موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 37
Like Tree0الاعجابات

الموضوع: سلفتي اللي ماهي محترمه تعالو شوفوا وش تسوي

  1. #1

    الصورة الرمزية رنيم الامل
    تاريخ التسجيل
    Mar 2008
    المشاركات
    2,290




    Angry سلفتي اللي ماهي محترمه تعالو شوفوا وش تسوي

    يابنات انا بقول لكم مشكلتي بأختصار
    اخو زوجي الله منعم عليه وراتبه حدود ال17 ماشاء الله وعنده سياره جديده ومبسوط
    والحين شرا ارض عندنا ف بيشه
    بتقولون ليش اقول كذا عنه اصبروا للأخير
    زوجي طول الله اعماركم قد تسلف منه حدود ال50 الف واول سنوات زواجنا رفض يعطيه اقساط يحسب بينزل علينا من السماء كنز ونعطيه مره وحده
    زعلت عليه ورحت عند اهلي وكلمت امي فاأقنعته باسلوب حلو انه لازم يعطيه
    كان عندنا هذال الوقت 12 الف فعطاه بس ما التزم الابعد سنه بدفع اقساط من الراتب له شهريا
    طبعا اقتنع بكلامي وصار يعطيه 500 ووالله احيانا مايبقى لناشي بس افتك
    كانت زوجته دايم تلمح وتقول كلمتها المأثوره ماديتنا مررررررررررررره زفت فهمت كلامها ومشيته
    اولادها قليلين ادب ويفتشون في اغراضي وماتمنعهم
    لما اقول كلمه تجي بنتها الصغيره عمرها 8 وتعلق ع الكلمه تضحك وتعلمني وكمان تقول نفس الكلام لسلفاتي الثانيات في تجمعاتنا
    تخيلوا في الصيفيه قاعدين نسولف ع السفره عن ازواجنا فنطت بينا فقلت لها وانا امزح ابوك مو حلو
    تخيلوا اش ردت
    قالت ليش موحلو وهوه يعطيكم كل شي
    قصدها هوه اللي اعطاكم فلوس عشان تعيشون الام تورطت وصاحت فيها وقالت خلاص عيب خافت تفك المسبحه
    برأيكم من وين بتسمع هالكلام من الشارع ولا منهم
    قلت لزوجي وانا احذره يدخل علينا ريال من طرف اخوه قال اصلا العيب مو فيه اكيد في السوسه زوجته
    بالله لو مو معطيها الضوء الاخضر كان تجرأت
    مع انه اعترف لي ان اخوه يبدي مصلحته ع اي شي
    اولادها يضربون بناتي وينرفزونهم لين يبكون
    طبعا الولد الكبير كبر وصار يسمع كلامي ويحبني
    بس هالسوسه مره قاهرتني قليله ادب بمعنى الكلمه
    لما تجي وانا اسوي الغداء تصيح تقول متى يخلص الغداء انا جوعانه
    لما احضر تتريق وتقول اش هذا ليش لونه كذا وليش كثرتي للرجال وقللتي لنا
    واخر مره تضرب بناتي وانا ساكته احتراما لنفسي اولا
    طبعا زوجها يكرهني وانا مدري ليش مع ان لولايه ماكان سكن في البيت اللي سكن فيه في ديرتنا
    وسالفته طويله بس المختصر ان من تدبيري امنت له ولعيلته سكن بلاش الدور الارضي من بيت ابوه مع ان كان راح يستأجره من زوجه ابوه
    وللأسف زوجي متناسي جميلي في الشي اللي كان مستحيل وقدمته ع طبق من ذهب
    ووالله اني شلت امه وخدمتها اكثر منه ومن زوجته وهو اساسا من تزوجت اخوه وهو راميها علينا في كل شي
    لدرجه بس نحرك السياره نبغى نروح نتمشى في الصيفيه تدق وينكم
    وحضرته يودي زوجته لبيت اهلها من الظهر ماياخذها الافالليل عشان يمشيها ويعشيها برا وطول الوقت فالبيت جالس ولما تطلب امه شي يدق ع زوجي
    مع ان بيت اهل زوجته بجنب بيت امه بس يجي من باب ثاني عشان ماتشوف السياره
    جونا في شهر مرتين يدورون ارض
    سمو بدني خربوا بيتي فتشوا اغراضي بعلمي وبدون علمي اخذوا العاب بناتي قلبوا ثلاجتي ماراحوا الا هي صفر
    طبعا لما جوا قالت عشان تقهرني الله يعين بنجي هنا كل اسبوع
    تخيلوا الارض شراها له صاحب المكتب امس وكان ناوي يجي اليوم عشان يكتبها بأسمه
    طبعا بدون كلام راح يجون الاسبوع الجاي عشان يبدون في مشروعهم
    انا بصراحه عصبت وبكيت ودعيت عليهم مومكفي ان امه لازقه فيني كمان راح يجي كل اسبوع بأهله اللي مايستحون ولا راح يحرمني من زوجي طول الاسبوع عند العمال
    بالله عليكم
    لما يجلس زوجي يشرف ع البناء طول الاسبوع
    ويجي اخر الاسبوع بأهله
    وامه ماراح تروح لانها مبسوطه عندي
    متى يمديني اتنفس
    علما انه كل اجازه لأولاده يتعذر بالاستلامات وامه تصدق وهوه يسافر يتمشى وزوجي تحسب له اليوم عشان انه مدرس
    وكمان احيانا تجي تتبجح قدام امه انا سافرنا وتمشينا وتقضينا
    وانا والله اني اخاف اروح المستشفى حفاظا ع مشاعرها لانها شكاكه ومستحيل تخلي زوجي يطلعني لحالي
    فمعناه راحت عليه اجازه الربيع ومنتصف الفصل
    تخيلوا أمه ماهي راضيه انا نروح لأهلي في الديره في الاجازه وقاعده تقول لبناتي
    يتروحون عند جده في الحر لما تصيرون كبار
    بتقولون ماتتحكم فيكم اقول لكم اولادها يراعون شعورها ويزعلون من زعلها (اتكلم عن زوجي) وبيقلب العطله نكد وانتي اللي جبتينا واني اللي سويتي فينا
    يابنات مليت لما تخلص الصيفيه يروح ولدها الكبير وماعاد تشوفه واحنا نروح لها كل اسبوع لين تقرر هي وزوجه ابوها ان كل وحده تروح عند ولدها
    طبعا ولدها مستلم دايم ع حسب ضنها فيما ان زوجته تجي تقهرني وتقول رحنا جده اسبوعين
    طبعا مجرد امه ماتجي عندنا يجون ع راسي يحوسون 3 ايام لين اكره نفسي
    انا حلفت لزوجي اني راح اندمهم ع هالقرار وراح اخلي زوجته تحسب الف حساب لي وما اخليها تاخذ راحتها في بيتي
    للمعلوميه انا لما اروح بيتها تستقبلني استقبال بايخ ويعشونا فول وتميس واليوم الثاني نفطر الساعه2 ويودونا مكان كريه ومو حلو عشان مانجيهم واجلس في مكاني لين تناديني وما المس ثلاجتها ابد حتى لو جاعو بناتي ولما يخربون بناتي اخاصمهم ويمكن اضربهم ومااخليهم يتعدون ع اغراضهم
    وراح اقول لكم موقف يوجعني في قلبي مع اني طولت وانا اتكلم بس من قهري
    رحنا مره الطايف سوا عشان نحضر زواج حمايه الرجال اتفهوا بينهم انا نستأجر سوا
    وبما ان زوجها ماخلا مكان لين ودى حرمه المصون فكان اول من لقي شقه
    طبعا نادونا ونزلنا لما دخلت انبهرت من الشقه لاني بصراحه ماقد دخلت زيها بسبب ماديات زوجي بس لقيتها منسدحه ع السرير وهي تنافخ وزعلانه وتقول طفشني وبعدين يجيبني هنا
    راح اخليه يغير الشقه ماهي حلوه زباله
    انا سكت تدرون ليش
    ماقدرت اقول حلوه تقول هذي مسكينه وشكلها ماشافت خير
    وماقلت شينه وجاريتها لانها فعلا عاجبتني وماني قادره اكذب نفسي
    طبعا الاخت راقت بعد كم من ساعه وقالت له في الجوال بالحرف الواحد ترا الشقه حلوه وماعاد بنغيرها
    بعد مارجعنا قال لي زوجي في الطريق وش رايك في الشقه قلت حلوه خلنا كل ماجينا الطايف نستأجرها
    قال لي غريبه ليش يقول اخويه انك تقولين ان الشقه ماهي حلوه تراه زعل
    قلت مين قال
    قال يقول ان زوجته تقول زوجه اخوك تقول الشقه ماهي حلوه وهوه يقول ليش زوجتك تقول كذا
    والله يابنات مقهوره الى الحين وفي قلبي زي النار من هالكلام الله لايوفقها
    عالعموم هيه تدخل الفراشه يمكن تقرا كلامي اقول لها والله راح تندمون انكم بتجون عندنا
    خلاص م اليوم ورايح كل واحد يلزم حدوده واذا ماراح يعجبكم اسلوبي سكروا بابكم ولا اشوفكم
    وش رايكم يابنات فيها انا حتى لو قلتو مايستاهل كل هذا اقول خلاص طابت النفس


  2. #2

    افتراضي

    يابنت الحلال 000لا تنقهرين ولا شي 00اغلبيه اللي يسون الحركات هذي يكونون مقهورين
    علشان كذا يسون اكشن انهم بنات عز من يوم ولدوا 000كبري المخده وريحي بالك







    ارسل رقم 1 ل 5090 لتتبرع شهريا ب 12 ريال لجمعيه تحفيظ القران
    *ارسل رقم 1 ل 5060 لتتبرع شهريا ب 12 ريال لجمعيه كلانا للفشل الكلوي
    *ارسل رقم 1 ل 5070 لتتبرع شهريا ب 12 ريال لجمعيه مكافحه السرطان
    *ارسل رقم 1 ل 5055 لتتبرع شهريا ب 12 ريال لجمعيه انسان للايتام
    انشروها الدال على الخير كفاعله


  3. #3

    افتراضي

    اعوذ بالله من قله الادب انشاء الله انها تدخل تقرا الله يهديها ويعقلها بس ياليت ماتنسى ان الدنيا دواره وممكن الله يخليه في اسوء الاوضاع والله نفسي اهزء بس اخاف يطردني المنتدى


  4. #4


  5. #5

    افتراضي

    شكلهامقهووره منك اوغايره....كثيرين سلفات كذا وسعي صدرك
    بس من جد لازم تحطين حد للمهزله هاذي!!!


    ريحة نظاقة وانتعاش .. وفوق هذا يابلاش

    https://alfrasha.maktoob.com/alfrasha.../#post42041992


  6. #6

    افتراضي

    حبيبتي هالاشكال كثيره
    الله المستعاان

    الله يصبرك اكييييد ودك تتفسحي بااي عطله مع زوجك وعيالك لوحدكم
    المفروض هي تااخذ امه فتره عشان انتووا تتفسححوا شوي مو لانها ثقيله لا والله
    انهم بركه البيت
    بس كذاا تغيير

    والله يعيينك عطله الاسبووع بتنسيهاا
    شوفي ياحبيبتي اذا جاتك خذي عياالك واطلعي تمشي
    وخليها تجلس مع ام زووجك الله لايهينها
    مافيها شي
    قولي البيت بيتكم وشيلي شنطتك وعيااالك

    وثاني شي التعدي على خصووصيااتك عيييييييب عيييييب
    هذي ماتعرف تربي عيالهاا

    ثالثا ياحبيبتي طلبتك طلبه انك اذا خلصتي شغلك في المطبخ وبعد الووجبه تقفلين مطبخك
    واللي يصير يصير مو هم شبعاانين
    ويااليت يعبووون الثلاجه بما انهم جالسين عندك

    والبنت الملسووونه هذي الغير متربيه اللي حتى ماتحمد نعمه ربي ربيها اذا امها ماربتها
    اذا قالت وععع
    قولي لها احمدي النعمه واذا مو عاجبك قوووومي لاتاكلين
    نسيتي تلوونين لها فوشي واصفر
    ياربي اطفال اخر زمن

    الله يصبرك ياحبيبتي ويفتح عليكم رزق من حيث لاتعلموووون


  7. #7

    افتراضي

    شوفي يالغلا حد الضيف 3 ايام ,,اكريميهم باللي تقدري والله يخلي المفاتيح قفلي غرفتك وحمامك الخاص الله يكرمك ولمي اغراض بناتك المهمه وحطيها بغرفتك ,,وفضي غرفه للحريم ينامو فيها مع عيالهم وغرفه للرجال ينامو فيها وانتي وزوجك في غرفتك مرتاحه اصلن هي اللي مابترتاح انتي في بيتك وعلى سريرك نامي واصحي وقت ماتبغي غرفتك مقفله حمامك الخاص <وانتي بكرامه >مقفل عايشه بنظافه وهي اولادها بيسخون على راسها وهي اللي بتنام فيه وبكيفها ,,وثلاجتك سوي لها قفل وقفليها مو من الكبار من الصغار واحشريهم في غرفه وخاصمي عادي اذا جاتك الام بارده وماعندها ذوق عادي انتي خاصمي مو دليل كرهك لهم بالعكس دليل انه امهم تكرهم لانه لو تحبهم تادبهم وتعلمهم الادب عشان محد يتكلم عليهم ,,,,,,,,,
    يمكن هي من النوع اللي اذا سو خير لاحد يمنوو عليه سواء بالكلام او بالحركات ,,يعني تجي بيتك وحال لسانها يقول بفلوس زوجي ,,,, الله يهدي النفوس واذا على امه انتي سوي اللي عليك طلعيها ومشيها ورجعيها البيت نزليها وبعدين اطلعي انتي وزوجك عادي بكذا ارضيتي زوجك وامه وارضيتي نفسك ,, وخصصي يوم في الاسبوع لاولادك لاااازم تطلعيهم تمشيهم وقولي هذا يوم الاولاد ياعمتي <ام زوجك ,,,عشان ماتنزعجي منهم احنا بنلعبهم ,,
    وبعدين اذا على الماده ترا والله العظيم الزمن دواااااار ربك قادر يمكن يريد ربك ان يبدل حالكم وياتيكم رزق لايعد ويذهب عنهم ربي ذلك ,,انا ما اتمنى لهم بالعكس ربي يزيدهم ويعطيك اكثري الاستغفار ولازميه,, ,,بس قولي لها باسلوب طيب قولي ترا الزمن دوار يمكن انا احتجتك اليوم بكره انتي تحتاجيني ,,,ومصيرها تفوق من غفلتها وهالدنيا محد ماخذ منها شي ,,,,,,,,,,,,,,

    انا كتبت ردي على حسب كلامك ,, ولم نسمع الطرف الاخر ,,,,اتمنى اكون افدتك ,,
    دعواتك لي بالذريه الصالحه عاجلا غير اجل ,,,,,


    بدأت حملتنا
    مدرعمه&غلاها


  8. #8

    افتراضي

    نصيـــــــــــــــــــــحه لـــــــــــــــوجه اللــــــــــــــــــــــه
    أم زوجك احترميها وقدريها ولاتضايقي منها لأنها قد أمك وأم زوجك وعندك أولاد وبكره بتمري بنفس الموقف
    أما بالنسبه لزوجك أكسبيه وأرضيه وحلوها بينكم بالود
    أما الباقي وأولهم سلفتك قومي من ناحيتها مثل ماأمرك الله كالسلام ورد السلام وبعض الأمور الواجبه
    فقط من غير مبالغه لاتقاطعي أحد لكن كوني حكيمه في تصرفاتك رزينه واثقه من نفسك لاتتكلمي عن
    حياتك وبيتك وخصوصياتكم أمامها أو غيرها تجنبيها بالمعقول لاتبيني انك حاقده عليه بالعكس
    دائما عوديها اذا سألتك ردي قد السؤال فقط ولاتفتحي المجال لموضوع آخر مايهمك
    أهم شي الثقه في النفس ولاحطي حد لتصرفات الجميع أولهم الأطفال شدي عليهم من غير ضرب
    لكن أم زوجك خليها فوق رآسك أنتي وزوجك وربي بيبارك لكم وفي أولادكم وزوجك لاتدخليه في مشاكلها
    هيه وأولادها...تقبــــــــــــــــــلي مروري


  9. #9


  10. #10


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك