موقع و منتدى الفراشة النسائي

يعد هذا الموقع أكبر منتدى نسائي للمرأة العربية وأحد مواقع !Yahoo مكتوب. انضمي الآن وشاركينا تجاربك وخبرتك و تمتعي بالتعرف على صديقات جدد.



+ الرد على الموضوع
صفحة 1 من 4 1 2 3 4 الأخيرةالأخيرة
النتائج 1 إلى 10 من 36
Like Tree0الاعجابات

الموضوع: قصة زواجي المهببه كامله

  1. #1


    تاريخ التسجيل
    Jan 2009
    المشاركات
    96




    افتراضي قصة زواجي المهببه كامله

    مساء الخير يالفراشات اسفه تكفن سامحوني والله اني ماحب طريقة تجزائة المواضيع ابد وكنت اتضايق منها وسبحان الله سويتها من غير قصد--- ولازم اقول السبب البارح فعلا تعبت لاني كنت جالسه اتصفح اكثر من ساعتين وكتبت شوي منها وقلت ارتاح شوي واعشي عيالي وارجع اكملها بس للاسف يوم رجعت اكملها وشغلت الجهاز عيا القوقل يطلع وهو اصلا بزفت يطلع هاليومين يوم شفت مافيه فايده رحت نمت -- ياليت تعذرني -- والحين اقولها كامله وسامحني اذا صار فيها اخطاء او مافهمتن علي ------ وانتن خواتي تدمحن الزله ------------------------------ اول شي اوضح النسب ابوي له زوجتين وامي الاولى ولها ولدين وبعدهم انا 0 زين -- زوجة ابوي لها اخوان وخوات0 زين حده من خواتها كبيره لها عيال وزوج اختها هاذي يصير خال امي اخو جدتي -- ان شاء الله وضح لكم ---------- ------------------------------------- الحين ابدا القصه -------------ابوي له مزرعه بقريه بعيده عن المدينه الي ساكنين فيها واذاجت العطله ياخذنا يمها وانا ذاك الوقت عمري 16 سنه يعني صغيره بزر = المهم بذيك العطله كان فيه زواج ولد اخت زوجة ابوي الي ذكرت سابقا بياخذ بنت خاله -- وزجة ابوي ماقتنعت تروح معنا لم المزرعه لان عندها هالزواج وتخبرون الي عنده زواج -بس ابوي ظغط عليها واخذها وهو شديد مايسمع كلام احد - والعطله تعرفون شهرين يوم راح منها شهروقرب الزواج الي ذكرت = ويوم من الايام وزوجة ابوي تجهز لزواج واجي عندها و اقول لها يحضك تبين تروحين تغيرين جو وتستانسين -قالت اذا ودك تروحين معاي ياله وانا يوم اقولها لاني طفشانه- حرالجو ومافيه مكيافات ولا تلفون بس على المكائن والبيت الي حنا فيه صغير مره بس غرفتين وصاله مطبخ وحوش كبير وتعرفون بيوت المزارع === المهم بعد كلامي هذا لزوجة ابوي باسبوع== جانا زوج اخت زوجة ابوي ومعه ولده الي بيتزوج لا لقوا ابوي بس سلم على امي لانه كما قلت خالها تغدوا وراحم ==== وعلى فكره انا معرفهم ابد ولاعمري شفتهم امي وجدتي هن الي يعرفنهم -------- وبعده باربع ايام جاء مره ثانيه ومعه زوجتة وانا يغافلين لكم الله جيت وسلمت وهي بس قاعده تطالعني وطلعت وقعدت العب مع خواتي كما قلت صغيره\\ المهم بعد مارحوا امي وجهها الوان واشكال وتهاوشني وتقول بسك لعب امشي انثبري لاتلعبين مره ثانيه وانا مدري وش السالفه = المهم واجي يم زوجة ابوي واقولها متي بتروحين لم الزواج وتغير وجهها ولا ردت علي -- شفتوا البراءئه ماعرف شي ويوم جيت امي قالت لي بالحرف الواحد ابوك بزوجك وخنقتها العبره 0لان كما قلت ابوي شديد لاعطا الكلمه مستحيل ياخذ راي احد وامي وعلي وعليها مابيدها حيله بس قاعه تبكي == تحسبوني سالت منهو المعرس لا == وقالت لي ترى العرس بعد اسبوعين وصراحه انصدمت مره ولا دري وين الله حاطني امور الزواج ماعندي عنها خلفيه ابد لاعندي خوات اكبر مني ولاحد يعلمني وامي الله يعافيها تستحي مره ولا علمتني بشي ابد -وجلسنا يمكن خمس ايام وجاء خال امي ومعه المهر والذهب ونزلهن وراح وامي الله يهديها ماعلمتني منهو المعرس بس ادري اني ابتزوج والرجال مادري منهو والله اني صادقه وبعده بيوم راحت امي واخوي لم مدينتنا وجهزوني وقعدوا يمكن اربع ايام -- عاد انا تعالوا شوفوا نفسيتي زفت الزفت لا ام ولا احد يخفف علي [[/ ولا تجي وحده وتقول امك وش فيها ماهي مهتمه لاوالله امي متقطع قلبها علي بس ابوي ظاغط عليها وياويلها لو تقول شي وخصوصا اني صغيره ] وجت امي وخالتي وعمتي جن معها وهن ساكنات بنفس المدينه الي حنا فيها والحين بقي على العرس اربع ايام ومتخيلون وشلون حالتي بوسط الناس البيت صغير وعيا ابوي نرجع لم مدينتنا ونسوي العرس هناك قال ابيه هنا وبعده بيومين جت عمة ابوي وعماتي كلهن وبدوا الناس يجون ومدري وش معجلهم وانا والله لاتغبيت ولا شي اصلا مافيه مكان اتغبى فيه كلهاغرفتين 0 ويوم جاء قبل العرس بيوم قاعده اشيل ايديني بالحلاوه وتجي زوجة ابوي ومعصبه ومدري وش فيها وتقولي ياله منهي الي ياحضها انا والا انتي الحين انتي الي تبين تروحين ونا الي ابقعد == وهذاهو جالك كله ويبي يصير زوجك قلت منهو 0 قالت ولد اختي قلت اجل ماهو بياخذ بنت اخوك== وقامت وراحت وتجي امي وعاد انا يطلع لي لسان واسالها واقول يمه الي بيتزوجني منهو قالت ولد خالي قلت اجل ماتقولون انه بتزوج بنت خاله وامي تعلمني السالفه كلها قالت تشوفين زوجة ابوك زعلانه علشان اهلها تهاوشوا و تفركش الزواج وخالي تحداهم ان يزوج ولده خلال اسبوعين ولاهم هامينه وصار الي صار== وابوي عاد مايقول لا== الحين مراسم الزواج والله لو تشوفوني اني نكته بس منزويه بغرفه وكل منهب ودب يشوفني الين العصر وفرشوا الحوش وحطوا عقود الامبات القديمه الصفر اذا تعرفونها اجوا اهله ويوم جاء المغرب استحميت ولبست فستاني وكويت شعري وقمت الطخ المكياج ماعرفله بس ربي لطف وصار زين وكم وحده من الحضرات تجي وتقول يوه هذي العروسه احسبها بزر وعاد يوم جاء وقت الدخله قمت ارتجف معاد رجولي تشيلني والله احسب قلبي يطيح من الخوف وكنت مادري وش لون شكله دب نحيف طويل اسود ابيض ودخل ابوي ودخله وطلع ابوي ويوم شفته الحمدلله ارتحت صاروسيم مره وطويل ونحيف وهداني ويعده قال يالله مشينا وهو يتورط فيني كمت اصيح وطلع ونادى امي وقالها البنت تصيح وجت امي وحاولت فيني اروح لافيه فايده وقعدت تصيح وانا اصيح وقالها خلاص بكره انتم جيبوها كسرنا خاطره وراح ومن بكره ودوني والحمدلله مشت حياتتنا احسن حياه والحين عيالنا كبرنا ودايم يقولولنا الناس عيالكم كانهم اخوانكم والحين عمري 29 وهو 36


  2. #2

    افتراضي

    لووووول هذا اسرع زواج في العالم ..يلله اهم شي السعاده


  3. #3


  4. #4

    افتراضي

    والله اقرأ وفيني الصيحة اتخيل نفسي انا المعرسه في هالموقف بس يالله اهم شي السعادة


  5. #5


  6. #6

    افتراضي

    الحمد لله ان الله وفقك واعطاكى على قد نيتك البريئه
    ومبروك ياعروسه ههه والله اهم شئ السعاده مو مشكله الفستان والمكياج وقصر الافراح كثير من الى سوها ماستمرة حياتهم سنه ..
    عجبتنى قصتك ...


  7. #7

    افتراضي

    زواجك مره بسيط وموقفك محرج للغايه بس اهم شئ السعاده الله يدومها عليكم


  8. #8

    افتراضي

    اقتباس المشاركة الأصلية كتبت بواسطة أم لاناm مشاهدة المشاركة
    زواجك مره بسيط وموقفك محرج للغايه بس اهم شئ السعاده الله يدومها عليكم
    الله يجزاك خير وشكرا على مرورك


  9. #9

    افتراضي

    اقتباس المشاركة الأصلية كتبت بواسطة ضحكةعجوز مشاهدة المشاركة
    والله اقرأ وفيني الصيحة اتخيل نفسي انا المعرسه في هالموقف بس يالله اهم شي السعادة
    بسم الله عليك من الصيحه ان شاء الله ماتجربين الي جربت


  10. #10

    افتراضي

    اقتباس المشاركة الأصلية كتبت بواسطة <الحياه مبدأ> مشاهدة المشاركة
    لووووول هذا اسرع زواج في العالم ..يلله اهم شي السعاده
    هههههه صادقه شكل زواجي حطم الرقم القياسي بسرعته على العموم شكرا لمرورك


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك