمليس عملته كنت صابغته بني. المهم عملت كلللل المستحيلات عشان اعتني بشعري ويوقف التساقط على اساس انه ان شا الله يطول بسرعة ويرجع شعري الاصلي...لكن يافرحة ماتمت..الشعر النابت الجديد كان محروووووق ومجعد وابد مش ناعم وراحت لمعة الشعر لبيبي اللي عادة يكون في الشعر النابت الجديد
    :(
    الحين الحمدالله رجع شعري تقريبا مثل كثافته السابقة بسسسسسسسسسسس ابداااا مو مثل جودة ونعومة ولمعة شعري قبل التمليس, كان اول مموج بس الحين صار منكوش ومنفوش وكييييييرلي بشكل فظييييع ومش مرتب يعني اقرب مثال شفتوا واير التلفون القديم الملولو كيف يكون بعد عدة استخدام؟ مايكون ملولو بطريقة مرتبة..ولو سشورت شعري وطلعت برا شعري يهيش وينفش ويرجع كيرلي كاني ماسشورته , مع ان قبل التمليس زمان لو سشورته مايخرب حتى لو في رطوبة
    .
    كل هذا معناته ان شعري صار ناااااشف من الجذور, فهل لو جربت حنا ام الياس او من اي تاجرة توثقون فيها هل منتجها ماراح يضر شعري؟
    انا ما انتقد التاجرات بالعكس اللي لاحظته ان الكل يشكر في معاملتهم بس اقصد يمكن التاجرة مايكون الها علم ان منتجها يناسب بعض انواع الشعر بس يمكن لو جربته لشعري مابيناسبه بسبب الاشيا اللي سويتها بشعري, او حتى لوماكنت عاملة تمليس من قبل يمكن مايناسب نوعية شعري اللي انولدت فيها
    .
    انا اسفة طولت عليكم بس عشان تعرفون طبيعة شعري وكيف ضريته بالتمليس وتتاكدون قبل ماتجاوبوني لو ماراح يضرني ويساقط شعري حنا فرد الشعر
    .
    مش مهم السعر حتى لو ببلاش لان مافي شي يعوض الشعر اللي راح..ومش مهم تقولولي نتيجته من اول يوم اللى 6 اشهر لقدام..لان شي طبيعي ان اكيد الشعر راح يسيح ويبين حلو وتفرحون فيه خلال اول كم شهر..بس الاثار السلبية بتبين من بعد 2 او3 او4 او6 اشهر (من بعد الاستخدام) على حسب نوعية شعر كل انسان, وانا لو اطمنت لمنتج معين اكيييد هالمرة بجرب على خصلة وحدة من الخلف. بس في شغلة مهمة, لاحظت اغلب التاجرات اللي يحطون صور قبل وبعد, مع احترامي للجميع بس هذا مش اثبات ان هذا مفعول المنتج اللي تبيعونه لان ممكن يكون متسشور او شعر وحدة اصلا ناعم. المفرووووض وعشان تزيلون اي شكوك تحطون صورة شعر (مبلول) قبل حنا الفرد وبعده. لو انا غلطانة حد يصححلي. سمحولي بس انا وايد شكاكة من اللي صار في شعري وانا اعترف انه غلطتي
    اخواتي اللي مدحوا حنا الفرد لام الياس ولاي تاجرة بالذات اللي كتبوا تجاربهم من اكثر من سنة وكمان اللي رجعو استخدموا نفس المنتج بعد ماكملوا اكثر من 6 اشهر, يرجى انكم تخبروني كيف وضع شعركم الحين وهل في اييييييي نوع من السلبيات؟ تساقط, تغير نوعية الشعر النابت الجديد, تكسر, خشونة...الخ
    مع ذكر اسم التاجرة وتاريخ تقريبي لاستخدامكم حنا الفرد
    .
    ياااااااارب مايطلع اي اثار ضارة لشعوركم وانا بصراحة ميالة اني اشتري من ام الياس وان شااااا الله تطلع هي اللي بتفيد مشكلتي ويا شعري


  2. #2


  3. #3

    افتراضي

    اختي انا ما انصخك فيها بالمره اول ماتحطينها بيصير شعرك واو روعه بعد اربع او خمس شهور راح شعرك يصيح اسمعي نصيحتي ولا تعانين اكثر من عانيتي لان ذا الشي حاصل لي
    ( يمنع وضع الصور النسائية بالتوقيع)


  4. #4

    افتراضي

    شكرا على الرد بس اختي ماخبرتيني من اي تاجرة اشتريتيه؟

    اقتباس المشاركة الأصلية كتبت بواسطة عاشقة سلطان مشاهدة المشاركة
    اختي انا ما انصخك فيها بالمره اول ماتحطينها بيصير شعرك واو روعه بعد اربع او خمس شهور راح شعرك يصيح اسمعي نصيحتي ولا تعانين اكثر من عانيتي لان ذا الشي حاصل لي


  5. #5

    افتراضي

    اببببببب

    بلييييييز بنات ردواااااا ساعدونا وفيدونا اللي جربت حنا فرد الشعر/مشاط ومر عليها فوق السنة وماضرها تخبرنا من اي تاجرة شرته

    ياريت تردون علينا خصووووووصا البنات اللي كتبوا تجربتهم اول ما استخدموا المنتج وشكروا فيه..بس الحين بعد ما مر عليهم فوق السنة هل بعدهم راضيين على صحة شعرهم ومستمرين على اعادة استخدامه كل مانبت شعر جديد؟؟؟؟

    افيدونا جزاكم الله خير


  6. #6

    افتراضي

    والله ماعندي فكره عن الحنه السودا بس سمعت كثير ان بعد ماتروح تعدم شعرك

    طيب اختي اي نوع كيراتين جربتي؟؟؟

    والتمليس هو اللي عدم شعرك الفرد العادي سيء ودمار للشعر


    بالنسبه لشعرك اذا تحسن خلاص لاتلعبين فيه حاولي تخلينه يرتاح لايروح تعبك عالفاضي
    مع الوقت راح يتحسن


    موفقه
    الحمدلله كثيرا


  7. #7

    افتراضي

    مرحبا اختي فراشة شفافة22

    ماعرف شو نوع الكيراتين بس انا ماستخدم الانواع الرخيصة سعره كم الف مب بالمئات..والصالون كان من الصالونات الراقية في ابوظبي اسمه فيزيومنز (جاك ديسانج سابقا)

    وفي صالونات راقية كثييييير وحتى صالونات عادية يعملون تمليس وكيراتين...ومافي اييييي واحد بلا ضرر...استغرب وين هيئة الرقابة عنهم...كيف مايمنعون هالمنتج...صلعونا ونتفوا شعورنا حسبي الله عليهم..كيف نجابل رياييلنا واللي ماعرست كيف باجر تجابل عريسها وشعرها مقطع ويفشل...لانقدر نطلع لاعزايم ولا اي مناسبة...والباروكة حلها مؤقت :"(

    وبعدين في اخصائية جلدية قالت مافي كيراتين كويس وكيراتين ضار..كللللللل الانواع ضارة...وااليوكو وكل انواع التمليس وحتى البرازيلي
    وحتى brazilian blow out اللي مكتوب ان ممثلات هوليوود الامريكيات استخدموه....كلللللله مضر مش بس للشعر, لكن حتى فروة الراس وجوة الراس :(
    حتى والعياذ بالله قفي علماء اكتشفو انه يسوي سرطان بالمخ وتورمات ومادري شو...الله يكفيني شره والله متندمه اني خبصت كيماويات بشعري

    بسسسسسسس عندي امل يمكن فعلا الخلطات اللي يسونها التاجرات تتطلع مفيدة...في تاجرات قالوا يستخدمون الحديدة بكميات بسيطة..والحديدة اصلا تضر الشعر’ فياريت حد خبير في العطارة او صيدلة يخبرنا اذا فعلا مافيها ضرر اضافة حديدة بكميات بسيطة.

    اقتباس المشاركة الأصلية كتبت بواسطة فراشه شفافه22 مشاهدة المشاركة
    والله ماعندي فكره عن الحنه السودا بس سمعت كثير ان بعد ماتروح تعدم شعرك

    طيب اختي اي نوع كيراتين جربتي؟؟؟

    والتمليس هو اللي عدم شعرك الفرد العادي سيء ودمار للشعر


    بالنسبه لشعرك اذا تحسن خلاص لاتلعبين فيه حاولي تخلينه يرتاح لايروح تعبك عالفاضي
    مع الوقت راح يتحسن


    موفقه


  8. #8

    افتراضي

    اكــــــــــــــــــــــــــــــــــــــــــــــــ ـــــــــــــــــيد لالالالالالالالالالالالالالالا طبعا انا مجنونه استعمل حنا الفرد
    في البداايه تفرحين فيه وبعد كم شهر والله انه يطيح طيحه بتبكين منه


  9. #9


  10. #10

    افتراضي

    اقتباس المشاركة الأصلية كتبت بواسطة astghfrallah مشاهدة المشاركة
    مرحبا اختي فراشة شفافة22

    ماعرف شو نوع الكيراتين بس انا ماستخدم الانواع الرخيصة سعره كم الف مب بالمئات..والصالون كان من الصالونات الراقية في ابوظبي اسمه فيزيومنز (جاك ديسانج سابقا)

    وفي صالونات راقية كثييييير وحتى صالونات عادية يعملون تمليس وكيراتين...ومافي اييييي واحد بلا ضرر...استغرب وين هيئة الرقابة عنهم...كيف مايمنعون هالمنتج...صلعونا ونتفوا شعورنا حسبي الله عليهم..كيف نجابل رياييلنا واللي ماعرست كيف باجر تجابل عريسها وشعرها مقطع ويفشل...لانقدر نطلع لاعزايم ولا اي مناسبة...والباروكة حلها مؤقت :"(

    وبعدين في اخصائية جلدية قالت مافي كيراتين كويس وكيراتين ضار..كللللللل الانواع ضارة...وااليوكو وكل انواع التمليس وحتى البرازيلي
    وحتى brazilian blow out اللي مكتوب ان ممثلات هوليوود الامريكيات استخدموه....كلللللله مضر مش بس للشعر, لكن حتى فروة الراس وجوة الراس :(
    حتى والعياذ بالله قفي علماء اكتشفو انه يسوي سرطان بالمخ وتورمات ومادري شو...الله يكفيني شره والله متندمه اني خبصت كيماويات بشعري

    بسسسسسسس عندي امل يمكن فعلا الخلطات اللي يسونها التاجرات تتطلع مفيدة...في تاجرات قالوا يستخدمون الحديدة بكميات بسيطة..والحديدة اصلا تضر الشعر’ فياريت حد خبير في العطارة او صيدلة يخبرنا اذا فعلا مافيها ضرر اضافة حديدة بكميات بسيطة.
    بالعكس ياقلبي مو كل صالون راقي شغلهم حلو وعندهم خبره
    انا اعرف ناس سووه في دبي وطلع مو حلو وباين انه فرد مو مبين طبيعي ويلمع

    اهم شي فالكيراتين لما تعلمك وش قاعده تحط بشعرك وش نوعه وش النسبه اللي فيه من الفورمالين لان فيه انواع خاليه منه لكن ماتفرد بس تعطي لمعه

    كل شي لازم فيه ضرر الحنه وهو طبيعي انا مايناسبني ويضر شعري
    الصبغات نستخدمها مع ان فيها ضرر شديد للشعر يعني لازم نضطر نستخدم الشي اللي فيه اكثر فائده واقل نسبه ضرر

    اهم شي النوعيه تكون جيده واصليه

    انا انصحك اذا شعرك حلو ومتحسن وتقدرين تسرحينه

    خليه مع الوقت بيتحسن

    اذا مررررره يفشل استخدمي المعالج من الكيراتين فقط مو الفرد

    والله يوفقك يارب
    الحمدلله كثيرا


الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك