موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 38
Like Tree0الاعجابات

الموضوع: حكايتي الاولى مع اخت زوجي ولكم الرأي ...!!

  1. #1

    الصورة الرمزية Carmel
    تاريخ التسجيل
    Apr 2008
    المشاركات
    3,104




    افتراضي حكايتي الاولى مع اخت زوجي ولكم الرأي ...!!

    بعد التحيهـ والســـــــــــلامـ

    حكايتي بسيطهـ جـــدا
    ولكنها الاولى في حياتي الزوجيه
    وحابهـ اشوف رأيكمـ فيها


    بالبداية انا مغتربه لظرف عمل زوجي وهذا بعد زواجي بأسبوعين سافرنا وبالعربي اول سنة زواج قابلت وزرت اهل زوجي مرتين لأني مسافرهـ وهذا طبيعي
    اهل زوجي ناس جدا هادئيين واخوات زوجي غير متزوجات وبرضوا في حالهم واصغر مني بالسن
    وانا من قبيلة مختلفة عن قبيلة زوجي يعني اكيــد هناك فرق في العادات العائليه ولكنها لم تؤثر علي لأن اهله مايتدخلوا في حياتي بأي شكــــــــل

    حكايتي بدأت هالسنة يعني السنة الثانيه من الزواج
    كانت هناك اجازة ورجعنا للسعوديه جلسنا مايقارب ثلاثة اشهـــر وهنا اغلب وقتي وايامي عند اهلي وهذا طبيعي جـــدا وجلست عند اهل زوجي مايقارب ثلاثة اسابيع فقط والباقي زيارات يعني تواصلي معهم اكثر
    والحمدلله توضح لي انهم اكثر من كلمة طيبيين معي ويعاملونني باحترام فائق

    البداية::::
    في يوم برمضان تفاجأت بأخت زوجي عندما جتني بالجناح تبعي ووقتها زوجي لم يكن موجود كان عنده ضيف وجالس معه بالمجلس المهم قالت فاضية ابي اتكلم معك
    قلت ماعندك مشكلة تكلمي
    (هذه الاخت الثانية يعني في اكبر منها واصغر منها )
    قالت لا مااقدر بروح غرفتي واتصل عليك جوال واكلمك قلت ليش اجلسي وتكلمي قالت اخاف اخوي يشوفني وتقصد زوجي ( هنا اثارت فضولي وليش خايفة الاخت ..؟!!)
    المهمـ راحت غرفتها وكلمتني جوال
    جلست تفضفض لي بأشيــــاء عائلية وعلاقتها باخوانها كلهم وانهم شديدين على البنات وعندهم التعامل الشديد مع الاخت ويعني الذكر هو المفضل والاقوى ( طبعا هذا كله ماكنت اعرفه ولا احس فيه لأن زوجي معي جدا عادي وماعمره عاملني بدنويه او قلل من احترامي لكن مع اخواته فأنا لم اسأله يوما عن علاقتهم ولا احب اتدخل بمشاكلهم ) المهم تفاجأت انه بنفس اليوم اللي كانت تفضفض لي اخت زوجي كان زوجي بالصباح عند اخواته تهزيئ وخصام لأنهم برأيه بنات ولازم مراقبتهم والشدة عليهم حتى يتزوجوا وطبعا كل اخوانه بنفس رأيه ووالدتهم تقف مع البنات والاب يرضي هذا وهذا
    الغريب ان اخت زوجي ذكرت لي اشياء كثيرة لكن حكاية زوجة اخوها الكبير اثارني تقول في كلامها انها اتصلت على زوجة اخيها (تصير بنت عمها يعني من عائلتهم ) وقالت لها اي مانقدر نجيكم برمضان واخوك هذا (تقصد زوجي ) موجود حتى لا يجتمعو الاثنان عليكم ( انا انقهرت من هالكلام ةوسكت لأن هالاسلوب اسلوب تفرق مو تجمع الاخوة ) وقالت لي كلام مرا كبير عن اخوانها وطلبت مني لا اخبر اخوها ولكن حبت تفضفض لي قلت طيب ....
    طبعا زوجي واخوه هذا عاملين مشروع وشهريا زوجي يحول مبلغ من المال لأخوه لبناء هالمشروع وطبعا علاقتهم الاخوية قوية ومابينهم الا الثقة يعني لا ورقة ولا شيء يثبت ان زوجي شريك بالمشروع غير الثقة فقط ..!
    انــا لما عرفت اسلوب زوجة اخوي زوجي الكبير قلت شكلها مالها اماااان عشان كذا اليوم اللي بعده فاتحت زوجي بحكاية يكون بينه وبين اخوه شيء يثبت شراكته بالمشروع وقلت هذا مايزعل وموجود بالاســـلام وذكر بالقرآن لكن رفض بحجة الثقة قلت معك حق اخوك محل ثقة لكن زوجته ..!
    قال وش فيها قلت سمعت انها بتقول ماتبي تجي هنا عشان لا تجتمع انت وزوجها صراحه ضحك قال مين قال لك اخواتي ولا امي .. قلت مو مهم المهم وحده تقول كذا مالها امان والواحد مايضمن عمره ومافيها شيء لو اخذت اثبات قال لا تصدقين كل ماينقال
    اكيد اللي نقل لكي الكلام نقله غلط او زود عليه قلت وش مصلحة اخواتك يكذبوا طبعاااااااا هنا ضحك بأعلى صوته قال اجل اخواتي قالو لك >>> يعني كأنه استدرجني بالكلام هع
    قلت اوعدني ماتسأل اخواتك ماابي بينكم اي مشاكل لكن موضوع المشروع فكر فيه طبعا قال والله مااكلمهم واعتبر نفسي ماسمعت >>> انا خفت يروح يهاوشهم على الكلام
    اللي صاااار اني لما رجعت عند اهلي زوجي راح حكى لأبوهـ وعمي زعل على بناته كيف يتكلموا على بنت عمهم وانا زعلت على زوجي قلت ليش تتكلم قال كان في نقاش بيني وبين ابوي وزلة لساني وقلته !!!
    واكيـــــــــــــد عمي خاصم بناته ... فكرت اكلم اخت زوجي واحلف لها ماقلت لزوجي اي شيء قالته لي وهذا الكلام طلع مني عشان المشروع اللي بينه وبين اخوه ولو نيتي اتكلم كااان قلت كل شيء قالته وكان حددت الاسم بعد...!
    بس هالكلام كان بالايام الاخيرة من رمضان وتعرفون الزحمة والانشغال قلت فرصة اشوفها بالعيد واكلمها وجها لوجه
    رحت العيد عندهم تخيلوا تسلم هالاخت بدون نفس علي ..!
    وتجلس مع زوجة اخوها الكبير وطنااااش لوجودي اما اخواتها الباقيات تعاملهم معي ماتغير ....
    ماصار لي فرصة اكلمها طول ماهي جالسة مع بنت عمها وتجاهلت وجودي ..!
    رجعت بيت اهلي عصبت على زوجي قلت هذا نتيجة حركتك تروح تتكلم عند عمي وهيا تزعل وانا نيتي مو الفتنة ليش اكون بهالموقف ..؟ قال طنشيها واللي يغلط وينقل كلام يستاهل ..!
    قلت اكلمها يوم رجعتنا للغربة بنروح نودع اهل زوجي تخيلوااا ماكااانت موجودهـ
    راحت تزور صحبتها ...!!
    بالله حركتها مو تقهر حتى اخوها ماودعته ...! وعمتي تبرر لها كالعادهـ ...
    انا سكت لكن بقيت بخاطري .............!!!


    انـــتو شو رأيكم كيف اتصرف معها ..؟
    لازم اكلمها او اطنش مثل ماطنشت ..؟
    وش اسوي خااااصة مااحب اكون في موقف الفتانه والشريرة وانا مو كذا ..؟
    واللي قهرني زيادة يابنات ان زوجي يقول اخوه سأل زوجته وانكرت الكلام اللي قالته اخت زوجي لـي وطبعا اتوقع اخت زوجي ماتدري ان بنت عمها انكرت وطلعتها كذابة ...!!
    يعني طلعو اختهم كذابه وقاطعوها ..!!!!

    اعتذر للأطااااله بس حتى توضح القصة ...؟





  2. #2

    افتراضي

    الله يسامحك غلطتي غلطة كبيرة وبصراحة زوجك ماله ثقة مع الاحترام وانا لو مكانها والله بندم اني علمتك لازم تصارحينها والمفروض تحثينه يكتب على اخوه من غير ماتقولين مرة اخوك ومرة اخوك لأنك اغتبتيها ومااستفدتي شئ بعدين ليه ماحملتي كلام سلفتك على المحمل الحسن يمكن خايفة فعلا على اخوات زوجها وهي ادرى لأنها اقدم منك رااااضيها وبرري لها موقفك ولاتزعلين من كلامي وتقبلي مروري.


  3. #3

    افتراضي

    يا اختي الله يهديكم كلكم ويصلح حالكم ويسخرر هالاخوان ل اخواتهم

    والله الدنييااا ماتسوى

    بس احيانا الاخوان يسوون حركات تخلي البنت تكرهههم

    الله يصفي القلوب

    ويرجعكم زي اوول

    وترا هذي الحمولات قالت وقلت واحسن شي بالحياه اني انطم واسكت وبس
    ~


  4. #4

    افتراضي

    بصراحه انا اشوف انك ماتتطنشيها لانو معاها حق تاخذ ع خاطرها فالاحسن كليمها وفهميها اللي صار ...


  5. #5

    افتراضي

    السلام عليكم حبيبتى لاتتضايقى كلنا السنوات الاولى من الزواج نغلط والحياة تجارب ونصيحتى اذا البنت عاقله وغير متسرعه لازم تكلمينها وتبررين موقفك حرام تلاقينهاشايله عليك وضانه انك فتنتى عليها اذاتحبك سامحتك واذاماسمحتك طنشى وسعى صدرك


  6. #6


  7. #7

    افتراضي

    وضحي لها موقفك بمسج على جوالها




    عندي 3 فساتين و 2 جلابية فخمات جدا للبيع لبنات الرياض بسعر مناسب جدا " للتواصل على الخاص "


  8. #8


  9. #9

    افتراضي

    اختي تبين الصدق من حقها تزعل لانها حلفتك ما تعلمين عن اللي بتقوله لك وانتي خنتي الثقه و دورتي مصلحه نفسك و زوجك على حساب امان البنت و فضحتيها ,,,

    و ممكن بنت عمهم صادقه ما تبي الاخوان يهاوشو خواتهم ,, اتوقع انها اكثر خبره منك لانها منهم و فيهم و عارفه اطباعهم



    لا تزعلي من كلامي


  10. #10

    افتراضي

    حاولي تدقين عليها كم مره واذا ماردت ارسلي لها مسج
    لو انا مكانها بتحز بخاطري انا كلمتك ووثقت فيكي وانتي رحتي تكلمتي



    الغلط منك لما قلتي ان اخته قالتلك
    وهو غلط كمان لما راح قال لابوه وسأل اخوه كمان يعني مايكفي قال لابوه يروح يكملها عند اخوه!!!!!

    اللهم إني استودعتك جنيني أمانة فاحفظه لي من أعين الإنس وأنفس الجن اللهم إرزقه الصحة والعافية واجعله كامل الخلقة والخلق


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك